Berisha: Ne kemi në krah avokatin e presidentit Donald Trump, Edi Rama ka në krah bandat! 27 Prill, 21:13 Berisha: N...
Rama: Nëse Vlora nuk thyen çdo rekord më 11 maj, do jetë turp atyre burrave që nuk do të shkojnë në vo...
Berisha-diasporës: Kthehuni dhe investoni në Shqipëri! 5 vitet e para nuk do të paguani asnjë taksë 27 Prill, 12...
"Sot do të firmosim marrëveshjen", Rama: Do të hapim në Vlorë Akademinë e Aviacionit, synojmë të jet&eum...
TIRANË– Këshilli Drejtues i Dhomës Kombëtare të Përmbaruesve Gjyqësorë kanë lëshuar një paralajmërim për të gjithë qytetarët, duke u kërkuar që të mos bien pre e mashtrimeve. Në një njoftim të shpërndarë përmes mediave, ata bëjnë me dije se shumë qytetarëve iu është dërguar mesazh shantazhi, për kredi të paqena. Me anën e kësaj komunikate dhome e përmbaruesve kërkon marrjen e masave nga ana e autoriteteve pasi qytetarët po shantazhohen gjithashtu përmes shkresave të rreme dhe telefonatave bërë ata, viktima të borxheve dhe detyrimeve të paqena.
“U bëjmë thirrje, kompanive “borxhmbledhëse” që të ndalojnë menjëherë mashtrimin e qytetarëve me shkresa, praktika dhe telefonata që imitojnë dhe përvetësojnë titullin e përmbaruesit gjyqësor. Të ndalojnë sot, pasi nesër do të jetë qytetari bashkë me përmbaruesin, të cilët do të gjejnë zyrat pa adresa të këtyre kompanive, nga ku do të denoncojnë ligjërisht dhe publikisht, të gjithë ata që do të guxojnë të vazhdojnë këtë veprimtari që vjedh dhe mashtron publikun,”-shkruhet ndër të tjera në deklaratë.
KOMUNIKATË PËR PUBLIKUN DHE MEDIAN: STOP MBLEDHJES SË BORXHEVE NËPËRMJET MASHTRIMIT DHE SHANTAZHIT
Përmes kësaj komunikate, kërkojmë të tërheqim vëmendjen e publikut, mediave dhe të gjitha organeve ligjzbatuese në vend, mbi një fenomen shumë të rëndë që është përhapur dhe po rritet me shpejtësi në shoqërinë shqiptare: “Mbledhja e borxheve nëpërmjet mashtrimit dhe shantazhit”.
Qytetarë në masë kanë marrë telefonata që u kërkojnë shlyerje kredish të vjetra bankare, detyrime të kompanive telefonike, apo të institucioneve të mikrokredisë. Telefonata u është shfaqur në numrin personal; në celularët e familjarëve, pa dallim – të moshuar apo të mitur, në qendrën e punës, në rrethin shoqëror dhe farefisnor, telefonata i ka përndjekur në ëhatsapp deri dhe jashtë shtetit.
Me qindra qytetarë kanë marrë shkresa, ku në emër të ligjit shantazhohen me njoftime apo lajmërime me karakter mashtrues si është titulli “Njoftim për bllokimin në gjykatë të pagës së palës debitore”. Tipologjia e shprehjeve me karakter ekzekutues përmbarimor përdoret gjerë në këto shkresa, ku në pjesën dërrmuese nuk shënohet fare emri dhe mbiemri i dërguesit, nënshkrimi dhe adresa e tij. Shkresat pothuajse anonime mbështeten vetëm mbi akronime të shoqërive që nuk janë zyra përmbarimi.
Telefonatat dhe shkresat që dalin nga e njëjta skemë shoqërish të lidhura me njëra-tjetrën, përdorin emrin dhe atributet e përmbaruesit për të impresionuar dhe shantazhuar qytetarët e thjeshtë dhe për t’i bërë ata, viktima të borxheve dhe detyrimeve të paqena.
Shumë qytetarë kanë rënë pre e kësaj skeme të mashtrimit publik, duke paguar borxhe ose detyrime financiare që nuk u përkasin, apo që nuk i korrespondojnë detyrimit real.
Mijëra familje në nevojë kanë menduar se prapa këtyre shkresave dhe telefonatave qëndron shteti, me një përmbarues që do vijë t’u sekuestrojë pagën, shtëpinë, makinën, apo biznesin.
Fenomeni i bërjes së “përmbarimit” me telefon ose me shkresa që s’kanë asnjë lidhje me shërbimin përmbarimor gjyqësor – është intensifikuar në përmasa të tilla që, tashmë ka dalë jashtë kontrollit shtetëror.
Përhapja masive e këtij fenomeni nuk po lëviz nga vendi, prej kohësh, asnjë prej institucioneve përgjegjëse për mbikëqyrjen e kësaj veprimtarie, përfshirë ato ligjzbatuese.
Ndaj, u bëjmë thirrje institucioneve përgjegjëse shtetërore të reagojnë menjëherë, sot dhe të marrin masa për të mbrojtur qytetarët shqiptarë nga këto skema të mirëfillta mashtrimi, që mund të krijojnë pasoja të rënda sociale, veçanërisht kur bëhet fjalë për një kategori të gjerë vulnerabël qytetarësh, të cilët janë futur në marrëdhënie detyrimi për shuma minimale mbijetese e mbulimi të halleve të përditshme.
U bëjmë thirrje qytetarëve dhe publikut të gjerë, të mos bien pre e telefonatave, komunikimeve apo njoftimeve mashtruese shkresore, pa adresa, pa emra apo identitete, pasi ato nuk kanë asnjë vlerë ligjore, por t`i denoncojnë menjëherë ato, në organet policore, Prokurorinë e Shtetit ose pranë Dhomës së Përmbaruesve, që angazhohet t`i ndihmojë për t’i orientuar ligjërisht ato.
Publiku dhe qytetarët duhet të dinë se, mbledhja e detyrimeve dhe ekzekutimi i tyre në Shqipëri bëhet vetëm nga përmbaruesit sipas ligjeve në fuqi dhe ata kanë emër, mbiemër, adresa dhe vula zyrtare.
Ata nuk fshihen, as pas telefonatave, as pas shkresave anonime. Madje, përmbaruesit privatë mund t’i njihni edhe nga fotot që janë të publikuara për transparencë në Regjistrin e Përmbaruesve Gjyqësorë të Dhomës, në faqen zyrtare të saj.
U bëjmë thirrje, kompanive “borxhmbledhëse” që të ndalojnë menjëherë mashtrimin e qytetarëve me shkresa, praktika dhe telefonata që imitojnë dhe përvetësojnë titullin e përmbaruesit gjyqësor. Të ndalojnë sot, pasi nesër do të jetë qytetari bashkë me përmbaruesin, të cilët do të gjejnë zyrat pa adresa të këtyre kompanive, nga ku do të denoncojnë ligjërisht dhe publikisht, të gjithë ata që do të guxojnë të vazhdojnë këtë veprimtari që vjedh dhe mashtron publikun.
Çdo qytetar që është vënë apo vihet në kontakt telefonik apo shkresor sipas të dhënave të përshkruara në këtë komunikatë, të njoftojë menjëherë në adresën [email protected], pa u kufizuar në denoncimin pranë Policisë së Shtetit ose Prokurorisë së Rrethit Gjyqësor ku banon.
KËSHILLI DREJTUES I DHOMA KOMBËTARE E PËRMBARUESVE GJYQËSORË PRIVATË
(k.m/dosja.al)
Iftar dhe politikë, a u prek Muaji i Ramazanit nga politikanët?
Rritja e rasteve me koronavirus është pasuar edhe shtimin e pacientëve në Spitalin Infektiv. Në një intervistë për televizionin Klan shefja e spitalit Covid 1, ...
KUÇOVË– Banorët e fshatit Lumas kanë depozituar sot në Prokurorinë e Posaçme kundër Korrupsionit dhe Krimit të Organizuar (SPAK) një kallëzim...
TIRANË– Një tjetër viktimë është shënuar nga pandemia e koronavirusit në Shqipëri, duke e çuar në 4 totalin e muajit gusht. Ministria e Shënde...
Një sërë shkeljesh që nuk janë konfirmuar ende nëse janë shkaktuar vetëm nga neglizhenca kanë sjellë pezullimin e përkohshëm të 6 efektivëve të burgut 313, ndër...
*Pjesa e dytë e shkrimit SPANJË– Në vitet e tij të rinisë, narkotrafikanti italian Giuseppe Romeo, i njohur si “Maluferru”, ishte magjepsur me punën që bën...
TIRANË – Presidenti i Republikës, Ilir Meta ka reaguar përmes nëj postimi në ‘Facebook’ në lidhje me 20-vjetorin e Marrëveshjes së Ohrit....
TIRANË– Policia rrugore ka bërë me dije se vetëm në 48 orët e fundit janë ndëshkuar me masë administrative 3.456 drejtues automjetesh pasi kanë shkelur rre...
DVP VlorëVijon puna për kapjen e personave të shpallur në kërkim kombëtar.Vihet në pranga një 37-vjeçar i shpallur në kërkim për veprën penale “Mashtrimi...
ITALI– 1.5 milionë euro të paligjshme, janë sekuestruar vetëm në dy muajt e fundit në portin e Barit në Itali, ku destinacion i tyre kryesisht ka qenë Shq...
LEZHË– Një banesë është përfshirë nga flakët mesditën e sotme në fshatin Torovicë të Lezhës.Policia bën me dije se nuk ka persona të lënduar, por vet...
