Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË– Presidenti Ilir Meta u ka kërkuar qytetarëve shqiptarë që të mos bësojnë askënd duke përfshirë edhe veten e tij. I ftuar në emisionin “Quo Vadis”, Meta u shpreh se shqiptarët duhet të monitorojnë çdo veprim për të ndjekur vendimet që merren në kurriz të tyre.
“Qytetarët shqiptarë nuk duhet të besojnë askënd, përfshirë dhe Presidentin e Republikës, por, duhet të ndjekin, të monitorojnë, çdo akt, çdo sjellje, çdo vendim. Kjo vlen edhe për Gjykatën Kushtetueses, kjo vlen edhe për institucionet e tjera të drejtësisë. Ajo që unë mund t’ju them me bindje të plotë është, që nuk besoj se institucionet e drejtësisë, do mund të funksionojnë në një mënyrë të besueshme dhe të jenë plotësisht efektive, dhe të pavarura jashtë kësaj trysnie të jashtëzakonshme politike dhe partiake. Sidomos, kur ushtrohet në kohën që kemi një Kuvend njëpartiak, dhe kur në tërësi të gjithë institucionet e shtetit janë të kontrolluara nga një parti e vetme. Është e vështirë të presim në një trysni të tillë një funksionim efektiv, të besueshëm, dhe të pavarur edhe tek institucionet e drejtësisë,”-u shpreh Meta.
PJESË NGA INTERVISTA:
Pyetje: Zoti President, ndalemi në një çështje tjetër siç është Gjykata Kushtetuese. Sot Këshilli i Emërimeve më Drejtësi, do të bëjë procedurat për anëtarin e shtatë të Gjykatës Kushtetuese, që është një anëtare e vetme, që është Sonila Bejtja. Do ta dekretoni me të njëjtën shpejtësi le të themi si anëtarin e gjashtë Përparim Kalon?
Presidenti Meta: Unë, jam përpjekur gjithmonë të jem sa më i shpejtë, në përmbushjen e detyrimeve të mia kushtetuese, kur janë ndjekur procedurat në respekt të Kushtetutës. Sigurisht një rast i tillë nuk do të bënte ndonjë dallim. Problemet kanë qenë gjithmonë kur mazhoranca ka tentuar për të rrëmbyer kompetencat kushtetuese të Presidentit, në atë mënyrë që e keni vënë re në të kaluarën. Presidenti gjithmonë ka qenë për të vënë në lëvizje KED-në, prej tre apo katër vjetësh, për të plotësuar këto vakanca. Dihet që KED-ja u bllokua, për disa vite nga mazhoranca dhe askush tjetër, sepse donte që vendi të mbetej pa Gjykatë Kushtetuese.
Pyetje: Dhe kemi gati tre vjet pa Gjykatë Kushtetueses, tashmë le të themi se ajo, mund të jetë funksionale. Cila është sfida e Gjykatës Kushtetuese në këndvështrimin Tuaj? Pasi çështjet që presin aty janë të një rëndësie të veçantë dhe janë të shumta.
Presidenti Meta: Sfidat e Gjykatës janë të panumërta, dhe nuk është detyra ime për të përcaktuar axhendën e tyre. Ajo përcaktohet nga çështjet, që janë tashmë në tryezën e anëtareve të Gjykatës Kushtetueses. Për mua, çdo akt dhe çdo vendim i kësaj Gjykate është mjaft i rëndësishëm dhe do të ketë shumë vendime të rëndësishme, për të verifikuar integritetin e saj.
Pyetje: Ditën që u dekretua anëtari i gjashtë i Gjykatës Kushtetuese, Ju, keni bërë edhe njëlloj krahasimi me Gjykatë Kushtetuese në Kosovë, e cila e ka çuar vendin drejt zgjedhjeve të parakohshme. Ndërkohë që Gjykata Kushtetuese në Shqipëri, do të duhet të shqyrtoj edhe çështjen e zgjedhjeve të 30 qershorit..!
Presidenti Meta: Sigurisht, që kjo është një çështje që i mbetet Gjykatës në të ardhmen. Për mua kjo është një çështje e qartë dhe e zgjidhur, mjafton raporti i zonjës Audrey Glover, për të kuptuar ilegjitimitetin e këtij procesi.
Pyetje: U bë shumë vite që Shqipëria nuk ka gjykata funksionale. A duhet të besojnë qytetarët shqiptar tek drejtësi, tashme me ngritjen edhe pjesërisht të këtyre institucioneve të rëndësishme?
Presidenti Meta: Qytetarët shqiptarë nuk duhet të besojnë askënd, përfshirë dhe Presidentin e Republikës, por, duhet të ndjekin, të monitorojnë, çdo akt, çdo sjellje, çdo vendim. Kjo vlen edhe për Gjykatën Kushtetueses, kjo vlen edhe për institucionet e tjera të drejtësisë. Ajo që unë mund t’ju them me bindje të plotë është, që nuk besoj se institucionet e drejtësisë, do mund të funksionojnë në një mënyrë të besueshme dhe të jenë plotësisht efektive, dhe të pavarura jashtë kësaj trysnie të jashtëzakonshme politike dhe partiake. Sidomos, kur ushtrohet në kohën që kemi një Kuvend njëpartiak, dhe kur në tërësi të gjithë institucionet e shtetit janë të kontrolluara nga një parti e vetme. Është e vështirë të presim në një trysni të tillë një funksionim efektiv, të besueshëm, dhe të pavarur edhe tek institucionet e drejtësisë.
Pyetje: Pra, politika nuk i ka hequr duart nga sistemi i drejtësisë sërisht?
Presidenti Meta: Politika e la vendin tre vjet pa Gjykatë Kushtetueses. Politika e bllokoi KED-në për tre vite. Prandaj jemi në këtë situatë. Kujt i interesonte që vendi të mbetej pa Gjykatë Kushtetueses? Vetëm qeverisë.
Pyetje: Mazhorancën, ju akuzon Ju? Akuzon Presidenti i Republikës për zvarritje të këtij procesi..
Presidenti Meta: Mazhoranca gjithmonë do të gjejë një sebep, po më duket se çështjet janë të qarta. Edhe “Venecia” foli shumë qartë se kush e bllokoi KED-në dhe se kush e krijoi incidentin për rastin, kur Parlamenti në bashkëpunim me ish-kryetarin e KED-së, donin t’i rrëmbenin një anëtar të Gjykatës, që me Kushtetutë i takonte Presidentit, për hesap të tyre.
Pyetje: Zoti President, kemi vetëm tre anëtar të Gjykatës së Lartë, ndërkohë që mbi 35 mijë dosje presin në këtë organ kaq të rëndësishëm. Pse u vonua kaq shumë ngritja e të gjithë strukturës e të gjithë arkitekturës? Pse ishte kaq e vështirë për të përzgjedhur këta anëtarë..
Presidenti Meta: Mungesa e vullnetit politik dhe dëshira e mazhorancës për të kapur të gjithë sistemin e drejtësisë. Kjo është shumë e qartë. Përse Prokurori i Përgjithshëm i Përkohshëm u zgjodh me 69 vota, kur Kushtetuta e ka shumë të qartë se si zgjidhet Prokurori i Përgjithshëm? Për të kapur sistemin e Prokurorisë. Kjo është shumë e qartë, sikundër të gjitha veprimet e tjera ku kanë synuar kapjen e sistemit të drejtësisë.
Pyetje: Ndërkombëtarët e kanë konsideruar një proces të vështirë, po të drejtë, të suksesshëm Reformën në Drejtësi në Shqipëri.
Presidenti Meta: Po të shohim të gjitha kushtet që janë vendosur nga Bundestag-u dhe Parlamenti Europian, kanë të bëjnë me vetë zbatimin e Reformës në Drejtësi.
Pyetje: Kështu që nuk mund ta konsiderojmë ende të suksesshme se nuk është ngritur komplet, apo se emra të cilët janë aty nuk do të garantojnë drejtësi?
Presidenti Meta: Cilat janë rezultatet? Mjafton mbyllja e hetimeve të dosjes së Shijakut, të Dibrës, për të kuptuar sesa e kontrolluar është kjo lloj drejtësie.
Pyetje: Zoti President, prej vitit 2019, tre bashki janë pa kryetar, Shkodra, Vora dhe Durrësi. Kur do i dekretoni zgjedhjet për këto Bashki?
Presidenti Meta: Kjo nuk është një pyetje që i takon Presidentit. Së dyti, nuk besoj se është shqetësim, sepse të gjitha Bashkitë në vend drejtohen në një mënyrë të çuditshme, që nuk bën ndonjë dallim të madh për këto raste. Sigurisht,do të duhej një vendim i Gjykatës Kushtetuese për çështjen e 30 qershorit, për të bërë vlerësime të tilla.
Pyetje: Parlamenti ka miratuar disa ligje, të cilat i ka propozuar opozita me synim luftën ndaj shit-blerjes së votës. Një ndër këto është edhe ndryshimi, në Kodin e Procedurës Penale, që i jep të drejtë SPAK-ut, të hetojë korrupsionin zgjedhor. Do i dekretoni këto ndryshime?
Presidenti Meta: Çdo ligj, që i shërben integritetit të zgjedhjeve do dekretohet. Ashtu siç është dekretuar me shpejtësi rrufe çdo ligj, që i shërben të mirës publike.
Pyetje: Këto konkretisht?
Presidenti Meta: Do t’i shohim me ekipin e juristëve dhe do veprojmë në respekt të Kushtetutës.
Pyetje: Mendoni se hetimi i korrupsionit zgjedhor është sfida kryesore e SPAK-ut?
Presidenti Meta: Mendoj që sfidat janë nga më të jashtëzakonshmet, që përfshijnë çështje shumë të mëdha. Prej kaq kohësh hetimi i dosjes së Dibrës dhe të Shijakut, kanë qenë një prioritet kryesor i kërkuar me aq forcë, ka qenë edhe kusht i Bundestag-ut dhe Parlamentit Europian.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Kryetari i Partisë Demokratike, Lulzim Basha, ka thënë se partia e tij se Opozita e Bashkuar është fituese me çdo lloj sondazhi ndaj Edi Ram...
TIRANË- Kryedemokrati Lulzim Basha, ka thënë se Edi Rama ka dështuar në sigurimin e vaksinës kundër Covid-19, ashtu siç ka dështuar edhe në qeverisj...
TIRANË– Analisti Andi Bushati ka komentuar performancën e kryeministrit Edi Rama në qeverisjen e vendit, duke përballuar edhe pandeminë e koronavirusit. I ...
TIRANË-Kryetari i Partisë Demokratike, Lulzim Basha, ka kritikuar, mënyrën se si qeveria Rama po e menaxhon situatën e vaksinimit të popullsisë.I ftuar në ...
TIRANË- Presidenti Ilir Meta ka folur lidhur me vaksinën e koronavirusit, që tashmë ka nisur të injektohet në Europë. Në emisionin “Quo Vadis”, Meta tha se...
Në Shqipëri sondazhet për zgjedhjet janë të pakta, ndaj priten me një lloj interesi sa herë që ato zhvillohen. Një të tillë për zgjedhjet e 25 prillit e kishte ...
TIRANË- Kryetari i Partisë Demokratike, Lulzim Basha, ka thënë se pa largimin e Kryeministrit Rama nga qeveria reforma në drejtësi nuk do të ketë sukses.I ...
TIRANË- Presidenti Ilir Meta ka dhënë një intervistë duke komentuar edhe çështjen e detit me Greqinë. Në emisionin “Quo Vadis”, Meta u shpreh edhe n...
TIRANË- Kryetari i Partisë Demokratike Lulzim Basha, i pyetur se si do të garojë opozita në zgjedhje, është shprehur se do të përpiqet që të maksimalizohet...
TIRANË- Kryedemokrati Lulzim Basha , ka folur për darkën e tij me ambasadoren amerikane, Yuri Kim disa ditë më parë.I ftuar në emisionin “Çim ...
