Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
TIRANË– Shkolla 9-vjeçare “Jeronim de Rada” rihapet sërish për të gjithë nxënësit e Njësinë Nr. 9 në kryeqytet. Pas 54 vitesh shkolla “Jeronim De Rada” iu nënshtrua rikonstruksionit të plotë nga ana e Bashkisë së Tiranës me mbështetjen e Fondacionit të Katarit. I pranishëm në këtë ceremoni ishte edhe vetë kryebashkiaku i Tiranës Erion Veliaj.
“Unë besoj sot që me hapjen e një shkolle kemi hapur mundësi që nuk do të detyronte askënd të bënte një punë tjetër që nesër mund ta çonte në burg. Sot me statistikë në Tiranë po ulet numri i atyre që tundohen nga rrugët kriminale dhe po shtohet numri i atyre që jo vetëm vijnë në shkollë por shkojnë në aktivitete sportive, kulturore. Më në fund të Tiranë, statistikisht po hapim më shumë shkolla dhe po mbyllim më shumë burgje. Nënshkrimi dje për 5 milionë dollarë të tjera për të ndërtuar 2 shkolla dhe një kopsht. Shkollën “Lasgush Poradeci” në Kombinat, shkollën “16 Shtatori” në Pezë dhe kopshtin 42 në zonën e Bllokut, mbulon 3 institucionet e fundit”,”– tha Veliaj ndër të tjera në fjalën e tij.
Ky inagurim i sotëm, tregon që kjo shkollë do të mirëpresë nesër nxënësit për të nisur vitin e ri shkollor, edhe pse vetëm pak ditë më parë, pesë mësues që janë të punësuar pranë saj, rezultuan të infektuar me Covid-19.
Pas këtyre infektimeve, në parim, sipas Ministrisë, nuk do të ketë mbyllje të shkollës por zëvendësim të mësuesve të infektuar.
Shkolla “Jeronim de Rada” është vetëm një nga institucionet e reja në kryeqytet, së bashku me 28 shkolla të tjera në proces. Pas inagurimit të kësaj shkolle, Albana Vokshi nga Partia Demokratike deklaroi se institucionet arsimore nuk janë të sigurtë. Referuar lajmit të publikuar pak ditë më parë, Vokshi tha se 1/4 e mësuesve të kësaj shkolle, 10 arsimtarë janë të infektuar me Covid-19. Ajo kërkoi realizimin e testimit kombëtar për koronavirus për mësuesit dhe theksoi se shkollat janë masivisht të papërgatitura dhe mësuesit së bashku me fëmijët janë në mëshirë të fatit.
Deklarata e plotë e Albana Vokshit: Disa momente më parë në shkollën de Rada ishte Erion Veliajn për të inauguruar një shkollë të rikonstruktuar me fondet e shtetit mik të Katarit. Aty nuk kishte mësues, nuk kishte as prindër, pasi në shkollën de Rada është përhapur masivisht COVID-i. Propaganda kriminale e dyshes Rama-Veliaj nuk mund të fshehë problemin kryesor sot me shkollat, një ditë përpara fillimit të vitit të ri shkollor, se shkollat publike janë masivisht të papërgatitura për të përballuar pandeminë dhe se fëmijët dhe mësuesit janë në mëshirë të fatit. Mbrëmë në orët e vona të natës pranë grupit te punes prane PD te ngritur nga Kryetari Lulzim Basha kanë ardhur disa denoncime e shqetësime në lidhje me këtë çështje. Në shkollën de Rada, fatkeqësisht, janë rreth 10 mësues që kanë rezultuar pozitivë me covid. Kjo është 1/4 e stafit mësimor. Është një situatë alarmante që do të vinte në lëvizje çdo qeveri në botë, por jo këtë tonën, e cila kërkon të bëhet vetëm shoë dhe të fshehë paaftësinë e saj. Çfarë e bën gjendjen më skandaloze është pashpirtësia e kryebashkiakut të Tiranës. Ai ka përjashtuar nga ceremonia sot të gjithë mësuesit që kanë patur kontakt të afërt me mësuesit e infektuar për të mos rrezikuar asgjë vetë. Po për fëmijët e kësaj shkolle a tregohet i njëjti kujdes? As që bëhet fjalë! Mësuesit që kanë patur kontakt me ata që janë infektuar janë urdhëruar të dalin nesër të japin mësim, pa iu bërë testi, pa qenë të sigurtë. Këto janë dy standardet e këtij pushteti. Për vete siguri maksimale, për fëmijët e të tjerëve dhe mësuesit asnjë kujdes. Për PD jeta dhe shëndeti i çdo nxënësi, i çdo mësuesi është e shenjtë. Shkolla Jerenim de Rada nuk duhet hapur nesër. Le të vijë prapë Veliaj dhe Rama ta inaugurojnë, por nxënësit dhe mësuesit duhen kursyer. Ministria duhet të marrë masat që një shkollë me gjendje të rënduar nga COVID të mos nisë pa bërë testimin e mësuesve dhe pa u siguruar për ta. Rasti i shkollës de Rada provoi se kërkesa e Kryetarit të Partisë Demokratike Lulzim Basha për testim masiv të mësuesve është kërkesë e drejtë dhe urgjente.
Testimi covid dhe serologjik do të evidentojë zonat e infeksionit dhe do të japë mundësi të izolojë përhapjen e virusit nga mësuesit tek nxënësit dhe nga nxënësit tek prindërit dhe gjyshërit. Testimi nuk i kushton shumë qeverisë. Mjafton që ajo të heqë dorë nga disa lukse të saj. Për rreth 40 mijë mësues dhe punonjës më shkolla në të gjithë vendin duhen vetëm 1.6 milionë euro. Është një investim minimal për sigurinë e shëndetit të mësuesve, të nxënësve dhe familjarëve të tyre. 1.6 milionë euro testime për shkollat janë sa disa udhëtime me charter të Edi Ramës dhe ndonjë koncert i Erion Veliajt. Qeveria duhet të heqë dorë nga lënia e përgjegjësisë vetëm tek prindërit siç po bën me Formularin e Deklarimit të përditshëm për gjendjen shëndetësore të fëmijëve. Ka akoma kohë që qeveria të marrë masat e duhura. Të vendosë matës dixhital temperature në çdo shkollë të vendit. Të sigurojë kushte normale higjenike dhe ujë të rrjedhshëm. Të bëjë testin covid dhe atë serologjik për mësuesit. Të rrisë numrin e mësuesve për zhvillimin normal të procesit mësimor. Mësimi me disa turne nga të njëjtët mesues është rraskapitës dhe do të ndikojë për keq në cilësinë e mësimdhënies. Të rrisë shpërblimin për mësuesit që po punojnë në kushte të jashtëzakonshme. Shëndeti i çdo fëmije dhe mësuesit është prioritet për PD. Por ai duhet të shkojë paralel me cilësinë në arsim, në mënyrë që në Shqipëri të mos rritet një brez COVID.
(f.m/dosja.al)
1 vit nga zgjedhjet e 25 prillit si e shikoni gjendjen e vendit:
SHQIPËRI– 334 viktima, 4450 të infektuar aktivë dhe 6569 të shëruar. Ky është bilanci i Covid-19 në Shqipëri, që nga fillimi i pandemisë. Flutura Beqo nga...
GREQI- Një ngjarje e rëndë ka ndodhur mëngjesin e ditës së sotme në Greqi ku një familje shqiptare prej pesë anëtarësh është është përfshirë në një aksident të ...
KORÇË– Një person është dërguar me urgjencë në spital në Korçë pasi ka mbetur i plagosur aksidentalisht. Mësohet se ngjarja ka ndodhur ...
TIRANË– Kirurgu Agron Menzelxhiu, i cili ndërroi jetë sot shënon viktimën e nëntë nga Covid-19 në radhët e bluzave të bardha. Ai u shtrua në spital për shk...
GREQI-Një vajzë shqiptare ne moshën 19 vjeçare ka humbur jetën ditën e sotme në Greqi si pasojë e një aksidenti në autostradën Igumenica-Preveza, në Kast...
TIRANË- Policia e Tiranës ditën e sotme ka njoftuar se ka arrestuar 2 persona të cilët ishin shpallur në kërkim kombëtar. Sipas njoftimit të policisë është...
TIRANË- Bashkëthemeluesi i qendër për të drejtat e fëmijëve CRCA/EPCA Altin Hazizaj, ka reaguar së fundmi në lidhje me vendimin që ka marrë ministrja e Ars...
TIRANE– I dënuari për terrorizëm Genci Balla është dërguar në urgjencën në gjendje të rëndë shëndetësore. Balla ndodhej në burgun e Peqinit dhe ndodhej në...
BERAT- Detaje të reja janë zbuliar në lidhje me 66-vjeçarin i cli ditën e sotme është arrestuar, pasi akuzohet se ka ngacmuar seksualisht një 16-vje&cce...
TIRANË- Ditën e sotme 60 efektivë të Forcës Tokësore dhe Komandës Mbështetëse i janë bashkuar mëngjesin e sotëm efektivëve të zjarrfikësve për shuarjen e z...
