Gjyqi Meta-Kryemadhi/ Seancë me dyer të mbyllura, gjykata refuzoi transmetimin live! Meta: Jam beqar
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
GJKKO rrëzon Metën! Kërkesa për transmetim ‘live’ të seancës dhe dalja nga kafazi i xhamit, nuk pranoh...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
TIRANË-Armand Broshka, mësues violine në shkollën e mesme artistike “Onufri”, i është kundërvënë ministres së Financave, Anila Denaj, dy ditë pasi ajo zbuloi si histori suksesi, reperin Noizy. Në një shkrim të gjatë në rrjetet sociale, Broshka thotë se është zhgënjyes fakti sesa pak vlerësohen artistët e vërtetë në Shqipëri. Ai shton se ishin kolegët e Denajt, që në dhjetor, e quajtën vetë modelin e Noizyt, si “huligani dhe rrugaçëri”, kur shpërthyen protestat për Klodian Rashën, ndërsa sot i prezantojnë si histori frymëzimi. Me ironi, violinisti shkruan se “do t’ju mësoj nxënësve të mi të bëhen si Noizy”, që për të është një shembull që promovon dhunë dhe jo art.
POSTIMI I PLOTË:
“Do t’i them nxënësve të mij të bëhen si Noizy!”
Zonja ministre e financave si duket nuk e di se në Republikën e Shqipërisë përveç Liceut Artisitik “Jordan Misja”, shkollës së baletit dhe shkollës 9-të vjeçare “Servete Maçi” në Tiranë, ekzistojnë edhe 8-të shkolla të tjera të mesme artistike si, Shkodër, Durrës, Elbasan, Berat, Fier, Vlorë, Korçë dhe Gjirokastër. Të gjitha këto shkolla përgatisin nga klasa e 1-rë deri tek e 12-ta artistë (instrumentistë, piktorë, skulptorë, balerinë) të rinj, të cilët pasi mbyllin ciklin e tyre në këto shkolla, pranohen edhe nëpër konservatore, akademi dhe universitete artesh kudo nëpër evropë e botë, madje diplomohen atje me rezultate të larta. (Përfshirë këtu edhe Universitetin tonë të Arteve) Edhe pse studiojnë në të njejtin profil minimalisht për rreth 16 vjet (madje më shumë edhe se vetë mjekët), vetëm pas këtyre viteve nis rrugëtimi i tyre në këtë profesion. Artistët e diplomuar janë individët më të denjë për një shoqëri të civilizuar, sepse i dhurojnë kombit të tyre art të mirëfilltë, zhvillim, studim, dinjitet, histori dhe emër të mirë kudo ku ato përshfaqin aftësitë, intelektin dhe qytetarinë e tyre. Këta artistë janë shtresa më lartë dhe e edukuar e një shoqërie, por e lënë në hije sepse prozhektorët drejtohen tek Noizy. Kriza ku ndodhemi ne si komb flet vetë, mjafton të shohim se si ministrja e financave mburret e i thotë “Kompozitor” një individi pa shkollë dhe pa diplomimin përkatës, gjithashtu që njihet për rrugaçërinë e tij, kryesisht në tekstet banale që reciton (se muzikën ja kompozon tjeter kush), me përmbajtje dhune, imoraliteti e degradimi social, ku promovon lacat e rrugës, pushtetin e parasë dhe armëve. Të gjithë e kemi parë se si ky individ promovon dhunën tek të rinjtë duke nxjerrë me mburrje video ku qellohen me armë mes bandash rivale rrugëve të Kosovës dhe Shqipërisë, madje duke ja hedhur paq edhe ligjeve të shtetit. Ky është modeli që promovon ky “Kompozitor” tek të rinjtë sot zonja ministre! Sa për kujtesë znj.ministre, ky ishte ai modeli i të rinjve që dogjën Tiranën në dhjetor, e mbani mend?! Madje kolegët tuaj i quanin huliganë e rrugaçë. Edhe sikur ky individ të ishte biznesmeni më i fuqishëm në rajon, nuk i takon një ministreje të bëjë të tillë “PR” plot mburrje, se gjoja na qenka puna e saj që ky biznesmen paska patur sukses.
Të gjithë ne e njohim shprehjen e famshme të Sorrosit: “Mos më pyesni se si e bëra milionshin e parë, ndërsa për të tjerat ua faktoj unë një më një”. E pra, ne të gjithë e dimë se me para të ndershme nuk bën dot asnjë i ri 8 certifikata biznesesh, madje as ju vetë me rrogën e ministres së financave. Së fundmi, meqë hyre në profesionin tonë, po guxoj dhe unë të futem në tëndin zonja ministre, dhe po të jap një këshillë: Përpara se t’i promovosh këta biznesmenë “Kompozitorë”, fillimisht hetoi burimin e pasurisë para milionëshit të parë dhe evazionit fiskal që bëjnë çdo ditë. Gjithashtu, po ju kujtoj se ministria juaj ka dhënë zero (0) fonde për politika zhvilluese, mbështetëse apo novatore për këto shkolla artistike në rrethe. Nëse do i njihnit, do ta shihnit se këto shkolla në fakt ndodhen në gjendje të mjerueshme si godina dhe infrastrukturë, pa drita, pa ngrohje, pa xhama e me tualete si në mesjetë. Kjo është gjendja e “kompozitorëve” nëpër këto shkolla, pak ndryshe nga ajo e “kompozitorëve” që ju promovoni. P.S.
Sa për balancë politike, po ju them se nuk e kam harruar as faktin e dekoratave qesharake presidenciale të këtyre 10 viteve, si rasti i një tjetër “Këngëtari” që u dekorua me titullin “Mjeshtër i madh” nga presidenti para pak ditësh, ku dihet që artistë të vërtetë (jo-partiakë) nga ata të 16 viteve që i përmenda më lart, i kanë dhënë e i japin vendit tonë një kontribut të paçmuar pa asnjë titull mbi shpatullat e tyre, por vetëm me punë serioze dhe dinjitet. Uroj të reagojnë të gjithë artistët njëzëri!
Mjaft më me këto tallje e promovime të antivlerave!
MJAFT!
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
VLORË- Pezullohen lundrimet për anijet dhe mjetet e vogla lundruese në Vlorë.Burime bëjnë me dije se pezullimi i mjeteve është bërë për shkak të motit të k...
TIRANË- 5 persona janë arrestuar në Tiranë, pasi akuzohen për dhunë fizike, drejtim automjeti në gjendje të dehur si dhe për kryerje aksidentesh.Policia ka...
TIRANË- Dosja.al ju sjell lajmet më kryesore të ditës në portalet në vend.Dosja.al ka në faqe të parë lajmin për vdekjen e 57-vjeçarit nga Ballshi, ...
TIRANË- Pelivan Sinorrapaj nga Mallakastra ka ndërruar jetë mbrëmjen e djeshme në spitalin e Traumës. Ai u dhunua barbarisht me shufra hekuri, nga tri shok...
SHQIPËRI– Moti i keq ka përfshirë sërish ditën e sotne vendin. Si pasojë e reshjeve dhe erërave të forta, lundrimi i mjeteve të vogla në Vlorë është pezull...
VLORË– Klubi i miqve të Gentian Qarrit janë në zi pasi kanë humbur mikun e tyre. Në një postim në rrjetet sociale, Vespa Club Vlora njofton me hidhërim të ...
VLORË– Dosja.al ka siguruar fotot e Gentin Qarrit, 40-vjeçarit që u ekzekutua mbrëmjen e sotme në Vlorë.Më poshtë Qarri, personi që u qëllua më shum...
VLORË– Nëna e Gentian Qarrit ka shpërthyer në lot e ulërima, kur ka kuptuar që i kanë vrarë të birin. Në videon e mëposhtme shihet dhe dëgjohet nëna e Qarr...
VLORË– Dosja.al ka mësuar se 40-vjeçari që u ekzekutua me më shumë se 20 plumba mbrëmjen e sotme në Vlorë, punonte si hidraulik. Mësohet se Qa...
VLORË– Gentian Qarri, 40-vjeçari që u ekzekutua pasditen e sotme në Vlorë është një person me precedentë penalë. Dosja.al ka mësuar se Qarri n...
