Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
RUSI-Ai tha se “Këto substanca helmuese të shkallës ushtarake mund t’i përkasin vetëm qeverisë, janë vetëm në duart e shërbimeve speciale dhe nuk ka gjasa që ato t’i ketë një kriminel i zakonshëm ose dikush që do të donte të dëmtonte Navalnin.”
Sot Kremlini hodhi poshtë akuzat se Rusia ishte përgjegjëse për helmimin e Navalnit dhe tha se nuk shihte arsye që kundër Moskës të vendoseshin sanksione për këtë çështje.
Navalny, 44 vjeç, është një kundërshtar i hapur i Presidentit Rus Vladimir Putin dhe njihet për hetimet ndaj korrupsionit në qarqet e larta zyrtare.
Ai u dërgua në Gjermani muajin e kaluar pas një krize që pësoi ndërsa ishte në një avion në Siberi dhe po kthehej në Moskë.
Kancelarja gjermane Angela Merkel tha dje se atë e kishin helmuar me agjentin nervor Novichok të llojit sovjetik në përpjekje për ta vrarë.
REAGIMI I SHBA
Shtëpia e Bardhë e quajti “plotësisht të dënueshëm” faktin që udhëheqësi i opozitës ruse Aleksej Navalni u helmua me një agjent kimik nervor dhe tha se Shtetet e Bashkuara do të përpiqen “për të vënë para përgjegjësisë personat përkatës në Rusi.”
Komentet u bënë nga John Ullyot, zëdhënës i Këshillit të Sigurisë Kombëtare, i cili tha se “Shtetet e Bashkuara janë thellësisht të shqetësuara nga rezultatet që dolën sot”.
“Ne do të punojmë me komunitetin ndërkombëtar për të mbajtur përgjegjës cilindo në Rusi, kudo që të çojnë provat dhe të kufizojmë fondet për aktivitetet e tyre keqdashëse”, tha ai.
Një burim i qeverisë së SHBA që ka njohuri për raportimet e zbulimit amerikan tha se nuk ka asnjë arsye për të dyshuar në përfundimin e arritur nga Gjermania se për helmimin e Navalnit është përdorur agjenti nervor Novichok.
Më herët të mërkurën, Kancelarja gjermane Angela Merkel tha se kritiku i Kremlinit Aleksei Navalni, i cili është nën kujdes intensiv në një spital të Berlinit, u helmua me agjentin nervor Novichok të llojit sovjetik, në përpjekje për ta vrarë atë.
Ajo tha se Berlini tani pret që Moska të shpjegohet dhe që Gjermania të konsultohet me aleatët e NATO-s se si të përgjigjet, gjë që rrit mundësinë e sanksioneve të reja perëndimore ndaj Rusisë.
Moska ka mohuar përfshirjen në incident dhe ministria e jashtme ruse tha se pohimi i Gjermanisë nuk ishte i mbështetur në prova, duke u ankuar për mënyrën se si Gjermania e publikoi informacionin rreth Navalnit.
“Ky është informacion shqetësues për vrasje në tentativë me helmim ndaj një figure udhëheqëse ruse të opozitës,” tha zonja Merkel në një konferencë për shtyp.
“Aleksei Navalni ishte viktimë e një sulmi me agjentin nervor kimik të llojit Novichok”, tha ajo.
Navalny, vazhdon të jetë në gjendje kome artificiale në qendrën e kujdesit intensiv të spitalit.
Një agjent nervor i së njëjtës familje u përdor dy vjet më parë për të helmuar një shtetas rus të arratisur në Britani.
Rusia është tashmë nën sanksione perëndimore pas aneksimit të Krimesë gjashtë vjet më parë. Një tjetër përballje me vendet evropiane ose Shtetet e Bashkuara mund ta dëmtojë më tej ekonominë e saj.
Prokurorët rusë thanë të enjten e kaluar se ata nuk panë nevojën për një hetim penal pasi nuk gjetën asnjë shenjë që të ishte kryer ndonjë krim.
Navalni, 44 vjeç, u transferua në Gjermani në fund të muajit të kaluar. Ai u sëmur papritur kur ishte duke udhëtuar me avion nga qyteti siberian Tomsk për në Moskë. Avionit iu desh të bënte një ulje emergjente në Omsk.
Ministri i Jashtëm gjerman Heiko Maas i kërkoi Rusisë të hetojë helmimin e zotit Navalny tani që analizat klinike tregonin se ai ishte sulmuar me një agjent nervor.
“Kjo e bën edhe më të ngutshme që personat përgjegjës në Rusi të identifikohen dhe të vihen para përgjegjësisë,” u tha ministri Maas gazetarëve. “Ne e dënojmë këtë sulm me termat më të ashpra,” tha ai.
Sekretari i Përgjithshëm i NATO-s, Jens Stoltenberg reagoi gjithashtu.
“Kjo është tronditëse dhe unë e dënoj plotësisht atë. Përdorimi i një agjenti nervor të shkallës ushtarake e bën edhe më urgjente që autoritetet ruse të kryejnë një hetim të plotë dhe transparent. Ata që janë përgjegjës duhet të identifikohen dhe të mbajnë përgjegjësi. Ne do të këshillohemi me Gjermaninë dhe të gjithë aleatët për pasojat e këtyre përfundimeve. NATO-ja e konsideron çdo përdorim të armëve kimike si kërcënim për paqen dhe sigurinë ndërkombëtare,” tha zoti Stoltenberg.
Novichok është një grup agjentësh nervorë vdekjeprurës të krijuar nga ushtria sovjetike në vitet 1970 dhe 80.
Britania thotë se Rusia përdori Novichok për të helmuar ish-agjentin Sergei Skripal dhe vajzën e tij në qytetin britanik Salisbury në vitin 2018. Të dy ata i mbijetuan sulmit.
Rusia ka mohuar në mënyrë të përsëritur çdo përfshirje në këtë sulm. Një grua 44-vjeçarie, Dawn Sturgess, humbi jetën nga i njëjti agjent nervor.
Marrë nga VOA
1 vit nga zgjedhjet e 25 prillit si e shikoni gjendjen e vendit:
KOSOVË -Ambasadori i ri i Bashkimit Evropian në Kosovë, Tomash Szunyog, ka bërë të ditura të enjten prioritetet e tij gjatë mandatit të ri të saponisur në ...
AUSTRALI- Një grua në Australi është arrestuar, pasi kishte shpërndarë një video në rrjetet sociale ku u bënte thurrje njerëzve që të dilnin në protestë kundër ...
KOSOVË– Ish-kryeministri i Kosovës, njëkohësisht lideri i Lëvizjes Vetëvendosje, Albin Kurti në një konferencë për media ka hedhur kritika të forta ndaj d...
KOSOVË– Ditën e djeshme ish-komandanti të Shtabit të Përgjithshëm të UÇK-së, Agim Çeku i është dërguar ftesa nga Gjykata Speciale në cilësinë...
SHBA- Një burrë me ngjyrë dhe i paarmatosur vdiq në shtetin e Neë York-ut pasi policia i zuri frymën me një kapuç për dy minuta. Bëhet fjalë për Daniel ...
ITALI– Policia ka vënë në pranga dy shtetas italianë dhe po heton në gjendje të lirë dy të tjerë për një ngjarhe që ka ndodhur kohë më parë në Romë.Në pra...
GJERMANI– Pesë fëmijë janë gjetur të vdekur ditën e sotme. Ngjarja e rëndë ka ndodhur në Solingen, Nordrhein-Westfalen, në Gjermani. Mësohet se fëmijët u ...
IZRAEL- Ministria e Shëndetësisë në Izrael ditën e sotme ka bërë të ditur se brenda 24 orëve të fundit në vend janë regjistruar 3.073 raste të reja me koronavi...
SHBA– Pas pak minutash pritet që të nisë takimi mes Kosovës–Serbisë në Shtëpinë e Bardhë.Sikurse shkruajnë edhe mediat kosovare, mësohet se në takimin e sotëm p...
MALI I ZI- Presidenti i Malit të Zi, Milo Gjukanoviç ditën e sotme ka theksuar se projekti i Serbisë së Madhe është ringjallur. Teksa ka dhënë një inter...
