Dosja “Partizani”/ Mbahet gjyqi në GJKKO, ish-ministri Ylli Pango jep dëshminë: Nuk më kujtohet asgjë, janë 18 vite para

Pamje

TIRANË- Ditën e sotme është zhvilluar gjyqi për dosjen “Partizani”, ku ish-ministri i Sporteve, Ylli Pango është paraqitur si dëshmitar. Nga ana tjetër, kreu i Partisë Demokratike, Sali Berisha nuk është paraqitur në seancën e sotme. 

Gjatë dëshmisë së tij, Pango deklaroi se kjo histori daton 18 vite më përpara dhe është e vështirë të mbash mend një dokument apo një ligj. Ai tha se nuk e mban mend saktësisht, pasi ka punuar në katër sektorë. Ai është pytur edhe mbi një shkresë që i ka dërguar ish-vartësja e tij, Violeta Shqevi, e cila i thonte se fusha e basketbollit dhe dhe shumë prona të tjera ishin zënë me forcë dhe kisjin kërkuar miratimin e tij. Në lidhje me këtë, Pango tha se kërkesën drejtoresha nuk e ka bërë si njohëse e legjislacionit të jurisprudencës. 

Diskutimet në sallë:

SPAK nis pyetjet: Na sqaroni në çfarë periudhe keni ushtruar detyrën e ministrit të Kulturës.

Pango: Nga marsi 2007-2009. Kjo histori daton 18 vite më përpara. Është shumë e vështirë të mbash mend një dokument, një ligj, nëse nuk ka një shkak të madh për ta mbajtur mend. Në media janë publikuar disa dokumente qe më kanë rifreskuar kujtesën. Unë nuk mbaj mend saktësisht, sepse kam punuar në 4 sektorë. Mund të mbaj mend një ligj që kam qenë vetë iniciator, ndërsa këtu di këtë: thuhet që një pjesë mirë e klubit ka qenë e zaptuar nga individë në atë kohë.

Pango: Unë jam rritur në atë lagje, di që dhe pishina nuk funksiononte.

SPAK: Ka qenë apo s’kanë qenë të regjistruara këto territore në pronësi të ministrisë së kulturës

Pango: Nuk e mbaj mend.

SPAK: Ju sapo pranuat që tani e dini që paska qenë një pjesë e zënë. Keni bërë ndonjë përpjekje për t’i marrë në administrim si ministër i kulturës

Pango: Nuk më kujtohet, janë 18 vite para.

Pango: Të jem i sinqertë, s’më ka shqetësuar asgjë në atë kohë që po sulmohej ndonjë terren sportiv. Ne, si kompetencë e Ministrisë së Kulturës, sporti ka qenë në kujdesin e federatave. Kanë qenë shumë më të pavarura.

SPAK: Afrim Tola ju kujton gjë si emër?

Pango: Duhet të vras mendjen që ta kujtoj. Në media më ka figuruar.

SPAK: Nga aktet rezulton se Violeta Shqevi përmes një memo ju bën me dije se ish fushat e basketbollit janë rrethuar dhe janë zënë forcërisht dhe ka kërkuar miratimin tuaj për regjistrimin.

Pango: Përgjigja e kësaj shkrese, drejtoresha kërkesën nuk e ka bërë si njohëse e juridiksionit. Mund ta vërtetoni në protokoll, në një nga mbledhjet e qeverisë kam pyetur kryeministrin: Pse të kemi ne kaq pak asete dhe t’i lëmë të gjitha te Ministria e Ekonomisë? Nuk mu dha përgjigje. Nuk kishim kaq asete që të fillonim ca procedura, nuk mendoja se ma jepte nën administrim njeri në atë kohë. Do ishte ëndërrimtare./Dosja.al

Foto ilustruse

TIRANË- Seanca gjyqësore për dosjen “Partizani”, apo ka nisur në ambientet e GJKKO-së, ndërsa kreu i Partisë Demokratike, Sali Berisha nuk është i pranishëm. Pak më parë, është në ambientet e saj është paraqitur edhe ish-ministri i Sporteve, Ylli Pango në cilësinë e dëshmitarit.  Pango mbante postin e ministrit të Kulturës dhe Sportit, në vitin 2005 nën qeverisjen e Sali Berishës.

Përveç Pangos, janë thirrur dëshmitarë edhe Tetis Lubonja, Altin Ceni e Paro Laçi. Seanca e shkuar u mbajt më datë 8 qershor, ku dhanë dëshminë ish-ministri i Ekonomisë, Genc Ruli dhe ish-drejtoresha e Sportit, Violeta Shqevi. Ruli dhe Shqevi u morën në pyetje në lidhje me proceset e privatizimit dhe administrimin e ish-kompleksit sportiv “Partizani”.

Çështja "Partizani"

Kreu i Partisë Demokratike Sali Berisha akuzohet për “Korrupsion pasiv të funksionarëve të lartë shtetërore ose të zgjedhurve vendorë”, ndërsa dhëndri i tij Jamarbër Malltezi për “Korrupsion pasiv të funksionarëve të lartë shtetërore ose të zgjedhurve vendorë”, dhe “Pastrim të produkteve të veprës penale ose veprimtarisë kriminale”.

Biznesmeni Fatmir Bektashi akuzohet për “Korrupsion aktiv të funksionarëve të lartë shtetërorë”, ndërsa Xhimi Begeja dhe Andia Pustina akuzohet për "Pastrim Parash". 

Më 7 korrik 2025 Jamarbër Malltezi është liruar nga arresti shtëpiak. Në seancë, Gjykata e Posaçme vendosi që Malltezi të lirohej nga arresti shtëpiak, në kërkim të garancisë pasurore, pas 20 muajsh që mbahej në këtë masë. Garancia pasurore që GJKKO ka kërkuar është 3 milion lekë./Dosja.al

Pamje

TIRANË- Ish-ministri i Sporteve, Ylli Pango është paraqitur ditën e sotme në GJKKO si dëshmitar për dosjen “Partizani”.  Seanca e shkuar u mbajt më datë 8 qershor, ku dhanë dëshminë ish-ministri i Ekonomisë, Genc Ruli dhe ish-drejtoresha e Sportit, Violeta Shqevi.

Përveç Pangos, janë thirrur dëshmitarë edhe Tetis Lubonja, Altin Ceni e Paro Laçi. Ruli dhe Shqevi u morën në pyetje në lidhje me proceset e privatizimit dhe administrimin e ish-kompleksit sportiv “Partizani”./Dosja.al