Politike

Ndalimi i koalicioneve dhe listat e hapura/ Rama: Ndryshojnë Kodi dhe Kushtetuta por marrëveshja s’preket! PD e LSI na kanë përballë

VIDEO
Edi Rama mbështet zyrtarisht listat e hapura, pragun 5% dhe ndalimin e koalicioneve parazgjedhore. Rama thotë se ka kohë për të dyja marrëveshjet, edhe për atë me PD-në, edhe me opozitën e re, duke i quajtur këto ndryshime si "punime të sesionit në Kuvend".
Featured image of article: Ndalimi i koalicioneve dhe listat e hapura/ Rama: Ndryshojnë Kodi dhe Kushtetuta por marrëveshja s’preket! PD e LSI na kanë përballë Edi Rama

TIRANË– Kryeministri Edi Rama ka kohë edhe për të realizuar marrëveshjen me opozitën që ndryshon Kodin Zgjedhor edhe atë me opozitën e Re për të ndryshuar Kushtetutën. Koalicionet për kryesocialistin nuk sjellin medoemos demokraci, ndërsa listat e hapura përkahen nga PS, sepse anketimet kanë treguar se populli shqiptar e ka kthyer në trend tanimë, listat e hapura. Gjatë një konference të njoftuar mesditën e të premtes, pasi Komisioni i Ligjeve miratoi me 16 vota në parim ndryshimin e Kushtetutës dhe ndalimin e koalicioneve, Rama tha se vendimi për hapjen e listave nuk lidhet me kalkulimet elektorale. “Nuk kam unë dëshirë që të vazhdoj të pikturohem si njeriu që do të kontrollojë gjithcka, do listat e mbyllura. Por koha do e tregojnë se nuk janë recetë çudibërëse.”,-tha Rama. 

Ndalimin e koalicioneve nuk e sheh si të pamundur pasi sipas Ramën, marrëveshjet mund të realizohen mes partive të tjera. “Patjetër që listat e hapura e bëjnë të pamundur formulën aktuale të koalicioenve, se i bie që të kemi në një fletë votimi, llogariteni, artimetikisht, 40 parti këtej dhe 40 andej, nga 35 kandidatë në Tiranë, një fletë votimi që do të ishte një qilim nga universiteti deri te monumenti i Skënderbeut. Por kjo nuk do të thotë se kemi ndonjë tendencë apo qëllim që të pengojmë marrëveshjet, kjo është cështje e tyre“.-tha ai.

Kryeministri theksoi se PS nuk e ka patur kauzë çështjen e listave të hapura, por e do populli. “Ne nuk kemi patur listat e hapura si kauzë por anketimet kanë treguar trendin në rritje”.

I pyetur në lidhje me qëndrimin e Partisë Socialiste, pas deklaratave të ndërkombëtarëve në lidhje me shtyrjen e këtyre ndryshimeve të Kushtetutës. Rama tha se “kjo është hera e fundit që PS bën një marrëveshje në ambasadë”, ndërsa iu saktësoi komisionerit për Zgjerimin Oliver Varhelyi dhe ambasadores amerikane, Yuri Kim, se ka kohë 1 vit për të dyja ndryshimet, dhe nëse nuk miratohen propozimet e opozitës së re atëherë, “edhe për marrëveshjen e 5 qershorit nuk ka kohë kalendarike”.

Për më shumë bëhu pjesë e grupit më viral në Facebook, Dosja.al

Rama u zotua disa herë se marrëveshja e 5 qershorit nuk do të preket, dhe se është i gatshëm ta bëjë Bashën dhe PD pjesë të fitores. Unë nuk punoj që PS të humbasë dhe të fitojë PD. Unë patjetër jam i gatshëm të bëj Bashën dhe PD pjesë të fitores.”,-tha ai. 

Por si do ta bëjë Bashën pjesë të fitores?Fitorja ime është që Shqipëria të vijojë dhe të bëhet më e mirë, të ecë më shpejt në rrugën e integrimit, dhe pjesë e kësaj fitoreje do të dëshiroja që të kisha Bashën dhe PD-në por edhe të tjerët. Diskutimi për c’ka po flasim sot sipas kornizës kushtetuese për të hapura listat, ka filluar shumë kohë më parë. Parlamenti është legjitim dhe sovran.”,-tha Rama, ndërsa më tej, saktësoi se nuk do të ketë zgjedhje të parakohshme, as vendore. “Zgjedhje të parakohshme vendore nuk do të ketë,” tha Edi Rama sot.

Për ndryshimet në kabinet, dhe se nëse ministrat i kanë kaluar të dy provimet “tërmetin dhe pandeminë”, Rama tha se: Provimet janë në proces nën kornizën e autonomisë së universiteteve, unë nuk ndërhyj kush ngel apo kalon.

Konferenca u zhvillua një orë pasi Komisioni i Ligjeve,me një seancë të beftë, e me një votim të dyshimtë hodhi poshtë marrëveshjen e 5 qershorit. Maxhoranca ka mbështetur opozitën e re, për të votuar paketën me ndryshimet kushtetuese, ku miratohen 3 ndryshime të kundërshtuara nga opozita PD-LSI. E para, ndalimi i koalicioneve parazgjedhore, së dyti, listat e hapura dhe së treti pragu 5% për partitë e vogla. Drafti me ndryshime do të kalojë në Kuvend, ndërsa PS dhe kryeministri Edi Rama kanë dalë publikisht hapur këtij vendimi. Komisioneri Oliver Varhelyi ka kundërshtuar këtë akt, duke thënë se e vetmja marrëveshje që duhet të miratohet është ajo e 5-qershorit, ndërsa propozime të tjera, duhet të diskutohen më vonë.

  • 14:42

    ‘I japim qytetarëve pushtet, s’bëhet Edi mbret!’/ Rama për listat e hapura: Kemi lëshuar gjithçka, s’dua që PS të humbë!

    Kryeministri Edi Rama ka treguar se nuk ka qënë “pro” listave të hapura dhe administratës politike, por i është dashur që të bjerë dakord për të “kënaqur” dy opozitat. Në fjalën e tij, Rama nuk e konsideroi si një ndryshim të rregullave të lojës pranimin e kushtetve të opozitës parlamentare, pasi sipas tij ka një të mirë; u jepet më shumë pushtet qytetarëve.

    BISEDA NË KONFERENCË: 

    Edi Rama: I japim qytetarëve më shumë pushtet, nuk bëhet Edi Rama mbret. Është më shumë politikë sesa shërbim ndaj të vërtetës dhe ndaj vendit.

    PYETJE: Mund të prodhojë sërish krizë politike? A po i bëni listat sepse vërtetë për qytetarët apo se Edi Rama do bëhet mbret?

    Edi Rama: Ou pse? Unë nuk dua që PS të humbi. Nuk ka njeri që e kërkon të punojë që PS të humbasë. Unë s’jam i gatshmë të punoj që të bëjmë gjithçka që të humbasim. Ky nuk është ndryshim i rregullave të lojës. Rregullat e lojës janë të gjitha të shkruara në marrëveshje. Ky është ndryshim që fut qytetarët në lojë më shumë se çfarë janë deri më sot. E përsëris edhe njëherë. Kush kërkon alibi për të krijuar situata konflikti, e keni parë që nuk e ka zor. Nuk jam këtu për të menaxhuar problemet politike dhe psikologjike të askujt. Është forca që i përgjigjet interesave të qytetarëve më mirë se askush tjetër, dhe krijohet ideja se kush bërtet më shumë ka më shumë të drejtë të trajtohet me përkëdheli. Kemi lëshuar gjithçka po iu them. Se u bë ky 5 qershori sikur…Kurrë nuk do të pranoja unë që administrata sot të jetë politike. Por ishte pengesa e madhe për të realizuar marrëveshjen dhe thamë ok. Nuk ekziston që njëra palë i merr të gjitha. Ju shihni një opozitë, unë shoh dy. Me një kemi gjithmonë problemin që të mos vrasi veten, me një kemi edhe një vit punë. Kështu që respekt për ata që janë jashtë. Minimalisht respekt i barabartë.

  • 14:42

    Koronavirusi në Shqipëri, Rama i prerë: Secili të mbajë përgjegjësi, një mbyllje tjetër është kritike

    Kryeministri Edi Rama në konferencën e tij për shtyp ka folur edhe për situatën e koronavirusit në vend. Në fjalën e tij, Rama u shpreh se  një mbyllje tjetër e vendit do të ishte kritike për ekonominë.  Sa i përket lejimit bërjes së tamponëve nga spitalet private, Rama u shpreh se nuk ndërhynte pasi vendimet mund t’i merrte vetëm ISHP-ja. 

    Boll kam folur unë për këtë temë. Ajo që them është vetëm kaq; një mbyllje tjetër e Shqipërisë është me përmasa kritike për të gjithë. Një kontroll i rregullave në hapje me polici dhe ushtri është i pamundur. Çdo qytetar të marrë përgjegjësinë e tij. Nuk mendoj që duhet t’i kthehemi mbylljes. Çdo kush duhet të marrë përgjegjësinë e tij. Testet i bën autoriteti, a ia jep të drejtën spitaleve private, është çështje e autoritetit,”-tha Rama.
  • 14:25

    ‘Çdo bëni po u tërhoq Basha nga marrëveshja?’ Rama: “Zgjedhorja” nuk është drryn, e kanë menduar gabim

    Kryeministri Edi Rama në një konferencë për shtyp është pyetur se cila do të jetë përgjigjia e tij nëse opozita jashtëparlamentare heq dorë nga marrëveshja për Reformën Zgjedhore. Rama tha se marrëveshje e 5 qershorit për Reformën Zgjedhore, nuk është “kyç” për të mos bërë të tjera.

    Materia është fakt. Nëse ata kanë mendur që marrëveshja është edhe një drryn për të tjera aspekte që janë jashtë marrëveshjes, e kanë menduar gabim. Listat e hapura me rëndësi që të mos preken kuotat gjinore,”-tha Rama.

  • 14:13

    “Luli s’di por Monika numëron shumë mirë”, Rama për marrëveshjen: Do e mbrojmë deri në fund, PD e LSI nxorrën grupet që kishin brenda në Kuvend… le të shkojnë të shajnë e të kërdisin, tani kanë punë me ne!

    Kryeministri Edi Rama tha sot se marrëveshja e 5 qershorit është e mbrojtur e për këtë nuk do t’i duheshin “Sinjalet” e 6 deputetëve në Kuvend. I pyetur nga gazetari Muhamed Veliu, nëse lëvizja e djeshme ishte mesazh nga Basha dhe Kryemadhi që “ja ku na ke, votat për Reformën i ke, vazhdo me ne”. Kryeministri u betua për një mbrojtje deri në fund të marrëveshjes së Këshillit Politik, por shtoi se nëse PD e LSI do të “ankohen” përballë do të kenë PS, e jo opozitën e re.

    E para, dihet raporti i Lulzim Bashës me aritmetikën. Për Monikën, jo. Monika numëron shumë mirë. E di unë, numëron mirë. (heshtje). Luli nuk di me aritmetikë, se nëse do të ishte nuk kishte si të llogariste që 71 plus 6 bëjnë 80 e ca. Por, gjithsesi kjo nuk është punë që ka lidhje me aritmetikën. Nëse do të ishte vetëm për votimin, do të ishim duke bërë presion pozitiv me deputetët. Mua më bëhet mirë që PD dhe LSI e njohën Kuvendin dhe nxorrën grupet. Ta kishim do qe më mirë, se do nxirrnin grupet dhe s’do bënim ecejake nga një institucion ad-hoc i krijuar si çadër këtu në ombrellën e Kuvendit. Por kjo s’është aritmetikë. Sot tek Ligjet vazhdoi një proces dhe PS vazhdoi me miratimin. S’ka punë me të tjetër, ka punë me ne. Tani jemi ne, le të shkojnë ku të duan, të shajnë e të kërdisin sesi ne po bëjmë e si ne po heqim… Marrëveshjen e mbrojmë deri në fund, është e shkruar, dhe do t’i shkojmë deri në fund.”,-tha Rama. 

  • 14:03

    “Unë s’ndërhyj”, Rama i prerë për ndryshimet në kabinet: Ministrat e kanë në dorë vetë nëse kalojnë apo ngelin

    Kryeministri Edi Rama tha se nuk ka për të ndërhyrë në qeveri. Kështu la të kuptohej teksa u pyet nga gazetarët në konferencën për shtyp, nëse “iu ka vënë ndonjë notë të caktuar ministrave, dhe kush kalon apo ngel”. Rama tha se kjo është “autonomi universitare”, duke lënë kështu të kuptojë se cilido ministër e ka vetë në dorë vendin e tij në kabinet, bazuar tek rezultatet. Ai u pyet për ndryshimet në kabinet, dhe se nëse ministrat i kanë kaluar të dy provimet “tërmetin dhe pandeminë”, Rama tha se:

    Marrëveshja nuk preket se për mua marrëveshja është gjë materiale. Listat e hapura nuk e prekin marrëveshjen. Sa për provimet, (ndryshimet në qeveri), është autonomi në dorë të universiteteve, unë nuk ndërhyj se kush kalon e kush ngel.

  • 13:58

    "A do e merrni Bashën në koalicion?", Rama flet për fitoren: Integrimi! Do të doja të kisha në krah edhe Lulzim Bashën...

    Kryeministri Edi Rama u zotua disa herë se marrëveshja e 5 qershorit nuk do të preket, dhe se është i gatshëm ta bëjë Bashën dhe PD pjesë të fitores. Unë nuk punoj që PS të humbasë dhe të fitojë PD. Unë patjetër jam i gatshëm të bëj Bashën dhe PD pjesë të fitores.”,-tha ai. 

    Por si do ta bëjë Bashën pjesë të fitores? “Fitorja ime është që Shqipëria të vijojë dhe të bëhet më e mirë, të ecë më shpejt në rrugën e integrimit, dhe pjesë e kësaj fitoreje do të dëshiroja që të kisha Bashën dhe PD-në por edhe të tjerët. Diskutimi për c’ka po flasim sot sipas kornizës kushtetuese për të hapura listat, ka filluar shumë kohë më parë. Parlamenti është legjitim dhe sovran.”,-tha Rama, ndërsa më tej, saktësoi se nuk do të ketë zgjedhje të parakohshme, as vendore. “Zgjedhje të parakohshme vendore nuk do të ketë,” tha Edi Rama sot.

  • 13:43

    ‘Një mullar me parti futen e përfitojnë nga buxheti’/ Rama tregon pse dakordësohet me opozitën: Të marrin çfarë kërkojnë, ne jemi ok!

    Kryeministri Edi Rama pas miratimit në parim të kërkesave të opozitës së re për reformën zgjedhore, u shpreh se nuk ishin pjesë e llogaritjeve të PS.  Kreu i qeverisë tha se PS do të bëjë gjithçka, që asnjë forcë politike të mos kërcënohet nga ky proces. Më tej Rama tha, se opozita joparlamentare është e kërcënuar nga hapja e listave, ndërsa shtoi se palët dëshirojnë të marrin sa më shumë nga ajo që kërkojnë.

    Një mullar i madh me parti futen në një tren të madh përfitojnë nga buxheti i shtetit, por nuk është kjo e rëndësishme. Këto ndryshime nuk vijnë si rezultat i kalkulimeve tona. PS është partia më e madhe e shqiptarëve sot, pas një vitit të shohim. PS nuk ka qëllim tjetër veçse të përmirësojë Shqipërinë dhe të japi të drejta në çdo fushë. S’ka asnjë lojë, pazar, apo përpjekje për t’u fshehur por vetëm një qëllim. Jemi në qendër të jetës politike dhe të bëjmë çmos që të gjitha forcat mos të ndjehen të kërcënuara nga procesi. Opozita është e kërcënuar nga numërimi partiak. Eksperienca e të shkuarës nuk është se nuk iu jep argumenta. Opozita joparlamentare është e kërcënuar nga hapja e listave, mbase ka të drejtë. Në këtë proces ka vetëm një dëshirë që të gjithë marrin sa më shumë nga ajo që kërkojnë. Ne jemi ok,”-tha Rama. 

  • 13:42

    "Atëherë nuk miratojmë as marrëveshjen e 5 qershorit", Rama i përgjigjet Komisionerit Varhelyi dhe ndërkombëtarëve: Do bëhen të dyja, edhe Kodi edhe Kushtetuta (DEKLARATA)

    Kryeministri Edi Rama thotë se Partia Socialiste mbështeti listat e hapura, pasi pa nga anketimet e brendshme, se shqiptarët kërkonin ndryshimin. I pyetur nga gazetarët në konferencën e zhvilluar sot, pas miratimit në parim të ndryshimeve Kushtetuese tek Komisioni i Ligjeve, Rama tha se ndërkombëtarët kanë qëndruar krah klasës politike shqiptare. Në lidhje me reagimin e ashpër kundër të Komisionerit për Zgjerimin, Oliver Varhelyi, i cili tha se çdo ndryshim duhet të miratohet më vonë, dhe se marrëveshja e vetme, është 5 qershori, Rama nuk e pranoi. Ai tha se nëse ka kohë për marrëveshjen, atëherë ka kohë edhe për ndryshimet Kushtetuese, duke konfirmuar se nuk do të tërhiqet.

    Edi Rama: PS është qenie me sy të hapur. Se kemi patur kuazë listat e hapura vërtetë, sepse nuk janë kurrë listat e hapura kauzë e partive të mëdha. Por në popullin shqiptar në mjedisin tonë social dhe politik, gjatë vitit të fundit ka ndodhur një ndryshim i rëndësishëm edhe si rezultat i presionit që ka bërë opozita në kuvend duke folur për listat e hapura. E kemi parë si trend edhe në anketimet e brendshme që bëjmë ne dhe ka qenë në vëmendjen tonë. E para, e dyta, për ne ka qenë e qartë që në krye të herës, nuk kemi problem të diskutojmë çështje të sistemit. Diskutojmë edhe të Lulit edhe të Rudinës, plus edhe të gjithë mekanizmat, por kam thënë se duhet të bëjmë Kodin. E treta… unë kam absolutisht admirim për angazhimin dhe për këmbënguljen e ambasadores së SHBA dhe miqve të tjerë, qofshin në Shqipëri qofshin në Berlin apo Bruksel për të arritur atë marrëveshje. Është hera e fundit që një marrëveshje mes forcave politike, bëhet në ambasadë. I jam falenderues dhe e kuptoj atë që thotë ambasadorja, dhe atë do të bëjmë. Nuk do të mbajmë peng marrëveshjen për të bërë gjëra të tjera. Është në tekst dhe në procedurë parlamentare. I kuptoj miqtë e huaj, por jo zëdhënësit e PD, që thonë kalojeni sot. Ne e kemi futur dhe është në procedurë. Përsa i përket asaj një vit, (që thotë Komisioneri), jemi pra një vit, kemi edhe një vit politik. Nëse thotë vit kalendarik, atëherë nuk duhet të votojmë as marrëveshjen. Nëse kalendarisht nuk jemi një vit, jemi 10 apo 11, le të mos votohet as kjo, sepse flitet për çështje zgjedhore dhe praktikat e mira, hyjnë edhe Kushtetuta edhe Kodi. 

  • 13:34

    Rama shpjegon “hapjen e listave”: Sistemi nuk preket, Zonat zgjedhore nuk ndryshojnë, PD nuk na kërcënon dot as me forcë e as me shantazhe

    Kryeministri Edi Rama ka komentuar hapjen e listave dhe miratimin e ndryshimeve në parim në Komisionin e Ligjeve. Ai u shpreh se zonat zgjedhore nuk do të ndryshojnë, përveç KQZ-së, e cila sipas tij lejohet që të preket dhe nuk cilësohet si shkelje. 

    PJESË NGA FJALA E RAMËS:

    Hapja e listave është një standard, formulat do të diskutohen. Hapja e listave nuk duhet të rrezikojë përfshirjen dhe përfaqësimin e grave në Kuvend. Thënë këto, dua të sqaroj se përse nuk bëhet fjalë për ndryshim sistemi (për hapjen e listave), jo opinion, por duke iu referuar kodin të praktikave të Venecias dhe një deklarate që ka bërë Venecia lidhur me mosndryshimit e legjislacionit për sistemin, ku thotë se janë tre elementët; sistemi në vetvete, ne kemi sot një proporcional rajonal dhe kjo nuk preket dhe pavarësisht se nga ana e opozitës parlamentare është kërkuar kombëtar, që do të thotë ndryshim sistemi. Së dyti madhësia e zonave zgjedhore, nuk preket. Dhe së treti KQZ, kjo preket, por si rezultat i marrëveshjes së 5 qershorit, jo prekje e sistemit që vjen jashtë konsensusit të 5 qershorit, pra produkt i kësaj. Ky është një ndryshim esencial, shumë më esencial se hapja e listave dhe derisa bëjmë këtë s’ka pengesë që të bëjmë tjetrën. Edhe kjo nuk përbën shkelje, se Venecia e sqaron se ‘nuk është absolute që jo që parathuhet, dhe pikërisht rregullimi në Kod i këtij ndryshimi është në diskrecionin e vendimmarrjes. Nga ana tjetër qoftë Venecia apo instancat e tjera cështje që lista të hapura, mbyllura, apo pragu, etj, i konsiderojnë mekanizma korrektues të një sistemi. Sistemi nuk preket, mekanizimi korrektues është në funksion të asaj që palët gjykojnë si përmirësim. Dhe e fundit që kam, lidhja e këtij procesi dhe vënia e kunjës se duke u prishur marrëveshja e 5 qershorit është krejtsisht e pabazë. Marrëveshja e 5 qershorit nuk mund të preket nga ne dhe këtu është ngërci i vetëm që kemi me opozitën parlamentare dhe ne do të kërkojmë deri në fund që të mos insistojnë në ndërhyrje për administrimin e zgjedhjeve, ky është problemi i tyre, ata janë kundër që të kryhet nga partitë. Kundër kam qenë edhe unë. Kështu opozita jashtë parlamentare ka zero alibi për të kërkuar apo pretenduar garancitë, se është pjesëmarrje në proces. Ideja se hapja e listave prish marrëveshjen është një çmenduri. Kërcënimet nuk e ndihmojnë procesin, peng PS-në dhe Kuvendin nuk e merr dot askush nga jashtë kuvendit, as me forcë as me shantazhe. Rrugët e padenja për të garantuar shumica për ta cuar sistemin drejt ndonjë ndryshimi që do të prodhonte rënie të cilësisë së demokracisë, por që të diskutosh si problem hapjen e listave dhe ta konsiderosh cenim të integrimit është marrëzi.

  • 13:27

    “Nuk bëhet fjalë për ndryshim sistemi”/ Rama sqaron vendimin: Kërkesat e opozitës, mekanizma korrektues

    Kryeministri Edi Rama në fjalën e tij në një konferencë për shtyp është shprehur se pranimi i kërkesave të opozitës së re nuk do të thotë që po ndryshohet sistemi. Në fjalën e tij, Rama u shpreh se kërkesat që opozita parlamentare ka bërë janë thjesht mekanizma korrektues të sistemit aktual. 

    “Nuk bëhet fjalë për ndryshim sistemi, nuk është opinion personal por deklaratave të Venecias; ku thotë se janë tre elementë thelbësore të sistemit. Janë sistemi në vetëvete dhe kjo nuk preket. Ndryshimi i zonave zgjedhore dhe KQZ-ja. Vetëm KQZ preket si rezultat i marrëveshjes së 5 qeshorit. Është produkt i konsensusit të 5 qershorit. Unë u them që është një ndryshim esencial se hapja e listave, s’ka pengesë të bëjmë diçka tjetër. Venecia e sqaron qartë që nuk është absolute ajo që parathuhet dhe rregullimi në Kod i këtij ndryshimi është në diskrecionin e vendimmarrjes. Nga ana tjetër, organizata të tjera çështje si lista të hapur etj i konsiderojnë si mekanizma korrektues. Sistemi nuk preket, por sistemi korrigjohet. E fundit që kam është lidhja e këtij procesi dhe vënia e kujës se duke u prishur marrëveshja e 5 qershorit, po bëhet diçka kriminale ëshët e pabazë. Nuk preket nga ne dhe këtu është ngërçi i vetëm që kemi nga opozita parlamentare që të mos insistojnë në ndërhyrje për administrimin e zgjedhjeve. Janë kundër që numërimi i votave të bëhet nga partitë politike, as mua s’më pëlqen kështu që nuk ka alibi për garanci. Të gjitha rregullat e lojës janë vendosur bashkarisht dhe do të zbatohen bashkarisht,”-tha Rama.

  • 13:19

    Edi Rama: Mbështesim hapjen e listave, e duan qytetarët. S’e shkelim marrëveshjen e 5 qershorit

    Kryeministri Edi Rama ka treguar se përse mbështesin kërkesat e opozitës së re për ndryshime. Në fjalën e tij, në konferencën për shtyp me gazetarët, Rama tha se kishte mbështetur hapjen e listave pasi shumica e qytetarëve e kërkojnë një ndryshim të tillë. Më tej, pas konfirmimit nga kreu i grupit parlamentar Taulant Balla, edhe Rama u shpreh se marrëveshja e 5 qershorit nuk do të prekej.

    “Kemi vendosur të mbështesim një hapje të listave, që cdo zgjedhës të zgjedhë subjektin dhe të shpresë preferencën e tij për deputetin apo deputeten e përfshirë. Vendimi reflekton bindjen se hapja e listave përkon me dëshirën e një mase shumë të madhe qytetarësh shqiptarë që shkon shumë përtej një shumice apo pakice qeverisëse dhe përtej asaj që do të ishte zgjidhja më e thjeshtë dhe më komode për një parti të madhe dhe por edhe për mua si kryetari i partisë, që në këtë rast duhet t’u jap të gjithëve jo me fjalë por me faktin e hapjes së listave mesazhin se asnjëherë nuk ka qenë për mua prioriteti komoditeti im, por që PS-ja të reflektojë. E di që ka një përpjekje që kjo gjë të tregohet sikur është një shkelje e marrëveshjes së 5 qershorit, por marrëveshjen e 5 qershorit ne e kemi realizuar me vullnetin më të mirë duke shkelur edhe mbi veten, sepse ambicia jonë ka qenë e shprehur vazhdimisht depolitizimi i administratës zgjedhore. Kemi bërë një marrëveshje me opozitën parlamentare, kemi arritur të krijojmë edhe mirëkuptimin për konsensus të gjërë në parlament për ligje të rëndësishme që kërkonin shumicë të cilësuar. Kam thënë qartë se jemi akuzuar si pazarxhi. Aritmetika nuk na ka përkrahur në këtë proces, është çështje parimore,”-tha Rama.

  • 13:14

    Kërkesat e opozitës së re/ Taulant Balla: Mbështesim në parim nismën, s’preket marrëveshja e 5 qershorit me PD-LSI

    Kryetari i grupit parlamentar të PS-së, Taulant Balla ka shprehur mbështetjen e maxhorancës për kërkesat e opozitës së re për ndryshime në Kushtetutë. Në një konferencë për shtyp, krah kryeministrit Edi Rama, Balla u shpreh se maxhoranca reflekton kërkesat e popullit, prandaj ka vendosur që të mbështesë edhe nismën e opozitës.

    “Sot në Komisionin e Ligjeve është bërë dikutimi në parim. Pozicioni zyrtar i PS-së është që ne jemi dakord në parim me tre ndryshimet. Është shumë e rëndësishme konceptimi i një flete votimi në atë mënyrë. Na rezulton që shqiptarët duan jo vetëm që të shprehin një votë për kryetarin, por edhe një votë për kandidatët në zgjedhje.  Nga ana e opozitës është marrë një iniciativë që është konform ligjeve. Sot është bërë diskutimi në parim, edhe në jemi dakord në parim për tre ndryshimet e propozuara. E rëndësishme është hapja e listave, është e rëndësishme konceptimi që qytetarët kur të votojnë. Kemi arritur në përfundimin që ne e mbështesim në parim nismën e opozitës parlamentare, maxhoranca ka qënë refleksion të asaj që kërkon shumica. Kemi 1/3 e Kuvendit me gra, këtë do të vazhdojmë ta ruajmë. Dua t’ju them që procesi i ndryshimeve kushtetueseve ecën i pavarur nga ai zgjedhor. Pra në Kodin Zgjedhor është depozituar 1 korrik plotësohet afati me 15 dhe i diskuton Komisioni i Ligjeve, nuk do të preket asnjë prej amendamendeve. Janë dy procese paralele. Duhet të konkludohen sa më shpejt ashtu siç e kërkon Kushtetuta. Kuvendi ka të përcaktuara afatet,”-u shpreh Balla.

Shto Koment