Furtunë emërimesh dhe shkarkimesh ! Veliaj cakton 12 emra të rinj në disa nga drejtoritë e bashkisë së Tiranës

Erion Veliaj

TIRANË- Kryebashkiaku i Tiranës, Erion Veliaj ka bërë lëvizje të reja në disa nga drejtoritë e bashkisë. Veliaj ka emëruar drejtorët e rinj të Ujësjellës-Kanalizimeve të Tiranës, e cila do të drejtohet nga Elda Muçi. Në krye të Policisë Bashkiake do të jetë tashmë Toni Beni.

Drejtori i ri i Ndërmarrjes së Rrugëve dhe Ndriçimit është emëruar Piro Sinjari, kurse në krye të Agjencisë së Mbrojtjes së Konsumatorit është vendosur Blerta Dardha. 

Drejtori i ri Tirana Parking është emëruar Flavio Barçi, ndërsa tek Kopshti Zoologjik drejtimin e merr Ervis Rrahmani. Po ashtu dy qendrat sociale do të drejtohen nga Aldo Aga dhe Gentjana Lasku. Në drejtimin e Shtëpisë Studio “Kadare-Agolli” është emëruar Anisa Ymeri, kurse drejtor i Rezidencës Studentore në Qytetin Studenti do të jetë Renato Pashollari.

Emrat e rinj:

UKT – Elda Muçi

Policia Bashkiake – Toni Beni

DPN2 – Piro Sinjari

Tirana Parking – Flavio Barçi

Kopshti Zoologjik – Ervis Rrahmani

Shtëpia Studio “Kadare-Agolli” – Anisa Ymeri

RSU1 “Qyteti Studenti” – Renato Pashollari

AMK – Blerta Dardha

Qendra Komunitare Shkozë – Aldo Aga

Qendra Sociale “Strehëza” – Gentjana Lasku

Ndryshimet thuhet se kanë ardhur në kuadër të strukturimit te bashkisë së kryeqytetit dhe organizimit për zgjedhjet e 2025.

belind kelliçi

TIRANË- Drejtuesi politik i PD-së për qarkun e Tiranë, Belind Këlliçi ka komentuar vendimet e fundit të kryebashkiakut Erion Veliaj për shkarkimin e 12 drejtorëve. 

Këlliçi u shpreh se është një lëvizje e dëshpëruar, ndërsa shtoi se u hoqën, sipas tij "disa hajdutë" si Elton Kacidhja apo Ermal Kapllani për t’u zëvendësuar me disa të tjerë. Këlliçi publikoi emrat e Toni Benit dhe të Erjon Rapajt si emrat e rinj të zgjedhur nga Veliaj. .

“Kjo protestë përveçse ka çuar në burg 3 nga hajdutët kryesore të 5D, sot ka shkaktuar një tërmet 12 ballësh në bashki. Janë shkarkuar një dyzinë hajdutësh për vjedhje. Një dyzinë hajdutësh me në krye Ermal Kapllanin e Policisë Bashkiake dhe Elton Kacidhen e UKT. Ka hequr një hajdut si Ermal Kapllanin për të vënë në krye hajdut si Toni Beni, që edhe me të do merremi dhe ka vënë një hajdut tjetër Erjon Rapajn, famozin e Kombinatit që vidhte vota në Kombinat. Të gjitha këto lëvizje të dëshpëruara i bëjmë me dije se janë të kota. Ne nuk lëvizim nga këto pa shkuar Erion Veliaj para drejtësisë”, tha Këlliçi.

Këlliçi po ashtu komentoi edhe arrestimin e Ilir Metës, për të cilin tha se një ish-kryetar parlamenti u mor peng nga njerëz bandit në mes të ditës.

“Një ish president, ish kryeministër, ish-kryetar parlamenti u mor peng në mes të ditës nga njerëz bandit pa simbolet e policisë së shtetit. Po cfarë prisnin këta nga Ilir Meta, ti thoshte faleminderit që po shkel ligjin?”, tha Këlliçi.

erion veliaj

TIRANË- Kryebashkiaku Erion Veliaj raportohet se ka shkarkuar nga detyra 12 drejtorë nga bashkia e Tiranës.

Veliaj ka emëruar drejtorët e rinj të Ujësjellës-Kanalizimeve të Tiranës, Policisë Bashkiake, të Agjencisë për Mbrojtjen e Konsumatorit, të Tirana Parking, të Kopshtit Zoologjik, Qytetit Studenti, si dhe disa prej qendrave sociale dhe muzeumet.

Ndryshimet thuhet se kanë ardhur në kuadër të strukturimit te bashkisë së kryeqytetit dhe organizimit për zgjedhjet e 2025.