Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANË- Kreu i qeverisë, Edi Rama, ka lënë pushimet në mes dhe ka reaguar sot për situatën që po ndodh në kufirin me Greqinë. Në një postim në mediat sociale, kreu i qeverisë shprehet se e ka ndjekur me shqetësim situatën në Kakavijë, por nuk përmend në asnjë rresht situatën e rëndë që është dhe në pikën tjetër kufitare të Kapshticës.
Sipas numrit një të qeverisë, situata është ndjekur me shqetësim që në fillim dhe është komunikuar gjatë me zyrën e kryeministrit Kiriakos Mitsotakis. Më tej Rama u kthehet dhe të gjithë atyre që kanë qenë kundër tij ditët e fundit, e quan ‘patriot’ që e shajnë nga Faebook.
Kryeministri thotë se kjo situatë nuk ka ndodhur vetëm në kufirin shqiptar, por sjell një shembull nga Britani. “Dje për shembull, pika e kalimit në portin e Doverit në Britani ishte në kolaps të plotë dhe në radhë rrinin britanikët për t’u kthyer në shtëpi nga Franca, që t’i shpëtonin rregullit të sapovendosur të karantinës së detyrueshme. Plot gjysmë milioni turistë britanikë në një rendje marramendëse drejt shtëpisë”, shkruan ai.
Më tej Rama dorëzohet para situatës duke thënë: “Çfarë mund të bëjmë ne, qeveria dhe shteti shqiptar në këto kushte, kur e përsëris, ky është një rregull i përgjithshëm i shtetit grek, që prek edhe vetë grekët që kthehen në Greqi!”. Në fund thotë se Shqipëria nuk do rikthejë më karantinimin e detyruar për ata që futen në vend dhe premton se nuk do i lënë kurrë vetëm emigrantët në kufi.
REAGIMI I PLOTË
MBI SITUATËN NË KAKAVI. E kam ndjekur orë pas ore situatën e rënduar tejmase në doganën e Kakavisë. Kemi komunikuar gjatë gjithë kohës me zyrën e kryeministrit Mitzotaqis e me autoritetet e tjera greke. Kam marrë me mirëkuptim edhe mallkimet, sharjet, fyerjet nga shumëkush, që shpesh s’ka lidhje fare me radhën kilometrike në Kakavi, po e ndjen si detyrë patriotike të shajë e të akuzojë shtetin dhe qeverinë në fejsbuk. Por fakti është se në këtë rast, nuk bëhet fjalë për asnjë lloj padrejtësie apo diskriminimi ndaj shqiptarëve, siç thonë “patriotët” që luftojnë për dinjitetin e atdheut nga ajfoni i tyre. Këtu është fjala për një regjim të ri kontrollesh kufitare, me tamponimin e detyrueshëm të kujtdo që kalon kufirin e Greqisë, qoftë shqiptar, qoftë suedez apo britanik, shtetas këta që si gjithë të tjerët i nënshtrohen testimit në çdo aeroport të vendit fqinj. Madje edhe vetë shtetasit grek kanë të njëjtin detyrim dhe të njëjtin trajtim. Nga ana tjetër kjo çmenduri, në radhë për të kaluar kufirin nuk ndodh vetëm në Kakavi sot, dje për shembull, pika e kalimit në portin e Doverit në Britani ishte në kolaps të plotë dhe në radhë rrinin britanikët për t’u kthyer në shtëpi nga Franca, që t’i shpëtonin rregullit të sapovendosur të karantinës së detyrueshme. Plot gjysëm milioni turistë britanikë në një rendje marramendëse drejt shtëpisë.
Kjo është koha e mallkuar që po jetojmë, ku normaliteti me të cilin jemi mësuar një jetë, ia ka lënë vendin imponimit të disa rregullave të pamendueshme deri dje, si edhe konfuzionit në mënyrën se kur e si vendosen, duke bërë që edhe shtete të vetë BE-së, të kenë rregulla të ndryshme nga njëri-tjetri, duke trajtuar në mënyrë të diferencuar njëri-tjetrin. Unë nuk e di çfarë kuptimi ka vendosja e detyruar e tamponimit të çdo individi që hyn në një shtet të caktuar, sepse të gjithë e dimë që tamponimi nuk tregon asgjë kur virusin mund ta kesh marrë një ditë më parë dhe në fazën disa ditore të inkubimit ai nuk shfaqet. Ashtu sikundër, e kemi parë edhe që jo gjithnjë tamponi e zbulon infeksionin me Covid19. Por kështu e ka vendosur Greqia dhe jo vetëm Greqia po edhe plot shtete të tjera, ndërkohë që të tjera shtete, përfshirë edhe Shqipërinë, nuk e kanë këtë rregull. Së fundmi, disa shtete, përfshirë edhe Greqinë, kanë deklaruar se do të rifillojnë madje me karantinimin e detyruar të atyre që vijnë nga jashtë. Ky fakt, i ka shtyrë mijëra njerëz drejt Kakavisë masivisht, për t’i shpëtuar karantinimit që nis javën e ardhshme në vendin fqinj dhe një regjimi ende më të shtrënguar, ku kalimi i kufirit do të bëhet me kuota ditore! Kjo e ka krijuar kolapsin e shërbimit doganor në anën greke, ku sado që janë shtuar e po shtohen kapacitetet e testimit, lehtësimi i lëvizjes as nuk ndjehet fare. Çfarë mund të bëjmë ne, qeveria dhe shteti shqiptar në këto kushte, kur e përsëris, ky është një rregull i përgjithshëm i shtetit grek, që prek edhe vetë grekët që kthehen në Greqi! Faktikisht në radhën kilometrike të Kakavisë – ku shumica dërmuese e qytetarëve janë rezidentë në Greqi, taksapagues të rregullt të shtetit grek – ka edhe disa grekë, që njësoj si gjithë të tjerët kanë rendur të kthehen për t’i shpëtuar karantinimit që hyn në fuqi në 16 gusht. Por asnjë dallim nuk bën pala greke për ta dhe as kërkon që ata të kalojnë pa radhë.
Ne kemi qenë qysh në fillim të shqetësuar, të angazhuar e të përfshirë plotësisht në këtë hall, duke u përpjekur të lehtësojmë sa mundemi me Emergjencat Civile, me Urgjencën Kombëtare e me strukturat vendore, qytetarët që po zhuriten në diellin e nxehtë përgjatë atij karvani biblik. Vazhdojmë të komunikojmë me palën greke për të mundësuar një lehtësim më të madh, e do të vazhdojmë të asistojmë me të gjitha forcat njerëzit në atë hall të madh. Nga ana jonë ne, Shqipëria, nuk do t’i rikthehemi karantinimit të detyruar për ata që vijnë nga jashtë, as nuk do të rishtrëngojmë lëvizjen e njerëzve brenda për brenda. Por do të vazhdojmë të përsërisim se kjo luftë me virusin Covid19, kërkon që çdo qytetar të zbatojë rregullat e mësuara përmendësh tanimë. Virusi do të jetë vërdallë edhe për shumë kohë dhe ne duhet të mësohemi me faktin se jemi të rrezikuar, e nga ky rrezik nuk na mbron dot askush nëse nuk mbrojmë veten e njëri-tjetrin. Asnjë shtet e asnjë qeveri nuk janë të pakritikueshëm, aq më shumë në këtë kohë dreqi, por jo, asnjë lidhje nuk ka situata në Kakavi me ndonjë gjë të lënë mangut nga shteti e nga qeveria jonë në raport me shtetin e me qeverinë greke. Prandaj me keqardhjen më të madhe për sfilitjen e të gjithë atyre që janë në atë radhë të tmerrshme, i siguroj të gjithë pa përjashtim se as i kemi lënë dhe as do t’i lemë asnjë minutë vetëm, deri në fund.
Ky është reagimi i dytë i kryeministrit Edi Rama, i cili ka thyer heshtjen pas 5 ditësh. Ndërkohë Kakavijë radhët e makinave kanë shkuar në 25 km. Qytetarët, me gra e fëmijë, janë torturuar në diell e temperaturë të larta. Disa persona kanë shfaqur edhe probleme shëndetësore dhe janë dërguar me urgjencë në spital, ndërsa ambulanca përplasi për vdekje një fëmijë 10-vjeçar. Edhe në Kapshticë situata paraqitet e njëjtë.
(A.B. Dosja.al)
1 vit nga zgjedhjet e 25 prillit si e shikoni gjendjen e vendit:
TIRANË- Kreu i Lëvizjes Vetëvendosje në Shqipëri, Boiken Abazi, ka reaguar sot në lidhje me kaosin e krijuar në Kakavijë. Në një postim në mediat sociale, ...
TIRANË- Presidenti Ilir Meta ka kthyer sot për rishqyrtim ligjin “Për shtetësinë”. Në një njoftim nga Presidenca bëhet me dije se ligji ka dispozita proble...
TIRANË- Kryeministri dhe ministri i Jashtëm, Edi Rama, ka reaguar sot në lidhje me situatën alarmante në pikat kufitare të Kakavijës dhe Kapshticës.Në një ...
TIRANË- Ministrja e Mbrojtes, Olta Xhaçka ka deklaruar se autoritetet shqiptare janë në komunikim të vazhdueshëm me palën greke, për kaosin e krijua...
TIRANË- Deputetja Rudina Hajdari ka reaguar në lidhje me situatën e rënduar në Kakavijë. Në një postim Në Facebook, Hajdari i ka bërë thirrje qeveritarëve,...
TIRANË – Ministri i Jashtëm, Gent Cakaj ka zhvilluar një bisedë me homologun grek, për situatën në Kakavijë. Cakaj shprehet, se ka diskutuar me Varvitsioti...
TIRANË -Kryeministri Edi Rama nëpërmjet një postimi në Facebook, ka treguar gjendjen e punimeve në Unazën e Madhe. Rama njofton, se brenda shtatorit, segme...
TIRANW-Ministria e Punëve të Jashtme në një prononcim për “Dosja.al”, ka sqaruar situataën e krijuar në Ambasadën shqiptare në Greqi, ku gjatë ditëve të fundit ...
TIRANË- Zëvendës ministri i Jashtëm, Agron Tare, ka treguar negociatat e fundit që janë bërë me palën greke për lehtësimin e situatës në Kakavijë. Në një i...
TIRANË- Kreu i Partisë Demokratike, Lulzim Basha, ka reaguar sot për situatën e pandemisë dhe krizën ekonomike që ka kapur vendin. Në një postim në mediat ...
