Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
ELBASAN- Arsila L. është një adoleshente 14-vjeçare, në rrethinat e Elbasanit, e cila mezi e njeh mjeken e saj të familjes. Me të e lidh vetëm ndonjë vizitë në sezonin e gripit apo një “më duhet një rekomandim”.
“Kurdo që kam një problem me shëndetin seksual apo dua të di diçka, kërkoj në internet apo pyes shoqet e mia të cilat dhe nëse dinë diçka, e kanë mësuar nga interneti”, thotë Arsila. Ajo tregon se arsyeja kryesore pse kurrë nuk ka folur me mjeken e familjes për problemet në shëndetin seksual është sepse njihen mes familjesh dhe nuk është e sigurt nëse problemet e saj do të mbesin mes marrëdhënies mjek-pacient.
Në një pyetësor të shoqatës “Together for life”, nga 100 të rinj në rrethe, katër në pesë prej tyre u shprehën se nuk janë ndier të lirshëm ose janë ndier në siklet në bisedat me mjekun.
Gjithashtu, rezultoi se ato nuk kanë besim tek mjekët dhe më shumë se gjysma prej tyre thanë se nuk e dinë nëse mjeku e ruan apo jo privatësinë e bisedës.
“Mami im është shumë shoqe me mjeken time të familjes dhe më vjen zor të flas me mjeken kur mendoj se ajo do t’ia tregonte bisedën mamit tim. Këtu fjala merr dhenë”, thotë Arsila.
Mimoza Bushi, mjeke familje në Thumanë të Krujës, tregon për Gazetasi.al se ky është një problem që e ka hasur gjatë gjithë viteve dhe kanë ndryshuar shumë pak gjëra.
“Nuk flasin për probleme me shëndetin seksual apo riprodhues. Djemtë me mjekët që janë burra edhe vijnë dhe flasin, po me mjeket femra nuk vijnë”, tregon Bushi.
Ndërsa përsa u përket vajzave, flasin me mjeket në rastet kur kanë çrregullime të menstruacioneve dhe në këto raste “janë të ndrojtura, nuk i thonë të gjitha shqetësimet”.
Të ndarë sipas gjinisë, shihet se vajzat në rrethe në përqindje të konsiderueshme janë ndier në siklet në komunikimin me mjekun.
Mjeku i familjes L.L thotë për Gazetasi.al se në 15 vite punë, kurrë nuk ka folur me adoleshentet femra për problemet me shëndetin seksual.
“Djemtë edhe pyesin për ndonjë gjë në vija të trasha. Dhe në ato pak raste, vihet re se janë në siklet dhe mundohen të pyesin duke bërë sikur e dinë si informacion por thjesht po pyesin për konfirmim”, tregon L.
Diçka tjetër që vihet re, sipas tij, është fakti se gjimnazistët mendojnë se tashmë e dinë cdo gjë sepse e kanë mësuar në shkollë apo internet dhe mjeku i familjes është vetëm për të marrë një rekomandim për të bërë një vizitë në spitalin rajonal.
“Më thonë se kanë një problem por nuk duan të flasin, preferojnë të shkojnë të bëjnë vizitat në spitalin rajonal dhe janë të bindur se mjeku i familjes është vetëm për te dhënë rekomandimin”, thotë ai.
Sociologe Marsida Simo tregon për Gazetasi.al se në tërësi fëmijët kanë një ngërç kur bëhet fjalë për trupin dhe ndryshimet e tyre të cilat theksohen në moshën e pubertetit. Kjo është e kuptueshme sepse edukim seksual nuk niset në këtë moshë, por që kur fëmijët janë të vegjël dhe pyesin për trupin e tyre.
“Përgjithësisht prindërit nuk kanë shumë informacion sesi duhet të flasin me fëmijët e tyre dhe kjo e bën më të vështirë komunikimin për këto tema, sepse edhe ata nuk kanë marrë edukatë të mirëfilltë nga prindërit e tyre”, thotë Simo e cila shton se fëmijët nga ana tjetër marrin mesazhin se është turp dhe tabu të flitet për tema të tilla të cilat nuk kanë guxim t’i flasin as me mjekun përkatës.
Ajo thotë se siç dihet, në zonat urbane informacioni qarkullon më shpejt dhe lehtë, aksesi po ashtu ndaj këtyre informacioneve është më i arritshëm, mësuesit janë më të trajnuar se si duhet t’i trajtojnë këto tema dhe prindërit priren të jenë më të hapur të edukojnë mbi këtë ҫështje kaq të rëndësishme.
Simo ka kryer një pyetësor me 50 vajza dhe gra (anketë e zhvilluar në periudhën shkurt-prill 2021 me kampion të rastësishëm me vajza dhe gra nga 12-65 vjeҫe), për të kuptuar se sa informacion kanë vajzat për ndryshimet trupore që lidhen me menstruacionet dhe rezultoi se vetë 55.6% e vajzave dhe grave dinin mjaftueshëm për menstruacionet. Kur u pyetën se sa të lira janë ndjerë të flasin me prindërit për menstruacionet, vetëm 33.3% e tyre e pohuan këtë gjë, ndërsa 28.9% theksuan se nuk e kanë pasur aspak të mundur të flasin me prindërit. Kur vajzat dhe gratë pyeten se si i kanë përjetuar ndryshimet fizike gjatë pubertetit, ato shprehen se kanë pasur turp nga trupi i tyre, ndjeheshin si të neveritura apo të traumatizuara kur patën sidomos menstruacionet e para. Kjo tregon se si ndikon mungesa e edukatës seksuale tek fëmijët.
Kur adoleshentët nuk flasin dot me prindërit për shëndetin seksual dhe riprodhues sepse ka stepje nga të dyja palët, mjeku i familjes ka për detyrë të bëhet prind, detyrë që jua ka marrë “me stil” interneti!
GAZETA SI
Iftar dhe politikë, a u prek Muaji i Ramazanit nga politikanët?
TIRANË– Këngëtari Trim Ademi, i njohur ndryshe si Capital T është vetëofruar që të paguajë shpenzimt e ceremonisë mortore të 20-vjeçarit që mbeti i ...
SHKODËR– Personat që po shikoni në foto janë katër personat që mbetën të vdekur në Masakrën e Velipojës, pas një përleshjeje me armë zjarri për shezlongët....
TIRANË– Ndonëse vetëm 20 vjeç, Musaen Zeneli kishte talented he kishte dëshirë t’i vinte ato në zbatim. Në një vështrim në profilet e të riut ...
TIRANË- 1 mijë mjekët specializantë që janë hequr nga puna pas një viti shërbimi kundër pandemisë do të dalin në protestë. Ata ditën e nesërme pritet që të...
TIRANË– Musaen Zeneli, 20 vjeç, një kamarier i pafat që mori plumbin në zemër ndërkohë familja Ferracaku dhe ajo Gocaj përleshej me armë zjarri se k...
DHËRMI- Plazhi publik i Drimadhës në Dhërmi duket se nuk është edhe aq publik. Një mesazh nga një pushues, të publikuar nga JOQ, tregon se për të hyrë në k...
GREQI- Dy 20-vjeçarë shqiptar përdhunuan një vajzë 19-vjeçare shqiptare, me të cilën u njohën përmes Facebook-ut. Protothema shkraun se ata lanë f...
TIRANË- “Shihemi në Gjyq” në “E Diela Shqiptare” në Tv Klan vazhdon me konfliktin disa vjeçar të dy fqinjëve, Fatbardhit dhe Krenarit. Pas apelimit ...
SHKODËR– Një qytetare nga Shkodra është vetëofruar që të paguajë shpenzimet e ceremonisë mortore të Musaen Zenelit, kamarierit që mbeti i vdekur në m...
