Dosja "Babale"/ "Proces gjyqësor pa kallëzim", Salianji nxjerr emrat: Denoncimet e mia për funksionarë të lartë gj...
Mbërriti nga burgu në Komision, Rjepaj: Të thuash po hetojmë projektin e ‘Sterilizimit’ nuk është e dr...
EMRAT/ Nuk i hidhnin gjobat në sistem, kush janë 22 policët e rrugores në Kukës që morën për vete mbi 2 ...
Kurti: Zgjerimi i BE-së, përgjigja më e mirë ndaj atyre që e kërcënojnë paqen dhe unitetin e Evropë...
Opozita pretendon se nuk ka asnjë ligj apo rregullore që e ndalon deputetin të hyjë në Kuvend. Në fakt kjo konfirmohet nga neni 122 që është edhe i fundit në rregulloren e Kuvendit.
Zyrat e Kryesisë së Kuvendit u mbushën me forcat e sigurisë që nuk lejuan deputetët e opozitës të hynin. Në fillim u ndaluan të gjithë, pastaj vetëm ata që ishin përjashtuar, një pjesë e të cilëve hynë nga dritarja për të marrë pjesë në mbledhjen e grupit parlamentar të Partisë Demokratike. Deputetët jashtë derës së Kuvendit, akuzuan gardistët se po shkelnin ligjin. Kur drejtuesi i forcave të sigurisë i tregoi kryetarit të grupit të PD-së, Gazment Bardhi, shkresën që i urdhëronte për ta bërë këtë, doli që nuk kishte asnjë urdhër me shkrim për ndalimin e deputetëve.
Opozita pretendon se nuk ka asnjë ligj apo rregullore që e ndalon deputetin të hyjë në Kuvend. Në fakt kjo konfirmohet nga neni 122 që është edhe i fundit në rregulloren e Kuvendit.
Neni 122
Shërbimi i Sigurisë në Kuvend
1. Për të siguruar rendin dhe qetësinë, në të gjitha mjediset e Kuvendit funksionon Shërbimi i Sigurisë në Kuvend. Shërbimi i Sigurisë në mjediset e Kuvendit është i armatosur, ndërsa në sallën e zhvillimit të seancave plenare ose mbledhjeve të organeve të Kuvendit është i paarmatosur.
2. Shërbimi i Sigurisë pajiset me uniformë të veçantë dhe mjete teknike për plotësimin e detyrave të tij.
3. Punonjësit e Shërbimit të Sigurisë në Kuvend në sallën e zhvillimit të seancave plenare dhe mbledhjeve të organeve të Kuvendit veprojnë vetëm me urdhër të Kryetarit ose të drejtuesit të seancës/mbledhjes, ndërsa jashtë tyre sipas rregullave të përcaktuara nga Byroja e Kuvendit.
4. Shërbimi i Sigurisë në Kuvend siguron kontrollin e hyrje - daljeve të të gjithë personave në mjediset e Kuvendit. Kur dyshohet se personi mban armë, lëndë plasëse, sende të dëmshme ose materiale të papërshtatshme, të cilat mund të pengojnë zhvillimin e veprimtarisë parlamentare, ai kontrollohet edhe fizikisht. Në rastet kur personi nuk pranon të kontrollohet, Shërbimi i Sigurisë ndalon hyrjen e tij në mjediset e Kuvendit dhe vepron sipas legjislacionit në fuqi. Përjashtohen nga kontrolli Presidenti i Republikës, Kryetari i Kuvendit, Kryeministri, Kryetari i Gjykatës Kushtetuese, Kryetari i Gjykatës së Lartë, Prokurori i Përgjithshëm, ambasadorët e akredituar në Republikën e Shqipërisë apo me status të barabartë me ta.
5. Shërbimi i Sigurisë në Kuvend për anën administrative, financiare dhe të përgatitjes profesionale bën pjesë në Gardën e Republikës.
Si mund te lexohet në asnjë pikë të nenit nuk parashikohet ndalimi i deputetëve për të hyrë në sallë apo selinë e Kuvendit, përveç rastit kur ai nuk pranon të kontrollohet nga forcat e sigurisë. Kjo që ndodhi sot, nuk parashikohet as nga urdhërat e veçantë të Byrosë së Kuvendit, pra është shkelje e rregullores, edhe nga Kryetarja e Kuvendit, edhe nga Forcat e sigurisë së Kuvendit.
Jo vetëm kaq. Shkelje të rregullores kanë bërë edhe Eduart Shalsi dhe Klotilda Bushka. Kryetari i komisionit të Ekonomisë dhe Kryetarja e Komisionit të Ligjeve, zhvilluan me vendim personal mbledhjet online. Në fakt rregullorja e Kuvendit parashikon se mbledhjet online të komisioneve bëhen vetëm me vendim të Konferencës së Kryetarëve. Përderisa Konferenca e Kryetarëve nuk u mblodh, të dyja mbledhje e sotme ishin të paligjshme.
Mbledhjet në rastet e masave të jashtëzakonshme
Në raste të masave të jashtëzakonshme që mund të vendosen për shkak të gjendjes së luftës, gjendjes së jashtëzakonshme ose gjendjes së fatkeqësive natyrore, mbledhjet e seancës plenare dhe organeve të Kuvendit mund të zhvillohen edhe në distancë nëpërmjet mjeteve të komunikimit elektronik.
Seanca plenare mund të mblidhet edhe fizikisht me numër të reduktuar të deputetëve. Kryetari i Kuvendit urdhëron zhvillimin e mbledhjeve në distancë nëpërmjet mjeteve të komunikimit elektronik të Konferencës së Kryetarëve, Byrosë së Kuvendit dhe Këshillit për Rregulloren, Mandatet dhe Imunitetin.
Konferenca e Kryetarëve vendos zhvillimin e mbledhjeve në distancë nëpërmjet mjeteve të komunikimit elektronik të komisioneve parlamentare, si dhe zhvillimin e mbledhjeve në distancë nëpërmjet mjeteve të komunikimit elektronik ose me numër të reduktuar të deputetëve të seancës plenare.
Në rastet e zhvillimit të mbledhjeve në distancë nëpërmjet mjeteve të komunikimit elektronik, sipas parashikimeve të këtij neni, do të respektohen për aq sa mundet rregullat proceduriale të parashikuara në Rregullore.
Shqipëria, me një sipërfaqe relativisht të vogël, ka një trashëgimi të pasur natyrore dhe kulturore, të lasht&eum...
FATF Në 2020 Shqipëria u fut në listën gri të pastrimit të parave dhe financimit të terrorizmit. Në bazë t&eum...
Suea Kalaja Nga Suela Kalaja, Psikologe Nje mesuese sapo nisi te shkruaje kush do te jete ai djale 16 vjecar ne te ardhmen ! ? Nje njeri me i mire apo nje...
Ervin Mete TIRANË- Sufiçiti buxhetor i Shqipërisë, teprica mes të ardhurave që qeveria mbledh në arkën e saj...
Foto Në vitin 2022 në një anketë të zhvilluar nga PNUD në bizneset e hotelerisë, u nxorrën konkluzionet se, 5...
Taulant Dedja 12 vitet që pata fatin të punoj për strukturat e shtetit shqiptar, ndër të tjera dhe për qytetin e Tiranë...
foto ilustruese Roli i Teknologjisë së Informacionit dhe Komunikimit në Turizmin Shëndetësor, Robotika në Stomatologji. ...
KQZ Në Komisionin Qendror të Zgjedhjeve po paraqiten zinxhir një sërë dorëheqjesh nga këshilltaret bashkiake të cil...
Benjamin Netanyahu Sulmi më vdekjeprurës në territorin izraelit në 50 vjet është përgjegjësi e qartë...
Pishporo Pishporo është një bashkim fshatrash mes Semanit dhe Vjosës. Një fshat quhet Poro dhe fshati tjetër quhet Pishë...
