2 të vrarë nga sulmet ruse Zelensky: Do ti mposhtim terroristët! 27 Mars, 15:23 Paralajmërimi i aleatit t...
Lobingu rus/ Berisha: Bashën e ka denoncuar Nick Muzin, Rama e shpëtoi nga 6 vite burg dhe e shndërroi në një peng 27 ...
Preisdenti austriak krah Begajt: Hiqni dorë nga pasaportat e arta, cënon integrimin në BE 27 Mars, 12:51 Presid...
Gjermania në kaos, shkak greva në hekurudha, aeroporte dhe porte 27 Mars, 11:10 Transporti “paralizohet”...
ELBASAN– Drejtuesi Politik i PD për Elbasanin, Gazment Bardhi, u takua me pronarët e hoteleve dhe shërbimeve në zonën e Llixhave në Elbasan, ku dëgjoi shqetësimet e tyre për vështirësitë që i kanë çuar afër falimentimit. Zona e Llixhave në Elbasan është më e njohura në Shqipëri, kurative dhe me një klimë të jashtzakonshme. Aty vijnë çdo vit pushues nga gjithë vendi, po dhe nga rajoni, e megjithatë në këto 8 vite, sipas Bardhit, shteti nuk është kujtuar të bëjë as 2 kilometra rrugë.
“Unë kam të paktën 9 vite që, nga ora 06:00 e mëngjesit deri në orën 21:00 të darkës rri në këtë zonë këtu. Punët kanë ngelur aty ku i ka lënë PD dhe këtu nuk është bërë asnjë gjë. Uji është i papërballueshëm! Unë të paktën, kur kam sezonin, paguaj një milionë e gjysëm vetëm ujë në muaj, plus edhe një milionë lekë drita, bëjnë dy milionë e gjysëm, kështuqë mendoj duhet ndryshim për mirë, ishalla ecni në rrugën e duhur”, u shpreh një prej sipërmarrësve.
Gazment Bardhi tha se i njeh këto vështirësi, pasi këtë tablo të shtrëngimit e të rritjes së kostove e gjen kudo në çdo biznes në gjithë qarkun.
“Unë nuk kam ndërmend të zgjatem shumë për të thënë çfarë ka ndodhur këto 8 vite, se jam i sigurt që atë e dini ju më mirë sesa unë. S’ka nevojë të vij unë për t’iu thënë: E para që jeni shumë më në vështirësi sesa keni qenë më parë, e dyta, s’keni parë kurrë dorën e zgjatur të shtetit për t’iu mbështetur, e treta, ju kanë renduar me taksa, tatime e me çmime të rritura. Prandaj edhe fokusi ynë, program dhe plani ynë i punës, është përqendruar tek ekonomia dhe biznesi, edhe për faktin që ka qënë që ka vuajtur më shumë pasojat e keq-qeverisjes. Kudo ku kemi shkuar, në çdo biznes, na rezulton që e mbajnë hapur vetëm pronarët apo i zoti, sepse çdo punonjës që kanë pasur, i kanë shkurtuar e i kanë hequr nga puna për shkak të pamundësisë dhe kostove. Ju e keni ndjerë vetë, nuk keni parë gjatë këtij viti të vështirë dorën e shtetit, por besoj biem dakord të gjithë që vështirësitë nuk nisën këtë vit. Pandemia thjesht e nxori në sipërfaqe të gjithë atë model keqqeverisje që e shikonte biznesin si armik apo si mundësi për të shkuar për të marrë atë “kafen”, apo për ta kapur në gabim e për ta gjobitur. Edhe nëse do t’i kishim paguar ato gjoba e të kishim marrë ndonjë shërbim, po ja bënim hallall. Mundësisht taksat tuaja, edhe tonat bashkë, shkojnë për të hequr pllaka e për të vënë pllaka në qendër të Elbasanit, gjë që nuk është as zhvillim, as punësim e as mirëqenie por është thjesht fasadë, prandaj fokusi ynë është mbështetja ndaj biznesit. Sa më shumë lekë të keni ju në xhep, aq më i fortë është shteti, aq më mirë është ç’do shqiptar”, u shpreh Bardhi.
Revolta e biznesit ndaj kontrolleve dhe presioneve të shtetit ndihet edhe këtu si kudo.
“Ato të tatimeve vinë e thonë: “Më ka çu shefi, më ka çu komandanti, më ka çu gjenerali”, po se kush vijnë…jo Krimi Ekonomik nga Tirana, ikën ai vjen tjetri. Na kanë ardhur, parvjet, njëzetë e dy grupe, njëzetë e dy grupe!!….s’të mbushet mendja? Unë përshembull mbaj shtatmbëdhjetë punëtorë, megjithë dy mjekë, dalim njëzetë, që i mbanim në punë…”, pohon një pronar.
Sa ke tani? – pyet Bardhi.
“Asnjë! Ne nuk gjejmë qumësht tani atje, se i kanë shitur lopët sepse s’ka me çfarë t’i mbajë. Ai na e bën korentin ne me 200 lekë. Në kohën e Sali Berishës e kemi pasur 80. Po ti shikosh faturat e mia atje shkon 940 apo një milionë uji, për turp faqen e zezë”.
Drejtuesi politik thotë se me ndryshimin që po vjen me 25 prill, kjo gjendje nuk do të vijojë më kështu.
“Prandaj duhet ulja e taksave dhe tarifave vendore që kanë ardhur nga 2013-ta e deri më sot, ç’do vit në rritje, a thua se ekonomia është rritur, a thua se biznesi fiton më shumë, ndërkohë që realiteti është i kundërt. Në tetë vite, fitimet tuaja kanë ardhur në rënie, ndërkohë që taksat dhe tarifat, tatimet, kanë ardhur në rritje. Ju premtuan uljen e çmimit të energjisë elektrike…dhe në arrogancë e sipër, del në televizor e thotë: “E kam ulur çmimin e energjisë elektrike!”, a thua se nuk i paguani vetë ju faturat e energjisë dhe nuk e dini që paguani të paktën dyfish më shumë se në 2013-tën. Prandaj ulja e tatimeve – një, ulja e çmimit të energjisë elektrike – dy dhe marrëdhënia e partneritetit me biznesin real, jo me një grusht njerëzish që mbushin dhe fryjnë xhepat e tyre…do të ndodhë pas 25 Prillit. Kemi absolutisht nevojë për ju, sikundër jam i sigurt që ju keni nevojë për shtetin, për ta pasur në krah pas 25 Prillit, sepse degradimi që ka ndodhur në këto tetë vite, ka nevojë për dërhyrje emergjente, veçanërisht te biznesi, te ekonomia. Ajo që vjen pas 25 Prillit është shansi i fundit për këta të rinj dhe brezin tim apo edhe më të rinj, për të vendosur nëse duhet të jetojmë në këtë vend apo të marrim valixhet dhe të ikim jashtë vendit. Nuk ka shans tjetër, ne kemi një betejë në 25 Prill, betejë që me ndihmën tuaj dhe ç’do shqiptari që e do më shumë vendin e vet sesa partinë, do ja dalim dhe do e fitojmë, por sfidë dhe betejë reale kemi atë që vjen mbas 25 Prillit. Do të duhet dhe do të bëjmë realitet atë ndryshim që kemi marrë angazhim gjatë këtyre ditëve të fushatës. Nuk kanë më njerëzit, as nerva dhe as kohë për t’u zhgënjyer e për të kaluar nga zhgënjimi në zhgënjim. Boll! Ne i kemi të gjitha mundësitë që ju të zhvilloni atë biznesin tuaj, shtetin ta keni në krah, të punësoni ca djem e vajza të kësaj zone, që të mos largohen, e në këtë mënyrë të krijojmë një normalitet në familjet e gjithësecilit, sepse këtë kërkon shumica dërrmuese, e jam i bindur, secili prej jush. Nuk kërkon njeri as të vërë miliona e as të hajë me lugë floriri mbas katër vitesh. Le ta mendojmë 25 Prillin jo si betejë politike por si betejë për veten tonë e për familjet tona, sepse realisht kjo është beteja që kemi. Ne nuk kemi betejë politike, nuk kemi betejë me socialistët, kanë vuajtur njëlloj si ne. Ata edhe socialistët i kanë shkelur me këmbë. Prandaj kemi betejë me një njeri që është atje në krye e nuk mendon për tre milionë shqiptarë, por mendon vetëm për veten e vet”, deklaroi Gazment Bardhi.
(f.m/dosja.al)
Rama është propozuar për president nga disa deputetë socialiste, mendoni se:
KORÇË–Kryetari i Partisë Demokratike, Lulzim Basha ndodhet ditën e sotme në Korçë. Ky aktiviteti politik vjen një ditë pas vizitës në Ballsh....
KORÇË-Kandidati për deputet i Partisë Demokratike, Ervin Salianji ishte i pranishëm ditën e sotme në Korçë. Ai ndodhej në Libonik të Kor&cced...
TIRANË– Presidenti Ilir Meta ka ndarë raportin e ‘Monitor’ në lidhje me largimin e të rinjve nga vendi. Meta shkruan se kjo është një pla...
LEZHË– Kandidatja për deputete e Partisë Demokratike, Lindita Metaliaj ishte e pranishme ditën e sotme në familjen Gazulli në Lezhë. Metaliaj ka bërë të di...
TIRANË– Futbollisti i njohur shqiptar, Andi Lila ka marrë një post të rëndësishëm në Partinë Demokratike. Lila është emëruar koordinator kombëtar i partisë...
TIRANË– Aktorja Tinka Kurti është bërë pjesë e spotit të kryeministrit Edi Rama. Pas zërit të Robert Ndrenikës, këtë herë është Kurti, ajo që shprehet se E...
TIRANË– Emri i Bashkim Finos është hequr nga fleta e votimit për qarkun e Fierit.Meqë Kodi Zgjedhor nuk lejon ndryshime të kandidatëve pas regjistrimit, Kr...
TIRANË– Kryedemokrati Lulzim Basha ka ndarë mëngjesin e sotëm raportin e ‘Transparency International’. Basha shkruan se sipas raportit, Shqipëria është sht...
TIRANË– Kryetarja e Lëvizjes Socialiste për Integrim, Monika Kryemadhi ka “shpërthyer” në akuza ndaj kryeministrit Edi Rama. E ftuar në emisionin “Tempora”...
TIRANË– Kryeministri Edi Rama ka zhvilluar online një mbledhje me kandidatët për deputetë të Partisë Socialiste. Biseda është zhvilluar menjëherë pas aktiv...
