E rëndë në Sarandë/ I kërkoi të largohej nga shtëpia, 42-vjeçari në gjendje të dehur vret shokun (EMRAT)
FOTO/ Sherri në Sarandë, del fotoja e autorit 6 Tetor, 21:50 Detaje të reja nga vrasja në Sarandë/ V...
FOTO/ Sherri në Sarandë, del fotoja e autorit 6 Tetor, 21:50 Detaje të reja nga vrasja në Sarandë/ V...
Berisha: Duke filluar nga nesër, mosbindje civile pa ndalim, Europa na mëson një gjë, liria ka një emër ky emër &eu...
Zjarri në Komisariatin e Shijakut, reagon policia: Shkak dyshohet një shkëndijë elektrike, AMP ka nisur hetimet 5 ...
Cilat janë lagjet më problematike? Përmbytjet me dëme katastrofike në Vlorë, pronarët e bizneseve: Humbja mun...
Tirana të përplaset e vrazhdë edhe pse e dashur, jugu të bie me dhimbje kokës edhe pse i yti, Shqipëria të trishton edhe pse ke dorë vetë.
TIRANA- Në ngadalësimin një mujor prej punës, i domosdoshëm për rifillimin me energji të plota arrin të vëzhgosh e kapësh fenomenet, jo thjesht në shfaqje, por në shkak, duke e përftuar mekanizmin e tyre sikur çmonton e rindërton një lego 6 vjeçarësh. Tirana të përplaset e vrazhdë edhe pse e dashur, jugu të bie me dhimbje kokës edhe pse i yti, Shqipëria të trishton edhe pse ke dorë vetë.
Mbrëmë, duke bërë shëtitjen e muzgut me mamin, i ramë më gjatë se zakonisht. Zagushia e drekës po depërtohej nga ca kapilarë fresku, si për ta bërë të pavdekshmëm postulatin “iku vapa me gushtin”. S’ka ikur jo, por ngacmimet e imta të mbrëmjes nuk gabojnë. Tirana kutërbonte nga një erë e ndyrë fekalesh e plehrash, herë herë neveritëse gjer në asfiksi. Mu në qendër të saj, e paholluar, si esencë edhe drejt periferive.
Mbeturinat gufuar nëpër kazanë të ndryshkur e të shkalafitur të shfaqen pa asnjë drojë ngjitur një katedraleje, puqur një godine zyrtare, në këmbë të një muzeu, në pëqí të një lulishteje të tharë. Pemët e pakta, të zbërdhulura e fikura nga një shtresë pluhuri e dheu, lulet e tejthara, shkurret e harlisura nga djegia përvëluese e verës dhe paujitja sistemike, tokë e zhuritur, që me zor mban ca fije bari sporadik, i paqartë edhe vetë për jetën në atë shkretì.
Ajër s’ka…korridoret e lëvizjes së lirë të oksigjenit janë bllokuar nga ngrehina të përbindshme, që nuk lënë as jodin e Adriatikut e as freskinë e Dajtit të qarkullojnë e puqen në mushkëritë e njerëzve. S’lëviz më ajri, pluskon ashtu ngarkuar me ndotje mbi kokat e shëtitësve të mbrëmjes e punëtorëve të ditës. Yjet nuk dallohen qartë prej kohësh, mes syve e qiellit vjen vërdallë një masë e qelbur grimcash të ngarkuara me “jashtëqitjen” e ndërtimeve, trafikut të tërbuar, jetës kaotike dhe mungesës së rregullit, normave, pastërtisë.
Trotuaret, si çarqe këmbësh, plot dëmtime, brazda, pllaka të çngjitura, ngushtime pa sinjalistikë, funde të papritura, zgjerime të zaptuara llamarinash kantieresh ndërtimi, të pandriçuara nëse mungojnë vitrina butiqesh e zyrash shkëmbimesh valutore, ngucur nga mbipopullimi i një qyteti mallkuar në beton. Rrugicat të përdhunuara nga pallate shumëkatëshe, makina në kërkim parkingjesh, tezga mallrash kineze, frutash e perimesh importi, bidonash 5 litërshe uji, minimarketesh në mbijetesë, ngulfatur listash, me produkte të dyshimta datash skadencash, me çmime të lemerishme.
Udhëkryqe dendur turmash turistësh, të palodhur, të qeshur, të hutuar, që “flladiten” nga trafiku i lemerisur, shurdhohen nga boritë, “shpëlahen” nga shtëllunga tymi, rè pluhuri, aroma fast-food-esh, me kokën lart për të parë maja kullash, teksa shkelin pa dashje lypsarët si qilimi autentik i qytetit. Policë të rreshkur vape, orësh të tejzgjatura, pushimesh të pakta, pagash qesharake, rreziqesh të frikshme, uniformash të zbardhemura, skërmitjesh shoferësh, nervash të lëshuara, durimi të sosur. Pleq të trembur nga rreziku i pandashëm në trotuare pushtuar biçikletash, scooter-ash e rroller-ash, penguar zgavrimeve nëpër rrugët e shkalafitura, rrëzuar e lënduar nëpër zgëqe punësh të pambaruara.
Prindër me karroca në qafë çdo dhjetë metra, duke garendur si roje kopshti zoologjik për të mbrojtur fëmijët nga bishat lëshuar rrugëve, kërthinj të lodhur nga teshtima alergjish… Emigrantë, shumë emigrantë me shqipe të sakatuar, disa të malluar e bezdisur njëkohshëm, të tjerë të larë e edukuar, të kuruar e duruar, por ca edhe të shastisur e zhgënjyer, të hutuar e përhumbur. U flasin fëmijëve me takt në gjuhë të huaj a me ofshamë në shqip, gjerbin qetë kafetë a zhurmshëm pijet e shtrenjta. Janë brez i dytë, i tretë e për çudi shumë edhe i katërt emigracioni. Dyfishohet qyteti prej tyre, ndoshta dhe trefish. Ngucet qyteti, sa më shumë shtohen të ikurit aq më lart shkojnë kulla e pallate.
Nerva, psherëtima, shikime të vëngërta, folmevete, britma, sherre, frikë, shfryrje, sharje, mallkime, zgërdhirje, pështymë, hakërrime, deklarata politike, lëpirje, servilizëm, hipokrizi, mediokritet, salltanet, energji të ligëta…thashetheme, përfolje, shumë thashetheme, shumë përfolje, bezdi…ankesa për sëmundje, tumore, dhimbje kockash, djegie muskujsh, shtrëngim gjoksi, tharje fyti, migrenë, marramendje, lodhje kronike, ankth, depresion…
Tirana po lëngon, lëngon keqaz. Si aty ku shkel ti, si aty ku deliron një ndërtues, pasunar a zyrtar. Tirana po zhytet, jo në “gropën” natyrale ku Zoti e vendosi të shijojë afrinë me det e mal, po në honin e tmerrshëm të një babëzie pa frè e neglizhence pa shpirt.
Nëse nuk e dalloni ende agoninë e dhënien shpirt të saj, me siguri nuk keni dalë ende, duke ecur me prindërit e fëmijët në krah. E me gjasë nuk u dhimbsen më. E përfundimisht as puna e as mundimi, lodhja e sakrifica nuk ju garantojnë më jetë 1 shtator, rinisje në mugëtirë. Për ku?
shtatorja e skenderbeut TIRANË- Inagurimi i shtatores së Skënderbeut te Hora e Arbëreshëve në prani të kryetares së...
lideret e ballkanit perendimor BRUKSEL- Gjatë viteve të fundit, qëndrimet ndaj anëtarësimit në Bashkimin Evropian në ve...
Agustin Palokaj Edhe ata që nuk e duan aq shumë BE-në e pranojnë se ajo ka dy arritje të mëdha. E para është liria ...
foto ilustruese TIRANË- Opinioni publik prej kohësh po bombardohet me të ashtuquajturin “skandal të mikrokredive”. Shum&eu...
Ardit Bido I dashur Flamur,Ky gusht, fatmirësisht, më ka gjetur mirë nga ana shëndetësore, por rastësisht e nisa muajin duke ...
ardit bido I dashur Vangjel, Tani që mbaruan zgjedhjet dhe mund të flasim bazuar në rezultate, po të shkruaj këto pak radhë....
edith harxhi TIRANË- Më 31 korrik 1996, Shqipëria ka ratifikuar Konventën Europiane të të Drejtave të Njeriut me anë...
Pano Soko TIRANA- Arben Ahmetaj duhet ta kuptojë që "Ndiqni paranë" e them unë që deduktoj nga jashtë, jo ai që di ...
lutfi dervishi TIRANË - Mbi vendin tonë do vijojnë të mbizotërojnë temperaturat e larta të shoqëruara me shpë...
banka e shqiperise TIRANË- Banka e Shqipërisë ka të njëjtën pavarësi si Banka Qendrore Evropiane. Kjo pavarësi duhe...
