Aktualitet

Mbyllja e fasonerisë/ 7 raste me koronavirus në Krujë, zv.ministrja Rakacolli i bën ‘bisht pyetjes’: Mund të infektohesh kudo, jo vetëm në punë

Zëvendësministrja e Shëndetësisë, Mira Rakacolli tha se infektimi me koronavirus mund të ndodhte në çdo vend dhe jo vetëm në punë duke mos dhënë një përgjigje konkrete .
Featured image of article: Mbyllja e fasonerisë/ 7 raste me koronavirus në Krujë, zv.ministrja Rakacolli i bën ‘bisht pyetjes’: Mund të infektohesh kudo, jo vetëm në punë Mira Rakacolli

TIRANË– Zëvendësministrja e Shëndetësisë, Mira Rakacolli në një lidhje live me “Report Tv” ka folur lidhur me rastet e reja me koronavirus të zbuluara ditën e sotme në vend.

E pyetur nga moderatori Besard Jacaj, nëse 7 rastet e Krujës, kishin lidhje me fasoneritë, Rakacolli tha se infektimi me koronavirus mund të ndodhte në çdo vend dhe jo vetëm në punë duke mos dhënë një përgjigje konkrete .

Në çdo lloj aktiviteti janë të gjithë të kontrolluar për mjete mbrojtëse. Koronavirusi të prek në çdo vend dhe jo vetëm në punë. Po bëhet hetim nëpër fasoneri, shtëpi e familje dhe në çdo vend që vlerësohet se mund të ketë nëj person me koronavirus,”-tha Rakacolli. 

Gjithashtu ajo ka adresuar edhe akuzat e opozitës se rastet në Shkodër janë fshehur, duke u shprehur se të infektuarit ishin zbuluar vetëm nga hetimi epidemiologjik, pasi shumica e të infektuarve kanë qenë pa simptoma.

Për më shumë bëhu pjesë e grupit më viral në Facebook, Dosja.al

Në Shkodër nuk ka asnjë arsye të fshihet realiteti, përkundrazi. Rastet që janë gjetur në Shkodër janë gjetur nga hetimi epidemiologjik. Një pjesë e të infektuarve nuk kanë paraqitur asnjë shenjë. Nëse nuk do të kishte shkuar personi i shëndetësisë, ato raste nuk do ishin zbuluar. Këtu ka ndodhur e kundërta, jo akuza që po fshihen rastet, përkundrazi, kanë dalë rastet. Në Shkodër rastet nuk erdhën vet për t’u testuar, i zbuloi hetimi epidemiologjik”, shtoi ajo.

Katër rastet e para në fasonerinë e Krujës, u konfirmuan dy ditë më parë, ku tre prej tyre ishin punonjëse dhe një ishte djali i njërës prej tyre. Një ditë më pas, edhe Laçi shënoi rastet e para, ku pesë gra nga Fushë-Miloti, Fushë-Mamurrasi dhe Mali i Bardhë, të cilat punonin në fasoneri rezultuan gjithashtu pozitive. Pas shërthimit të infektimit, fasoneria u mbyll.

(k.m/dosja.al)

Shto Koment