Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdhi fundi!
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
Gazetari Mitro Çela ka publikuar librin me kujtime në ndër të Koço Devoles, teksa e trajton në formë bisede me gazetarin tjetër të njohur, Filip Çakulli.
Një pjesë të shkrimit gazetari e ka ndarë në rrjetin social Facebook. Ai ka treguar për herë të prapaskenat, ikjen në Amerikë, arrestimin në Itali dhe se si angazhoi Sali Berisha avokatin e Berluskonit dhe interesimin e Ilir Metës për të liruar Koço Devolen nga burgu. Filip Çakulli ka ndarë gjithashtu admirimin e tij për Koço Devolen dhe disa situata që ata i kanë kaluar së bashku.
Në fund pasazhi nga libri mbyllet me rrëfimin e amanetit të fundit të Koços dhe rëndësinë që pati figura e tij në jetën e Filipit. Gazetari shkruan se e ka pyetur Filip Çakullin nëse ka qarë kur vdiq Koço Devole. Filipi i thotë se nuk ka qarë kur ka humbur prindërit, por për Koçon i kanë rënë lotët.
“E pyeta Filipin: Kaloi një javë pa Koçon. Të mungon? Ndjehem si peshku pa ujë! -ma ktheu ai. Ishte njeriu im më i afërt. 42 vjet bashkë. U njohëm te revista “Hosteni”. Unë djalë. Ai humorist i madh. Vazhduam bashkënë koncerte. Hartuam bashkë skenare dhe skeçe. Bashkë te “Fiks Fare”, bashkë me pushime në Sarandë. Ai ishte pjesa ime e dytë ose isha unë pjesa e dytë e Koços. A mund të qajë Filip Çakuli? Kam ndjerë dhimbje të madhe, por nuk kam derdhur lotë as për humbjen e mamasë e as për vdekjen e babait. Si ndodhi që më rrodhën lotët? U futa në zyrën e Koços… Bosh… Gazetarët kishin vendosur mbi tavolinën e punës së tij një tufë me lule. Pashë dy palë syze(njëra e dëmtuar),kompjuterin,një cigare të lënë përgjysmë,letra,disa karikatura… Ngriva. U ula në karrige. Ndenja ca minuta,fshiva sytë dhe pa i folur askujt u futa në zyrën time“, shkruan ai.
Çela i ka thënë se Koço i është dukur tip i mbyllur që bezdisej nga njerëzit, por Filipi e ka kundërshtuar. Ai ka treguar se njerëzit e donin dhe i kërkonin foto pa fund kur e shikonin.
“Të ngushëlluan? -vazhdova të këmbëngul me pyetje unë. -Si asnjëherë. Mbi 1000 telefonata. Mesazhepa fund. Koço Devole në skenë ishte aktor i madh, por jashtë skene ishte i heshtur,i mbyllur,dukej si i bezdisur nga njerëzit.-E ke gabim, -ma ktheu Filipi. -Ai ishte shumë popullor, në skenë dhe jashtë saj.
Ishte humoristi më i madh i Shqipërisë. Qe aktor,regjizor,bënte karikatura me ide. Qe skenarist. Ai, si humorist, mund të krahasohet me Qamil Buxhelin.Kur ecnim rrugës me Koçon, gjenim belanë. E ndalonin qytetarët: “Bëjmë një foto? Dua një foto tjetër me djalin”. Kishte të tjerë që kërkonin autograf. Mua më kërkonin të ndërhyja te Koço që të shkonte të luante në estradat e Shkodrës, Fierit, Vlorës, Tiranës“, thotë shkrimi në Facebook.
Çakulli i ka treguar gazetarit se çdo aktor dhe regjizor donte të luante me Koçon e rreth tij mblidheshin dhe njerëz të tjerë të artit, këngëtarë e parodistë.
“Me Koçon donte të dilte në skenë Skënder Sollaku, Zef Deda, parodistët e Vlorës, Aleko Prodani, Fadil Hasa. Nuk gjen regjizor që nuk donte ta kishte aktor në filmat e Kinostudios ose në telenovelat e televizioneve. Po koncertet në Pallatin e Sportit, në estradën e Tiranës, në Pallatin e Kongresit a mund të më gjesh njeri që mund t’i bënte si Koçoja? Jo dhe jo. Po pse? Sepse ai ishte si magjistar. I mblidheshin aktorët ekëngëtarët, që nga Vaçe Zela, Tonin Tërshana, Liljana Kondakçi, Luan Zhegu, Parashqevi Simaku, Aleksandër Gjoka e të tjerë. Nuk mund të gjesh mes aktorëve njeri puntor, iniciator, fantazist si ai. I palodhur dhe i rreptë në punë, por i dashur dhe i respektuar pas punës”, është përgjigjur Çakulli.
Mitro Çela e ka pyetur më pas në libër nëse kanë pasur afërsi familjare me Koçon dhe Filipi ka treguar se kishin ndarë shpeshherë tavolinën bashkë.
“Kur jetonim në Lushnje, Koço hynte dhe dilte te ne si në shtëpinë e tij. Bënte humor me Vasilikën,luante me dy djemtë e mi, Zhanin dhe Orestin. Ata qeshnin
me lot, sepse ai ishte aktor jo vetëm në skenë, por edhe mes fëmijëve. Sa herë që shkonim në Sarandë, ngjiteshim në fshat, -thotë Filipi.-Dhe çdo herë
që shkonim babai bënte festë. Mamaja gatuante pulën që therte babai. Bënte pita. Mbi tavolinë shtrohej raki e verë. Ndërkohë hapej fjala në fshat.Shkonim në klub, tavolinat plot. Dikush qeraste me një gotë verë, dikush me raki,një tjetër me kafe. Koço bënte humor: tregonte barcaleta. Njerëzit qeshnin me lot. Bënin shaka. Largoheshin të lumtur. Babai mburrej dhe krekosej se kishte mik shtëpije të madhin Koço Devole! Pa ikur mirë nga fshati më pyeste se kur do vinim përsëri… Për dy-tre vjet nuk vimë, ia ktheja unë. U harxhojmë ju dhe fshatin. “Lëri këto! Koçoja bie në shtëpi dhe në fshat humor. Nuk i sheh sa të gëzuar janë njerëzit?!”- më thoshte babai“, shkruhet në pasazhin e shkëputur.
Më pas gazetari Çela e pyet Filipin pse Koço zgjodhi të ikte në Amerikë dhe ai i thotë se ishte për shkak të kaosit të krijuar në vend nga bandat.
“Ai iku në Amerikë me familjen në vitin 1998. Kishte arsye. Vendi ishte sketerrë. Bandat qeverisnin vendin. Estradat u mbyllën.Humoristët luani tavëll ose me letra. Bisnesi u tha. Nuk kishte para për sposorizime. Arti nuk bëhet nga shtëpija. Një ditë më mori në telefon dhe më tha: “Filip! Po të ra rruga nga Amerika, të pres në shtëpi.”Pas disa muajsh një biszesmen më pagoi biletat. Na dha edhe ca para xhepi bashkë me gazetarin Genc Tirana hipëm në avion.Vizitën e parë në Nju Jork e bëmë në shtëpinë e Koços. Jetonte në mes të pyllit. Shtëpi e bukur. Pronar ishte dhëndri,djalë i zoti, nga Kosova. Ishte bizesmen. Kishin dy vajza. E pyeta një ditë Koçon: “Çfarë bën në Amerikë?” -“Dy vjet më parë jepja koncerte për emigrantë. Qytet më qytet. Bashkë me Pëllumb Kullën, Agim Krajkën, Xhevahir Zenelin, Anita Bitrin etj. Por u lodha. U mërzita,u bezdisa. Tani nuk bëj asgjë. Jetoj si i vdekur. Dal për peshk. Rrallë përgjah. Fle. Ëndërroj për humorin”, shkruhet në libër.
Duke parë lodhjen dhe ndrydhjen shpirtërore të Koços, Filipi i ka kërkuar të vijë në Tiranë e të punojnë bashkë në Top Channel, por Koço Devole i ka thënë se pa ftesën e Tanit të Topit nuk vjen. Dhe ftesa nuk ka munguar.
“Pse nuk vjen në Tiranë? -Të tund derën apo të mas rrugët? -Jo. Hajde të punojmë bashkë në Top Channel! -Por te Top Channel-i ka zot hauri. Pa ftesën e Tanit, nuk e lë Amerikën”… -U ktheva në Tiranë. I thashë Tanit: “Sikur të marrim në punë Koço Devolen?!” -Bën shaka! Ai jeton në Amerikë? Vjen të punojë me ne? Unë e kam adhuruar Koçon që fëmijë. Mes shokëve tregonim batutat e tij. Në çdo kohë derën e Topit eka të hapur.” -Pas disa ditëve Koço mbërriti në Tiranë.Biletën e avionit ia preu Tani. Pimë kafe të tre. Më i lumturi ishte Tani. E pyes Filipin: -“Fiks Fare” në vitet 2000 ishte një risi në televizion dhe në humor. U përshtat Koçoja? -Ai kishte lindur për të bërë çdo gjë. Bënte skenare. Dilte në skenë. Imitonte, shkruante. Solli në jetë shumë personazhe. Bënte monitorimet me Doktorin, Palomën, Fonin. Improvizonte. Shumë miq e shokë më thoshnin se jam me fat që punoj me Koçon. Kur mungonte ndonjë ditë në ekran, kërciste telefoni:”Ku është Koçoja?!”, thotë shkrimi.
Në shkrim është përmendur dhe arrestimi i Koços në Itali dhe Çela e ka pyetur nëse kanë reaguar politikanët. Ai i thotë se politikanët deri tek Berisha dhe Ilir Meta u përpoqën të gjenin zgjidhje.
“Për arsye të mos arsyes Koço u arrestua në Itali. Politikanët bënë sehir?- e pyes unë dhe Filipi më thotë: -Përkundrazi. Sali Berisha më thirri në Parlament. Më tha se në Itali kishte mik një avokat të njohur. “Zoti Biondi ka qenë edhe ministër i drejtësisë në qeverinë e Berluskonit. Do flas me avokatin. Ai do bëjë të pamundurën për ta nxjerrë të pafajshëm. Nuk ka mundësi që një humorist kaq i madh si Koço Devole të merret me drogë.” Më thirri edhe Ilir Meta. Në atë mot ishte ministër i Jashtëm. Më tha se do bënin të pamundurën në rrugë diplomatike për Koçon. “Do bëjmë disa shkresa zyrtare ku do të tregojmë se cili është për shqiptarët Koçoja.” Ndërkohë Gjergj Luca dhe Agron Duka u treguan të gatshëm për të ndihmuar Koçon nga ana finaciare. -Shkove në Itali? -Po. Dy herë. Së pari me Gjergj Lucën. Koçoja ishte i burgosur në Rimini. Takuam avokatin. Dorëzuan dokumentat. Herën e dytë shkova me një përkthyese. E takuam Koçon në burg”, tregon Çakulli.
Më pas ai trregon se Koço ende bënte shaka dhe e kishte marrë situatën me humor. Ai ka thënë se nuke dinte çfarë kishte në makinë pasi ishte thjesht pasagjer. Tregon se në dorë kishte një vegël e cila kishte drogë, por ai nuk dinte gjë për këtë.
“Kam trajtim ekstra,” -tha Koço.-“Biruca ime është si një dhomë në hotel me pesë yje. Bëja humor me karabinierët, pornuk kuptonin. I detyrova të mësojnë shqip. Tani u tregoj dhe qesh vetë. Por unë jam i pafajshëm. Më zunë në një makinë. Unë mbaja në duar, si lodër, një vegël. Nuk e dija çfarë ishte. Na kapën karabinierët. Shtypën një sumbull nga vegla që mbaja unë në dorë, diçka kërciti dhe u hap një kuti me drogë. Por unë isha pasagjer. Nuk
dija gjë. Isha viktimë. Por do dali e vërteta.”U bë gjyqi. U mbyll gjyqi. Koço doli i pastër!”, tregon Filip Çakulli.
Më pas ai thotë se është trishtuar që politika nuk i dha respektin që meritonte kur Koço u nda nga jeta. Amaneti i vetëm që i ka lënë ishin djali dhe mbesa.
“Por u trishtova me politikën ditën që Koço Devole u nda nga jeta. Ministria e Kulturës duhet të organizonte homazhe. Po kështu qeveria duhet të hapte sallën e
Pallatit të Kongreseve për t’i dhënë lamtumirën humoristit të madh. Atë që la mangunt qeveria, e bëra bashkë me Agron Llakën. Folëm me drejtorin e Policisë së Qarkullimit Rrugor dhe ai dërgoi dy motoçiklistë që shoqëruan kortezhin. -Të la ndonjë amanet Koçoja? -Po… Një ditë, si shumë herë të tjera, u ulëm për drekë. Ishim vetëm të dy. Ai më tha se kishte merak djalin dhe mbesën. Djali kishte ardhur nga Italia dhe jetonte bashkë me të. A kishte zanat? Vetëm shofer. Ndërsa mbesa, Sindi,ishte studente në Itali. Çdo muaj i dërgonte 300 euro. I duhej edhe një vit që të mbaronte masterin. Pasi Koçoja u largua nga kjo jetë, e rregulluam djalin shofer në spitalin Gjerman. Më pas takova Sindin. E pyeta se kur e mbaronte masterin. I duheshin edhe katër muaj…E plotësova edhe amanetin e dytë të Koços...”vazhdon biseda në libër.
Në pjesën e fundit që gazetari ka zgjedhur të shkëpusë nga libri ai e pyet Filipin nëse Koçoja e ka ndihmuar të pasurojë biografinë.
“Kam punuar 42 vjet si gazetar. Kam botuar 10 libra. Kam shkruar qindra artikuj. Le të harrohen të gjitha. Mjafton të mbetet në biografinë time fakti që kam punuar, kam jetuar, kam bashkëpunuar dhe kam bërë humor me Koço Devolen“, përfundon Filip Çakulli.
(m.k/dosja.al)
Cila mendoni se është alternativa më e mirë:
SHBA – Genie Exum, influencerja e Instagramit u arrestua menjëherë pas lajmërimit të policisë në shtëpinë e saj në Avenue, në Manhattan të hënën në mbrëmj...
TIRANË – Shtëpia e Big Brother është përfshirë nga diskutimet e forta pasi disa prej banorëve u përplasën me Rudina Demnerin,ose Palomën siç e...
DashiNë dashuri, lidhje të bukura mund të lindin me njerëz të shenjës së Binjakëve dhe Ujorit. Në punë, nga ana tjetër, ju keni projekte të mëdha në proces, por...
SHBA– Kemi parë shpesh kohët e fundit që yjet e muzikës dhe Hollivudit të postojnë foto pa reçipeta apo të dalin kështu në publik. Ato po dërgojnë ...
SHBA- Aktorja e mirënjohur botërore, Angelina Jolie shfaqet në premierën e filmit “Eternals” në Los Angeles. Ajo që tërhoqi vëmendjen e të gjithëve ishte akseso...
SERBI– Aktori i mirënjohur, Johnny Depp mbërriti në Beograd pasditen e sotme, rreth orës 2:20 pasdite. Aktori i Hollivudit shkoi në ndërtesën e Sekretaria...
Dashi Jeta juaj nese jeni lindur ne dhjetediteshin e trete te shenjes tuaj do marri nje kthese dhe nje ndricim. Periudhe apokaliptike do ta quaja per ju duke ju...
TIRANË – Kryeministri Edi Rama deklaroi para disa ditësh se përparimi i Shqipërisë do të arrijë edhe në nivelet hapësinore. Rama paralajmëroi se bren...
GREQI– Diskutimi politik i organizuar ngadeputeti i ND, Dimitris Kairidis, në të cilin mori pjesë Dora Bakonjanis, ka shkaktuar të qeshura mes zyrtarëve g...
SHBA – Fansat e Michael Jackson kanë mundësinë të kenë pjesë të koleksionit të tyre një objekt personal që ai la pas dhe bëhet fjalë për një aplikim për p...
