Aktualitet

I zhvati 8 mln lekë qytetares dhe i la nënën të vdiste nga Covid-19, arrestohet sanitarja që u hoq si infermiere, nën hetim dhe katër bashkëpunëtorë, “Shefqet Ndroqi”: Jemi të befasuar, akt çnjerëzor

Dosja.al ka mësuar se katër përsona të tjerë, pjesë e stafit të spitalit “Shefqet Ndroqi” janë vënë në hetim. Megjithatë ende nuk dihet roli i katër bashkëpunëtorëve apo identiteti i tyre.
Featured image of article: I zhvati 8 mln lekë qytetares dhe i la nënën të vdiste nga Covid-19, arrestohet sanitarja që u hoq si infermiere, nën hetim dhe katër bashkëpunëtorë, “Shefqet Ndroqi”: Jemi të befasuar, akt çnjerëzor Tire Alldervishi

TIRANË– Sanitarja Tire Alldervishi, e cila i zhvati 8 milionë lekë të vjetra vajzës së një gruaje të infektuar me Covid-19 dhe u shtir si infermiere, është vënë në pranga.

Një ditë pas denoncimit të ngjarjes së rëndë, sanitarja Alldervishi do të përballet me akuzën e mashtrimit dhe ndodhet pas hekurave.

Por,ajo nuk ka vepruar vetëm në këtë ngjarje. Dosja.al ka mësuar se katër përsona të tjerë, pjesë e stafit të spitalit “Shefqet Ndroqi” janë vënë në hetim, pasi dyshohet se kanë bashkëpunuar me sanitaren për të zhvatur familjen e të infektuarës.

Megjithatë ende nuk dihet roli i katër bashkëpunëtorëve apo identiteti i tyre. Nga ana tjetër, spitali ‘Shefqet Ndroqi’ në një prononcim zyrtar për mediat shprehet se stafi është i lënduar dhe i befasuar nga ky veprim koprruptiv, çnjerëzor që ka kryer sanitarja e institucionit.

Për më shumë bëhu pjesë e grupit më viral në Facebook, Dosja.al
Sanitarja Tire Alldervishi

Ngjarja e rëndë u denoncua një natë më parë në emisionin ‘Stop”, nga vetë vajza e gruas që ndërroi jetë nga Covid-19. Vajza e një 55-vjeçareje, e cila humbi betejën me Covid pas 28 ditësh luftë me këtë sëmundje, është mashtruar nga sanitarja pasi kjo e fundit i është hequr si infermiere dhe është ofruar që në këmbim të vlerave monetare t’i koronte të ëmën.

Duke i marrë rregullisht shuma monetare nga 5.000-6.000 lekë, Alldervishi ka arritur të zhvasë 8 milionë lekë nga familja e të ndjerës. Sanitarja u shkarkuar një natë më parë nga Ministria e Shëndetësisë e cila kërkoi edhe nisjen e hetimeve.

(f.m/dosja.al)

  • 13:06

    Sanitarja zhvati familjen e pacientes së vdekur, reagon spitali Shefqet Ndroqi: Jemi të lënduar dhe të befasuar, distancohemi nga ngjarja

    Spitali ‘Shefqet Ndroqi’ ka reaguar pas skandalit që u bë publik mbrëmjen e djeshme se sanitarja e spitalit, hiqej si infermiere përballë vajzës së pacientes së shtruar me Covid duke i zhvatur para për ‘përkujdesjen’ e saj. Spitali në një deklaratë të bërë për mediat shprehen se janë të lënduar dhe të befasuar nga ky veprim koprruptiv, çnjerëzor që ka kryer sanitarja e institucionit.

    Gjithë personeli shëndetësor i spitalit “Shefqet Ndroqi” ndjehet tejet i lënduar, befasuar nga veprimi korruptiv, ç’njerëzor i sanitares me inicialet T.A dhe dënon me forcë këtë akt të paligjshëm, korruptiv i bërë publik në emisionin investigativ ‘STOP’. Ky akt i shëmtuar dhe i papërgjegjshëm nuk mundet kurrsesi të njollosë punën vetëmohuese dhe të jashtëzakonshme të personelit shëndetësor të spitalit “Shefqet Ndroqi”. Personeli shëndetësor i spitalit duke u distancuar nga ky veprim do të vazhdojë të ofroj me përkushtim shërbimin shëndetësor në kohë dhe me cilësi. Mbas shkarkimit nga puna e sanitares i kërkojmë autoriteteve kompetente të kryejnë hetimin deri në fund të këtij rasti. Personeli i shërbimit shëndetësor ‘Shefqet Ndroqi’”, thuhet në reagimin e spitalit “Shefqet Ndroqi”.

  • 9:22

    Njoftimi i policisë

    Njoftimi: Specialistët e Seksionit për Hetimin e Korrupsionit bënë ndalimin e shtetases T. A., 58 vjeçe, banuese në Tiranë. Kjo shtetase i është prezantuar si infermiere shtetases E. S., 30 vjeçe, e cila ka kallëzuar se gjatë muajit dhjetor, kur nëna e saj ka qenë e shtruar në spital, shtetasja T. A. e ka mashtruar duke i marrë rregullisht shuma monetare nga 5.000-6.000 lekë. Vijojnë hetimet për identifikimin e personave të tjerë të implikuar në këtë veprimtari kriminale.

Shto Koment