TIRANË- Pas gati mbi 1 një vit, mori fund rezistenca e banorëve të Unazës së Re. Beteja finale e tyre me policinë u zhvillua në orët e para të mëngjesit, ku banorët kaluan natën jashtë në pritje që Inspektoriati i Mbrojtjes Kombëtare të Territorit, do të shkonte për shembjen e banesave të tyre.
Qindra policë, të pajisur me shkopinj gome, pelerina dhe gaz lotsjellës, janë përplasur me banorët të cilët janë kundërpërgjigjur me gur e molotov. Për pasojë 5 policë kanë mbetur të plagosur, ndërsa 9 banorë kanë marrë ndihmën e parë te Spitali i Traumës pas përdorimit të gazit nga uniformat blu.
Mësohet se një prej tyre është në gjendje të rëndë. Në Polici janë shoqëruar 10 persona, mes tyre edhe gra. Disa nga të shoqëruarit janë lir Katiraj, Shqipe Halimi, Njazi Çeku dhe Besim Çeku. Policia ka shoqëruar me dhunë edhe pedagogun e gazetarisë, dhe aktivistin Ervin Goci. IKMT përfundoi aksionin e saj në orët e pasdites, duke shembur 33 godinat e parashikuara.
Ajo që spikati në përplasjen e sotme ishte edhe mungesa e eksponentëve të opozitës. Klevis Balliu dhe Endrit Braimllari e ish-deputetët e tjerë nuk ishin prezentë që në mëngjes në mbështetje të banorëve, në ndryshim me sjelljen e tyre gjatë vitit të fundit.
PD shkoi te Astiri kur gjithçka kishte përfunduar dhe iu garantoi se do t’iu japë dëmshpërblim kur të vijë në pushtet. Nuk ka munguar edhe një reagim i Erion Veliaj, i cili është shprehur se pronarët janë kompesuar.
(F.g/dosja.al)
-
18:33
Braçe i kthehet Lindita Protoduarit: Basha është parelli i madh, t’jua paguajë një shtëpi
Erion Braçe dhe Lindita Protoduari Zv.kryeministri Erjon Braçe ka reaguar lidhur me aksionin e IKMT-së për prishjen e banesave në zonën e Astirit. Me anë të një statusi, Braçe shkruan se vetëm për 8 objekte në lotin e parë janë paguar plot 1.2 milionë dollarë dhe ende priten të jepen për 15 banesa të tjera.
“Ky LYLZIM BASHA që është parelli i madh shumë, patjetër, t’ua paguajë një shtëpi saç është shtëpia e luksit në bllokun e vilave ku merr frymë! Por nga lekët e tija ama, nga lekët e tij!,”-shkruan ndër të tjera zv.kryeministri.
-
18:17
Përfundon mes tensioneve aksioni në Astir, IKM: Kemi shembur 33 godina
Inspektorati Kombëtar i Mbrojtjes së Territorit ka përfunduar aksionin e prishjes së banesave tek “Astiri”. Me anë të një njoftimi në Facebook, shkruan se janë shembur 15 objekte një katëshe, 11 objekte 2 katëshe, 6 objekte 3 katëshe dhe 1 objekt katër katësh.
Foto nga prishja e banesave. “IKMT perfundon aksionin tek “Astir”. Vetem pak momente me pare, mjetet e IKMT kane prishur edhe objektin e 33 ne zonen e “Astirit”. Nga operacioni qe filloi mengjesin e sotem, u prishen 15 objekte nje kateshe, 11 objekte 2 kateshe, 6 objekte 3 kateshe dhe 1 objekt kater katesh”, shkruan IKMT.
-
16:26
“E vrau policia e Ramës dhe Lleshajt”, reagon ish-deputetja Pampuri: Zotëria është gjallë, jam e lumtur që informova gabim
Oriola Pampuri dhe Rrahman Imallari Ish-deputetja e Partisë Demokratike Oriola Pampuri ka reaguar disa orë pasi vuri në panik banorët e Unazës së Re teksa tha publikisht se njëri prej tyre kishte ndërruar jetë.
Pampuri shprehet se për herë të parë në jetën e saj ndjehet e lumtur që është informuar gabim, pasi Imallari është në gjendje të mirë shëndetësore dhe po merr kurimin e mëtejshëm.
Në një reagim në rrjetet sociale, ish-deputetja shkruan gjithashtu se e pranon që ishte gabim dhe se duhet të ishte treguar më e kujdesshme, por shton më tej se si nënë dhe si një mikeshë e banorëve nuk mund të rrinte pa reaguar pas gjithë telefonatave që kishte marrë.
“Për herë të parë jam e lumtur që më informuan gabim. E pranoj që duhet të isha treguar më e kujdesshme, por si nënë, grua dhe një mikeshë e banorëve nuk mund të rrija e heshtur pas atyre telefonatave,“-shkruan ndër të tjera Pampuri.
-
16:11
‘Astiri’/ Kryemadhi jep premtimin si nënë: Do të marrin një më një kompensimin për dëmin
Monika Kryemadhi Kryetarja e LSI-së, Monika Kryemadhi ka reaguar lidhur me prishjen e banesave të zonës së Astirit. Me anë të një statusi në Facebook, Kryemadhi shkruan se dhuna e ushtruar ndaj banorëve të Astirit ishte antinjerëzore dhe pa dallim gjinie e moshe.
Kryemadhi tha se edhe Reforma në Drejtësi është një mashtrim, pasi sipas saj drejtësia i duhej kryeministrit Rama për të mbrojtur krimet dhe korrupsionin.
“Në solidaritet të plotë me banorët e Unazës së Re, ju jap fjalën e zemrës me gjithë dashurinë e nënës, por edhe si Kryetare e LSI-së, se do të marrin një më një të gjithë kompensimin për dëmin e shkaktuar dhe se Edi Rama dhe e gjithë banda e tij do të përgjigjen para drejtësisë së ligjit!,”-shkruan ndër të tjera Kryemadhi.
DEKLARATA E PLOTË:
Dhuna shtetërore e ushtruar sot në mëngjes me të gjithë barbarinë antinjerëzore e në tejkalim të plotë të kompetencave të ligjit ndaj banorëve të Unazës së Re, është dëshmia e radhës së pushtetit të Edi Ramës në ortakëri me krimin dhe korrupsionin, është prova e qartë se makineria qeverisëse është vënë në shërbim të klaneve kriminale, për interes të të cilave nuk kursen as dhunën ndaj qytetarëve, ndaj grave e fëmijëve të pa mbrojtur, ndaj të moshuarve dhe gjithë të tjerëve pa dallim.
Është gjithashtu edhe treguesi më i qartë se e gjithë retorika e tij për “Drejtësinë e Re” është një mashtrim, pasi drejtësia atij i duhet për të mbrojtur krimet dhe korrupsionin, ndërsa për qytetarët e pa mbrojtur dhe në nevojë ka zgjedhur dhunën dhe paligjshmërinë.
Po ndërkaq, skena e krimit, e ideuar dhe urdhëruar nga Edi Rama, parathotë fundin e tij të pashmangshëm, që do të jetë i njëjtë me fundin që meritojnë të gjithë ata që i kundërvihen popullit të tyre, të gjithë ata që u shërbejnë interesave të krimit në dëm të interesave kombëtare.
Dhimbja dhe lotët e nënave dhe fëmijëve që mbetën pa shtëpi dhe e baballarëve të dhunuar në sy të fëmijëve, për të ushqyer metastazat kanceroze të korrupsionit dhe krimit të maxhorancës së votave të vjedhura nga bandat e krimit, do të bëhen shumë shpejt, mallkimi dhe ndëshkimi mbi Edi Ramën dhe bandën e tij të pushtetit!
Në solidaritet të plotë me banorët e Unazës së Re, ju jap fjalën e zemrës me gjithë dashurinë e nënës, por edhe si Kryetare e LSI-së, se do të marrin një më një të gjithë kompensimin për dëmin e shkaktuar dhe se Edi Rama dhe e gjithë banda e tij do të përgjigjen para drejtësisë së ligjit!
-
16:11
Tensionet tek Astiri, IKMT: 33 objektet do të shemben brenda ditës së sotme
Fadroma duke prishur objektet në Astir Inspektorati Kombëtar i Mbrojtjes së Territorit njofton deri më tani janë prishur 24 objekte nga 33 që parashikohen të përfundojnë brenda ditës së sotme.
“Prej mëngjesit te sotëm IKMT ka nisur prishjen e 33 objekteve ne zonën e “Astir”. Deri në këto momente janë prishur 24 objekte, prej të cilave 8 objekte 2 katëshe, 4 tre katëshe dhe 12 nje katëshe. Objektet e tjera janë ne proces dhe do te prishen të gjitha brenda ditës së sotme”, shkruan IKMT.
-
14:27
Basha tek Trauma: Pashë të plagosurit, gjendja është e rëndë. Do iu japim lekët banorëve kur të vijmë në pushtet, Rama do mbajë përgjegjësi! (VD)
7 orë pas përplasjeve që shoqëruan nisjen e prishjes së objekteve te Unaza e Re, kryedemokrati Lulzim Basha zgjodhi të dilte nga spitali i Traumës, aty ku të plagosurit po marrin ndihmën e parë. “Pashë të moshuar mbi 70 vjeç të gjakosur, gra të halvanosura nga përdorimi genocidal i gazit lotsjellës. Një pjesë e tyre janë të shtruar dhe një pjesë nuk janë shtruar. Janë plagosur edhe 5 policë. Ky është një bilanc i një goditjeje të planifikuar nga Edi Rama ndaj qytetarëve që mbronin shtëpitë e tyre.”,-tha Basha, i cili fajësoi kryeministrin për plagosjen e 12 personave.
Qëllimi sipas tij, ishte i qartë. “Qëllimi është një dhe vetëm një të çonte drejt përgjakjes së qytetarëve për të fshehur vjedhjen e madhe që Edi Rama dhe Erion Veliaj kanë programuar tek projekti i Unazës së Re.”-u shpreh Basha.
Ndërkohë që vijoi më tej me akuzat se projekti i Unazës ëshët vjedhje për qytetarët dhe paralajmëroi kryeministrin Edi Rama dhe kryebashkiakun e Tiranës, Erion Veliaj se do të mbajnë përgjegjësi. “Qytetarët duhet të dinë se s’është projekt zhvillimi. S’është rrugë e re, është rrugë ekzistuese. Është projekt-vjedhje me kompani fantazmë. Edi Rama është i vendosur t’a çojë deri në fund. Ky është krim kundër jetës së qytetarëve.Dua të dënoj sjelljen kriminale, paralajmëroj secilin, nga Rama tek Veliaj se do të mbajnë përgjegjësi.”-tha ai.
Zëri iu drodh, kur premtoi se dita nuk do të vonojë për të dhënë llogari. “Dita nuk do të vonojë dhe ju japë fjalën kur ata do të përgjigjen brenda ligjit për dhunën ndaj grave dhe fëmijëve. Së dyti, dua t’i bëj thirrje qytetarëve dhe policëve të mos bien pre e skenarit, që të hiqet vëmendja nga vjedhja tek dhuna ndaj banorëve. Jeta është e çmuar dhe do e mbrojmë jetën e banorëve tanë.”theksoi kryetari i PD.
Më tej, Basha përmendi sërish zotimin e demokratëve se kur të vijnë në pushtet, do të dëmshpërblejnë banorët. “Së treti, kemi një zotim politik. Çdo centimetër katrorë i pronës do të kompesohet me ardhjen e PD në pushtet. Asgjë nuk do të humbasë, gjithçka do të kompesohet me vlerën e tregut. S’do t’i gëzoni ato 40 milionë euro. Do jepni përgjegjësi para ligjit.”-tha Basha.
E teksa e mbylli reagimin e tij për mediat, Basha hodhi poshtë faktin se opozita shkoi krah banorëve kur përplasja kishte përfunduar. Basha tha se opozita ka qenë me banorët që prej momentit të parë. “Opozita është në krah të banorëve të Astirit, kemi qenë këtu që në orët e para të mëngjesit. Anëtarë të opozitës janë burgosur dhe opozita ka qenë njësh me qytetarët.”-shpjegoi ai.
I pyetur nga gazetarët sesi arriti të hynte brenda spitalit, Basha tha: Ishte vështirë të hyje, arrita t’i takoj pas paralajmërimeve se nuk ndalohet kollaj kryetari i opozitës.
-
14:18
Video/ Blofi i PD-së me Imallarin e vdekur, momenti kur Pampuri përhapi panik: Është në morg, ma konfirmuan
Dosja.al ju sjell më poshtë momentin kur ish-deputetja Orila Pampuri deklaroi se banori i Astirit ka vdekur dhe gjendet në morg. Ajo tha edhe emrin e banorit, Rrahman Imallarit, për të cilin siguroi më tej se është dërguar në morg.
Biseda në video
Pampuri: Zotëria, është zyrtare, zotëria ka humbur jetën. Për këtë Edi Rama do të mbajë përgjegjësi. Një nga banorët e Unazës, një nga protestuesit sot ka humbur jetën për shkak të dhunës që është ushtruar nga policia e Sandër Lleshit dhe Edi Ramës.
Gazetari: Është e konfirmuar kjo?
Pampuri: Tani sapo ma konfirmojnë banorët që kishin komunikuar me familjarët. është një turp për të cilin do të mbani përgjegjësi. është një krim i cili lidhet drejtpërdrejtë me Edi Ramën.
Gazetari: Emrin e personit?
Pampuri: E njoh emrin që më thanë se ka vdekur. Bëhet fjalë për Rrahman Imallarin. Kam ndenjur me të gjatë protestave.
Por kjo gjë rezultoi e pavërtetë, pasi Dosja.al ju solli foton e Imallarit që ndodhej në shëndoshë e mirë në spitalin e Traumës pasi kishte marrë ndihmën e nevojshme mjekësore. Qartë në foto dukej se banori i Unazës së Re nuk ka vdekur dhe se Pampuri alarmoi gjithë qytetarët me këtë fakeneës!
Edhe vetë ish-deputetja e kuptoi panikun që kishte krijuar dhe e ka fshirë transmetimin e këtij momenti nga profili i saj në Facebook.
Gjithsesi ju informojmë se përhapja e panikut konsiderohet njw vepër penale dhe sipas nenit 230 të Kodit Penal, kryerja e veprave me qëllim përhapjen e panikut në popullatë ose për të detyruar organe shtetërore, shqiptare ose të huaja, të kryejnë ose të mos kryejnë një akt të caktuar, ose për të shkatërruar apo destabilizuar, në mënyrë serioze, struktura thelbësore politike, kushtetuese, ekonomike ose sociale të shtetit shqiptar, të një shteti tjetër, institucioni apo organizate ndërkombëtare, dënohet me burgim jo më pak se pesëmbëdhjetë vjet ose me burgim të përjetshëm.
-
14:18
Përplasjet në Astir, Meta: E prapranueshme trauma që po u shkaktohet familjarëve, qytetarë, distancohuni nga dhuna
Presidenti Ilir Meta dhe shembja e banesave në Astir Presidenti Ilir Meta ka regauar pas përplasjeve të banorëve të Astirit me efektivët e policisë. Meta shkruan se është e papranueshme dhuna që është ushtruar ndaj banorëve dhe se është një tregues arrogance ajo që po u shkaktohet këtyre familjeve për muaj të tërë.
Në një status në rrjetin social “Facebook”, Presidenti shkruan gjithashtu se banorët duhet të ruajnë qetësinë dhe se nuk duhet të bien pre e provokimeve.
Sipas Meëts, palët duhet të ulen në dialog, e ndërsa në fund u uron shërim të shpejtë të gjithë të plagosurve.
“E papranueshme dhuna e përsëritur sot ndaj banorëve të Unazës së Re, të cilët protestojnë në mbrojtje të shtëpive dhe të pronave të tyre.
Arroganca përballë mjerimit dhe traumës që po u shkaktohet këtyre familjeve për muaj të tërë është e patolerueshme.
Banorët të ruajnë qetësinë dhe të mos bien pre e provokimeve dhe palët të ulen menjëherë në dialog.
U uroj shërim të shpejtë të gjithë të plagosurve,”- shkruan Meta. -
14:18
“Ndalni dhunën”, Lëvizja Vetëvendosje në mbështetje të banorëve të Astirit: Mund të kishte viktima, shërim të shpejtë të plagosurve
Foto nga Astirit dhe Lëvizja Vetëvendosje Qendra e Lëvizjes VETËVENDOSJE në Shqipëri ka bërë thirjre për ndalimin e dhuëns ndaj banorëve të Astirit. Në një reagim zyrtar në rrjetet sociale, Vetëvendosja shkruan se dhuna e ushtruar mund të kishte pasoja dhe viktima në njerëz, kështu që u bën thirrje organeve kompetente ta ndalojnë atë.
Vetëvendosja u jep të drejtë qytetarëve që protestojnë dhe e konsideron një skanda dhe projekt korruptiv infrastrukturor me kompaninë “DH Albania”, atë që është prjektuar të ndërtohet tek Astirit.
Teksa shkruhet edhe shifrat e të lënduarve pas protestave, Qendra e Lëvizjes VETËVENDOSJE në Shqipëri, u uron shërim të shpejtë.
Reagimi i Vetëvendosjes
Dhuna sistemike mori sot formën e dhunës direkte te Astiri
Qendra e Lëvizjes VETËVENDOSJE! në Shqipëri ka ndjekur me shumë shqetësim të gjitha ngjarjet që janë zhvilluar mëngjesin e sotëm në zonën e “Astirit” pranë “Unazës së Re” në Tiranë, ku qytetarët kanë muaj që protestojnë pas skandaleve të një projekti korruptiv infrastrukturor me kompaninë “DH Albania”. Siç është raportuar edhe nga mediat, rreth 13 persona, qytetarë dhe pjesëtarë të Policisë, janë lënduar gjatë aksionit të sotëm të Policisë dhe po marrin shërbim pranë spitalit Universitar të Traumës. Sakaq, mediat kanë raportuar gjithashtu se rreth 10 protestues të tjerë janë arrestuar, mes tyre edhe pedagogu dhe aktivisti Ervin Goci, e disa edhe janë keqtrajtuar gjatë arrestimit.
Qendra e Lëvizjes VETËVENDOSJE! në Shqipëri bën thirrje së pari për ndaljen e të gjitha veprimeve nga ana e organeve shtetërore që mund ta tensionojnë situatën edhe më tej duke shkaktuar lëndime dhe viktima.
Korrupsioni, skandalet, parregullsitë dhe standardet e dyfishta e kanë karakterizuar të gjithë procesin e projektit të “Unazës së Re”. Një shtet i së drejtës nuk ndërtohet përmes një pushteti arbitrar me dhunë strukturore e direkte ndaj qytetarëve. Çështja e pronave në zonën e “Astirit” duhet të zgjidhet duke përdorur një standard të drejtë e të barabartë për të gjithë qytetarët.
Shpresojmë në shërimin sa më të shpejtë të të gjithë të lënduarve, qytetarëve protestues dhe pjesëtarëve të Policisë, dhe kërkojmë lirimin e protestuesëve që po mbahen të arrestuar padrejtësisht.
Tiranë, 12 nëntor 2019
Lëvizja VETËVENDOSJE!
Qendra në Shqipëri -
14:18
U shoqërua me dhunë pas protestës në Astir, lirohet nga qelia aktivisti Ervin Goci
Aktivisti Ervin Goci është liruar nga qelia e komisariatit nr.3 ku u mbajt për orë të tëra pas arrestimit, gjatë përplasjeve në protestën e Astirit.
Në një foto të publikuar nga aktivisti tjetër Andi Tepelena, Goci shihet krah kolegëve të tij, pas lirimit nga qelia.
“Aktivisti Ervin Goci sapo u lirua nga qelia e komisarittit nr 3.. Tani po vizitohet prane repartit te toksikoligjise ne QSUT per efektet e gazit lotsjelles te perdor ne menyre barbare nga Policia e Shtetit,”- shkruan Tepelena krahas fotos.
-
14:18
“Qeveria po tallet me ne”, Protoduari tregon që ka marrë 130 mln lekë dëmshpërblim: Po na përçajnë (VD)
Lindita Protoduari, mamaja e Dorian Protoduarit, një nga banoret e zonës së Unazës së Re dhe një nga organizatoret e protestës së Astirit ka deklaruar se ka marrë dëmshpërblim nga shteti.
Në një video të publikuar nga “ABC News”, banorja e kësaj zone dëgjohet të thotë që ka marrë 130 milionë lekë dëmshpërblim për banesën e saj, por që më pas shton se shteti po tallet me të.
“Unë shtëpinë e kam nga mbrapa, nuk e kam nga para. Dhe kam marrë 130 milionë lekë të vjetra dëmshpërblim. Kjo qeveri tallet me këta banorë, do të fusë vetëm përçarje,”- dëgjohet të thotë ajo.
-
14:18
Përplasjet në Astir, Vasili shkon të Trauma: S’më lënë të hyj, po fshihet numri i të plagosurve (VD)
Ish-kryetari i grupit pralamentar të LSI-së, Petrit Vasili ka reaguar pas përplasjeve që banorët e Astirit patën me efektivët gjatë aksionit të ditës së sotme.
Vasili ndodhej në spitalin e Traumës ku dhe vizitoi banorët e lënduar dhe u shpreh se e ndaluan të futej në vendin që ka shërbyer gjithë jetën e tij.
Ish-kreu i grupit parmalemtar theksoi se po fshihet numri i të lëdnuarve pasi banorë të plagosur janë shumë më tepër seç deklarohen.
“Janë dhunuar se mbrojtën pronën e tyre. Kërkojani qeverisë që fsheh shifrat. Nuk janë unë për shifrat, ka për detyrë ti fshehë qeveria. Më ndaluan dhe më penguan të hyj në spitalet ku kam shërbyer përgjatë gjithë jetës sime. Është hera e parë dhe më treguan rregullat ca sharlatanë.
Çdo gjë të fshihet. Të moshuar mbi 74 vjeç janë goditur me grushte. Një situatë të tillë nuk është parë. Kjo grabitje është tek pragu i derës dhe i godet të gjithë.
Po dhunohen banorët nga hajdutët i vodhën pronën. Për herë të parë në 38 vitë profesion më ndaluan të hyj në spital. Qeveria i trajton qytetarët sikur të ishin armiqtë e saj.
Janë gati t’i kthejnë në reparte policore dhe spitalet vetëm që asnjë informacion të mos jetë te ju dhe çdo gjë fshihet. Ato pamje ku do të shikoni të moshuar mbi 74 vjeç të goditur me grushte dhe të dhunuar, me shenja dhune dhe të helmuar. Besoj se një situatë të tillë Shqipëria nuk e kishte parë kurrë dhe sot është dita për t’i vënë gishtin kokës çdo shqiptar, sepse kjo dhunë, kjo grabitje e pronës dhe lirive është te pragu i derës dhe po na kërcënon të gjithëve. Prandaj është një ditë e madhe reflektimi,”- tha Vasili.
-
14:18
‘S’kapi’ protestën e Astirit, Paloka u sulet gazetarëve: Bastardë, më vjen ndot që jam kolegu juaj. Erdha kur munda
Astiri dhe Edi Paloka Ish-deputeti i Partisë Demokratike ka reaguar ashpër ndaj mediave të cilat vunë në dukje mungesën e opozitës pranë banorëve të Astirit.
Teksa i quan bastardë gazetarët, Paloka shprehet më tej se i vjen ndot nga vetja ta quajë koleg me ta sot.
Në një status në rrjetet sociale, Paloka shkruan se gazetarët që kërkuan llogari sot nga opozita, e cila u premtoi mbështetje banorëve të Astirit por nuk ua dha, janë lëpirës të prapanicës së Edvinit dhe Velinës, emër me të cilin nënëkupton krybashkiakun Veliaj.
Ndërkohë që më tej, nënkryetari i PD-së, merr përsipër të shpjegojë mungesën e tij dhe të kolegëve të tijsot në Astir. Plaoka thekson se ka mbërritur në zonën e Unazës së Re, sapo ka mundur por që i mungonin autoblindat dhe armët specilale për t’u përballur me efektivët.
Reagimi i Edi Palokës
Ju kerkoj ndjese te tjereve, po nuk mund te mos reagoj ndaj disa bastardeve qe edhe sot e kerkojne pergjegjesine tek opozita. Nuk po e bej si nenkryetar partie kete reagim po si ish-gazetar qe me vjen ndot ta quaj veten koleg te tyre sot.
Keta bastarde qe gjithe diten i lepijne prapanicen Edvinit dhe Velines se bashkise , pasi u cuan me nge nga krevati, hapen televizoret dhe si gjithnje ju sulen opozites, sot gjoja sepse nuk mbrojti “me trup” banoret e Astirit. Keta nuk shohin as korrupsionin, as dhunen e qeverise tek Astiri, por shohin pergjegjesine e opozites.
Deputetet e opozites shkuan atje sapo u njoftuan, po sigurisht ne nuk kishim as autoblinda e as arme per tu perballur me qindra e qindra forca speciale e jo vetem, te mbledhura nga kjo qeveri prej te gjitha aneve. PD eshte parti politike jo trupe militare. Me banoret e Astirit ne kemi nje marreveshje dhe do i qendrojme, cdo gje do ju kompensohet drejtesisht.
Sigurisht nuk ka “kompensim” qe mbulon dhunen dhe terrorin ndaj grave, femijeve e te moshuarve qe mbrojne strehen e tyre. Po te jeni te bindur qe neser do te kete shpagim jo vetem tek felliqesirat ne krye te shtetit por dhe tek sherbetoret e tyre qe sot paguhen me parate e grabitura shqiptareve per ti sherbyer atyre qe dhunojne e grabisin shqiptaret.
Sqaroj , per ke nuk e ka kuptuar; ky status nuk eshte per ata qe bashke me opoziten luftojne kunder kesaj qeverie kriminale e te korruptuar, por qe jane kritike dhe me opoziten, po per ata qe i sherbejne dhe lepihen gjithe diten pushtetit te Rames dhe menyren e preferuar per t’ju lepire Rames, kane berjen opozite ndaj opozites.
-
12:02
Përplasjet tek Astiri, thirrja e Avokatit të Popullit: Autoritetet shtetërore të mënjanojnë konfliktin me qytetarët
Foto nga shembja e ndërtesave në Astir Avokati i Popullit ka reaguar pas situatës së tensionuar mëngjesin e sotëm në Astir. Avokati i Popullit deklaron se ekipet janë në terren për të dëshmuar nga afër gjithçka që po ndodh e për ta referuar atë më pas me paanësi dhe bën hirrje për maturi e vetëpërmbajtje. Ai kërkon që autoritetet shtetërore të mënjanojnë konfliktin me qytetarët.
DEKLARATA E PLOTË:
AVOKATI I POPULLIT NDJEK NË TERREN SITUATËN TE “ASTIRI” DHE BËN THIRRJE PËR NDALIM TË KONFLIKTIT
Institucioni i Avokatit të Popullit po ndjek me shqetësim ngjarjet e ditës së sotme në segmentin e Unazës së Re ku janë shënuar përplasje midis banorëve që kundërshtojnë një projekt ende të kontestuar infrastrukturor dhe forcave të rendit.
Ekipe të Avokatit të Popullit ndodhen në terren për të dëshmuar nga afër gjithçka që po ndodh e për ta referuar atë më pas me paanësi.
Në këtë situatë, institucioni kushtetues i Avokatit të Popullit, i cili prej një muaji ka dërguar në Kuvendin e Shqipërisë një raport të veçantë mbi çështjen e Astirit dhe ende është në pritje të përgjigjes, bën thirrje për vetëpërmbajtje, maturi, si dhe për garantimin e plotë të të drejtës së Mbrojtësve të të Drejtave të Njeriut për të kryer detyrën e tyre.
Gjithashtu, Avokati i Popullit tërheq vëmendjen e autoriteteve shtetërore që të mënjanojnë konfliktin me qytetarët, të mos zbatojnë politikën e faktit të kryer e të mos e tejkalojnë me anë të zellit të pajustifikuar detyrën e tyre, sidomos në kushtet kur çështja për të cilën ka lindur ky konflikt nuk është sqaruar.
Respektimi i të drejtës qoftë edhe të një qytetari të vetëm duhet të jetë në bazamentin e një shteti demokratik pasi nuk mund të ketë interes madhor e të mirë kolektive, të themeluar mbi dhunimin e dikujt tjetër.
Gjithashtu, Institucioni i Avokatit të Popullit u bën thirrjen autoriteteve të tjera vendase dhe ndërkombëtare që të ndërhyjnë sa më parë për qetësimin e situatës.
-
12:02
‘Nga ora 6 e pak ishim këtu, por ne s’jemi ushtarë’, Balliu iu jep zemër banorëve: Kjo kauzë s’do harrohet kurrë (VD)
Ish-deputeti demokrat, Klevis Balliu ka deklaruar se opozita ka qenë në krahun e banorëve të Astrit, por sipas tij nuk mund të merrte armët ndaj dhunës barbare të shtetit. Sipas Balliut, banorët do të dëmshpërblehen, por kjo përplasje që ndodhi sot në Unazën e Re, nuk do të harrohet kurrë. Këto deklarata, Balliu i bëri gjatë një prononcimi për “Fax News”.
“Banorët kanë rezistuar, banorët kanë fituar, e vetmja rrugë e Ramës mbeti shkelja e gjithë ligjeve. Rama dhunoi barbarisht fëmijë e gra në ‘Unazë’, ndërkohë Kajmakët e hajdutët janë ende të lire.
Sot në Rilindje ka shpërthyer shampanja për këtë dhunë, kemi disa evidentime për disa efektivë që dhunojnë popullin.
Rama i mashtroi, Veliaj është përgjegjës për një vdekje këtu në Unazë, pasi hoqi sinjalistikën. E gjithë Shqipëria të marrë shembull nga këta banorë, ata gëzojnë atë që kanë luftuar.
Banorët do dëm-shpërblehen, është e sigurt, nuk do lejohet të harrohet kjo kauzë në ‘Unazë”, u shpreh Balliu.
Ndërkohë që i pyetur nga gazetarët, se pse nuk ka qenë opozita në orët e para të mëngjesit në Astir, Balliu u shpreh:
“Unë e kuptoj atë të banorëve, po këta kanë qenë këtu që para nesh, në orën e gjashtë e pak mnuta ka qenë Edmond Spaho këtu, ne nuk jemi ushtarë, ne kemi ardhur për të denoncuar. Kjo zgjidhet duke u bashkuar të gjithë, le të dalë Edi Rama përballë nesh, jo policët”, u shpreh Balliu.
-
12:02
Vajza me këmbën e thyer, shpërthen në lot në spital: Të vijë shteti e të dhunojë në shtëpi është e pafalshme, s’kam ku të ankohem
Vajza e lënduar Një banore, e cila u lëndua dhë dëmtoi këmbën gjatë përplasjeve të sotme me policinë për shembjen e ndërtesave, u shpreh se se janë trajtuar si kriminelë.
Në një intervistë për “Fax News”, vajza shpërtheu në lot, pasi kishte vrarë këmbën, ndërkohë që tha se kjo gjë ndodh pasi vendin e drejton një i çmendur.
“Vepra e bandës në pushtet ku në krye drejton një i çmendur që na trajton si kriminelë, unë këmbën e kam të thyer. Dalin atje dhe kemi thyer këmbën.Viktima do të mbeten ato. Do të mbajnë përgjegjësi nga ne. Dhunën terrorin dhe gjithçka ka ndodhur.
Lëndimin e shkaktoi policia me gazin dhe bombat që hidhte, kjo është vepër e policisë me urdhëra kriminalë që marrim. Nuk kam ku të ankohem me këtë që ma kanë bërë. Edhe për arrestimet ato kanë për të mbajtur përgjegjësi.
Janë një pjesë e mirë e banorëve. Të gjithë kemi dalë për të mbrojtur shtëpitë tona, çfarë krimi kanë bërë ato. Nuk ka për të m’u hequr nga mendja ajo dhunë që kam parë, dhe pse se po mbroj shtëpinë time. Atje gjendja është shumë e rënduar. Vetëm dhunë dhe arrestime.
Nuk e di si mund të vijojë. Nuk besoj se do të jetë një protestë e qetë. Do të përshkallëzohet. Jemi trajtuar si kriminelë, të vijë shteti dhe të dhunojë në shtëpi është e pafalshme.”- u shpreh banorja.
-
11:23
Blofi i Pampurit me protestuesin ‘e vdekur’/ Vokshi i del në mbrojtje: Ashtu e kishte informacionin, personi ishte i shtrirë në tokë
Albana Vokshi, nga spitali i Traumës, aty ku shkoi për të vizituar të lënduarit nga përplasjet tek Astiri u shpreh se askush nuk jep informacion për numrin dhe gjendjen e të lënduarve.
“Në ambientin në të cilin është gjetur dhe Lindita, atje është hedhur gaz, në një ambient të mbyllur. Është krimiale ajo që ka ndodhur sot. Të hedhësh gaz mbi gratë e fëmijët është kriminale. Janë detyruar të dalin nëpër çati. Unë asnjë nga zonjat nuk gjeta këtu. Ka pasur djegie të gradës lartë. Spitali nuk na jep informacion. Ka edhe dhjetëra të arrestuar. Ne po kthehemi në protestë. Numri total i të lënduarve nuk dihet. Çdo gjë mbahet në terr informativ. Është kriminale kjo që po ndodh”, u shpreh Albana Vokshin.
Më tej ajo u ngacmua nga një gazetare për deklaratën e ish-deputetes Oriola Pampuri e cila deklaroi se kishte informacione se një person kishte humbur jetën.
“Kolegia ime u shpreh nga informacionet që i kanë dhënë. Ishte një person i shtrirë i dhunuar. Mbi të është ushtruar një dhunë nga Policia. Në momentin e parë ka ardhur këtu pa ndjenja, prandaj u dha informacioni kështu.”, u shpreh ajo në mbrojtje të ish-deputetes.
-
9:46
Delirojnë banorët e Astirit/ Përzënë gazetarin e Top Channel: Je i Edi Ramës, ik që këtu
Momentet kur banorët përzënë gazetarin e Top Channel. Vijojnë tensionet mes banorëve të Astirit dhe Policisë. Banorët nuk i ndalin sharjet ndaj shtetit, madje kanë tentuar të largojnë edhe një gazetar nga vendngjarja.
“Plehra, ikni, t’ju vijë trup. Ku do të shkojmë”, janë shprehur banorët.
Në një moment ata kanë përzënë edhe gazetarin e terrenit në Top Channel ndaj të cilit janë shprehur se është i Edi Ramës.
“Ju mbroni Edi Ramën. Ti je i Edi Ramës, ik andej”, kanë qenë thirrjet e banorëve. Ata janë shprehur se edhe disa media në vend nuk kanë mbështetur në këto muaj kauzën e tyre, për mbrojtjen e banesave.
-
9:29
IKMT-ja: Do prishen 33 godina, 21 prej tyre janë shpronësuar
Për shembjen e banesave në zonën e Astiri ka reaguar edhe IKMT-ja. Në njoftimin e saj IKMT thekson se janë 33 objekte që do të shemben në total, dhe sipas saj 21 janë shpronësuara.
“IKMT nis aksionin tek “Astir” Inspektorati Kombëtar i Mbrojtjes së Territorit ka nisur mengjesin e sotëm prishjen e një sërë objektesh në zonën e “Astirit”, për projektin e Unazës së Madhe së kryeqytetit, Loti I. Janë 33 objekte që do të prishen, prej të cilave 21 janë shpronësuar, ndërsa të tjërat janë skualifikuar nga procesi i legalizimit. Objektet variojnë nga një deri në katër kate. IKMT mbështet në këtë aksion nga policia e shtetit.”,thuhet një njoftimin e IKMT-së.
-
9:29
Foto/ Gruaja që nuk dorëzohet, me duart e lidhura, ajo ngujohet në katin e tretë të banesës që rrezikon t’ja shembin
Një grua ka treguar se nuk ka ndërmend ta lejojë IKMT-në që të shembë shtëpinë e saj. siç shihet edhe në disa foto të oublikuara nga Faxëeb, gruaja është ngujuar në katin e trëtë të banesës së saj.
Me duart e lidhura, gruaja qëndron në këmbë dhe vijon rezistencën e saj për mos lejimin e shembjes së banesës.
1 / 4
Gruaja ne Astir2 / 4
Gruaja ne Astir3 / 4
Gruaja ne Astir4 / 4
Gruaja ne Astir
-
9:29
Shembja e banesave në Astir, Veliaj: Janë kompensuar pronarët, PD-ja në pikiatë
Kryebashkiaku i Tiranës Erion Veliaj është shprehur se pronarët e banesave që janë planifikuar të shemben ditën e sotme nga IKMT-ja janë kompensuar.
Në një reagim në rrjetet sociale, disa orë pasi në zonën e Astirit kanë nisur përllasjet mes efektivëve të policisë dhe banorëve pasi këta të fundit kundërshtojnë shembjen e ndërtesave të tyre, Veliaj thotë se pronarët janë dëmshpërblyer.
Kjo gjë nuk pranhet nga banorët e kësaj zone të cilët gjatë gjithë kundërshtimit të policisë, kanë treguar se nuk kanë marrë asnjë qindarkë si dëmshpërblim për shembjen e banesave të tyre.
Ndërsa për PD-në, Veliaj shkruan më tej se është një parti e ngritur mbi kulturën e zaptim-bllokimit por që sipas tij sot është në pikiatë.
“Nese ke marre parate apo perqindje ne pallat, eshte e arsyeshme ta ndalosh sabotimin e Tiranes! Partite e ngritura mbi kulturen e zaptim-bllokimit ne pikiate!“- shkruan në Tëitter kryebashkiaku Veliaj.
-
9:29
“Derën e shtëpisë sime e kanë të hapur”, Balliu në Astir: Nuk e di ç’do bëjnë banorët
Ish-deputeti Klevis Balliu është shprehur se dera e shtëpisë së tij është e hapur për të gjithë banorët e Astirit që sot rrezikojnë të mbeten në rrugë.
I pyetur nga gazetari i “OraNews”, se çfarë do të bëjnë tashmë banorët e Unazës së Re, pasi do tu shemben banesat, Balliu tha se nuk e di.
“Nuk e di se ku do rrinë. Asnjë lekë s’do u kalojnë. Banorët seç do bëjnë nuk e di. Por unë do bëj gjithçka për t’ju përgjigjur atyre. Derën e shtëpisë time e kanë të hapur,”- tha Balliu, një ndër anëtarët e PD-së që kishte premtuar se do t’i mbronte banorët e Astirit deri në fund, por që sot nuk ishte prezent kur filluan përplasjet.
Më tej ish-deputeti shtoi se çështja nuk qëndron vetëm të banirët e Astirit por tek largimi i kryeministrit Edi Rama nga pushteti.“Dhunojnë qytetarët për Sandër kimikun që nuk e ka zgjedhur njeri. Ai është thjesht një i emëruar. Këtu është çfarë do bëjmë ne. kemi një kriminel në pushtet të frymëzuar nga Millosheviçi. Ky duhet të shkojë në burg për këto krimë makabre. Dje arrestuan një grua 70-vjeçe, sot e dhunuan, po të njëjtën grua këtu em gaz lotsjellës,”– vijoi ai.
-
8:59
Përplasjet te Astiri/ Bejtja ‘i përvishet’ opozitës: E dashur merr rrugën për te Unaza e Re, sa krime po bëhen…
Andi Bejtja Andi Bejtja ka reaguar ndaj dhunës së sipas tij po ushtrohet ndaj banorëve të Astirit, ku sot aty IKMT pio prish 8 ndërtesat e para.
Bejtja ka reaguar ndaj opozitën shqiptare ku i ka theksuar se nuk ka pse vazhdon me rrugëtimin për Shqiperinë, por të marrë rrugen për të Unaza Re.
“Sa krime po behen nen Emrin tend o Reforme ne Drejtesi….Me beri pershtypje zvarritja qe policia I beri aktivistit te njohur Ervin Goci i cili thjesht po monitoronte protesten e banoreve si aktivist…Nuk pres te flase njeri nga nderkombetaret, prandaj e dashur opozite nuk ke pse vazhdon me kot ” Rrugetimin per Shqiperine”, por mer rrugen per te Unaza Re.”, shprehet Bejtja.
Reagimi i plotë
SA KRIME PO BEHEN NEN EMRIN TEND O REFORME NE DREJTESI ! Pas pershendetjes neveritese qe Ambasada Amerikane dhe BE i bene emerimit ne dhunim te Kushtetutes te dy anetareve te Gjykates, nuk ka se si mos ndodhe dhe kjo dhune qe po shohim kete mengjes ndaj banoreve te Unazes se Re e shume shkelje te ligjit e dhunime te demokracise..Te Jeni te bindur keshtu do ndodhe dhe Teatrin apo me cdo gje korruptive sa here qe BE apo USA do mundohem te justifikojne leket e hedhura per reformen ne Drejtesi qe ne fakt po shkojne per kapjen e shtetit nga Kryeministri. SA krime po behen nen Emrin tend o Reforme ne Drejtesi….Me beri pershtypje zvarritja qe policia I beri aktivistit te njohur Ervin Goci i cili thjesht po monitoronte protesten e banoreve si aktivist…Nuk pres te flase njeri nga nderkombetaret, prandaj e dashur opozite nuk ke pse vazhdon me kot ” Rrugetimin per Shqiperine”, por mer rrugen per te Unaza Re.
-
8:45
Përplasje në Astir, nis shembja e një tjetër ndërtese, 6 policë të lënduar
Vijojnë përplasjet e banorëve me Policinë në zonën e Astirit në Tiranë. Mësohet se Policia ka përdorur sërish gazlotsjellës ndaj banorëve, pasi ka nisur prishja e një tjetër ndërtese.
Deri më tani ka shkruar në 6 numri i policisve të lënduar, ndërsa në 10 i atyre që janë shoqëruar. Deri më tani 4 banorët janë në spitalin e Traumës ku po marrin ndihmën mjekësore pas përplasjeve.
-
7:49
Izolohet zona e “Astirit”, kordoni i policisë nuk lejon të kalojë asnjë këmbësor
Kordoni i policisë Zona e ‘Astirit’ ku fadromat e IKMT kanë nisur shembjen e objekteve të para në këtë zonë, është izoluar krejtësisht. Duke filluar që nga zona e njohur si “Pallati me Shigjeta” e deri te rrethrrotullimi i Doganës nuk lejohet që të kalojë asnjë këmbësor.
Policia ka krijuar një kordon duke rrethuar gjithë vendin dhe në këtë mënyrë, edhe qytetarë të tjerë përveç atyre që protestojnë nuk mund të lëvizin lirshëm për të shkuar në punë apo për t’u kthyer në banesat e tyre nëse kanë qenë gjatë natës në punë.
-
7:49
Protesta te Astiri ‘ngrin’ akset kryesore çfarë po ndodh te Rruga e Kavajës dhe në Kombinat
Kordoni i policisë që ka rrethuar komplet zonën e Unazës së Re ka bërë që qytetarët e Astirit, ata të cilët nuk kanë probleme me banesat të drejtohen në rrugën pas pallateve të tyre që të nxjerr në Kombinat.
Më pas ata lidhen me rrugën e “Kavajës”, për të vazhduar më pas me punët e tyre të përditshmë, të cilat në një farë mënyrë u ‘izoluan’ nga protesta e sotme.
Por edhe këto dy rrugë janë të dyndura në trafik, pasi ka shumë më tepër lëvizje se ditët e tjera, siç shihet edhe në foto.
1 / 5
2 / 5
3 / 5
4 / 5
5 / 5
-
7:49
“Dua të shkoj në punë e vlla”, djali futet mes efektivëve në Astir: S’jam i lagjes fare, vërtetoje e më shoqëro po deshe
Një djalë i ri ka tentuar të çajë kordonin e policisë që ka rrethuar zoën e Astirit ku IKMT-a ka nisur shembjen e banesave të planifikuara për ditën e sotme. ai është future mes dy efektivëve dhe u ka shpjeguar që dëshiron thjesht të kalojë në pjesën tjetër të rrugës pasi do të shkojë në punë.
Pais kjo gjë u është refuzuar nga uniformat blu, i riu ka filluar të ngrejë zërin dukë u thënë policëve se nuk do mbetet pa punë sepse do shemben banesat.
1 / 3
Foto nga Asitiri2 / 3
Foto nga Asitiri3 / 3
Foto nga Asitiri
“Du më shku në punë e vlla, ça bëhet kshu? Do kaloj se kam punë, s’do ngel pa punë se ça do bëni ju ktu! Ej, s’jam i lagjes fare me, vërtetojë po deshe dhe më shoqëro,”- u thotë ai efektivëve.
Pavarësisht këmbënguljes ai nuk është lejuar të kalojë dhe është kthyer mbrapsht.
-
7:48
“Po bëjmë riorganizim”/ Banorët e Astirit tregojnë skenarin: Do ketë përshkallëzime, ose do na vrasin ose….
Vijojnë tensionet në zonën e Astirit, ku banorët po kundërshtojnë me forcë prishjen e banesave. Disa prej banorëve të arrestuar deri më tani janë Ilir Katiraj, Shqipe Halimi, Njazi Çeku dhe Besim Çeku. Ndërkohë të lënduar në spitalin e Traumës janë 9 persona.
Një prej banorëve të Astirit në një lidhje telefonike për “Fax News” ka deklaruar se situata do të përshkallëzohe dhe se banorët po bëjnë një plan për të reaguar ashpër ndaj Policisë.
“Një dhunë e paparë, një sulm i paparë. Ne do të gjenjmë një zgjidhje për të larguar nga zona këta barbarë. Ne po mendojmë për situata më të vështira. Ose do ta na vrasin ose edhe ne do të reagojmë, ne nuk do të lejojmë që shteti të shembë banesat. Do të bëjmë një riorganizim tani. Unaza e Re nuk mund të prishet as për për një muaj. Ne i njohim edhe ato struktura të Policisë, ne presim mbështetje nga të gjithë. Do të kundërshtojmë këtë masakër. Tërë natën pa gjumë, ja si jemi. Asnjë fëmijë nuk kemi dërguar as në shkollë. Këto kemi edhe fëmijët.Unë pres përshkallëzim të kësaj situate”, u shpreh Lutfi Kastrati.
-
7:34
‘Lavire, o kurvë’, banorët e Astirit shthurin gojën me qytetaren e thjeshtë se kërkoi të shkonte në punë
Banorët e Unazës së Re vazhdojnë të jenë tejet të revoltuar me disfatën e sotme ku tashmë IKMT ka nisur shembjen e banesave të para që preken nga projekti i Unazës së Re.
Në debatin e transmetuar Live në Report Tv, një nga qytetaret që banon tek Astiri ka shprehur indinjatë për vonesën që i ka shkaktuar për në punë ky bllokim i rrugës. Kaq ka mjaftuar që banoret gra të Astirit t’i sulen duke e ofenduar me fjalë të rënda.
Debati në rrugë tek Astiri:
Qytetarja: Hapni rrugën, na lini të shkojmë në puna. Kam një orë që pres.
Banorja protestuese: Lavire, o kurvë, o kurvë e Edi Ramës dhe Veliajt.
-
7:29
U shoqërua nga Policia, flet Ervin Goci: Banorët janë dhunuar, janë të lënduar këtu në qeli
Ndër të parët personat e shoqëruar sot nga Policia pas përplasjeve te Astiri është edhe aktivisti dhe pedagogu Ervin Goci.
Nga komisariati, ku ndodhet i shoqëruar ai ka deklaruar se Policia ka dhunuar banorët, madje disa prej tyre i ka goditur shumë.
“Jam i shoqëruar dhe nuk e di as arsyen dhe nuk më dha njeri llogari. Kanë marrë pa fund. Një djalë që kam unë këtu janë të lënduar. I ka goditur policia. Ndaj të tjërëve ka pasur shumë dhunë, janë këtu me mua në qeli”, është shprehur Ervin Goci.
-
7:29
“Do të përdorim armët” , banorët e Astirit të tensionuar: Burrat janë mbi çatitë e banesave, s’ka zgjidhje tjetër
Nisin përplasjet në Astir. Që prej mëngjesit të sotëm Policia ka hasur rezistencë nga banorët, të cilët kanë qëlluar me gurë dhe kanë hedhur molotov ndaj tyre. Policia është përgjigjur me gazlotsjellës. Deri më tani janë shoqëruar 10 persona dhe janë lënduar dy banorë dhe 3 policë.
“Mund të përdorim edhe armët, nuk ka zgjidhje tjetër. Kemi orenditë brenda, do ngelemi në rrugë. Burrat janë mbi çatitë e banesave”, janë shprehur banorët e irrituar për këtë veprim të sotëm nga ana e qeverisë. Shumë banorë janë ngujuar brenda edhe brenda banesave të tyre.
-
7:22
FOTO/ Pas dorëzimit të banorëve mbërrin edhe PD tek Astiri, pse iu doli gjumi me vonesë Balliut, Palokës dhe Nokës?
Klevis Balliu, Flamur Noka Pasi gjithçka ka përfunduar në ndihmë të banorëve të shpërndarë kanë shkuar edhe ish-deputetët e Partisë Demokratike. Flamur Noka, Edi Paloka dhe Klevis Balliu kanë thënë se policia e Ramës i ngjau asaj të Millosheviçit dhe se banorët janë sulmuar. “Policia i sulmoi njësoj si Kosova u sulmua nga Millosheviçi. Jemi këtu për mbështetje morale, ka mijëra policë, është e pamundur të veprojmë ndryshe”.-tha Paloka.
Në fakt, Paloka do duhet të shpjegonte, pse Partia Demokratike mungoi që në orën 05:00 të mëngjesit, moment kur pritej të ndodhte përplasja. Klevis Balliu, ndërkohë duhet theksuar se bëri edhe një libër me këtë kauzë, që deri pak javësh e quante të fituar.
-
7:05
“Luftë, luftë, po humbin ndjenjat”, flasin banorët e Astirit, Protoduari: Jam në gjendje të fikti, është tmerr
Përplasja mes policisë dhe banorëve Nis shembja e ndërtesave tek Astiri në sajë të projektit të “Unazës së Re”. Banorët kanë deklaruar se po mbyten nga gazi losjellës. Ata shprehen se situata aty është një luftë.
“Jemi mbytyr nga gazi, burrat po na hodhen çati m¡ çati. Luftë, luftë, jam në gjendje të fikti fare. Nuk të jap do xhuva se jam tmerrr, filluan prishjet. Nuk kemi lëvizur asnjë objekt nga banesat e tona”, është shprehur Lindita Protoduari.
Theksojmë se banesat të cilat po shemben në këto momente janë të mbushura me orendi, pasi këto të fundit nuk janë larguar nga banorët edhe pas thirrjeve të njëpasnjëshe.
-
6:59
Përplasja me policinë, përfundojnë tek "Trauma" 2 efektivë dhe 4 banorë të plagosur
Përplasja e banorëve me policinë që prej mëngjesit ka shkaktuar 6 të plagosur në Spitalin e Traumës. 2 efektivë janë paraqitur për të marrë ndihmën e parë, e gjithashtu edhe 4 banorë. Banorët janë lënduar pas përdorimit të gazit lotsjellës, ndërsa policët kanë shfaqur probleme që prej momentit kur janë qëlluar me gurë dhe molotov nga banorët.
Policet ne mbeshtetje te IKMT -
6:50
FOTOT/ Gazi lotsjellës mund banorët e Astirit, IKMT nis shembjen, Policia pengon median të raportojë, 'black-out' total në zonë
Eskavatori duke shembur ndërtesën Banorët e Astirit duket se janë mundur nga gazi i shumtë lotsjellës që policia e Shtetit ka përdorur sot që prej orës 06:00 të mëngjesit të sotëm. Siç shihet edhe në fotot e marra nga Fax News, fadromat e IKMT kanë nisur shembjen e objekteve të para, që janë disa prej shtëpive të banorëve që kanë dalë në mbrojtje të banesave. Ndërkohë që situata nuk është e mirë as për mediat, të cilave nuk iu është lejuar që të shkojnë pranë banorëve për të filmuar. Policia ka krijuar një kordon ndarës mes banorëve dhe IKMT, duke mos lejuar kështu as mediat të bëjnë detyrën.
-
6:46
Përplasjet tek Astiri/ Disa banorë nisen me urgjencë drejt spitalit të Traumës, IKMT-ja përgatitet për shembjet
Përplasja mes policisë dhe banorëve Nisin përplasjet te Astiri. Rrezikohen të prishen 13 banesa. Dy banorë janë lënduar nga gazi losjellës dhe nga përplasja me Policinë tek Astiri. Mësohet se njëri prej tyre është në gjendje të rëndë.
Ata janë dërguar me urgjencë drejt spitalit të Traumës. Ende nuk dihet sesa persona të tjerë kanë mbetur të lënduar nga përplasja e parë. Nga ana tjetër IKMT po përgatitet për të prishur ndërtesat.
-
6:41
Klevis Balliu braktis banorët e Astirit/ Të vetëm përballë dhunës, edhe gazetarëve iu ndalohet raportimi, çfarë po ndodh tek Unaza e Re
Kordoni i policisë Ndryshe nga sa pritej, asnjë nga ish-deputetët e Partisë Demokratike dhe Lëvizjes Socialiste për Integrim, nuk ka shkuar në mbështetje të banorëve. Ata janë të vetëm në përballjen e tyre me policinë dhe IKMT, ndërkohë që edhe mediat raportojnë se ka probleme. Gazetarët e Fax News, të cilët kanë ndjekur përplasjen tek Astiri që prej momentit të parë, bëjnë me dije se policia e Shtetit iu ka pamundësuar raportimin, ndërsa njëra prej gazetarëve denoncoi se nuk është lejuar që të marrë as mikrofonin.
-
6:38
“Do hedhim bomba mbi Policinë”, banorët e Astirit kërcënojnë Veliajn: Djalit tuaj do ja hamë mushkrinë
Foto nga protesta e Astirit. Ditën e sotme priten të shemben banesat e Astirit në sajë të projektit të “Unazës së Re”. Banorët kanë deklaruar se nuk do ta lejojnë një gjë të tillë. Madje sipas tyre do i përgjigjen Policisë dhe me bomba.
“Këtu vetëm të vërteta nuk ka. Edhe mediat sot kishin shkruar që ne kemi marrë para dhe apartamente. Ka qenë vetëm disa punonjës që kanë marrë lekën.”, është shprehur një prej banorëve.
Ndërsa një tjetër ka deklaruar se nuk të mungojnë edhe bombat nesër kundër Policisë.
“Ne do të japm shpirtin neser, motltovin, gurë edhe bomba do të hidhe mbi ta”, është shprehur një tjetër.
Nuk kanë munguar edhe kërcënimet për Erion Veliajn. “Unë shtëpinë time do ta rruaj me gjakun tim dhe do i them kryetarit të Bashkisë, që kët¡ shtëpi po nuk e gëzuan mbesat e mia, nuk e gëzon ai kopili jot se mbrapa Dajtit e çoj, ia ha mushkritë të gjalla”, tha një banore.
-
6:33
Tensione te Astiri, shoqërohet me dhunë pedagogu Ervin Goci
Policia e Shtetit ka shoqëruar me dhunë në Drejtorinë e Policisë Tiranë, pedagogun Ervin Goci, i cili ishte i pranishëm në mbështetje të banorëve tek Astiri.
-
6:33
Nisin përplasjet tet Astiri, arrestohen disa persona, gjuajtje me gurë mbi Policinë
Shoqërimi i banorëve Nisin shoqërimet e para nga Polcia të banorëve te Astiri. Mësohet se deri më tani janë shoqëruar disa persona, pasi ka qëlluar me gurë ndaj Policisë. Të pranishme në vendngjarje janë forca të shumta Policie, FNSH, reparti Shqiponja. Banorët kanë gjuajtur me gurë në drejtim të Policisë, nga ana e këtyre të fundit është përdorur gaz molotov.
