Tronditet Elbasani/ Konflikti përfundon në përdorimin e armës së zjarrit, plagosen tre adoleshentë
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Shqipëri– Në një shkrim të botuar një vit më parë Rikard Lajarja kujton tre aktorët Çun Lajçin, Pistol Sojën dhe Prenk Lëkundën, të cilët mësuan vdekjen e njerëzve të tyre të dashur gjatë kohës që ishin në skenë dhe nuk pranuan ta linin në mes shfaqjen, por e përfunduan.
Teatri si mënyrë e shprehjes së superstrukturës së një bashkësie, si shprehje e koncentruar e ngjarjeve… ka mijëra vjet që ekziston. Në parahistori fiset mblidheshin mbas gjahut o para se të niseshin për gjah dhe vallëzonin duke shkërbyer skenën e gjahut.
Ky vallëzim ishte embrioni i teatrit. Që në ato kohë teatri ka evoluar me faza deri sa ka ardhur në këtë kohë. Këtu nuk është vendi për të shtjellue historikun e teatrit, le që edhe nuk e di mirë.
Po teatri i sotëm dihet si është! Në shkollë programi ishte shumë i ngjeshur. Në atë kohë studionim gjithë programin e degës gjuhë-letërsi, përveç gramatikës historike e ndonjë lënde tjetër shumë specifike.
Kryesore ishte lënda e mjeshtërisë së aktorit. Gjatë orëve të gjata të mësimit, profesorët herë mbas here na përsëritnin: “Skena është e shenjtë”. E kuptonim dhe s’e kuptonim domethënien e kësaj: “E SHENJTË”.
Në fund të fundit skena kishte një dysheme dërrase, një perde të rëndë (sipari) që e ndante nga salla, ca kuinta, dekorin që bëhej i ndryshëm për çdo shfaqje… po “shenjtërinë”… Shkallë-shkallë po kuptonim se skena vërtet ishte vend i shenjt.
Të arrije të dilje në skenë ishte gjë shumë e madhe. Të arrije të ishe nën shikimin e gjashtëqind-shtatëqind palë syve e veshëve që të kundronin deri lëvizjen më të vogël… nuk po them për të tjerat…
Prandaj respekti për spektatorin që ka paguar, të shoh shfaqjen, të të duartrokas duhej të ishte i jashtëzakonshëm. Në konceptin “Shenjtëri” hynte si i përveçëm dhe më i rëndësishmi spektatori. Më në fund e kuptuam dhe e besuam. Seriozisht. Deri n’ekstrem.
Teatri është vërtetë i shenjtë në gjithë tërësinë e tij, me gjithë çfarë përmbledh godina: Salla, skena, prapaskena, kabinat, xhepat e dekoreve, ndriçimi… dramaturgjia, regjisorët, aktorët, punëtorët e skenës… Spektatorët. E gjithë godina dhe çfarë përfshihet brenda saj është në shërbim të spektatorit…
Këto radhë u nxitën nga një intervistë në Top Channel e aktorit Çun Lajçi. Çuni fliste ngadalë, me një zë të ngrohtë, i qetë, për vajzën e tij që ishte larguar nga kjo jetë. Thua të mos kishte dhembje!
Tronditja ishte e jashtëzakonshme. E thellë! Kishte ik vajza, loçka e zemrës. Po Çuni vjen nga bjeshkët e Rugovës… Në dorë rrotullonte tre libra. Ishin tri vëllime me poezi që i dedikoheshin vajzës që nuk jetonte më.
Bubulinës. Bubulinës që iku. Kush e përzuri. A thua ne?! A thua çnjerëzimi i epokës që po kalojmë!? Çuni lexoi vetëm tri poezi. Ishin vërtet poezi. Çuni është poet. Poet në kuptimin e vërtetë të fjalës.
Po Çuni është edhe interpretuesi më i mirë nder shqiptarë i veprës së Pader Gjergj Fishtës, Çuni është edhe lahutari mjeshtër që shoqëron veprën epike të poetit kombëtar. S’po them se Çuni është dhe mjeshtri i skenës dhe ekranit se kjo dihet botërisht.
Po tjetërkund e kam fjalën. … Në vitet ’70 Çuni ishte djalë i ri. Teatri i Prishtinës vuri në skenë “Hamletin”. Dhe Çun Lajçit iu besua kryeroli.
Erdhi edhe nata e premierës. Salla ishte mbushur plot. Duhet t’i merrni me mend emocionet e aktorëve e sidomos të Çunit Hamlet atë natë para se të fillonte shfaqja.
Pak përpara se të hapej sipari dikush i futi në dorë një telegram. Çuni e hapi dhe lexoj: Ka vdekë nana. A ka njeri që e përfytyron pështjellimin psikik e fizik të atij çasti? Çfarë ndodhi në atë sekondë brenda qenies së Çun Lajçit aktor, Çun Lajçit Hamlet dhe Çun Lajçit njeri, bir i një nane që nga ai çast nuk është më!
Mbasi u mbyll sipari e vazhdonin duartrokitjet, Çun Lajçi zu një qoshe dhe shpërtheu, u shkreh në vaj. Regjisorja po e kërkonte në të gjitha qoshet e skenës.
Më në fund e gjeti. Çfarë? Si? Kush të ka… Duke belbëzue mes lotësh Çuni tha: Më ka vdek nana. Pra, a ishte i shenjtë spektatori i asaj nate në teatrin e Prishtinës, në tempullin e fjalës?
Për Çun Lajçin po. Dhe ai e respektoi deri në ekstrem, duke dalë mbi dhimbjen e shpirtit të tij. Por nuk është i vetmi. Pistol Soja, aktor i teatrit “Migjeni” kishte dy vajza.
Kishte premierën e komedisë “Shërbëtori i dy zotnive” kur i vdiq njëra nga vajzat në moshë të adoleshencës. Dhe Pistoli e interpretoi rolin kryesor. Vajza i vdiq dhe ai interpretoi në komedi. Po kështu Prenk Lëkunda.
Teatri “Migjeni” ishte në turne në Korçë. E lajmëruan pak para se të fillonte shfaqja: Djali është mbytur në Drí. I propozuan të anulonin shfaqjen, t’i kërkonin të falur publikut, dhe të gjenin një makinë e ta nisnin urgjent për Shkodër. Nuk pranoi, nuk pranoi në nderim të spektatorit. Në nderim të “Shenjtorit” që priste brenda tempullit të shijonte fjalën. Dhe shfaqja u bë.
Besoj se nuk janë të vetmit, po këta mbaj mend unë. Po sot? Sot a ka nga ata që besojnë në shenjtërinë e teatrit!? … ????… Apo janë bërë të gjithë “ateistë”. Mos kishte diçka çnjerëzore në këtë akt!? Apo ky akt ishte hyjnor sepse teatri është i shenjtë, vërtet i shenjtë! S’di çfarë të them. Gjykoni vetë.
J.V/Dosja.al
Tirana është boshatisur për ditët e pushimit. Cilën nga ritet e shenjta po ndiqni:
TIRANË– E zhdukur për disa kohë nga syri i publikut në Shqipëri, Linda Rei ka vendosur që të rikthehet në qendër të vëmendjes. Gjatë rubrikës me pyet...
TIRANË– Pas xhirimeve të filmit “I love Tropoja” këngëtarja e njohur Enca duket se ka nisur pushimet. Enca ka postuar një foto në rrjetin...
DashiPas një mjaft të lodhshme do të keni mundësi që të gjeni qetësinë. Po ashtu do të keni mundësi që të rikuperoni një krizë në çift. Pritet që gjatë k...
TIRANË- Arbana Osmani mbrëmë i surprizoi të gjithë, pasi u shfaq duke bërë lidhje direkte nga stadiumi ku do luhej sfida Francë-Shqipëri. Nga prezantuese ...
TIRANË– Danieli, djali i Dr. Florit ka sot ditëlindjen. I biri i këngëtarit të ndjerë mbush 5 vjeç dhe në këtë ditë festive ka marrë urime të ...
TIRANË- Ish-ministrja e Integrimit, Majlinda Bregu i ka bërë të gjithë të kthehën pas në kohë me një foto që vetëm ata njerëz që kanë përjetuar kohën e ko...
TIRANË- Xhemi Shehu është një nga personazhet më të dashura të ekranit shqiptar, e cila ka rreth vetes një numër shumë të madh fansash.Edhe në rrjetet soci...
SPANJË- Rreth 15 mijë njerëz nga qyteti Baza dhe Guadix në pjesën jugore të Spanjës kanën marrë pjesë të premten në festivalin e pazakontë të quajtur ̶...
PRISHTINË- Ky evenimet mjaft i rëndësishëm humanitar do realizohet brenda këtij muaji në Prishtinë, teksa do të ketë një transmetim live nga RTV 21 dhe në...
FRANCË– Ditën e djeshme Kombëtarja Shqiptare e Futbollit humbi me rezultatin 4-1 ndaj kampionëve të boktës, Francës. Ndeshja nisi ters pasi në vend të himn...
