Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Meri Lika
Thonë se, njerëzit, e vlerësojnë diçka vetëm atëherë kur nuk e kenë. Unë mendoj se kush e ka thënë këtë ka patur të drejtë. Përfundimisht ne, shqiptarët, jemi një popull mosmirënjohës. Jemi të tillë sepse nuk arrijmë dot të vlerësojmë qeveritarët dhe politikanët që kemi. Unë personalisht, kam filluar të kem një admirim gati hyjnor, për qeveritarët dhe për politikanët tanë në përgjithësi.
I admiroj sepse, kanë shumë më tepër qendrueshmëri se unë, janë shumë më të fortë se unë, shumë më punëtorë se unë, shumë më të shkolluar se unë, shumë më të mençur se unë, shumë më, e shumë më, e shumë më, e shumë më të tjera. Duke patur parasysh sulmet që, shpesh, iu bëhen publikisht, them me vete se nëse do të kisha qenë në vendin e tyre do ta kisha ngritur prej kohësh flamurin e bardhë të dorëzimit, e t’iu jepja kritikuesve dhe sharësve atë që ata dëshironin. Por qeveritarët dhe politikanët tanë nuk e bëjnë, ata qëndrojnë, si okllai, përballë çdo sulmi dhe nuk dorëzohen.
Unë nuk jam aspak dakord me shprehjen se çdo popull ka qeverinë që meriton sepse, ne nuk i meritojmë këta qeveritarë kaq të përkushtuar, këta qeveritarë dhe politikanë që natë e ditë luftojnë e punojnë, ndërkohë kur ne zhgërryhemi plazheve të Maldiveve e Dubait.
Në këtë derexhe ku kemi arritur, si popull thashethemexhi, mendoj se, meritojmë të qeverisemi nga njerëz të ndershëm, nga ata të cilët kanë parime, nga ata që ndjekin rrugën e drejtë në të mirë të vendit e që në fund të qeverisjes të mos ikin të pasur, etj etje si këto dhe të na e venë festen siç kemi kokën. Po jo, Zoti na ka mbajtur me hatër duke na dhënë krejt të kundërtën e atyre qeveritarëve dhe politikanëve që ne me të vërtetë meritojmë.
Ju që nuk jeni dakord me këtë qeverisje dhe që nuk iu pëlqejnë politikanët tanë, e keni rrugën të hapur, mund të ikni nga Shqipëria. U habitët?! Po mor po, të ikni që ç’ke me të. Nuk është e denjë që qeveria dhe politikanët tanë të udhëheqin këta konformistë të cilët nuk dinë të vlerësojnë asgjë.
Është e pamundur të qeverisësh një popull të tillë, ku kriminelët e rrezikshëm duke filluar nga ata që nuk paguajnë dritat, apo ata që parkojnë makinën keq, apo ata që ndërtuan pa leje dhe janë në proces legalizimin, etj, bredhin të lirë, e në vend të tyre arrestohen politikanë e askush nuk ua merr parasysh shumë e shumë sakrifica që kanë bërë për këtë popull.
Jemi popull llafazan, ngelëm duke bërtitur për liri e për të drejta, ama kur vjen puna tek qeveritarët dhe politikanët tanë, harrojmë se edhe ata, e duan lirinë dhe të drejtat. Po pra, e duan lirinë që të votojnë çfarë t’iu dojë qejfi, pa menduar nëse na shkaktojnë dëm ne votuesve, duan edhe ata të kenë të drejtë të pasurohen njësoj si dhe ne. A na ndalon ndokush, që të pasurohemi me punën tonë?
Jo!
Po ata përse nuk duhet të pasurohen me punën e tyre?
Jemi popull bukëshkalë, që turremi mbi politikanët si shkaba e i quajmë, hajdutë, të korruptuar, të shitur, vegla, e sa e sa fjalë të tjera që nuk mi nxe goja. Po ngadalë o popull ngadalë, se njerëz janë edhe ata, dhe nuk janë njerëz dokudo por, janë njerëz të cilët, siç e tha dhe kryetari i nderuar i qytetit tonë, “edhe në ato pak orë gjumi që flenë”, janë duke ëndërruar se si të na e bëjnë jetën më të lehtë, duke “punuar në këtë zanat që nuk e zgjodhën por i zgjodhëm”.
E kuptoni? Ne jemi fajtorët që i zgjodhëm kurse ata me zemërgjerësinë që i karakterizon, pranuan të sakrifikohen si Rozafa. E thashë edhe në fillim, unë nuk do kisha duruar kaq shumë, do të isha dorëzuar, kurse këta vazhdojnë më luftarak se kurrë, më të fortë se kurrë, me ide më të qarta se kurrë. E keni parasysh kur, prindërit marrin vendime për fëmijët sepse mendojnë vetëm për të mirën e tyre, (të mos hanë shumë çokollata, patatina etj) paçka se fëmijëve nuk iu pëlqejnë ato vendime?
E pra, për të njëjtën arsye durojnë edhe politikanët e qeveritarët tanë, sepse ata e dinë se çfarë është e mirë për ne, prandaj marrin vendime që të na i ndalojnë “çokollatat dhe patatinat”.
Jemi popull egoist. Si nuk u lodhëm xhanëm, na zuri goja lesh duke iu kërkuar politikanëve që të merren vesh, të kuptohen, të dialogojnë, të arrijnë marrëveshje, po a më thoni dot se përse duhet t’i bëjnë ata të gjitha këto? Po për ne more për ne!
Ata na durojnë, mblidhen, kuptohen, arrijnë marrëveshje, ndryshojnë kushtetutën etj. Të mos flasim për këtë të fundit, se kur arrijnë marrëveshje për të, ata e dinë se sa vuajnë! Jemi popull mendjengushtë dhe nuk kemi për ta kuptuar dot kurrë se, kur ndryshojnë kushtetutën vuajtja e tyre nuk shpjegohet dot me fjalë, por ata e tejkalojnë edhe këtë dhimbje e na japin ndryshimet që duam.
E ndiejë për detyrë t’iu kërkoj t’i lutemi Zotit, që qeveritarët tanë të mos dorëzohen dhe që një ditë të bukur të mos e gjejmë veten përballë tyre e të na thonë: “Merreni pushtetin o popull mosmirënjohës, merreni dhe të shohim si do drejtoni.” Të lusim Zotin që kjo të mos ndodh, dhe të shpresojmë që Zoti t’i dëgjojë lutjet tona se po nuk i dëgjoi na mori lumi, e nuk na ngelet gjë tjetër por, të këndojmë këngën “Lumi që mori Vunonë, pse s’mori dhe Qeparonë?”./Dosja.al
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
Nga Garry KasparovSot ka shumë lajme në lidhje me “krizën e Ukrainës” dhe jam i lumtur kur shoh sesi ky kërcënim i madh për rendin botëror më në fun...
TIRANË– Shumëkujt mund ti jetë dukur e çuditshme sesi ia doli kryeministri Edi Rama që të përputhte orën nga Shqipëria në Uashington. Edhe pse...
Nga Meri LikaKa pothuajse një muaj që propaganda qeveritare na ka bombarduar me formularin “Këshillimi Kombëtar. Le të dëgjojmë njëri – tjetrin”. Mua personalis...
Nga Enton AbilekajAta që zënë ulëset e opozitës në Kuvend, sot vërtetuan të jenë një çetë e çartur pa asnjë organizim dhe pa asnjë ide. Ndërsa Lul...
Enver RobelliPër 92 vjet ekzistencë shtëpia e Xhafer Devës më së paku ka qenë e tij. Për arsye të njohura. Pas Luftës së Dytë Botërore shtëpia ka qenë ambulancë...
Nga Enton AbilekajEdi Rama as nuk po flet më për votimin e së enjtes së 10 shkurtit, ku i duhen votat e opozitës për të arritur shumicën absolute të nevojshme p...
Nga Andi BushatiAlbin Kurti rrezikon të bjerë pre e lehtësisë së politikave ditore që përdhosin rëndë memorien historike. Qeveria e tij, ose më mirë Ministria e...
Nga James McBride“Council on Foreign Relations”Perspektiva e një sulmi të madh rus ndaj Ukrainës, ka shkaktuar shumë diskutime lidhur me varësinë evropiane ndaj...
Nga Desada MetajSaimir Tahiri nuk është “kokë turku”. Ai është përgjegjës për çorbën që sajoi dhe e gëlltiti bashkë me shefin e tij.Kur u zgjodh ministër...
Nga Dell Dailey & James P.Farwell“National Interest”Retorika e Vladimir Putin po kërkon një Marrëveshje të re të Mynihut pas asaj të vitit 1938, me kapitull...
