Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
TIRANE- Pjesë nga dosja e zyrtarëve të arrestuar nga SPAK në Ministrinë e Brendshme për abuzime me tenderin e Uniformave të Policisë, janë zbardhur sot në media. Në një pjesë të publikuar, ku flitet për rolin e inxhinieres tekstile, Aurora Mullaj, tregohet sesi ajo, në pozitën e anëtares së Njësisë së Prokurorimit në Drejtorinë e Përgjithshme të Policisë së Shtetit, nuk ka pranuar të firmoste tenderin. Madje, ajo ka ngritur edhe shqetësimin se po bëhej një abuzim me 2.8 miliardë lekëshin që po paguhej nga shteti për kompaninë D&E shpk.
Inxhinerja ka rrëfyer se nuk ka pranuar të firmosë dy tabela, pasi ishin bërë ndryshime në raport me sasinë e artikujve që do të merreshin, ndërsa shton se as dokumentet standarte të tenderit nuk i ka nënshkruar.
Një tjetër abuzim që SPAK ka provuar se është bërë nga zyrtarët është edhe vlera prej 35 milionë lekë që do të shkonte për sistemin elektronik të shpërndarjes së uniformave. Me këto para, çdo punonjës policie do të merrte një kartë me të cilën do të tërhiqte uniformën e tij, por nga hetimi i SPAK u provua se asnjë polic nuk e mori kurrë këtë kartë, ndaj dhe akuza është se këto para u përvetësuan nga kompania fituese e tenderit. Më tej në dosje, tregohet sesi 9 zyrtarët e arrestuar kanë ndryshuar numrin e uniformave që do të merreshin por jo vlerën prej 2.8 miliardë lekë, duke ia çuar vlerën një uniforme 2800 euro.
PJESË NGA DOSJA E SPAK:
Procesverbali Nr.3, i Hartimit të Shtojës, nuk është nënshkruar në faqet 16 deri 19 nga anëtari i Njësisë së Prokurimit, Aurora Mulla, Inxhiniere tekstile në Drejtorinë e Përgjithshme të Policisë së Shtetit, si dhe nuk është nënshruar nga anëtari i Njësisë së Prokurimit, Aurora Mulla, as tabela e përllogaritjes së fondit limit pas ndryshimeve të specifikimeve teknike. E pyetur për këtë fakt, anëtarja e Njësisë së Prokurimit, shtetasja Aurora Mulla, me profesion inxhiniere tekstile, përfaqësuese e Autoritetit Kombëtar, Drejtoria e Përgjithshme e Policisë së Shtetit, ka deklaruar se fillimisht ajo ka qenë pjesë e grupit të punës për hartimin e specifikimeve teknike të uniformës dhe këpucëve, caktuar me urdhër të Drejtorit të Përgjithshëm të Policisë së Shtetit. Pasi nga ana e këtij grupi pune janë hartuar specifikimet teknike, termat e referencës dhe kriteret e veçanta që duhet të plotësohen operatorët ekonomikë, ky dokumentacion është bërë pjesë e dosjes dhe së bashku me dokumentet e tjera teknike janë dërguar për të ndjekur procedurën e prokurimit në Agjencinë për Blerjen e Përqendruar (ABP). Në vijim, ajo ka vepruar si anëtare e Njësisë së Prokurimit, caktuar me urdhër të Titullarit të Organit Qendror Blerës Agjencisë së Blerjes së Përnqedruar nr.47 prot, datë 11.07.2019, si specialiste e fushës inxhiniere tekstile.
Nga Njësia e Prokurimit është hartuar proceseverbali nr.1, datë 24.07.2019 “Mbi hartimin e dokumenteve të tenderit me objekt blerje dhe shpërndarje e uniformave dhe këpucëve të policisë së shtetit”. Pasi janë hartuar dokumentet standarde të tenderit, i janë dërguar për asistencë Agjencisë së Prokurimit Publik (APP), me qëllim dhënien e një opinioni më të specializuar. APP pasi ka bërë komentet e saj në lidhje me disa cështje, të cilat pasi u reflektuan në dokumentacion, u mbajt procesverbali nr.2 datë 25.07.2019 dhe nga ana e Njësisë së Prokurimit janë hartuar dokumentet e tenderit, të cilat më pas janë ngarkuar në Sistemin Elektronik të Prokurimit (SPE), të APP.
Me shkresën nr.2317/16 prot, datë 27.09.2019, të Autoritetit Kontraktor DPPSH, janë dërguar praktikat për ritestimin e tregut dhe janë hartuar shtojcat në lidhje me DSP dhe është mbajtur procesverbali nr.3, datë 15.10.2019 “I hartimit të shtojcës”. Më pas Njësia e Prokurimit ka proceduar me hartimin e DST, të ndryshuara dhe është bërë publikimi i DST të ndryshuara, në SPE. Ajo ka deklaruar se shumatorja e çmimeve për njësi ka ndryshuar si rezultat i përfshirjes së sistemit elektronik të shpërndarjes në koston e artikujve të uniformës, mënyra e përllogaritjes së testimit të tregut duke marrë prë bazë çmimet mesatare, si dhe për shkak të ndryshimit të specifikimeve teknike. Duke qenë se është bërë rishikimi i specifikimeve teknike dhe ndrysimi i tyre, si dhe ndryshimi në termat e referencave të sistemit të shpërndarjes së uniformave, këto ndryshime kanë bërë që të përllogaritetet edhe njëherë kostoja e shërbimit të prodhimit dhe shpërndarjes së uniformave të policisë, pra lindi i nevojshëm edhe ristestimi i tregut. Në lidhje me kriteret e përcaktuara nga Njësia e Prokurimit në pikën 11 të hartimit të dokumenteve standarde të tenderit, certifikata konformitetit për këpucët, EN ISO 20344-2011 dhe EN ISO 20347-2012 O3 HRO HI CI ER FO SRC ose Ekuivalentet, EN ISO 20347-2012 O2 HRO HI CI ER FO SRC ose Ekuivalentet, EN ISO 20347-2012 të modelit B-O2 CI ER FO SRC ose Ekuivalentet, EN ISO 20347-2012 të modelit A-O2 CI ER FO SRC ose Ekuivalentet, EN ISO 20347-2012 O2 CI ER FO SRC ose Ekuivaletet, mungesa e njërës prej certifikatave të mësiperme, është kusht për skualifikim të operatorëve pjesëmarrës në tender…
Ajo ka deklaruar faktin se në procesverbalin nr.3, datë 15.10.2019 “i hartimit të shtojcës për disa ndryshime në dokumentet e tenderit të procedurës së prokurimit”, ky procesverbal nuk është nënshkruar nga ana e saj nga faqja nr. 16 deri në faqen 19, ku është përshkruar tabela për sasitë e pritshme të artikujve të uniformës, si dhe nuk është nënshkruar nga ana e saj tabela e përllogaritjes së fondit limit pas ndryshimit të specifikimeve teknike, e cila është bashkëlidhur këtij procesverbali. Ajo nuk ka pranuar t’i nënshkruajë këto dy tabela për faktin se ishin bërë ndryshime nga anëtarët e tjerë të Njësisë së Prokurimit në sasitë e pritshme të artikujve dhe ajo nuk ka qenë dakord. Si dhe nuk ka nënshkruar as dokumentet standarde të tenderit te dokumenti “Sasia dhe grafiku i lëvrimit”, te tabela “Sasia e pritshme të uniformave që kërkohen”, e cila përbën faqen 64-67 të dokumenteve standarde të tenderit të ndryshuar. Ky shqetësim i saj për përcaktimin e sasive të pritshme të artikujve të uniformës është shfaqur tek anëtarët e tjerë të Njësisë së Prokurimit, por nuk është dokumentuar me ndonjë procesverbal konkret, përveç mosnënshkrimit të asaj të tabelave të mësipërme.
(F.g/dosja.al)
Iftar dhe politikë, a u prek Muaji i Ramazanit nga politikanët?
TIRANË–Trupa gjykuese për ish-kryeprokurorin Adriatik Llalla ka ndryshuar, pasi kanë dhënë dorëheqjen nga gjykimi i çështjes, gjyqtarët Saida Dollan...
KRUJË– Alfred Voga, drejtori i Sigurimeve Shoqërore në Krujë, të cilit iu vu tritol në oborrin e shtëpisë, ka dyshime se ngjarja lidhet me detyrën e ...
“Plas në verë, ngrin në dimër! S’i fut dot në lavatriçe se u del boja!”.Gazeta “Si” komunikoi me efektivë të policisë për t’i pyetur ata në lidhje me cil...
DURRËS– Një pronar lokali në Durrës është gjobitur me 10 mln lekë nga policia, pasi është konstatur duke vijuar punën pas orarit të përcaktuar për mb...
MIRDITË– Një 34-vjeçar, i identifikuar si Aurel Dedaj, ka humbur jetën në mirditë ditën e djeshme, pasi ka rënë në kontakt me energjinë elektrike, t...
ITALI– Fitorja e Italisë mbrëmjen e djeshme në kampionatin Europian ‘Euro2020’ ka ngritur në këmbë gjithë fitozët, ku të flaktë kanë qenë edhe shqiptarët.Në një...
TIRANË–Gjykata e Posaçme kundër Korrupsionit dhe Krimit të Organizuar ka vendosur sot masën e sigurisë për të 9 të arrestuarit e ‘tenderit të unifor...
DURRËS–Astrit Keçi, 52 vjeç u arrestua mëngjesin e sotëm nga Policia e Shtetit pasi akuzohet se ka rrahur bashkë me dy nipërit e tij, Kleart ...
TIRANË– Komisioni i Pavarur i Kualifikimit ka shkarkuar nga detyra gjyqtarin e Vlorës, Albert Spiro. Vendimi për shkarkimin e gjyqtarit të Gjykatës së Vlor...
ITALI– Bastisja e hajdutëve në bodrumet e një ndërtese apartamenti, në via Bricchetti në Pavia në Itali, u ndërpre nga policët, të cilët arrestuan një tun...
