Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË– Ilir Hashorva, publicit dhe përkthyes i njohur shqiptar ka ndërruar jetë nga koronavirusi. Harshova vdiq në New York, aty ku edhe prej vitesh ushtronte karrierë e tij dhe së fundmi ishte infektuar nga Covid-19. Pas lajmit të hidhur, miqtë dhe bashkëpunëtorëte e Harshovës kanë mbushur rrjetin me dedikime, ku shprehin dhimbjen e tyre për humbjen e publicistit të njohur.
Një prej tyre është edhe Ardian Vehbiu. “Mbrëmë u nda prej nesh kushëriri im, miku dhe intelektuali Ilir Hashorva, i sëmurë me Covid-19. Ka qenë gjithnjë pjesë dhe referim i familjes sime, veçanërisht i nënës sime, që e donte si të vetmin vëlla që nuk e pati. Babai i tij, Ali Hashorva, ka qenë nga intelektualët e shquar të Shqipërisë para-komuniste, që mezi i mbijetoi tallazet e periudhës totalitare. I kujtoj me shumë mall ato kohë të fëmijërisë që kam kaluar në shtëpinë e tyre: nga Lili dhe motra e tij Nika (Hysnija) kam marrë hua “Udhëtimet e Guliverit”, “Liza në Botën e Çudirave” dhe “Aventurat e Heklberri Finn-it”.
Atje kam njohur një familje ku librin e trajtonin si floriri. Këto 20 vjet të fundit, Lilin e kam pasur komshi në Bronx: punonte për një seri biografish të njerëzve të shquar, si Gandhi dhe Mandela, të cilët ua paraqiti lexuesve shqiptarë edhe si ndriçimtarë të një morali të ri humanist. Shkrimet e tij në shtyp ishin gjithnjë tërheqëse dhe shembuj të një qasjeje të arsyeshme dhe etike ndaj botës së sotme.
Lili ishte plot energji dhe plane: sa herë që shiheshim, qoftë në Tiranë qoftë këtu në NYC, do të flisnim për librat që kish ndërmend të botonte. Sa e hidhur po më duket tani, që libri i fundit për të cilin po kujdesej, përkthimi integral që ia kish bërë i ati, Ali Hashorva, “Dekameronit” të Boçaçio-s, fliste për një epidemi të rëndë, si kjo e tanishmja. I qoftë dheu i lehtë! Ngushëllime nga zemra Lindës, dy fëmijëve dhe motrës Nika,“- shkruan ai.
Një tjetër që i ka dedikuar rreshta të ndjerë Hashorvës, është edhe Irena Toçi.
“Me dhimbje të thellë mësova për largimin nga jeta të Ilir Hashorvës, mikut dhe bashkëpunëtorit të Shtëpisë Botuese Toena për shumë vite. Megjithëse këto ditë lajmërimet për largimin nga jeta janë bërë të “zakonshme”, lajmi për vdekjen e tij të beftë na gjeti të papërgatitur, na ngarkoi me dhimbje e trishtim të përligjur. Bashkëpunimi i Shtëpisë Botuese Toena me autorin dhe përkthyesin Ilir Hashorva, të birin e denjë të mësuesit dhe përkthyesit të njohur Ali Hashorva, nisi diku rreth vitit 2009 me botimin e vëllimit të parë të përgatitur prej tij, për figurën emblematike të Gandit, titulluar “Gandi – jeta”. Në vitet në vazhdim ky vëllim i parë u pasua nga botimi i dy vëllimeve të tjera kushtuar Gandit: “Gandi – filozofia dhe feja, Gandizmi” si dhe “Analiza e komente për Gandin dhe Gandizmin”.
Pothuajse në të njëjtën kohë u botuan nga Botimet Toena edhe dy biografi të përgatitura me kujdes, kulturë e përkushtim të veçantë prej tij, njëra kushtuar “Nelson Mandela-s” dhe tjetra “Martin Luter King-ut”. Me mjaft përkushtim e përgjegjësi përgatiti ai edhe biografinë e hebreut të mirënjohur Simon Vizental, biografi e cila u botua nga Toena më 2015, së bashku me librin e vetë Simon Vizentalit “Lulja e diellit”. Në nder të 75-vjetorit e Çlirimit të Shqipërisë, ai zgjodhi të përkthejë dhe të sjellë në shqip “8 orë nga Anglia” të britanikut Anthony Quale – një dëshmi historike e ndodhive të Luftës së Dytë Botërore, hedhur në botim nga autori menjëherë pas fitores të koalicionit antifashist, me dëshmi autentike dhe të pandikuara nga ngjarje të tjera të mëvonshme. Një punë të shkëlqyer bëri Iliri edhe për përgatitjen për shtyp të përkthimeve me shumë vlerë të realizuara nga i ati, Aliu: “Skënderbeu” i Alessandro Cuttolo-s (Toena 2018), “Princi” i Niçolo Machiaveli-t (Toena, 2019) dhe “Dekameroni” i Giovanni Boçaçio-s (në proces botimi) . Të gjitha këto vepra u përgatitën nga Ilir Hashorva, ndërkohë që ai jetonte e punonte në Nju-Jorkun e largët, ku edhe do të prehet tanimë përgjithmonë. Njeri serioz e i vetëpërmbajtur, intelektual me integritet dhe mendim të pavarur, autor dhe përkthyes i shkëlqyer, autor i dhjetëra shkrimeve në shtypin bashkëkohor gjithashtu, ishin cilësitë që e bënë të ishte një bashkëpunëtor i vyer i Botimeve Toena për më shumë se 12 vjet rresht. Lamtumirë Ilir Hashorva! I paharruar qoftë kujtimi Yt, përmes Veprës tënde të çmuar!”- shkruan Toçi.
Hashorva ka ndërruar jetë më datë 26 prill.
Kush ishte Ilir Hashorva
Ilir Hashrova ishte djali i Ali Hashrovës, një nga intelektualët e shquar të Shqipërisë para-komuniste. Hashorva ka lindur me 1 tetor 1941 ne Tirane. Ka përfunduar studimet në Fakultetin e Inxhinierisë elektrike dhe ka punuar në Institutin Hidrometerologjik, në Tiranë, ku ka qenë shef i këtij laboratori, derisa doli në pension.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
Shqipëri- Shkon në 30 numri i viktimave në vend nga COVID-19. Ministira e Shëndetësisë ka bërë me dije se ka humbur jetën një 52-vjeçar me iniciale S.B n...
Shqipëri- Në këtë kohë pandemie, ka edhe shumë shqiptarë që jetojnë mes skamjes, i kalojnë netët jashtë dhe nuk kanë me çfarë të ushqehen. I tillë është ...
Tiranë- Policia ka parandaluar vrasjen e të riut Renato Shaulli në Tiranë dhe ka arrestuar dy persona, Alban Gaçi, 27 vjeç dhe shokun e tij Reis ...
LEZHË– Dosja.al ka zbardhur detaje të reja në lidhje me vrasjen e dyfishtë që ndodhi një ditë më parë në Lezhë, në fshatin Lalm të Vjetër. Burime nga grupi...
Lezhë- Detaje të reja kanë dalë për vrasjen e dyfishtë në Lalm të Vjetër të Lezhës, ku pasditen e djeshme u ekzekutuan Preng Simoni dhe Kol Murrani. Burime për ...
DURRËS– 40 persona, dëshmitarë, të afërm dhe bashkëpunëtorë në biznese, janë shoqëruar për të zbardhur detaje të reja në lidhje me ekzekutimin mafioz të dy...
DURRËS– Dosja.al ka zbardhur detaje të reja në lidhje me vrasjen e dy vëllezërve Haxhia që tronditën Durrësin, një ditë më parë. Burime nga grupi hetimor, ...
SHQIPËRI– Në Tiranë, Tepelenë, Kukës e Dibër, prej disa ditësh është raportuar se janë parë drita të forta që kanë ndriçuar qiellin.Këto drita në qi...
Shqipëri- Vendi është ende në luftë me COVID-19. Një ditë më parë hynë në fuqi disa masa lehtësuese për të gjithë qytetarët shqiptarë, të cilët nga sot janë nd...
