Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Shqipëri- Situata e rënduar në Itali për shkak të koronavirusit ka frikësuar shqiptarët të udhëtojnë drejt Italisë. Përfaqësues të kompanive ajrore pohuan për “Monitor” se fluturimet me Italinë janë ulur 50 për qind, krahasuar me periudhë normale te vitit. Reduktim regjistruan edhe shitjet me rezervim të fluturimeve të ardhshme. Kompanitë shprehen se biletat me rezervim ranë me 50 për qind , tendencë kjo më e theksuar, sidomos për zonën e Lombardisë.
Për shkak të situatës së krijuar, të gjitha kompanitë ajrore raportohet se kanë reduktuar disa nga frekuencat e fluturimeve për periudhën mars deri në fund të muajit prill. Kthimi i fluturimeve në frekuencat e mëparshme do të rinisë pas stabilizimit të situatës me Italinë.
AlItalia psh ka reduktuar frekuencën e fluturimeve nga Tirana drejt Romës në dy në ditë për gjithë muajin mars, nga tre në ditë që ishin në periudhë normale, duke hequr fluturimin e mëngjesit. Edhe nga Roma në Tiranë janë dy fluturime në ditë (është hequr fluturimi i darkës).
Air Albania ditën e diel anuloi tre fluturime drejt Italisë dhe këto anulime vijuan dhe të hënën, duke cituar arsye operacionale.
Kompanitë ajrore, gjithashtu po përpiqen të marrin masa për rritjen e eficencës në monitorimin e kostove, që mos ketë ndikime fatale në përfitueshmërinë e aktivitetit ekonomik.
Pavarësisht se çmimet janë të ulëta, kompanitë ajrore pohojnë se po fluturojnë me gjysmë avioni, sidomos për vendet, si Milano, Verona dhe Roma.
Për shkak të situatës së rënduar në Itali, kompania e fluturimeve ajrore “AlItalia”, nxori në asistencë të përkohshme 4 mijë punonjës.
Italia është destinacioni kryesor i fluturimeve nga dhe drejt Rinasit, me 50% të trafikut total të pasagjerëve për vitin 2019, sipas të dhënave zyrtare nga Tirana International Airport. Pasagjerët nga dhe drejt Italisë ishin gati 1.7 milionë në vitin 2019.
Destinacioni kryesor ku udhëtohet nga dhe drejt Rinasit vijon të jetë Roma, me 334 mijë pasagjerë në 2019-n. Destinacioni i dytë është Milano, me 317 mijë pasagjerë, i treti është Bergamo, me 169 mijë pasagjerë.
Rëndohet situata me linjat ajrore në Itali, preket turizmi
Italia është shteti më i prekura nga udhëtimet ajrore për shkak të frikës nga koronavirus. Situata po ndikon te turizmi. Sipas raportimeve të mediave në Itali janë anuluar një numër i lartë rezervimesh që kishte pasur për festën e pashkëve në prill.
Në Itali për rastin e udhëtimeve shkollore, të pezulluara në të gjithë territorin kombëtar, sigurohet kthim i pagesave të paradhënies ose shitjeve. Sa i përket udhëtimit privat, legjislacioni ekzistues parashikon se nëse afatet për anulimin kanë skaduar, varet nga disponueshmëria e strukturës për të vlerësuar nëse do t’i ktheni ato apo jo, por sipas ligjit nuk ka asnjë dispozitë .
Në Itali, segmenti i turizmit vlen një total prej 146 miliardë eurosh: një shifër e barabartë me 12% të PBB-së, e krijuar nga një zinxhir prej 216 mijë njësish akomodimi dhe 12 mijë agjenci udhëtimesh. Përhapja e koronavirusit ka bërë që disa qeveri, nga Irlanda në Izrael, të përfshijnë Italinë midis vendeve “jo të rekomanduara” për vizita kënaqësie dhe “jo rekomanduar rreptësishtë” për udhëtime biznesi, shkruajnë mediat.
Australia dhe Izraeli kufizojnë fluturimet, masat në SHBA
Qeveria australiane ka vendosur kufizime të ashpra për fluturimet me Italinë. Kryeministri Scott Morrison saktësoi që udhëtarët nga Italia do të përballen me “masa të avancuara të shqyrtimit”, që do të thotë se më shumë pyetje do të bëhen pas check-in dhe se pas mbërritjes në Australi temperatura e tyre do të matet. Vendimi u mor në fund të takimit të sigurisë kombëtare të kabinetit federal, pas një raporti nga komiteti kryesor i mbrojtjes shëndetësore, i cili rekomandoi forcimin e masave parandaluese.
Izraeli gjithashtu njoftoi disa ditë më parë se ndalon hyrjen e qytetarëve italianë në vend, me qëllim parandalimin e përhapjes së koronavirusit.
Dhoma Federale e Shteteve të Bashkuara dhe Senati kanë arritur një marrëveshje për të ndarë 8.3 miliardë dollarë në masa emergjente për të parandaluar përhapjen e koronavirusit në vend. Dhoma e ka aprovuar tashmë masën, ndërsa Senati prioritet të japë dritën jeshile.
Marrë nga Monitor.al
1 vit nga zgjedhjet e 25 prillit si e shikoni gjendjen e vendit:
Tiranë- Babë e bir, përkatësisht 54 dhe 28 vjeç janë dy personat e infektuar me koronavirus, të cilët ndodhet në spitalin infektiv në QSUT. Ministria e ...
TIRANË- Konfirmohen gjashtë rastet e para me koronavirus në Shqipëri. Në orët e para të mëngjesit të sotëm Ministria e Shëndetësisë njoftoi se janë dy pers...
TIRANË- Fluturimet nga Shqipëria drejt Italisë dhe anasjelltas do të vijojnë normalisht. Ky është njoftimi nga Autoriteti i Aviacionit Cilil, ku shkruan s...
TIRANË- Ministrja e Shëndetësisë, Ogerta Manastirliu, ka mbledhur sot pasdite Komitetit Teknik të Ekspertëve, në kuadër të parandalimit të përhapjes së mun...
TIRANË- Çështja ‘Shullazi’ duket se vjen drejt zhbllokimit. Sipas informacioneve mësohet se Këshilli i Lartë Gjyqësor, do të komandojë dy gjyqtarë p...
TIRANË- Greg Rama djali i kryeministrit Edi Rama, nuk ka harruar sot që në festën e 8 Marsit të urojë mamanë e tij dhe gjyshen. Më anë të disa postimeve në...
TIRANË- Në Shqipëri lindjet kanë shënuar pikën më të ulët që prej 60 vitesh, duke rënë në 1.37 fëmijë për një grua në moshë riprodhuese, nga 2.1 që është k...
ITALI- Ditën e sotme është konfirmuar dhe rasti i një shqiptari në Itali i cili ka rezultuar pozitin në testet me koronavirus. Në një lidhje direkte me Italinë,...
ITALI- Kompania e fluturimeve “Alitalia”, ka bërë me dije sot se ka pezulluar fluturimet kombëtare dhe ndërkombëtare nga aeroporti Malpensa i Milanos duke fillu...
LUSHNJE- Shqipëria në dy ditët është përfshirë nga reshje të dendura shiu. Reshjet kanë shkaktuar dhe probleme të shumta, ku përveç fryrjes së lumenjve k...
