Politike

Meta takon opozitën, shpall datën e re të zgjedhjeve: 13 tetor, dekretin e çoj edhe në Hagë!

  • Përplasja/ Meta: 13 tetori, data e re e zgjedhjeve lokale. Rama: Çmenduria e radhës
  • Palmer e Engel të shqetësuar, Presidenca: Sigurojmë votime demokratike
  • Presidenti Ilir Meta shpall datën e re të zgjedhjeve lokale. Me një dekret pas konsultimit me opozitën dhe ndërkombëtarët, Meta ka caktuar 13 tetorin si datën e dytë të zgjedhjeve. Reagon Rama: E pa në filxhan çmendurinë e dytë!
    Featured image of article: Meta takon opozitën, shpall datën e re të zgjedhjeve: 13 tetor, dekretin e çoj edhe në Hagë! Edi Rama, Elisa Spiropali, Ilir Meta dhe Lulzim Basha
    Përditësuar:

    TIRANË-Presidenti Ilir Meta ka dekretuar një datë tjetër zgjedhjesh. Pasi zhdekretoi 30 qershorin, Meta u konsultua sot me Bashën, aleatët e opozitës dhe caktoi 13 tetorin si datën e radhës kur mund të zhvillohen zgjedhjet. Presidenti e arsyetoi vendimin e tij, si të bazuar në Kushtetutë dhe si afatin për të ndihmuar vendin për hapjen e negociatave. Në fjalën e tij, ai nuk kurseu mesazhet politike për Ramën, të cilit i bëri me dije se “E ndan Monikën nga Republika”.  Pas këtij vendimi ka reaguar menjëherë kryeministri që e ka cilësuar si një çmenduri të dytë vendimin e Metës.

    Takimet e Metës

    Sot ishte ditë e ngjeshur për Ilir Metën. Presidenti e nisi që pa gdhirë mirë ditën e takimeve, kur në orën 04:45, u shfaq tek presidenca. 4 orë më vonë, presidenti priti Lulzim Bashën për 20 minuta, e pas tij të gjithë aleatët e PD me radhë. Aleati i PD, Dashamir Shehi, zbuloi se presidenti Meta në darkë do të bëjë publik dekretin për një datë të re zgjedhjesh lokale. Pas aleatëve të Bashës, presidenti priti ambasadorët e vendeve të BE. 

    Refuzimi i Ramës

    I vetmi që refuzoi takimin me kreun e shtetit, ishte kryeministri Edi Rama. Pas letrës që Meta i dërgoi dje, Rama e mbajti fjalën dhe nuk shkoi më në takim, por bëri not shumë pranë presidencës në një ambient sportiv privat.

    Takimi Basha-Meta

    Më herët, i përpiktë në orar, kryedemokrati u prit nga këshilltarët e Metës e më pas shtrëngoi dhe duart me të. Biseda që pritej të ishte gjatë dhe shteruese zgjati vetëm 20 minuta. Kreu i opozitës u largua nga Presidenca dhe nuk preferoi që të komentonte takimin para gazetarëve.

    Ndërsa Ilir Meta nga ana tjetër në një reagim në Facebook, reagoi duke thënë se kishin zhvilluar një bisedë për krizën aktuale që po kalon vendi dhe se kërkohej përgjegjshmëri europiane nga të gjithë që kjo krizë të zgjidhej. 

    (A.B.F.G/ Dosja.al)

    • 20:30

      Zyrtari i lartë i SHBA mesazh urgjent për krizën: Vendi në ngërç, jam i shqetësuar

      Eliot Engel

      Kongresmeni amerikan Eliot L. Engel ka folur lidhur me situatën politike në Shqipëri.

      Me anë të një reagimi zyrtar, kongresmeni shprehet i shqetësuar lidhur me situatën politike në vendin tonë para zgjedhjeve lokale.

      “Unë jam shumë i shqetësuar nga ajo që dëshmoj në ditët dhe javët e fundit, pasi udhëheqësit politikë shqiptarë duket se kanë arritur një bllokim politik. Në një përpjekje për të zvogëluar tensionet dhe për t’u larguar nga konfrontimet, u bëj thirrje të gjitha palëve të ndalojnë të gjitha aktet e dhunës,”-shprehet Engel.

      Më tej, Engel shprehet se situata politike ka minuar rrugën e Shqipërisë për anëtarsim në BE.

      Fjala e plotë e kongresmenit amerikan:

      “Shqipëria ka bërë hapa të mëdha që nga vitet e saj nën diktaturën e Hoxhës dhe populli shqiptar ka investuar shumë për të parë rezultate në demokracinë e saj. Marrëdhënia e fortë SHBA-Shqipëri ka ndihmuar në nxitjen e këtyre zhvillimeve. Prandaj, unë jam shumë i shqetësuar nga ajo që dëshmoj në ditët dhe javët e fundit, pasi udhëheqësit politikë shqiptarë duket se kanë arritur një bllokim politik. Në një përpjekje për të zvogëluar tensionet dhe për t’u larguar nga konfrontimet, u bëj thirrje të gjitha palëve të ndalojnë të gjitha aktet e dhunës. Kjo mosmarrëveshje mund të zgjidhet vetëm me dialog dhe sipas ligjit. Shqipëria është anëtare e NATO-s dhe meriton një të ardhme evropiane, por krizat e përsëritura rreth zgjedhjeve minojnë atë rrugë përpara. Unë i bëj thirrje popullit shqiptar të rifitojë një situatë politike paqësor dhe një proces zgjedhor të denjë për një anëtar të familjes demokratike të Atlantikut të Veriut të kombeve demokratike”.

    • 19:46

      Do e pranojë PD-ja 13 tetorin? Basha flet për herë të parë

      Kryetari i Partisë Demokratike ka reaguar për herë të parë pas vendosjes së datës së re të zgjedhjeve nga ana e presidentit Ilir Meta.

      Në një njoftim zyrtar, Basha ka shkruar se në orën 21:00 do të dalë në një deklaratë për mediat mbrëmjen e sotme.

      Ende nuk ka detaje në lidhje me temën që pritet të flasë kryeopozitari, por mendihet të jetë një koment në lidhje me datën e re të zgjedhjeve që u deklarua ditën e sotme nga presidenti Ilir Meta.

    • 19:46

      Zgjedhjet, Palmer: Të zhvillohen më 30 qershor, vetëm atë datë njohim

      Matthew Palmer

      Zv/ ndihmës Sekretari Amerikan i Shtetit, Matthew Palmer ka reaguar lidhur me datën e të zgjedhjeve lokale të caktuar nga presidenti Ilir Meta.

      Në një intervistë për “Zërin e Amerikës”, Palmer shprehej se SHBA-të njihin 30 qershorin si datën e zgjedhjeve.

      “Shpresojmë që zgjedhjet të zhvillohen më 30 qershor. Shpresojmë që ato të zhvillohen në mënyrë të qetë dhe transparente. Pas zgjedhjeve do të formohet Gjykata Kushtetuese dhe shpresojmë që mosmarrëveshjet për kohën e zhvillimit të zgjedhjeve të zgjidhen përmes institucioneve të vendit”, tha Palmer.

    • 19:46

      Palmer për 30 qershorin, Presidenca: Sigurojmë se do zhvillohen zgjedhje demokratike

      Matthew Palmer dhe Ilir Meta

      Presidenca ka reaguar menjëherë pas deklaratës së zv/ ndihmës Sekretari Amerikan i Shtetit, Matthew Palmer se SHBA-të njihnin vetëm 30 qershorin si datën e zgjedhjeve lokale.

      Zëdhënësi i Presidentit, Tedi Blushi ka vlerësuar qëndrimin e kongresmenit, Eliot Engel, i cili shprehej i shqetësuar lidhur me situatën politike në vend duke bërë thirrje për zgjidhje.

      I pyetur lidhur me deklaratën e Palmer, Blushi nuk i ka komentuar ato duke e cilësuar qëndrimin e tij si të përgjegjshëm dhe të vëmendshëm.

      Presidenti i Republikës siguron Kryetarin e Komisionit të Jashtëm të Kongresit Amerikan, z.Eliot Engel dhe të gjithë miqtë e vërtetë të Shqipërisë në Shtetet e Bashkuara të Amerikës, se po bën dhe do të bëjë të gjitha përpjekjet që Shqipëria të mund të organizojë zgjedhje vendore gjithëpërfshirëse,”-shprehet Blushi.

      Zëdhënësi i Presidentit, Tedi Blushi i pyetur nga mediat mbi deklaratat e bëra nga z.Palmer në VOA deklaroi se:

      Presidenti i Republikës Sh.T.Z Ilir Meta vlerëson deklaratën e përgjegjshme, të vëmendshme e njëkohësisht shqetësuese të Kryetarit të Komisionit të Politikës së Jashtme të Kongresit Amerikan, Eliot Engel, këtij miku të sprovuar të Shqipërisë, Kosovës dhe shqiptarëve, mbi situatën e vështirë politike në Shqipëri dhe mbi rëndësinë imediate të rivendosjes së dialogut dhe shtetit të së drejtës.

      Presidenti i Republikës siguron Kryetarin e Komisionit të Jashtëm të Kongresit Amerikan, z.Eliot Engel dhe të gjithë miqtë e vërtetë të Shqipërisë në Shtetet e Bashkuara të Amerikës, se po bën dhe do të bëjë të gjitha përpjekjet që Shqipëria të mund të organizojë zgjedhje vendore gjithëpërfshirëse, demokratike, me standarde, të lira dhe të ndershme, ashtu siç e meriton një vend i NATO-s dhe një vend që dëshiron të bëhet anëtar i Bashkimit Europian.

    • 18:00

      “Zgjedhjet 2 ditë para ditëlindjes së Doktorit”, Ramës si del e keqja me Metën, nis talljen: E ka shpirt…

      Kryeministri Edi Rama ka publikuar një video në Instagram nga fushata në Përmet, ku edhe parashikonte datën e re të zgjedhjeve.

      Në parashikimin e Ramës, Meta i konsultuar me bashkëshorten e tij, njëherasi edhe kryetaren e LSI-së, Monika Kryemadhin do t’i caktonte zgjedhjet më 21 tetor.

      Por me sa duket “parashikimi” i Ramës ka shkuar huq pasi, Meta i caktoi zgjedhjet 8 ditë më herët dhe vetëm 2 ditë para ditëlindjes së ish-kryeministrit Sali Berisha. 

      “E paska lëvizur datën me 8 ditë, se 21-shi i binte e hënë ose pastaj e ka lexuar si 2 ditë para ditëlindjes së 1-shit, domethënë Doktorit, që e ka si shpirt kur shpirtin ia merr peng paniku”, shkruan Rama në Instagram duke postuar edhe një video.

    • 18:00

      Data e re e zgjedhjeve, Rama: Presidenti ynë në shkarkim e sipër

      Ilir Meta dhe Edi Rama

      Kryeministri Edi Rama ka reaguar sërish lidhur me caktimin e datës së re për zgjedhjet lokale më 13 tetor 2019 nga presidenti Ilir Meta.

      Me anë të një postimi në Facebook, Rama e cilëson kreun e shtetit si presidentin në shkarkim e sipër por duke mos u tërhequr nga 30 qershori për zgjedhjet lokale.

      “Presidenti ynë në shkarkim e sipër, e di çfarë shkruhet mbi Vulën e Republikës, po s’di hiç çfarë bën me dekretet për llogari të Saliut, Lulit e Monikës. Baba Haxhiu u ngjall, po zgjedhjet nuk i vret dot dhe data e re e Baba Xhikes është një arsye e fortë më shumë, për të votuar të dielën, më 30 QERSHOR,”-shkruan Rama.

      POSTIMI I PLOTË:

      Haxhiu, ai i pari, Qamili pra, mbante në xhep një vulë, e cila ishte nje togëz rripi që trimat e tij e kishin plaçkitur, mes shumë sendesh të karvaneve tregtare. Mbi të shkruhej greqisht “Kompani kafeje Export-Import” dhe dekretet e Haxhiut vuloseshin me të, pa e ditur as ai vetë ç’shkruhej mbi të! Ndërsa Haxhiu tjetër, Salvatori ynë Qametaj ose ndryshe, Presidenti ynë në shkarkim e sipër, e di çfarë shkruhet mbi Vulën e Republikës, po s’di hiç çfarë bën me dekretet për llogari të Saliut, Lulit e Monikës.

      Baba Haxhiu u ngjall, po zgjedhjet nuk i vret dot dhe data e re e Baba Xhikes është një arsye e fortë më shumë, për të votuar të dielën, më 30 QERSHOR; qetësisht e vendosmërisht, si shqiptarë pa dallim e as ngurrim, kundër karnavaleve të politikës pa din e as iman

    • 18:00

      Artan Hoxha i sulet Metës: Hape rrugën o i pari, se ne jemi nga Skrapari

      Ilir Meta dhe Artan Hoxha

      Gazetari investigativ Artan Hoxha ka reaguar lidhur me caktimin e një date të re për zgjedhjet lokale 13 tetor 2019.

      Shkrimi i tij i plotë:

      Kur ishim të vegjël dhe shkonim për të kaluar 15-të ditët e pushimeve verore në kampin e pionerit “Qemal Stafa” në Durrës (kompleksi Tropikal sot në Plepa), udhëtonim pothuaj gjithnjë me të njëjtin autobus, me shofer Njaziun.

      Gjatë udhëtimit nga qendra administrative e rrethit Skrapar, Çorovoda, e deri ne kampin e pionerit ne Plepa, sa herë kalonim në ndonjë qytet apo qendër të banuar, ose kur na dilte përpara ndonjë Saurrel apo Zis (kështu mjetesh kishte në atë kohë prodhim lindor ose kinez) të gjithë fëmijët në autobus bërtisnin me të madhe për ti dhënë kurajo shofer Njaziut:

      “Hape rrugën o i pari, se ne jemi nga Skrapari”…

      Shkelqesia e tij foli…. te ziut Ismail Qemali c’i shohin syte dhe cfare i degjojne veshet…

      Dhe kur e mendon, Ismail Qemalit qe i vinte mbrapa historia, i duhet tani ti rri mbrapa shkelqesise se TIJ…
      Po tani?!!!!

      codeit al
      A do e ndaloje Rama fushaten elektorale me filxhanin e kafese?!!! Te pakten te shpetojne cunat e Gardes se u doli shpirti cep me cep te Shqiperise!!!!

      Po Lali Eri a do i ndaloje kafet e paradites dhe takimet e pasdites?!!!

      Po Luli a do i ndaloje protestat me RAMA IK?!!!

      Se ua mori shpirtin demokrateve me proteste cdo te shtune dhe xhiro neper bulevard!!!

      Po Neritan Ceka me Hazbi Kasajn a do i ndalojne mallkimet?!!!

      Mesa duket te gjithe e kane mendjen per plazh dhe nga vjeshta hajt se folim…

      Nuk thote kot populli i shkrete:
      “O balo te hengert tenja se te keqen e ke brenda”…

    • 17:12

      Meta shtyu zgjedhjet, opozita pranon 13 tetorin: Atëherë janë zgjedhjet, klloçka Rama haji vezët e të bëfshin mirë!

      Edi Rama dhe Petrit Vasili

      Kreu i Grupit Parlamentar të LSI-së, Petrit Vasili ka reaguar pas caktimit të datës së re të zgjedhjeve nga presidenti Ilir Meta, të cilat sipas tij do të mbahen më 13 tetor.

      Në një postim në Facebook, Vasili i bën thirrje Ramës të ‘mbledhë’ vezët e prishura, pasi zgjedhjet janë më 13 tetor.

      Postimi i plotë i Petrit Vasilit:

      Cicëriu prap Rama. Ka ngecur tek foleja e çunave te Shijakut ku ngroh vezet e prishura te 30 qershorit. Klloçka kryeminister ne 13 tetor jane zgjedhjet. Ndaj mblidhi vezet,haji dhe te befshin mire.

       

    • 15:43

      Data e re, Spiropali: Haxhiut të Dytë i mjafton Luli me Monikën!

      Elisa Spiropali dhe Ilir Meta

      Ministrja për Marrëdhëniet me Parlamentin Elisa Spiropali ka reaguar lidhur me caktimin e datës së re të zgjedhjeve nga presidenti Ilir Meta.

      Me anë të një statusi në Tëitter Spiropali pyet se kush do t’i organizojë zgjedhjet më 13 tetor kur të gjithë institucionet janë përgatitur për votime më 30 qershor.

      “Ta pyesë dikush Qametën kush do t’i organizojë zgjedhjet e 13 tetorit, se KQZ, KZAZ dhe vetë Kolegji Zgjedhor e kanë thënë fjalën e tyre? Se s’po pyesim si do ia bëjmë me BE dhe Amerikën, sepse Haxhiut të Dytë i mjafton Luli me Monikën!,”-shkruan Spiropali. 

    • 15:24

      Meta i bindur për datën e re të zgjedhjeve: Gati të gjykohem edhe në Hagë

      Presidenti Ilir Meta ka thënse se është i bindur që 13 tetori do të jetë datë e rë zgjedhjeve dhe për këtë dekret ishte gati të gjykohej deri në Hagë. Meta shtoi se priste ende një reflektim nga Rama ashtu si bëri dhe Ramiz Alia në vitin 1990.

      Unë e kam marrë përgjegjësinë para gjithë shqiptarëve dhe jam i gatshëm të përgjigjem për këtë akt para çdo gjykate shqiptare dhe ndërkombëtare që ka juridiksion në vendin tonë përfshirë dhe gjykatën e Hagës, por është vendim i mrekullueshëm që shqiptarët të qetësohen, të reflektojnë edhe ne ta vazhdojmë këtë rrugë që kemi nisur në dhjetor të 90 se unë jam edhe i lëvizjes se dhjetorit dhe pata fatin historik të merrja pjesë në takimin me udhëheqësin e fundit Ramiz Alia, dhe mendonim se kishin pak shanse të ktheheshim në qytetin studentin dhe mund të përfundonin aty ku kishte përfunduar Pjetër Arbnori. Sot ka nevojë për reflektim nga kryeministri. Edhe Ramizi në fillim të 91 e shtyu datën e zgjedhjeve.”,tha Meta.

    • 15:09

      “S’kam turp që jam burri i Monikës”, Meta i përgjigjet Ramës: E gjeta në partinë që drejton ti sot

      Presidenti Ilir Meta i është përgjigjur menjëherë Ramës pas reagimi të tij në rrjetet sociale, pas caktimit të dates së re të zgjedhjeve, ku thumboi edhe Monika Kryemadhin , bashkëshorten e presidentit, ku u shpreh me ironi se:

      “Data e nxjerrë nga filxhani i revolucionit imagjinar është një NULLUM ABSOLUTUM”. Gjatë fjalës së tij para medieve, kreu i shtetit u shpreh se Monikën e gjeti në partinë që drejton sot kryeministri Rama.

      Më vjen shumë keq për reagimin e tij por nuk humbas asnjë moment qetësinë, unë nuk e kam për turp që jam burri i Monikës dhe këtë e dinë gjithë shqiptarët, unë Monikën e kam gjetur në partinë që drejton sot Rama, por ai e di se unë i di detyrat dhe bëj ndarjen personale, shoqerore dhe familjare me anën institucionale. Është tjetër gjë Monika dhe tjetër gjë Republika aq më tepër në këtë detyrë kaq të rëndësishme që kam.  I bej të qartë se axhenda ime është ajo e presidentit të Republikës vend anëtarë i NATO”, u shpreh Meta.

    • 15:02

      “Kemi orë, kemi ditë”, Meta thirrje të drejtëpërdrejtë Ramës: Edi reflekto

      Presidenti i Republikës Ilir Meta i ka bërë zgjidhje Edi Ramës për reflektim. Meta tha se  ai shpreson që Rama do të reflketojë dhe të gjithë aktorët e tjerë të politikës do të bëjnë të njëjtën gjë.

      Unë shpresoj në reflektimin e të gjithëve. Se cili është qëndrimi i Ramës është i tiji në raport me paqen sociale. Axhenda ime nuk është Rama ik, por Edi reflekto! Jo provokime të një shteti paralel. Ju kujtoni se unë jam kaq i pashpresë që ai nuk do të reflektojë?! Kemi orë, kemi ditë. Sepse të gjithë shqiptarët janë të shqetësuar”, tha Meta.

    • 14:52

      A u ka dhënë garanci Basha që do hyjë në zgjedhje? Meta flet hapur: Të heqin dorë nga axhendat e ngushta

      Ilir Meta pasi bëri publike datën e re të zgjedhjeve, është pyetur nëse ka marrë një garanci nga Lulzim Basha se do të hyjë në zgjehdjet e reja në tetor. Meta tha se nuk detyron askënd që të marrë pjesë në zgjedhje, pasi detyra e tij ësthë që tu japë të gjithë mundësinë që të reflektojnë.

       “Duhet t’ju siguroj se nuk mund të detyroj askënd të marrë pjesë në mënyrë të pavullnetshme në zgjedhje, askënd. Detyra ime si President i Republikës dhe si i vetmi institucion në kushtetutën e vendit është të jap mundësinë të gjithëve të reflektojnë, të bëhen pjesë e procesit, të heqin dorë nga axhendat e ngushta maksimaliste dhe duke qenë se është objektiv kombëtar i gjithë forcave politike anëtarësimi në BE të sillemi në mënyrë evropiane, në këto orë, ditë dhe pak muaj që kanë mbetur”- tha Meta.

    • 15:39

      Meta shtyu zgjedhjet, reagon Rama: Çmenduria e dytë, mëshirojeni…e nxorri nga filxhani

      Pak pasi presidenti Meta caktoi datën e re të zgjedhjeve, të cilat sipas tij do të mbahen më 13 tetor, i menjëhershëm ka qenë reagimi i kryeminstrit Edi Rama.

      Në një postim në Twitter, Rama ironizon Metën duke shkruar: A ju thashë prisni çmendurinë e dytë? Tani thjesht mëshirojeni.

      “A ju thashë prisni çmendurinë e dytë?🤣Tani thjesht mëshirojeni🙏 Data e nxjerrë nga filxhani i revolucionit imagjinar është një NULLUM ABSOLUTUM Dhe QUOD NULLUM EST NULLUM PRODUCIT EFFECTUM👎 30 QERSHORI ESHTE E VETMJA DATE ZGJEDHJESH🇦🇱👊”, shkruan Rama në Twitter.

    • 14:04

      Meta cakton datën e re të zgjedhjeve: Do të mbahen në 13 tetor

      Presidenti i Republikës Ilir Meta nga konferenca urgjente ka treguar se pas  takimeve me partitë opozita dhe një aleat të Edi Ramës, ka treguar datën e re të zgjedhjeve.

      Meta u shpreh se data e re e zgjedhjeve lokale do të jetë 13 tetori. “ Dy arsyet kryesore përse kam vendosur 13 tetorin është dita më e shpejtë për të organizuar zgjedhje gjithëpërfshirëse, jo vetëm sa i takon vullnetit të atyre që duan të marrin pjesë në zgjedhje. Dhe së dyti, Sikurse e kam nënvizuar e kam theksuar edhe para jush ne shpjegimet Kushtetuese e logjike te atij anulimi, një nga arsyet kryesore ka te beje me garantimin e vazhdimësisë së integrimit evropian të mos shkëputjes së Shqipërisë nga Maqedonia Veriore.  Për fat të keq kemi humbur mjaft kohë, por për fat të mirë ende në axhendën e BE është ende për të marrë vendim për të dyja vendet ën tetor. Këshilli i BE është në 17-18 tetor dhe dhe duke zgjedhur 13 tetorin si datën më të shpejtë për zgjedhje gjithpërfshirëse për të gjithë ata që duan të marrin pjesë.”, ishte kjo një pjesë e deklaratës së Metës.

    • 13:57

      Takimet e Metës, Rama ironi therëse me Presidentin: Salvator Haxhi Qametaj

      Kryeministri Edi Rama ka reaguar për herë në lidhje me takimet e Presiddentit Ilir Meta me kreret e opozitës dhe amabsadorët në Tiranë.

      Rama në një postim në rrjetet sociale shkruan se sot selia e opozitës rrugore është bërë Presidenca e Republikës. Më tej numri një i qeverisë shton se  këto që kanë ndodhur sot janë karnavale politike.

      Zyrtare sot: Selia e opozitës rrugore është Presidenca e Republikës dhe udhëheqësi i katër galaktikëve të shtabit të revolucionit imagjinar për të mbrojtur me dhunë republikën e votën e popullit nga vetë populli, është vetë ai, Salvator Haxhi Qametaj🙀Çfarë karnevalesh politike🦹🏻️ Qeshni me ta dhe me qetësi e dashuri t’u japim një mesazh kumbues të dielën,duke votuar ose mosvotuar,por duke qenë të gjithë bashkë në një mendje se Shqipëria s’mund të jetë kurrë, një shesh për përsheshin e gatuar tërë këta muaj, të cilin duhet ta hanë ata që na e servirën👊”, shkruan Rama.

    • 13:26

      Aleatët e Bashës zbulojnë takimin me Metën: Në darkë kemi datën e re të zgjedhjeve

      Kreu i LZHK-së, Dashamir Shehu është shprehur pas takimit me Metës se sot do të dalë një përfundim edhe për një datë të re për zgjedhjet. “Zgjedhjet ligjërisht më datë 30 nuk bëhet se kemi një dekret të presidentit. Do të bëhet një datë re për zgjedhjet. Në fund të fundit, situata e sotme sjell edhe problem edhe për negociatat drejt BE-së. Besoj se nga darka do të dalë një gjykim i përbashkët. Secili prej nesh ka nga një ide të tijën por vendimet do t’i nxjerrim të përbashkëta.”, u shpreh Dashamir Shehi.

    • 13:14

      S'mbyllet dera e Metës, pas të vegjëlve, zbarkojnë ndërkombëtarët, cila do të jetë data e re e zgjedhjeve

      Pas takimeve të shumta që ka zhvilluar ditën e sotme me kryetarin e PD, dhe kryetarët e partive të tjera opozitare, presidenti Ilir Meta, e ka të ngjeshur ditën. Në zyrën e Metës kanë mbërritur ambasadorët e vendeve të BE, dhe Luigi Soreca.

      Në takim mësohet se janë ambasadorët e Francës, Gjermanisë dhe Britanisë. Në fokus të takimit është situata politike në vend, tri ditë para zgjedhjeve lokale të 30-qershorit.

      Takimi vjen në kohën kur aleatët e Bashës zbuluan se presidenti Ilir Meta do të zbulojë deri në mbrëmje, datën e re të zgjedhjeve.

    • 12:12

      Aleatët e Bashës takim me Metën në presidencë

      Aleatet e PD

      Pas takimit që kreu i shtetit, Ilir Meta zhvilloi mëngjesin e sotëm me kryetarin e PD, Lulzim Basha, në zyrën e tij kanë shkuar tanimë edhe aleatët e kryedemokratit. Nard Ndoka, Agron Duka, Dashamir Shehu, Vangjel Dule, dhe Fatmir Mediu kanë shkuar në zyrën e presidentit. Mësohet se në qendër të diskutimeve është situata politike në vend. Më herët në zyrën e Metës ishte edhe një përfaqësues i Këshillit të Europës.

    • 12:08

      Tensionet e zgjedhjeve, përfaqësuesi i KE-së vizitë blic në zyrën e Metës

      Presidenti Ilir Meta ka pritur sot në zyrën e tij një përfaqësues nga Këshilli i Europës. Burime për Dosja.al bëjnë me dije se Meta dhe përfaqësuesi i KE-së, kanë diskutuar në lidhje me vendimet e presidentit për zgjedhjet lokale të 30 qershorit dhe krizën aktuale.

    • 11:16

      Meta flet pas takimit me Vasilin: Kërkohet përgjegjshmëri nga të gjithë

      Presidenti Ilir Meta dhe Petrit Vasili

      Presidenti Ilir Meta pas takimit me nën-kryetarin e LSI-së, Petrit Vasilin është shprehur se kërkohet përgjegjshmëri dhe sjellje europiane nga të gjithë.

      “Në vijim të konsultimeve me partitë politike për zgjidhjen e krizës aktuale në vend, prita sot në takim Nënkryetarin e Lëvizjes Socialiste për Integrim, z.Petrit Vasili. Kërkohet përgjegjshmëri dhe sjellje europiane nga të gjithë.”, shprehet Ilir Meta.

    • 10:30

      Takimi Meta-Basha, komenton Rama: Dështon Luli, ndërhyn Iliri, presidenti ka marrë drejtimin e opozitës

      Edi Rama

      Kryeministri Edi Rama nga njësia 4 në një takim me qytetarët ka folur për takimin e sotëm Basha-Meta. Ai është shprehur se Meta ka marrë drejtimin e opozitës.

      “Sot kanë përgjigjen e saktë edhe nga Kolegji Zgjedhor. Meta ka marrë drejtimin e opozitës. Këta u çmendën  por u çmendën të gjithë njëherë. Dështon Luli dhe ndërhyn Iliri. Ky hapni vendin se do hidhem, është habi e madhe shumë dhe i hodhi benzinë zjarrit me atë marrëzinë e ç’firmosjes së firmës së vet, u dha motiv sado absurd për tu kap këtyre që ne do mbrojmë dekretin, sot aktualisht e ka marrë përgjigjen shumë qartë ajo histori nga kolegji zgjedhor, se është ajo gjykata, dhe është pa të drejtë ankimimi”, shprehet Rama.

    • 10:04

      Kryemadhi shmag Metën, kë i çon në Presidencë për të takuar

      Ilir Meta dhe kryetarja e LSI-së Monika Kryemadhi

      Presidenti Ilir Meta pas takimit me kreun e PD-së Lulzim Bashës ka pritur në presidence edhe nën kryetarin e LSI-së Petrit Vasilin.

      Nuk dihet pse në takim nuk ka shkruar kryetarja e LSI-së po ka dërguar Vasilin. Nuk ka asnjë detaj se çfarë kanë diskutuar me njëri-tjetrin.

    • 9:55

      Takimi me Bashën, Meta: Kërkohet përgjegjshmëri dhe sjellje europiane nga të gjithë

      Presidenti Ilir Meta ka reaguar pas takimit që pati me kreun e Partisë Demokratike, Lulzim Basha. Në një reagim në Facebook, Mata shprehet se kanë folur për zgjidhjen e krizës poltike që ka kapur vendin.

      Po ashtu ai shton se  duhet përgjegjshëmri dhe sjellje europiane nga të gjithë që të shkojmë drejt zgjidhjes së kësaj krize.

      Sot prita në një takim Kryetarin e Partisë Demokratike, z.Lulzim Basha për të diskutuar mbi krizën aktuale që po kalon vendi. Kërkohet përgjegjshmëri dhe sjellje europiane nga të gjithë”, shkruan Meta në Facebook. 

    • 9:40

      Basha me Metën kokë më kokë në Presidencë, vjen reagimi i kryeministrit

      Edi Rama, Lulzim Basha dhe Ilir Meta

      Që prej orës 09:00 të mëngjesit të sotëm, kreu i PD-së Lulzim Basha  shkoi në Presidencë, ku atu zhvilloi një takim me Ilir Metën që zgjati vetëm 20 minuta. Takimi i zhvillua në lidhje me situatën politike në vend dhe zgjedhjet e 30 qershorit. Deri më tani asnjë detaj nga ky takim.

      Menjëherë ka reaguar edhe kryeministri Rama në Instagram mëngjesin e sotëm por nuk ka thënë asnjë fjalë për takimin Basha-Meta. Ai ka publikuar një video nga bypass i Fierit, ku shprehet se është hapur një anë e rrugës dhe kjo për sezonin turistik.

      “Merr fund historia e pafundme e ngërçit të rrugës së Fierit gjatë sezonit turistik, me hapjen sot të njërës anë të bypass-it, duke e lehtësuar shumë ndjeshëm qarkullimin drejt jugut”, shkruan Rama.

      Situata politike në vend vijon të jetë e nxehtë. Me urgjencë Presidenti Ilir Meta ka shkuar sot në orën 04:45 të mëngjesit në Presidencë. Rama pranoi të ulet për dialog, në lidhje me situatën politike në vend.

       

    • 09:25

      Përfundon takimi Basha-Meta, bisedë vetëm 20 minuta

      Vetëm 20 minuta, kaq ka qenë biseda mes Ilir metës dhe Lulzim Bashës. Kreu i demokratëve mbërriti në Presidencë në orën 09:00 dhe u largua në 09:20.

      Dhe pse ishte një takim i parashikuar dhe i mirë programuar, nuk ka zgjatur shumë. Nuk dihet ende se çfarë ësthë biseduar mes Kreut të Shtetit dhe kryetarit të opozitës, por bëhet me dije se e gjithë biseda është fokusuar tek zgjidhja e krizës politike.

      Nga të dy institucionet nuk ka pasur asnjë deklaratë për mediat se çfarë është thënë në takim.

    • 9:10

      Meta e pret Bashën në Presidencë, momenti i shtrengimit të duarve (VD)

      Presidenti Ilir Meta ka pritur në takim Lulzim Bashën. Ka qenë një prej këshiltarëve të Metës që ka pritur Bashën në hyrjen e Presidencës e më pas e ka shoqëruar atë tek zyra ku ishte Kreu i Shtetit.

      Meta dhe Basha kanë shtrenguar duart me njëri tjetrin dhe më pas kanë nisur bisedën pa praninë e mediave. Nuk dihet ende sa do zgjasë ky takim, por mësohet se biseda do të fokusohet në zgjidhjen e krizës politike.

    • 09:01

      Rama sfidon Bashën dhe Metën, bën not dhe sport pak metra larg Presidencës

      Edi Rama, kryeministër

      Kryeministri Edi Rama refuzoi të shkonte sot në takimin e thirrur nga Presidenti Ilir Meta për të dialoguar për zgjidhjen e krizës. I vetmi që shkoi në takim ishte kreu i PD-së, Lulzim Basha ku bisedoi vetëm për 20 minuta me presidentin e vendit. Deri më tani asnjë detaj nga ky takim.

      Por ku ndodhej Rama teksa u takuan Basha dhe Meta?

      Dosja.al mëson se kryeministri ndodhej në kryeqytet, në disa ambiente sportive afër Presidencës. Burimet bëjnë me dije se Rama është stërvitur mëngjesin e sotëm. Madje ai ka bërë not për disa minuta. Kryeminisitri ka dashur të çlirojë energjitë negative dhe të nisë një ditë me plot energji. Asnjë fjalë nga ana e tij për takimin e Lulzim Bashës me Ilir Metën.

    • 07:57

      Rama tha do bëjë ndonjë çmenduri tjetër, çfarë bën Meta në Presidencë në 04:45 të mëngjesit?

      Tre ditë para zgjedhjeve,  situata politike në vend është e nxehtë. Dosja.al ka siguruar një video ku presidenti Ilir Meta ka shkruar me urgjencë në 04:45 të mëngjesit në Presidencë.

      Në video duket qartë makina e Presidentit dhe eskorta e tij, të cilat futen me shpejtësi në oborrin e Presidencës.

    Shto Koment