Raportimi i Endri Shabanit sjell përplasje në Kuvend, PD: U zgjodh në mënyrë antikushtetuese. PS shtyn projekt-rezolutat në seancën e fundit plenare
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
MALI I ZI- Dritan Abazoviç, shqiptari i Malit të Zi është shprehur se ka pritshmëri të larta të pas marrjes së mandatit në zgjedhjet e fundit të përgjithshme në vend. Ndërkohë që Dritani konsiderohet si personi kyç për ngritjen e qeverisë së re në vend ai thekson se kushti për krijimin e koalicionit është krijimi i një ekzekutivi ekspert, të përfaqësuar nga njerëz profesionistë dhe dinjitozë, ka shkruar media serbe Kurir.
Ai beson se regjimi dhe mafia do të bëjnë gjithçka që kjo të mos ndodhë. Ata do të përpiqen në çdo mënyrë të shkaktojnë probleme. Por Abazovic shton në intervistën për median serbe “Kurir” se detyra e tij dhe e kolegëve është të tregohen të mençur dhe të përgjegjshëm.
Ka pasur zëra se do të jetë e vështirë të formohet një qeveri me Frontin Demokratik dhe se ju do të bashkoheni me Milo Gjukanoviç?
Platforma jonë ka qenë e qartë që prej fillimit, njerëzit që kërkojnë tashmë ndryshimin janë ata që votuan për ne, ndryshimet kanë ndodhur dhe ne nuk do të heqim dorë. Pavarësisht qindrave telefonatave apo mijërave mesazheve që kam marrë. Pavarësisht apeleve ndërkombëtare, të kolegëve të mi nga rajoni, unë premtoj se Dritan Abazoviç dhe koalicioni “Bardh e Zi” nuk do të bien pre e asnjë presioni.
Një mik, i cili jeton në Mal të Zi, i cili e quan veten serb dhe mbështet opozitën, më tha diçka të ngjashme. Nëse dikush do të tradhtojë, Dritani është i fundit që do e bëjë! Keni frikë nga tradhtia në radhët e opozitës?
Nuk e di për çfarë lloj tradhtie behët fjalë. Pra unë nuk kam tradhtuar kurrë asgjë dhe askënd, dhe i qëndroj gjithçka çfarë kam thënë për sa i përket politikës. Të vetmit që mund të tradhtojnë janë ata që kanë tradhtuar më parë, dhe më duket, disa njerëz ndihen nën presion. Por ne nuk biem pre e presioneve, ne e dimë shumë se çfarë duam.
KURIR: Katër, pesë vite parë, Milo Gjukanovic tha gjatë një diskutimi se ju jeni një bandit. Çfarë do t’i thuash Gjukanoviç sot?
Asgjë! Secili tregon moralin edhe mënyrën e tij të komunikimit me kolegët dhe deputetët. Unë mendoj se kjo tregon edukatën që gjithsecili ka marrë në shtëpi. Ai u tregua i nxituar dhe ishte ky pikërisht fillimi i fundit të tij. Kjo gjë mori pak kohë por në fund ndodhi.
KURIR: A iu përgëzoi për fitoren?
Jo Absolutisht jo. Unë nuk kam asnjë komunikim me të.
KURIR: Si ndiheni kur ju quajnë “kaçak shqiptar”?
Jam ndjerë gjithmonë mirë, dhe në momentet kur më vlerësojnë, ashtu edhe kur më sulmojnë. “Kaçaku Shqiptar” është bërë sinonim i luftës kundër krimit të organizuar dhe korrupsionit dhe unë jam i lumtur që shumë njerëz që janë Malazezë dhe Serbë tani kanë filluar ta thonë: Unë jam një Kaçak Shqiptar. Nëse Kaçaku Shqiptar është sinonim i ndryshimit, atëherë le të mbetet pjesë e kësaj fushate.
KURIR: Sa i vështirë do të jetë formimi i një qeverie të re?
Do të jetë i vështirë. Do të jetë gjithashtu edhe sfidues sepse ndryshimet po ndodhin për herë të parë. Sigurisht, do të jetë një rrugë e mbushur me gjemba, por ky është realiteti. Nuk do të doja që qytetarët të kishin pritshmëri se ndryshimet do të ndodhin brenda natës apo se gjithçka do të ndryshojë menjëherë. Duhet të merren vendimet e duhura dhe kjo kërkon kohë dhe zgjuarsi. Shumë do përpiqen ta sabotojnë. Ata kanë përvojë në këtë gjë … Po është e vërtetë. Duhet të llogarisim çdo gjë. Jam i sigurt që në fund të fundit do të kemi sukses dhe do arrijmë t’i bëjmë të lumtur qytetarët.
KURIR: Akademiku Matija Bećković ka deklaruar se nëse Dritan Abazović, një shqiptar, do të shkonte në Beograd, të rinjtë serbë do ta mbështesnin. Çfarë do të thuash për këtë, a do të shkoje në Beograd?
Unë nuk jam përkrahës i Matija Beçkovicit dhe as i deklaratave të tij, sidomos nga e kaluara. Kam lexuar deklaratën e tij, dhe dua të them që ne të gjithë duhet të bëjmë më të mirën që kemi në dorë. Dhe po, me shumë kënaqësi do të shkoj në Beograd, madje jam shumë i lumtur që do të kem mundësi të vizitoj të gjitha vendet e rajonit. Jam shumë entuziast për faktin që të takoj njerëz, kemi nevojë për më shumë bashkëpunime. Unë do përpiqem të jap kontributin tim për këtë. Do të shkoj në Beograd dhe në çdo qytet tjetër në rajon.
KURIR: Si do të sheshohen përplasjet brenda vendit? Po mes Malit të Zi dhe Serbisë?
Çdo gjë do të tregohet me vepra. Njerëzit nuk kanë mosmarrëveshje por qeveritë i ndajnë njerëzit për interesa personale. Nëse punojmë më shumë për integrimin, do ta kuptojmë më shumë njëri-tjetrin. Kur nuk ka propagandë mediatike kundrejt dikujt, dhe shtrëngohen duart me njerëz që nuk ndajnë të njëjtat mendime me ty, qëllimi nuk është të luftohet për shqiptarët, serbët, malazezët, por për njerëzit në tërësi. Marrëdhëniet midis Malit të Zi dhe Serbisë janë të tensionuara sepse ky ka qenë interesi i partisë që ka qenë në pushtet deri më tani. Jam i sigurt se një nga interesat më të rëndësishme kombëtare të Malit të Zi, është që të ketë marrëdhënie të mira me vendet fqinje.
KURIR: Titujt në mediat e Beogradit kanë qenë të tilla “Shqiptari Dritan Abazović vendos për të ardhmen e Malit të Zi”! Si ndiheni për këtë?
Unë kam në duar një përgjegjësi që nuk e prisja dhe nëse do më duhet të vendos për të ardhmen e Malit të Zi, unë e pranoj sfidën. Kam jetuar për këtë ditë, ditën kur do të ndodhte ndryshimi.
KURIR: Cila është ëndrra juaj?
Ëndrra ime është integrimi i Malit të Zi në Bashkimin Europian, në mënyrë që të ketë një standard jetese më të mirë se tani. Jam i sigurt se kjo ëndërr mund të bëhet realitet nëse veprojmë me përgjegjësi.
KURIR: Si do të veproni nëse çështja për tërheqjen e njohjes së pavarësisë së Kosovës do të jetë pjesë e agjendës së qeverisë së re?
Sigurisht që ne do të jemi kundër, dhe unë mendoj se kjo çështje ka përfunduar dhe nuk duhet të kthehemi pas në të kaluarën. Unë madje shpresoj që Beogradi dhe Prishtina të gjejnë një gjuhë dhe marrëveshje të përbashkët për të ardhmen duke i dhënë fund tensioneve për t’i hapur rrugë procesit të pajtimit. Paqja nuk ka çmim. Të gjithë duam paqe, askush këtu nuk dëshiron luftë, por jetën, biznesin …
KURIR: Çfarë do të ndryshoni nga ajo që kanë bërë ata që kanë qeverisur deri më tani?
Qëllimi është të jemi ndryshe nga të tjerët në gjithçka. Të punojmë në interes të qytetarëve, të mos jemi arrogantë, të mos i përkushtohemi interesit tonë personal, të jemi profesionalë dhe më efikasë. Të mbështesim çdo përkatësi fetare, të jemi ndryshe.
Unë nuk do të qeveris për 30 vite.
KURIR: A keni frikë se qeveria do t’ju pengojë?
Kam pak frikë, prandaj do të doja të mos qëndroja shumë gjatë në politikë. Jam krenar dhe i lumtur që së bashku me kolegët e mi do të kontribuojmë për gjëra pozitive dhe për një transformim pozitiv të Malit të Zi.
KURIR: A do të qeverisni Malin e Zi për 30 vite?
Unë kurrë nuk do të qeveris për 30 vite. Në një farë mënyre opozita më gënjen më shumë sesa qeveria. Unë mendoj se askush nuk duhet të qeverisë për 30 vite, dhe pas qeverisjes time askush nuk duhet të qeverisë për më shumë se dy mandate, dhe është më mirë të qeverisësh vetëm për një.
Burimi: KURIR.rs
A.C/Dosja.al
1 vit nga zgjedhjet e 25 prillit si e shikoni gjendjen e vendit:
GREQI– Greqia ditën e sotme ka shënuar një rritje të rasteve me Covid-19 krahasuar me ditët e kaluara.Sipas të dhënave të publikuara gjatë 24 orëve e fundit j...
KOSOVË- Ka përfunduar edhe dita e dytë e intervistimit të liderit të BDI-së, Ali Ahmeti nga Specialja në rolin e dëshmitarit.Pas intervistimit në cilësinë ...
SHBA- Themeluesi i Facebook Mark Zuckerberg, ditën e sotme ka njoftuar se do të ndalojë reklamat politike një javë para zgjedhjeve presidenciale të SHBA. Ndër t...
SHBA-Pasditen e sotme Kryeministri i Kosovës Avdullah Hoti dhe Presidenti serb Aleksandër Vuçiç kanë arritur në Shtëpinë e Bardhë ku edhe do të mb...
BJELLORUSI -Presidenti bjellorus, Aleksandër Lukashenko ka hedhur akuza të rënda kundër kancelares gjermane, Angela Merkel, duke thënë se ka manipuluar raportin...
Politikanë e diplomatë gjermanë kërkuan të enjten që Evropa t’i japë një përgjigje Rusisë pas helmimit të kritikut të Kremlinit, Alexei Navalny me agjentin nerv...
SHBA- Presidenti i Serbisë Aleksandër Vuciç, pak para hyrjes në takimin e Shtëpisë së Bardhë ku do të zhvillohet takimi Kosovë -Serbi ,me ndërmjetësim të...
RUSI-Ai tha se “Këto substanca helmuese të shkallës ushtarake mund t’i përkasin vetëm qeverisë, janë vetëm në duart e shërbimeve speciale dhe nuk ka...
KOSOVË -Ambasadori i ri i Bashkimit Evropian në Kosovë, Tomash Szunyog, ka bërë të ditura të enjten prioritetet e tij gjatë mandatit të ri të saponisur në ...
AUSTRALI- Një grua në Australi është arrestuar, pasi kishte shpërndarë një video në rrjetet sociale ku u bënte thurrje njerëzve që të dilnin në protestë kundër ...
