Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
ELBASAN– Operacioni “KRASTA” është finalizuar me zbardhjen e tri ngjarjeve kriminale, një rast korrupsioni dhe 13 të arrestuar. Armë, fishekë, jelekë anti-plumbë, portofol me stemën e Policisë janë disa nga sendet që iu janë sekuestruar të arrestuarve.
Aida Hajnaj, zv.drejtoreshë e Policisë dha detajet e këtij operacioni që ka nisur që para një viti dhe është finalizuar mëngjesin e sotëm, duke goditur një nga grupet kriminale më të rrezikshme në Shqipëri, grupin e Çapjajve, të përfshirë në një sërë ngjarjesh kriminale.
Dosja.al ka mësuar emrat e të arrestuarve dhe personave të shpallur në kërkim.
Të arrestuarit për korrupsionin në AMA
1. Bledar Karaj, 39 vjeç, lindur dhe banues në Elbasan – Përfaqësues i TV kabllor “Brado” në Bradashesh
2. Adem Boriçi, 61 vjeç, lindur e banues në Elbasan – pronari i i televizionit privat kabllor “Brado” me frekuencë në Bradashesh/ Licencën e ka marrë në vitin 2011.
3. Andrea Nathanaili, 67 vjeç, lindur Sarandë dhe banues në Tiranë – Ish-Këshilltar në AMA
4. Suela Musta 40 vjeç, lindur dhe banues në Tiranë – Anëtare e Autoritetit të Medias Audivizive
5. Izmir Hajdari, 51 vjeç, lindur dhe banues në Tiranë – Gazetar dhe ish-inspektor i AMA
6. Artan Drazhi, 34 vjeç, lindur dhe banues në Elbasan,
7. Shkëlqim Sula, 38 vjeç, lindur dhe banues në Labinot Mal-Elbasan, i cili u shpall në kërkim
8. Ervin Tahiri, 40 vjeç, lindur dhe banues në Tropojë – Pronar i TV kabllor “Tata Junior”
Të arrestuar për ngjarjet kriminale
Florenc Çapja, 38 vjeç i akuzuar për “Vrasje me paramendim të mbetur tentativë” dhe “Mbajtje pa leje të armëve dhe municioneve luftarake”.
Endri Çopja, 30 vjeç, lindur dhe banues në Elbasan, i cili ndodhet në qeli për një tjetër vepër penale në burgun e Elbasanit
H.Gj (S), 40 vjeç, “Mbajtje pa leje dhe prodhimi i armëve, lëndëve shpërthyese dhe i municionit”, “Prodhimi, mbajtja dhe shitja pa leje e armëve të ftohta”, dhe “Mbajtja pa të drejte e uniformës”
Të shpallur në kërkim:
Marjus Lulaj (alias Suel Çela), 31 vjeç, lindur dhe banues në Elbasan – i shpallur në kërkim
Q.H, 25 vjeç, për veprat penale “Prodhimi dhe shitja e Narkotikëve” – i shpallur në kërkim
Ervis Bardhi 38 vjeç, lindur në Kavajë dhe banues në Elbasan – i shpallur në kërkim
Etien Çani. 28 vjeç, lindur dhe banues në Elbasan – i shpallur në kërkim
Njoftimi i plotë
Elbasan
Finalizohet operacioni policor “KRASTA”. Zbardhen dhe dokumentohen me prova ligjore tre ngjarje kriminale të ndodhura më parë
Goditete edhe një rast korrupsioni i kryer nga punonjës shtetërorë të Autoritetit të Mediave Audiovizive dhe të sektorit privat. Sekuestrohen një sërë sendesh të kundraligjshme
Më datë 14.06.2019, në kuadër të operacionit “FORCA E LIGJIT”, nga Njësia Hetimore pranë Task Forcë Speciale Qëndrore, në Departamentin e Policisë Kriminale, në Drejtorinë e Përgjithshme të Policisë së Shtetit, Drejtoria Vendore e Policisë Elbasan, pas një hetimi një vjecar, në bashkëpunim më Prokurorinë e Rrethit Gjyqësor Elbasan, forcat speciale RENEA, FNSH, sot në orët e para të mëngjesit kanë zhvilluar operaciopnin policor të koduar “KRASTA”, për të bërë të mundur ekzekutimin e vendimeve të Gjykatës së Rrethit Gjyqësor Elbasan të masave të sigurimit personal “Arrest me Burg” dhe kontrollin e banesave e ambienteve për llogari të hetimeve të procedimeve penale të rifilluara si më poshtë vijon :
1. Proçedimit Penal nr 40 të vitit 2006, i rregjistruar për veprat penale të “Vrasjes me paramendim mbetur tentativë”, “Mbajtjes pa leje armëve dhe municionit luftarak” parashikuar nga nenet 78-22, 278/2 të Kodit Penal, që bën fjalë për tentativën e vrasjes së shtetasit F.M, ngjarje e ndodhur më datë 30.01.2006 në Elbasan.
2. Procedimit penal nr 1121/2012, i rregjistruar për veprat penale të “Vrasjes në rrethena cilësuese e kryer në bashkëpunim”, “Mbajtjes pa leje të armëve dhe municionit luftarak” parashikuar nga nenet 79/dh-25, 278/2 të Kodit Penal, që bën fjalë për vrasjen e shtetasit G.B (alias A.M) dhe të babait të tij shtetasit N.B, ngjarje e ndodhur më datë 15.08.2012, në lagjen “Çlirimi” Elbasan.
3. Proçedimi Penal nr 627-2013, i rregjistruar për veprat penale të “Heqjes së paligjshme të lirisë”, “Plagosjes më dashje”, “Mbajtje pa leje te armëve dhe municioneve luftarake” parashikuar nga nenet 88, 110/2, 278/2 të Kodit Penal, ngjarje e ndodhur në datë 19.04.2013 në qytetin e Elbasanit.
Si rezultat i hetimeve intensive për këto ngjarje të kryera nga kjo njësi në bashkëpunim me Prokurorinë e Rrethit Gjyqësor Elbasan, është bërë e mundur që të tre këto ngjarje të zbulohen dhe të dokumentohen me prova ligjore, dhe konkretisht :
Për Proçedimin Penal nr. 40 viti 2006 nga hetimet e zhvillura ka rezultuar se, autor i kësaj ngjarje është shtetasi :
1. F.Ç, 38 vjeç, lindur dhe banues në Elbasan lagjia “Emin Matraxhiu”. Për këtë shtetas u bë ekzekutimi i vendimit të Gjykatës së Rrethit Gjyqësor Elbasan, me vendimin nr. 477 datë 11.06.2019, per të cilin ishte caktuar masa e sigurimit “Arrest me burg” i dyshuar për veprat penale të “Vrasjes me paramendim të mbetur tentativë” dhe “Mbajtjes pa leje të armëve dhe municioneve luftarake”.
Për Proçedimin Penal nr. 627 viti 2013 nga hetimet e zhvillura ka rezultuar se, autorë të kësaj ngjarje janë shtetasit :
1. M.L (alias S.Ç), 31 vjeç, lindur dhe banues në Elbasan “Lagjia 5 Maji”, aktualisht person i shpallur në kërkim për një tjetër vepër penale.
2. E.Ç, 30 vjeç, lindur dhe banues në Elbasan, aktualisht i ndaluar për një vepër tjetër penale dhe vendimi ndaj këtij shtetasi u ekzekutua në ambientet e IEVP Elbasan.
Për Proçedimin Penal nr. 1121 viti 2012 nga hetimet e zhvillura ka rezultuar se autorë të kësaj ngjarje janë shtetasit:
2. E.B, 38 vjeç, lindur në Kavajë dhe banues në Elbasan, “Lagjia Shënkoll”, i cili është shpallur në kërkim.
3. E.C, 28 vjeç, lindur dhe banues në Elbasan “Lagjia Çlirimi” i cili është shpallur në kërkim.
Në kuadër të hetimeve të kryera mbi Proçedimin Penal nr 627 viti 2017, është bërë e mundur të dokumentohet aktiviteti jashtëligjshëm në lidhje me disa veprime korruptive, të kryera nga punonjës shtetërorë të Autoritetit të Mediave Audiovizive dhe të sektorit privat.
Si rezultat i hetimeve u arrit që përmes provave ligjore të dokumentohej aktivitetit korrruptiv i shtetasve të mëposhtëm, si dhe u ekzekutuan vendimet e Gjykatës së Rrethit Gjyqësor Elbasan për të cilët është caktuar masa e sigurisë “Arrest me Burg” për veprat penale :
“Korrupsioni aktiv i personave që ushtrojnë funksione publike”,
“Korrupsioni aktiv i funksionarëve të lartë shtetërorë ose të zgjedhurve vendorë” dhe
“Shkelja e të drejtave të pronësisë industriale”
parashikuar nga nenet 244, 245/1,2, dhe 149/a,
1. B.K, 39 vjeç, lindur dhe banues në Elbasan,
2. A.B, 61 vjeç, lindur e banues në Elbasan.
3. A.N, 67 vjeç, lindur Sarandë dhe banues në Tiranë.
4. S.M, 40 vjeç, lindur dhe banues në Tiranë.
5. I.H, 51 vjeç, lindur dhe banues në Tiranë.
6. A.D, 34 vjeç, lindur dhe banues në Elbasan,
7. Sh.S, 38 vjeç, lindur dhe banues në Labinot Mal-Elbasan, i cili u shpall në kërkim
8. E.T, 40 vjeç, lindur dhe banues në Tropojë,
Në vijimi të ekzekutimeve të vendimeve për kontrollet e banesave dhe ambienteve, janë gjetur e sekuestruar në cilësinë e provës materiale sendet si më poshtë:
Revolver “Nagant” me mulli , me gjashtë fishekë, kalibër 9 mm.
Pistoletë gjysëm automatike e markës “Zoraki”, me gjashtë fishekë, kalibri 7.65 mm
Nje krëhër pistolete TT, me katër fishekë, model 54.
26 copë fishekë, model 54.
4 jelekë antiplumb
Një shkop metalik nga ata me hapje me stampo police USING
Një portofol lëkure me stampe policia e shtetit.
7 palë targa automjtesh, shqiptare dhe të huaja.
4 radio marrëse dhe dhënëse
Një peshore elektronike
735 gr lëndë narkotike e dyshuar mariuanë, e paketuar në atë formë e përgatitur për tu tregtuar.
telefona celular ( smartfona dhe të thjeshtë), dhe një prej tyre satelitor.
Gjithashtu nga kontrollet e banesave si rezultat i sendeve të paligjshme të gjetura në banesa është bërë dhe arrestrimi në flagrancë i shtetasve:
H.Gj (S), 40 vjeç, për veprat penale “Mbajtje pa leje dhe prodhimi i armëve, lëndëve shpërthyese dhe i municionit”, “Prodhimi, mbajtja dhe shitja pa leje e armëve të ftohta”, dhe “Mbajtja pa të drejte e uniformës”, vepra të parashikuara nga nenet, 278, 279 dhe 247 të Kodit Penal.
Si dhe ështe shpallur në kërkim shtetasi Q.H, 25 vjeç, për veprat penale “Prodhimi dhe shitja e Narkotikëve” vepër e parashikuar nga neni 283 i Kodit Penal.
Në përfundim ju bëjmë me dije se vijojnë hetimet intensive në lidhje me një numër ngjarjesh të vjetra të ndodhura në Qarkun e Elbasanit dhe Tiranës, duke bashkëpunuar me autoritet e Prokurorisë së Rrethit Gjyqësor Elbasan.
(F.g & a.s/dosja.al)
Tirana është boshatisur për ditët e pushimit. Cilën nga ritet e shenjta po ndiqni:
ELBASAN– Dosja.al mëson se në pranga është vënë gjithashtu gruaja e kokës së fisit Çapja. Ajo është bashkëshortja e Ardian Çapjas, shtetasja E.&Cc...
ELBASAN– Dosja.al mëson se një ndër të arrestuarit në Elbasan është edhe Florenc Çapja, pjesë e fisit të njohur në Elbasan.I njohur si i forti i fisit “&...
TIRANË– Dosja.al ka mësuar se në kuadër të arrestimeve të bëra në Elbasan janë vënë në pranga edhe dy gazetarë. Ende nuk dihen identitetet e tyre, por mëso...
Tiranë-Nga aksioni i FNSH-së dhe RENA-s në Elbasan është shoqëruar në polici edhe Suela Musta, anëtare e AMA-s.Dosja.al mëson se në kuadër të operacionit që ës...
Tiranë– Ende vendi vijon të jetë në një krizë politike. Presidenti Ilir Meta ka anuluar dekretin për zgjedhjet e 30 qershorit. Nga ana tjetër socialistët po vaz...
TIRANË- Këngëtari i njohur Arkimed Lushaj, i njohur si Stresi është liruar sot nga Gjykata e Tiranës. Vendimi është marrë sot në një seancë të zhvilluar pa...
TIRANË– 69-vjeçari ka ndërruar jetë një ditë pasi u aksidnetua në Tiranë, në afërsi të ish-stacionit të trenit tek “Harry Fultz”. Siç u rapor...
ELBASAN– Në kohën kur Elbasani është nën kontrollin e RENEA-s dhe FNSH për të arrestuar dhe kontrolluar banesat e fisit Capja, burime për Dosja.al bëjnë me dije...
Korçë– 4 persona janë arrestuar në Korçë pasi kaloni mallra kontrabandë në pikën doganore të Kapshticës. Mes të arrestuarve janë E.M, 39 vje&cced...
VLORË- Një 37-vjeçar është arrestuar në Vlorë, pasi tentoi të kalojë kufirin me pasaportë false. Policia e Shtetit njofton se M.I., u arrestua në ku...
