Politike

Erion Veliaj mesazh protestuesve tek Teatri: Është koha të bashkohemi, mërzia do kalojë, do merremi edhe me Kalanë e Tiranës

VIDEO
  • Shembi Teatrin natën, rishfaqet Erion Veliaj, flet me zë të dridhur
  • Veliaj shtoi se tashmë është koha për të parë edhe shtimin e sipërfaqes së Kalasë së Tiranës. 
    Featured image of article: Erion Veliaj mesazh protestuesve tek Teatri: Është koha të bashkohemi, mërzia do kalojë, do merremi edhe me Kalanë e Tiranës Erion Veliaj, kryetar bashkie i Tiranes

    TIRANË- Kryetari i Bashkisë Erion Veliaj thotë se tashmë është momenti që qytetarët dhe protestuesit tek teatri të bashkohen me zërin e bashkisë Tiranë dhe qeverisë. Përmes një deklarate të regjistruar dhe të transmetuar në faqen e Facebook-ut, Veliaj tha se të gjitha punët e mira janë bërë gjithmonë me reagim negativ. Ai shtoi se tashmë është koha për të parë edhe shtimin e sipërfaqes së Kalasë së Tiranës.

    Pjesë nga deklarata e Erion Veliajt:

    Për më shumë bëhu pjesë e grupit më viral në Facebook, Dosja.al

    Fillimisht, nuk u preferua një teatër me kullë, u tërhoqëm. Bëmë prapë një hap pas, asnjë centimetër të mos i hiqej TK. Në një negociatë nuk mund të marrësh gjithçka. Nuk mund të kemi teatër edhe pa kullë, edhe në qendër të Tiranës. Sapo na u transferua prona, e verifikuam. Instituti në vitin 2018, e pa si të papërshtatshëm në vitin 2018. Në 2007 atë që sot e përdorin si betejë, e hoqën nga listat e monumenteve kulturore. Kushdo që ndihet sot i trishtuar, ndihet që një betejë që i mori kohë doli pa fryt. Ne mund të kemi opinione të ndryshme, por erdhi koha të shohim përtej kësaj dit.e Të mos lemë partitë të na përçajnë. Është momenti për t’u bashkuar. Partitë politike fërkojnë duart. Cfarë iku iku. Edhe kur u bë parku i lodrave u mërzitën, por sa u gëzuan kur u hap dhe çuan fëmijët për të luajtur. Do e shtojmë edhe kalanë e Tiranës, do të bëhet edhe njëherë sa kaq është. 

    Reagimi i Veliajt, vjen disa orë pasi është shembur godina e Teatrit Kombëtar. Aksioni për shembjen e kësaj godine ka nisur 04:30 të mëngjesit të sotëm, ku pati përplasje.  Mësohet se në Polici janë shoqëruar Gazment Bardhi, Edi Paloka, aktori Neritan Liçaj, Monika Kryemadhi, Robert Budina, Titi Seranaj, Silva Caka dhe dhjetëra qytetarë. Por përplasjet vijojnë, pak më parë dhjetëra qytetarë çanë kordonin e policisë, në sheshin pranë teatrit. Basha ka paralajmëruar aksion opozitar, ndërsa Kryemadhi iu bëri thirrje shqiptarëve që braktisin gjendjen e fatkeqësisë natyrore.

    (F.g/dosja.al)

    Shto Koment