Sulmoi me sende të forta efektivin e policisë në Shkodër, identifikohet autori (EMRI)
25 Mars, 17:45
Godit...
Aktualitet
“I ati i Dendias mbante në zyrë bustin e Skënderbeut”/ Gazetari tregon takimin me Spiro Deden në Korfuz, si iku nga Hima
22 Tetor 2020, 15:18Nga DOSJA
TIRANË– Gazetari Nebil Çika ka rrëfyer takimin me babanë e ministrit të Jashtëm grek, Nikos Dendias, kohë më parë në ishullin e Korfuzit. Në një shkrim të gjatë në Facebook, Çika shkruan se Spiro Deden (Dendias), e kishte takuar në fillim të viteve 1990, kur drejtonte disa biznese dhe ishte kryetar i “Dhomës se Tregtisë ” së Korfuzit. Fliste shumë mirë shqip. Sipas gazetarit, babai i ministrit mbante në zyrën e tij bustin e heroit tonë kombëtar Gjergj Kastriot Skënderbut.
“Më bëri përshtypje dhe e pyeta pak i habitur: Se pse mbante në një dhomë tregtie heroin kombëtar të vendit tim. E di që është një prijës e luftëtar i madh por për tregtar nuk e di të ketë qenë – e pyeta ,jo pa qëllim . Përgjigja e Spiro Dedes më befasoi e me pëlqeu shumë : “Për tre arsye e mbaj ne zyrë Skënderbeun. E para – ishte një gjeneral i madh! E dyta- luftoi kundër turqve! Dhe e treta, që është edhe restoja ime për ty, (mu drejtua mua )- është se të paret e mi ishin luftëtarë të tij,”-shkruan gazetari.
POSTIMI I PLOTË:
“Të paret e mi ishin luftëtarë te tij “ -Ç’farë më tha i ati i ministrit te jashtëm grek per Skënderbeun! Këto dite ka qarkulluar në media një lajm për origjinën shqiptare të ministrit te jashtëm grek Nikos Dendias i cili vizito Shqipërinë , në të cilin jam përmendur edhe unë. Është e vërtetë që e kam takuar disa herë të atin e tij. Spiro Dede (Dendias) kur botoja e drejtoja gazetën “Saranda” në Sarandë . Në fillim të viteve 1990 ishte biznesmen dhe kryetar i “Dhomës se Tregtisë ” së Korfuzit. Fliste shumë mirë shqip. Jo vetëm nuk e mohonte por edhe e theksonte faktin që ishte nga Iliazi një fshat i Bashkisë Himarës , një fshat vetëm pak kilometra ne brendësi të Shqipërisë nga fshati im Borshi. Të qenit “patriotë” , nga e njëjta zonë na e bënte më të lehtë komunikimin. Origjinën e tij shqiptarë na e ka deklaruar edhe publikisht kur bashkë me një grup gazetarësh të tjerë ishim të ftuar në Korfuz në 1994 kur Gjermani i dorëzonte Greqisë kryesimin e BE. Në axhendë kishim edhe një vizitë në dhomën e Tregtisë së Korfuzit ku na priti Spiro Dede . Në zyrën e vet mbante bustin e heroit tonë kombëtar Gjergj Kastriot Skënderbut. Më bëri përshtypje dhe e pyeta pak i habitur: Se pse mbante në një dhomë tregtie heroin kombëtar të vendit tim. E di që është një prijës e luftëtar i madh por për tregtar nuk e di të ketë qenë – e pyeta ,jo pa qëllim . Përgjigja e Spiro Dedes më befasoi e me pëlqeu shumë : “Për tre arsye e mbaj ne zyrë Skënderbeun. E para – ishte një gjeneral i madh! E dyta- luftoi kundër turqve! Dhe e treta, që është edhe restoja ime për ty, (mu drejtua mua )- është se të paret e mi ishin luftëtarë të tij .” Që Nikos Dendias është me gjak shqiptari kjo nuk vihet në dyshim , por për të gjaku nuk duket se ka rendësi, rëndësi ka si ndjehet e për kë punon ai dhe është e sigurt që deri tani punon për Greqinë. Qënia e tij gjenetikisht shqiptare nuk i sjell asnjë favor Shqipërisë. 50 % të gjakut, shqiptar, e ka edhe kryeministri Micotaqis . Marika, nëna e tij ishte nga familjet e njohura shqiptare ( arvanitase) të Athinës . Por sa ai, 50 % shqiptar, e ka gjakun edhe kryeministri i Shqipërisë Edi Rama . Gjaku ka rëndësinë e vete në veprimet e një njeriu por ne kemi parë se shumë herë gjëmën, si popull e komb, na e kanë bërë njerëz me gjak shqiptari. Por me që lajmi u botua në kuadër të marrëdhënieve me Greqinë, ja vlen të kujtojmë se edhe Nepolon Zerva, që drejtoi gjenocidin ndaj çamëve, me gjak shqiptari ishte! Nebil Çika”.
Kryediplomati grek ka pranuar vetë se është shqiptar prej babait dhe e ka origjinën nga një fshat i Himarës, të cilin ka premtuar të vizitojë herën tjetër që do të vijë në Shqipëri.
(k.m/dosja.al)
1 vit nga zgjedhjet e 25 prillit si e shikoni gjendjen e vendit:
TIRANE-Kopshti publik në qytetin e Peqinit është mbyllur pasi njëra nga edukatoret ka rezultuar pozitive me COVID-19.10 punonjëse të kopshtit kanë shfaqur simpt...
Agjencia e Prokurimit Publik ka bërë verifikimin për disa procedura prokurimi të zhvilluara përgjatë viteve 2018-2020 ku ka konstatuar edhe raste shkeljesh duke...
TIRANE– 3 persona kanë humbur jetën 24 orët e fundit nga COVID ndërsa 302 raste të reja janë shënuar te Infektivi në Tiranë. Në 24 orët e fundit në Shqipëri jan...
TIRANE– Kreu i Kadastrës, Artan Lame ka dhënë lajmin e hidhur se babai i tij ka ndërruar jetë.Në një shkrim në Facebook, Lame shkruan se pavarësisht se të gjith...
TIRANE– Ambasada e SHBA në Tiranë dhe ambasadori i BE, Luigi Soreca kanë reaguar në lidhje me miratimin e 111 votave pro për rezolutën për antisemitizmin. Ambas...
TIRANE– Gjatë 24 orëve të fundit janë vendosur 810 masa administrative për qytetarët që janë konstatuar pa maska mbrojtëse. Shërbimet e Policisë kanë konstatuar...
TIRANE– Konsumi i hashashit po ndodh hapur në Tiranë. Kjo gjë mund të vërehet jo vetëm përmes shqisave në lagje apo në hyrje të pallateve, por edhe nëse f...
TIRANË– Enver Dondollaku, besniku i Albo Bares dhe numri DY i Bandës së Lushnjes është kthyer në dyert e Gjyaktës së Elbasanit, për të parashtruar nj...