AktualitetSociale

Koronavirus, Rama: Mbyllen shkollat, pezullohen fluturimet drejt Italisë së Veriut. Gjobiten ata që nuk karantinohen

Kryeministri Edi Rama ka mbledhur sot qeverinë ku kanë bërë me dije masat e marra pas konfirmimit të rasteve të para me koronavirus në vend. Rama tha se do mbyllen shkollat, nuk do lejohen aktivitete masive dhe do anulohen udhëtimet me zonën e kuqe në Itali deri në 3 prill. Nga ana tjetër, ministrja Ogerta Manastirliu u shpreh se fondi për të përballuar situatën është 400 mln Lekë dhe nuk do ketë më eksporte të barnave.
Featured image of article: Koronavirus, Rama: Mbyllen shkollat, pezullohen fluturimet drejt Italisë së Veriut. Gjobiten ata që nuk karantinohen Kryeministri Edi Rama
Përditësuar:

TIRANË- Qeveria Shqiptare ka akorduar sot një fond prej 400 milionësh lekë për të përballuar sitatën e koronavirusit. Kjo masë e qeverisë është bërë publike në një mbledhje të jashtëzakonshme pas konfirmimit të dy rasteve të para me koronavirus në Shqipëri.

Kryeministri Edi Rama në fjalën e tij para ministrave ka bërë thirrje për qetësi dhe njerëzit të mos përfshihen nga paniku. Kreu i qeverisë ka shtuar se do të anulohen të gjitha fluturimet me Italinë dhe të gjitha zonat e tjera të kuqe, shkollat do të mbyllen për dy javë dhe çdo aktivitet me shumë njerëz do të anulohet deri në 3 prill.

Nga ana tjetër ministrja e Shëndetësisë, Ogerta Manastirliu është shprehur se të gjithë personat që vijnë nga vendet e prekura nga koronavirusi duhet të vetë karantinohen dhe të gjithë ata që nuk e zbatojnë këtë masë do përballen me ligjin. Po ashtu ajo bëri me dije se është ndaluar eksporti i të gjitha barnave, dhe një gjë e tillë do bëhet vetëm me urdhër të posaçëm nga ministri i Shëndetësisë.

Për më shumë bëhu pjesë e grupit më viral në Facebook, Dosja.al

Manastirliu ka treguar sot dhe masën tjetër të qeverisë, që ndalon të gjitha vizitat e familjrarëve në spitale dhe u ka bërë thirrje të gjithë qytetarëve që kur dyshojnë se janë të infektuar të mos shkojnë në spital, por të telefonojnë numrin 127.

Mbledhja urgjente e qeverisë u zhvilluar aps konfirmimit të 2 rasteve të para me koronavirusit në Shqipëri. Ministria e Shëndetësisë në orët e para të datës 9 mars në një njoftim për mediat bëri me dije se janë identifikuar dy rastet e para të infektuar me COVID-19 dhe ata janë babë e bir, V.K dhe P.K. dhe kanë hyrë në Shqipëri që në datën 26 shkurt.

Një ditë më parë Partia Demokratike me anë të ish-deputetit, Tritan Shehu kërkoi nga qeveria shpalljen e gjendjes së emergjencës kombëtare dhe marrjen e masave të menjëhershme. Po ashtu dhe Presidenti Ilir Meta kërkoi nga institucionet përgjegjëse që të merrnin masa të menjëhershme për përballimin e situatë dhe të kishte një moniorim 24 orë në 24.

(J.V. K.M. A.B. Dosja.al)

  • 16:57

    Basha jep propozimin: Njërit prej prindërve duhet t’i kompensohet e plotë paga

    Lulzim Basha

    Kryedemokrati Lulzim Basha ka reaguar lidhur me vendimin e qeverisë për mbylljen e shkollave e çerdheve për 2 javë. Kreu i PD-së, Basha ka propozuar që njërit prej prindërve duhet t’u kompensohet paga me vlerë të plotë pasi do t’i duhet që të kujdesen për fëmijët.

    “Pas vendimit për mbylljen e shkollave, kopshteve dhe çerdheve, duhet që shteti të paguajë apo kompensojë me vlerë të plotë një nga prindërit në marrëdhënie pune që duhet të kujdeset për fëmijët e vegjël gjatë kohës që çerdhet, kopshtet dhe shkollat qëndrojnë të mbyllura,”-shkruan kryedemokrati.

  • 10:01

    Rama thirrje të rinjve: Shmangni klubet e natës, kush vjen nga ‘zona e kuqe’ të vetëkarantinohet

    Kryeministri Edi Rama iu ka bërë thirrje shqiptarëve që të shmangin klubet e natës, si masë parandaluese për mospërhapjen e koronavirusit. Sipas tij, mosha më problematike nuk janë të rinjtë, por ata mund të takojnë të moshuar dhe t’i infektojnë gjithashtu me virusin vdekjeprurës.

    “Shmangni klubet e natës, se aty ka kontakte.  Nuk janë në rrezik të rinjtë, por personat që ato do të kontaktojnë më pas. Të mos i takojmë të moshuarit. I lutemi të gjithë njerëzve se nuk ka nevojë që të shkojnë në spital për të kuptuar janë apo jo të prekur, mjafton që të marrin në telefon nr 127. Në këtë numër ka konsulta, se ka mjekë dhe infermierë. E fundit, disiplina e gjithësecilit për t’u vetëkarantinuar. Mbyllja e kufijve nuk është një opsion dhe nuk të çon askund. Murtaja e shekullit të 15 përfshiu gjithë globin dhe nuk kishte as avionë e as tren. E rëndësishme është që nëse dikush vjen nga një zonë e kuqe të vetëkarantinohet. Kërkon vetëm pak disiplinë.”, u shpreh kryeminstri Edi Rama. 

  • 9:46

    Manastirliu: Ndalohen të gjitha vizitat e familjarëve dhe shoqëruesve në spitale

    Në mbledhjen e sotme të qeverisë, ministrja Ogerta Manastirliu ka deklaruar se të gjithë personat që vijnë nga ‘zona e kuqe’ në Itali duhet pajetër të vetëkarantinohen, se përndryshe do të përballen me ligjin. Ministrja shtoi se është marrë vendimi që të ndalohen eksportet e barnave dhe paisjeve mjekësore. Gjithashtu ajo shtoi se të afërmit e personave të sëmurë nuk do të lejohen të futen në spitale.

    “Vetëkarantinim e detyryar për ata perosna që vijnë nga zona e kuqe. Moszbatimi i urdhërit është i dënueshëm me ligj. Po ashtu kemi marrë vendimin për ndalimin e eskportit të barnave dhe paisjeve mjeksësore. Transporti i tyre do të kryhet me një udhër të posaçëm. Në ambientet e shërbimeve të urgjecës mjekësore ndalohet hyrja e familjarëve. Në ambientetet e shërbimit spitalor ndalohet hyrja e shoqëruesve, vetëm në raste të veçanta kur do të ketë një urdhër. Këtë vendim ne e kemi marrë për situatën e koronavirusit. 400 milionë lekë që vijnë për mbështjen e situatës për koronavirusin, do të shkojnë për rritjen e sotkut të paisjeve personale. Një ndër pikat më të rëndësishme te punës tonë, ka qenë marrja e masave për mbrojtjen e personelit , do ju sigurojmë ata që janë të mbrojtur”, u shpreh ministrja Ogerta Manastirliu.

  • 9:37

    Koronavirusi, ministrja Ogerta Manastirliu jep DETAJE: I riu erdhi nga Italia që me 26 shkurt, infektoi edhe të atin


    Ministrja e Shëndetësisë, Ogerta Manastirliu ka bërë me dije detaje të reja lidhur me të riun që infektoi të atin dhe shënuan dy rastet e para me koronavirus në Shqipëri. Manastirliu tha se i riu i infektuar ka ardhur nga Italia më 26 shkurt dhe ka hyrë nga dogana e Hanit të Hotit dhe si pasojë ka infektuar edhe të atin.  

    “I riu i infketuar me koronavirus ka hyrë më 26 shkurt, ndërsa babai është një rast i lidhur me të. Është kontaktuar 127. Babë e bir kanë pasur shenjë klinike. Pas daljes së rezultateve ekipi ka bërë izolimin e kontakteve të ngushta. Kanë marrë mostrat e kontakteve, dhe kontaktet e tyre të ngushta janë izolouar. Të dy po marrin shërbim në QSUT. Dua të bëj disa thirrje. i bëj thirrje qytetarëve për qetësi. Mjekët dhe infermierët po i përgjigjen situatës. Kam thirrje për personat që kontaktohen nga epiket tona: të bashkëpunojnë për të mirën e tyre dhe të të afërmve. Jini racionalë se mjekët janë në krye të detyrës. Çdo qytetar do të informohet për masat. Përsëris thirrjen për qytetarët që nëse kanë simptoma të ngjashme të marrin në numrin 127. Qytetarët të mos vijnë në spital pa masur shenja apo pa marrë më parë 127. E them edhe njëherë, virusi nuk shpërndahet nëpërmjet ajrit por kontaktit,”-tha ministrja në mbledhjen e qeverisë.

  • 9:33

    Koronavirusi/ Rama thirrje mediave: Në këtë situatë duhet të jemi aleatë, mos përhapni panik

    Kryeministri Edi Rama në mbledhjen e sotme të qeverisë i bëri thirrje mediave që të mos përhapin panik. Në fjalën e tij, para ministrave të kabinetit, Rama theksoi se të gjithë duhet të jemi bashkë kundër koronavirusit.

    “Është betejë e përbashkët mes shtetit, qytetarëve,  përballë fenomenit kërcënues. Ekipet e mjekëve që do të ndjekin rastet janë përcaktuar. Në fund dëshiroj të bëj një thirrje për të gjitha mediet. Në këto momente është një përgjegjësi e madhe për të gjithë mediet, mediet të vetëpërmbahen dhe të kenë vetëdijen se në këtë situatë armiku më kërcënues nuk është koronavirusi, por paniku, që stimulohet nga lajme të rreme, komente të pacertifikuara. Besoj në këtë moment të githë duhet të jemi aleatë. Por, dhe këtu po e mbyll duke ia dhënë fjalën ministres së Shëndetësisë, ju them të gjithë qytetarëve, se faktet që bazohen në raporte konkrete, nuk është murtaja e mesjetës. Mos harroni se në vitin 2008-2009 ka pasur një epidemi që ka marrë gjysmë milioni njerëz, jemi para diçkaje të panjohur që implikon faktin, që bota nuk e ka sot një vaksinë ndaj këtij virusi. Kjo është një epidemi që duhet ta përballojmë siç po e përballojnë shumë vende të tjera. Të gjithë jemi të ekspozuar ndaj riskut”,  u shpreh Rama. 

  • 9:18

    Rama ‘izolon’ vendin: S’ka më fluturime me Italinë, shkollat do i mbyllim për dy javë

    Kryeministri Edi Rama ka bërë me dije se të gjitha institucionet arsimore do të mbyllen për dy javë, ndërsa të gjitha fluturimet drejt veriut të Italisë dhe ‘zonave të tjera të kuqe’ do të anulohen deri më 3 prill. Gjithashtu Rama bëri me dije se bashkë me shkollat dhe fluturimet, në vend nuk do të lejohen gjithashtu as grumbullimet masive për të shmangur të gjitha mundësitë për të përhapur koronavirusin.

    Ekspertët e shëndetit publik kanë punuar në mënyrë të pandërprerë dhe vazhdojnë punojnë për planin e masave që ndiqet në tre drejtime: kufizimin, vonimin apo shtyrjen në kohë të përhapjes dhe lehtësimi i pasojavë që mund të sjellë infektimi. Për të gjitha masat po konsultohemi me OBSH-në. Në këtë situatë, si në çdo situatë tjetër, kur shteti përballet me një gjendje të zakonoshme, duhet vetëpërmbajtje. Ne jemi vendosur në dispozicion të situatës, kemi vendosur edhe një fond prej 400 mln lekësh për të plotësuar edhe disa nevoja për mbështetjen e sistemit. Kemi gjetur edhe mirëkuptimin maksimal të profesionistëve.  Masat e sotme janë pezullimi i fluturimeve direkte në të gjitha zonat e kuqe deri në 3 prill, do mbyllen shkollat për një periudhë dy javore. Për këtë arsye ne besojnë se është momenti që të mbyllim të gjitha institucionet arsimore dhe të kërkojnë anullimin e  të gjitha grumbullimeve masive deri në datën 3 prill për ta parë dinamikën e këtij zhvillimi,”-tha Rama. 

  • 9:17

    Rama: Shqiptarët të ruajnë qetësinë, OBSH-ja kundërshton me forcë mbylljen e kufijve

    Kryeministri Edi Rama në mbledhjen e sotme të qeverisë,  për përhapjen e koronavirusit në vendin tonë, ka deklaruar se shqiptarët duhet të ruajnë qetësinë dhe të mos përfshihen nga paniku. Ai theksoi se OBSH-ja kundërshton me forcë mbylljen e kufijve.

    “Ndërkohë që në këtë situatë ilaçi më efektiv është qetësia dhe forca e arsyes për të mos lënë veten dhe rrethin e afërt të bien në kthetrat e paniku, Kjo është një kohë për t’u informuar prej burimeve zyrtare, nga autoritet shëndetesore, sa i përket higjenës shtëpiake, duhen masa masat e thejshta në dukje, por shumë efikase dhe të këshilluara nga OBSH dhe nga ana tjetër kominikimi me urgjencën në çdo rast për çdo dimptomë. Dua të theksojo për të gjithë se strukturat janë në gadishmëri dhe po ndiqet në të gjithë dinamiken e saj dhe sot kπrkon një përshkallëzim maash baznuar në planin e hartuar sipas OBSH. Gjatë kësaj kohe ka pasur shumë shenja shqetësuese dikut të shkaktuara nga paniku, diku nga mos arsyeja, përmes birimesh të pacerfitikuara, lidhur me një situatë të tillë, i vetmi burim i certifikuar është ai zyrtarm i autoritetit përkatës, Eksperienca që ne kemi ndjekur orë pas ore, tregon se në të gjitha ato vende ku ka prevaluar qetësia dhe vetëpërmbajtja edhe administrimi i këtij fenomeni është i skuksesësh. OBSH kundërshton me forcë mmbyllhen e kufijve”, u shpreh Rama

  • 9:08

    Rama jep detaje: I riu infektoi edhe babain, nga mesnata kemi përgatitur skenarin e parë që…

    Kryeministri Edi Rama në një mbledhje të jashtëzakonshme me kabinetin qeverisës, ka bërë me dije se të gjitha instancat përkatëse kanë marrë masat e duhura për të parandaluar përhapjen e koronavirusit. Rama tha se qeveria ka nisur zbatimin e skenarit të parë që në momentin kur dy personat u identifikuan pozitivë me koronavirus.

    “Siç është bërë e ditur nga ministria e Shëndetësisë, laboratori ka konfirmuar dy raste me Covit-19. Bëhet fjalë për një rast të importuar nga Firence. Një i ri 28-vjeçar që ka udhëtuar me automjetin e tij dhe ka hyrë nga Hani i Hotit, duke infektuar edhe babanë. Strukturat shëndetësore po trajtojnë të dy të prekurit. Ministrja e Shëndetësisë do të informojë më tek lidhur me masat e marra. Ajo që ka një rëndësi themelore në përballjen me këtë situatë ëshët këshilla bazë e OBSH-së është domosdoshmëria për të ruajtur qetësinë dhe për të ndjekur hap pas hapi burimer zyrtare nga sistemi përkatës shëndetësor. Përsa i takon shtetit, të gjitha masat e parashikuara duhen përshkallëzuar hap pas hapi. Që nga mesnata e mbëmshme kemi përgatitur hyrjen në skenarin e parë që ishte parapërgatitur nga komuniteti i ekspertëve,”-tha Rama.

Shto Koment