Sport

Më në fund marrëveshje! Stadiumi i ri do të mbajë emrin e “Air Albania”, kompania fluturuese do të paguajë 650 mijë euro në vit për privilegjin

Arrihet marrëveshja! “Arena Kombëtare” tashmë do të quhet “Air Albania Stadium”. Lajmi është bërë publik nga “Procesi Sportiv”, teksa mësohet se kompania ajrore do të paguajë plot 650 mijë euro në vit, për vendosjen e emrit të stadiumit kombëtar.
Featured image of article: Më në fund marrëveshje! Stadiumi i ri do të mbajë emrin e “Air Albania”, kompania fluturuese do të paguajë 650 mijë euro në vit për privilegjin Foto ilustruese

Arena Kombëtarë do të quhet tashmë “Air Albania Stadium”. Njësoj si kompania fluturuese shqiptare, i njëjti emër do të mbajë edhe stadiumi, për një vlerë jo të vogël por plot 650 mijë euro në vit.

Kjo është shuma që sipas marrëveshjes, kompania “Air Albania” do të paguajë për stadiumin e ri.

Inagurimi impiantit modern do të bëhet më datë 17 nëntor në ndeshjen Shqipëri-Francë. Në garë për emrin e ri të stadiumit kanë qenë edhe disa kompani të tjera, por me sa duket oferta e “Air Albania” ka qenë më bindëse.

Stadiumi i ri nisi të ndërtohej në vitin 2016 dhe kostoja e tij kap vlerën e plot 75 milionë eurove. Me 22 mijë vende, stadiumi “Air Albania” është një nga stadiumet më të shtrenjta, ku një stol ka vlerën e 3 mijë eurove kosto ndërtimi.

(F.g/dosja.al)

Shto Koment