KRYESORET
Editorial

Mes votës së lirë dhe orientimit të Yuri Kim

21 Shkurt 2022, 12:53 Nga DOSJA
Mes votës së lirë dhe orientimit të Yuri Kim

Nga Enton Abilekaj

Deklarata e sotme e ambasadores amerikane, Yuri Kim, mund të ketë patur qëllimin e thjeshtë, që t’i japë një dorë Lulzim Bashës, pavarësisht se më shumë fiton Edi Rama. Pasi e ka marrë në sqetull, diplomatja e SHBA-ve, po mundohet ta çojë me zor t’i sigurojë vota, me shpresën se 6 marsi nuk do të jetë një katastrofë për opozitën e emëruar dhe do t’i japë fund Berishës.

Që nga zgjedhjet e 22 marsit të vitit 1992, kur ambasadori William Ryerson dilte hapur në mitingjet e opozitës, ndërhyrja amerikane në zgjedhje nuk është kuptuar asnjëherë hapur. Në atë kohë, dalja e ambasadorit me dy gishtat lart, nuk i shërbente një partie, jepte mesazhin për rrëzimin e sistemit komunist, për rrëzimin e qeverisë së fundit komuniste në Europë dhe ndarjes me diktaturën. Duke qenë se marrëdhëniet e SHBA me Shqipërinë u rivendosën pas shpalljes së pluralizmit politik, duke qenë se 22 marsi ishte një betejë mes Demokracisë dhe Diktaturës, pjesëmarrja e Ryerson në fushatë, dukej më shumë një mbrojtje e miqësisë me SHBA, se sa përfshirje në një betejë lokale.

Pushteti që erdhi pas kësaj mbështetjeje prodhoi një formë të re të qeverisjes autoritare. Pasi u prit në një ceremoni madhështore në Shtepinë e Bardhë nga George Bush, Sali Berisha u kthye me “çekun e bardhë” të riformatimit të pushtetit të trashëguar, sipas stilit të tij. Dhe stili i tij, prej ish-komunisti, u pa në reformën në Drejtësi me Gjyqtarët që u shkolluan në kurse 6-mujore te Plepat e Durrësit, te arrestimi i kryetarit të opozitës, Fatos Nano, nxjerrja jashtë ligjit e Partisë Komuniste, spastrimi masiv i administratës me nenin e famshëm 24/1.

Disa ndryshime të domosdoshme, që u bënë paketimi perfekt i nevojave për pushtet absolut dhe të përjetshëm të Sali Berishës, kishin gjithmonë mbështetjen amerikane. Edhe në 26 maj 1996, kur zgjedhjet u mbyllën pa filluar dhe komisionerët socialistë u detyruan të largohen nga qendrat e votimit, SHBA dhe BE vazhduan ta mbështesin Berishën, i pranuan zgjedhjet duke kërkuar përsëritjen e 40 zonave sa për sy e faqe. Kjo ndodhte kur firmat piramidale po korruptonin çdo qelizë të shoqërisë duke abuzuar me paratë e shqiptarëve, që 1 vit më vonë, të vjedhur deri në qindarkën e fundit, u cuan për ta rrëzuar qeverinë e 26 majit me dhunë.

Pas 1997, kur socialistët erdhën në pushtet, Ilir Meta ishte “Sali Berisha i 1992”. Me mbështetjen e fortë amerikane, u bë Kryeministër në 1999. Ambasadori i atëhershëm i ndjeri Joseph Limprecht, ishte mbështetësi më i fortë i Ilir Metës, garantuesi i pushtetit të tij, që mori në kontroll gjithë mediat dhe nisi një epokë të re të autoritarizmit, i bazuar në korruptimin e politikës, medias dhe shoqërisë civile, i ngjashëm me këtë që po jetojmë sot.

E njëjta mbështetje për qeverinë e dytë të Fatos Nanos, që në 2003 krijoi një marrëdhënie aq të fortë me administratën e George W. Bush, sa mori guximin t’i hakërrehej Gjermanisë dhe Francës, kur refuzuan të bashkoheshin me luftën në Irak. Kjo ishte e mjaftueshme që, megjithë degradimin e qeverisjes, me gjithë korrupsionin endemik, SHBA t’i jepte mbështetje atij që e hoqi në 1998, deri në momentin e fundit. E njëjta gjë ndodhi me Sali Berishën e dytë. Edhe pasi në 21 janar 2011 vrau 4 njerëz në Bulevard, edhe pasi në 11 maj 2011 ia rrëmbeu Bashkinë e Tiranës me dhunë Edi Ramës, live në TV, edhe pasi në 2012 zgjodhi President Bujar Nishanin, anëtarin e kryesisë së PD, edhe pasi nëpërmjet tij, shkarkoi kryetarin e SHISH dhe emëroi njeriun e tij, edhe pasi të njëjtën gjë e bëri me Prokurorin e Përgjithshëm, mbështetja amerikane ishte po ajo.

Sekretarja Amerikane e Shtetit, do të deklaronte në nëntor 2012, se Shqipëria është shembull i demokracisë, ndërsa gazetarët hetoheshin si puçistë të 21 janarit, institucionet e pavarura ishin pushtuar nga Sali Berisha dhe njerëzit mezi prisnin datën e zgjedhjeve të vërshonin nëpër kutitë e votimit kundër “Burrit të Shtetit”. Sot po ndodh me Edi Ramën e njëjta gjë. Ngjarjet janë të freskëta, korrupsioni galopant, kanbizimi, pastrimi i parave, koncesionet dhe skandale pa fund që janë rrjedhim i kapjes totale të Shtetit nga një person i vetëm, nuk e lëkundin mbështetjen amerikane për Kryeministrin. Jo vetëm amerikane, por mosveprimi e bën BE më pak ndikuese dhe më pak referencë, megjithëse është destinacioni ynë.

Në 30 vjet Shqipëria është qeverisur keq, është grabitur nga të gjithë, është shtypur nga të gjithë, me mbështetjen e Perëndimit. Ky konstatim nuk mohon ndihmën e madhe që Perëndimi u ka dhënë shqiptarëve, që kulmon në 1999 me çlirimin e Kosovës dhe në 2001 me Marrëveshjen e Ohrit për shqiptarët e Maqedonisë së Veriut. Por a është e nevojshme vendosja e Stabilokracisë, pranimi i autoritarizmit të korruptuar që kap gjithë Shtetin, në mënyrë që të arrihen suksese rajonale në favor të shqiptarëve?

Nëse nuk do të kishte rrugë tjetër, nëse shqiptarët nuk do të ishin një shtet pro-perëndimor dhe veçanërisht pro-amerikan, rruga e sponsorizimit të Stabilokracisë do të ishte e justifikuar. Në kushtet reale, të një populli që adhuron Perëndimin, e beson atë më shumë se veten, mjafton aleanca me popullin, mjafton që të dëgjohet zëri i publikut, mjafton demokracia, për të patur mbështetje të plotë për gjithçka ndodh në rajon.

Deklarata e sotme e ambasadores, si vijim i një kursi imponues për zgjedhjet, vetëm sa e përfshin atë në një betejë që më shumë është brendapartiake sesa partiake. E largon nga një pjesë e konsiderueshme e publikut. E zvogëlon rolin e SHBA-ve dhe investon për një rrymë anti-amerikane. Është një tjetër përpjekje për të bërë mirë, pa u kujdesur që të mos shkelet vota si themel i demokracisë./Dosja.al

Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?

View Results

Sondazh

Poll

Editorial 17 Shkurt 2022, 15:00

Ishte fitore, jo për Ilir Metën

Nga Enton AbilekajPër ata që e panë si betejë mes Ilir Metës dhe Edi Ramës, vendimi i Gjykatës Kushtetuese ishte humbje e të dytit dhe fitore e të parit. Ata që...

Editorial 17 Shkurt 2022, 14:58

Pazari politik!

Nga Meri LikaThonë se, njerëzit, e vlerësojnë diçka vetëm atëherë kur nuk e kenë. Unë mendoj se kush e ka thënë këtë ka patur të drejtë. Përfundimisht ne...

Editorial 16 Shkurt 2022, 11:54

Çfarë kërkon Putin në Ukrainë

Nga Garry KasparovSot ka shumë lajme në lidhje me “krizën e Ukrainës” dhe jam i lumtur kur shoh sesi ky kërcënim i madh për rendin botëror më në fun...

Editorial 11 Shkurt 2022, 18:07

Fale nëna Lizën o i nderuar kryeministër!

Nga Meri LikaKa pothuajse një muaj që propaganda qeveritare na ka bombarduar me formularin “Këshillimi Kombëtar. Le të dëgjojmë njëri – tjetrin”. Mua personalis...

Editorial 10 Shkurt 2022, 18:08

Turpi historik i “opozitës” në Kuvend

Nga Enton AbilekajAta që zënë ulëset e opozitës në Kuvend, sot vërtetuan të jenë një çetë e çartur pa asnjë organizim dhe pa asnjë ide. Ndërsa Lul...

Rrëfimi i Dumanit/ Berisha: S’kisha dëgjuar që bandat rivale të merrnin të njëjtin vrasës

Rrëfimi i Dumanit/ Berisha: S’kisha dëgjuar që bandat rivale të merrnin të njëjtin vrasës

PPE për krizën në PD? Berisha: S’e di, e vlerësojmë, disa nga ne do shkojnë

Berisha korrigjohet: Ia paskam thënë gabim emrin Dumanit, e paska Nuredin

Duma e Alizoti në mbledhjen e Rithemelimit, Berisha: Do e merrni vesh në darkë

3 Komisionet në duart e Alibeajt, Berisha: Përpjekje Ramës për ta lënë vendin pa Opozitë

Miraka te Ligjet, Berisha: Bardhi të japë sqarime për vrasjen në Elbasan

Berisha: Alibeaj merr në mbledhje demokratë që nuk janë pjesë e grupit të PD

Berisha paralajmëron protesta: Droga është normë në polici, mjaftojnë dy vrasjet e fundit

Nesër zgjidhet kryesia e PD/ Berisha: Sot dorëzoj emrat

Pas Dumanit, Berisha thirrje Besian Xhixhës: Trego lidhjet e krimit me politikën

Berisha: Dumanit po i censurojnë dëshmitë, nxirrni tabulatet e Taulant Ballës me Suel Çelën

Berisha thirrje Nuredin Dumanit: Trego gjithçka, deri tani ke thënë ato që dimë të gjithë

Berisha: Gjykata Supreme janë Rama e Don Agaçio, gjthçka ndodh në dhomë këshillimi

Manja ‘pastroi’ dosjet, Berisha: Mafia e pronave u amnistua, mjafton të çojnë qesen në Apel

S'përmbahen! Bardhi: Mos më ngri zërin mua. Bushka: Flisni 7 veta në kor

PLAS KEQ te Ligjet/ Bushka: Ne jemi ndryshe Gazi, ty të është vrarë dikush në zonën elektorale

Raporti i Administratës Publike, Bardhi: Keni analizë për patronazhistët, keni marrë masa?

Raporti i Administratës Publike/ Alibeaj: Pse gjatë vitit zgjedhor ka pasur më shumë rekrutime?

Anëtarët e ish-sigurimit të Shtetit/ Alibeajt s'i pranohet kandidati, ngre zërin: Ja provat

Socialistët miratojnë të propozuarin e Berishës, Simon Miraka

Sherr te Ligjet/ Bardhi: Të pafytyrë, votuat të propozuarin e non-gratas. Bushka: Lëri patetizmat

Në qendër të Tiranës, aksidentohet autobusi i linjës së Institutit

Emrat e Alibeajt për Zgjedhoren, Balla: Sa t'i sjellë, do i miratojmë, më në fund

Presidenti/ Balla: Votat do i gjejmë, po konsultohem me dy grupet e tjera të Opozitës

Bylykbashi anëtar i Reformës Zgjedhore, Alibeaj: Nuk është provokim

'Jam kryetar grupi'/ Alibeaj: Brenda PD s'ka përplasje, s'ka bojkot për presidentin, të hënën....

Procesi i zgjedhjes, Alibeaj: Jemi gati deri në 12 të natës nëse PS ndryshon mendje

Zgjedhja e Presidentit/ Alibeaj: Maxhoranca nuk i ka 71 vota, është realitet

Procesi i Presidentit/ Ndryshon mendim pas mbledhjes, Alibeaj: Do marrim pjesë

Cilët kryebashkiakë do kallëzohen? Manja: Hetimi ka rregulla, s'bëj publike asnjë rast

Rrezikon Shqipëria nga lufta?Peleshi:Jemi të sigurtë,NATO reagon sa herë që preket një pëllëmbë tokë

Shqipëria ngre bazë të dhënash për emergjencat, çon togë në Bullgari, zgjeron kontributin në NATO

Balluku: Ka abonentë familjarë që përdorin mbi 5 mijë kw mujorë, do kenë pishina, s'fikin dritat

Miratohet koncensioni për ndërtimin e aksit Thumanë-Kashar

Qeveria vendos transferimin e të dhënave për licensat e minierave

A e ka gati Shqipëria dosjen për çështjen e detit në Hagë? Xhaçka: Në atë fazë jemi

Mbështetje për emigrantët shqiptarë në Greqi? Xhaçka: E diskutova me Dendias, do njihet gjuha shqipe

Shqipëria jep OK për futjen e Suedisë e Finlandës në NATO

Gjuhë të huaja e letërsia, ulet mesatarja që duhet të kenë maturantët për këto degë

Kisha

Mbledhja e grupit, Berisha mbërrin në selinë blu: Alibeaj vegël e Ramës, po fyejnë Diasporën

Forumi i PPE, Berisha: Po mbajnë qëndrim neutral, zëri ynë s’do mungojë

S’ju uroi asnjë ambasadë, Berisha: S’e mbaj mend ta kenë bërë ndonjëherë

Marrëdhënia me SHBA, Rama: Miqtë e BE s'e kuptojnë, u dukemi budallenj

Rama: Kemi gati projektin për një bazë detare të NATO-s, do ia paraqesim gjeneralit

Yuri Kim në sallë, Edi Rama: Do flas anglisht, të shmang përkthimin e keq që krijon probleme

U nderua me medalje, gjenerali amerikan 'i mahnitur' pas Ramës: Jeni lider!

Rama i dorëzon medalje Komandantit të NATO-s: Do bëjmë plan për një bazë detare

INCIDENTI- Rama mezi i vendos medaljen gjeneralit amerikan: Më fal, s'qenka e lehtë

Tifozët