Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
SHQIPËRI – Teknologjia e informacionit kishte nisur rritjen vitet e fundit, ndërsa pandemia i dha një tjetër hov sektorit. Sipas të dhënave të marra nga Drejtoria e Përgjithshme e Tatimeve, konstatohet një rritje e numrit të kompanive të regjistruara në sektorin e TIK me 46% nga viti 2018 në 2019, duke sjellë një rritje prej 12% të aktivitetit ekonomik dhe 23% në numrin e të punësuarve.
Kjo e bën sektorin e IT në Shqipëri, si tendencë globale tashmë, një ndër sektorët që pritet të ketë ecurinë më të mirë në vitet e ardhshme. Ndikimi për këtë ka ardhur nga dixhitalizimi në masë të gjerë, si dhe nevojat specifike që Pandemia solli, ndër të cilat edhe konceptin e ri të Smart working.
Tomi Kallanxhi, drejtues i “Big Media Expert”, thotë për “Monitor” se 2022 pritet që t’i japë më tepër hov dixhitalizimit.
“Ne presim që të vazhdojmë transformimin dixhital të kompanive, por dhe një rol kryesor do të ketë dhe outsource, për shkak të kërkesës së lartë për resurse teknologjike në të gjithë planetin. E përkthyer në termat e biznesit, kompanitë shqiptare të këtij sektori pritet të kenë hov rritje”, përfundon ai.
Aneida Bajraktari, drejtuese e “Balkans Capital”, thotë se, 2022 mendohet të jetë një vit më i qëndrueshëm se dy vitet që lamë pas.
“Pandemia shërbeu shumë mirë për të hapur dyert e ekonomisë dixhitale. Teknologjia dhe inovacioni do të vazhdojnë të jenë faktor kyç në ndryshimin e industrive dhe transformimin e bizneseve. Për sa i përket industrisë ku “Balkans Capital” operon, mendoj se fiskalizimi do të ketë një ndikim të madh në uljen e informalitetit në ekonomi, ndërsa teknologjitë blockchain dhe kriptovalutat do të marrin edhe më shumë vëmendje” – përfundon ajo.
Flet Gjergji Robo, CEO i “Smartwork”
Fillimi i pandemisë në vitin 2020 solli mbylljen e shumë projekteve, pasi shoqëritë e huaja u detyruan të ishin më konservatore në investimet e tyre në IT.
Kështu shprehet Gjergji Robo, ekspert i fushës, i cili shton se vazhdimi i punës gjatë pandemisë solli një koncept tjetër pune, smart working…
Si ka qenë ecuria e sektorit dy vitet e fundit (IT dhe Smart working)?
Në këto dy vite, modelet e biznesit kanë pasur një ndryshim të madh, të shpejtë dhe të papritur. Gjatë kësaj periudhe, të gjithë u angazhuam të përshtateshim dhe të bënim më të mirën në rrethanat që ndodheshim. Fillimi i pandemisë në vitin 2020 solli mbylljen e shumë projekteve, pasi shoqëritë e huaja u detyruan të ishin më konservatore në investimet e tyre në IT.
Vazhdimi i punës gjatë pandemisë solli një koncept tjetër pune, smart working. Të gjithë punonjësit mund të punonin nga kudo që ndodheshin, por kjo kërkonte mbështetje dhe investim në sistemet e informacionit. Viti 2021 ishte viti i “bounce back”, ku shumë biznese u fokusuan të investonin në sisteme, të cilat realizojnë menaxhimin e të gjithë departamenteve dhe komunikimin e stafit sipas roleve.
Kjo valë ndryshimesh solli investime, duke filluar me ndërtimin e faqeve e-commerce për shitjen e produkteve online, deri në implementimin e sistemeve ERP, të cilat i lejojnë punonjësit të aksesojnë sistemin remote dhe në mënyrë të sigurt.
Me këto hapa dhe zhvillime teknologjike, të gjithë mund të punojnë nga kudo dhe me orare fleksibël. Kjo është një nga kërkesat më të shpeshta gjatë proceseve të rekrutimit. Bazuar në modelin tonë të biznesit dhe politikat e brendshme, Smartwork ofron të gjithë mbështetjen e saj teknologjike dhe fleksibilitetin e kërkuar nga stafi për mbarëvajtjen e punës, arritjen e rezultateve të detyrave dhe balancën punë-jetë.
Cilat janë vështirësitë më të mëdha të fushës?
Krijimi i kompanive të reja në fushën e IT-së e ka bërë tregun shumë konkurrues. Sfida më e madhe është gjetja e talenteve të reja. Në Smartwork kemi aktivizuar fushatën Rebrand yourself!, ku ofrojmë mundësi trajnimi gjatë punësimit, për sistemet ERP.
Interesi dhe aplikimet janë të shumta nga të rinjtë, të cilët vlerësojnë mundësinë e dhënë për t’u fokusuar në një karrierë afatgjatë në fushën e teknologjisë së informacionit. Brenda një kohe të shkurtër nga punësimi kemi evidentuar dëshirën dhe këmbënguljen e të rinjve për të mësuar dhe për t’u angazhuar më tepër në projekte. Nuk mund të lë pa shprehur krenarinë/gëzimin për mundësitë që Smartwork u jep të gjithëve për të gjetur veten dhe për të ndërtuar karrierën e tyre.
Si e prisni vitin 2022?
Viti 2022 do të vijë me shumë mundësi dhe projekte të reja për Smartwork. Hapat e parë janë hedhur dhe rezultatet do të shihen në muajt e parë të vitit. Ne do të vazhdojmë të ndjekim risitë më të fundit teknologjike dhe të sjellim frymën e re të zhvillimeve në tregun tonë.
Sfida më e madhe e vitit 2022 do të jetë motivimi i stafit aktual, në mënyrë që të ulet tendenca e largimit të të rinjve jashtë vendit, si dhe investimi në profilet e reja me junior, të cilët duhet të trajnohen nga fillimi. (monitor)
(e.h/dosja.al)
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
SHQIPËRI – A do të zgjasin forcat stagflacioniste që veprojnë në ekonominë botërore? Gjatë gjithë vitit 2021, bankat qendrore dhe shumica e ekonomist...
Mes bizneseve të shumta në Shëngjin ndodhet edhe një restorant i cili menaxhohet nga 4 vajza afgane. Pasi i evakuan nga vendi pas rënies së Kabulit dhe i akomod...
E gjithë bota ka 2 vite që sprovohet nga pandemia e Covid 19-tës. Por së fundmi, epidemiologët po artikulojnë deklarata pozitive. Sipas tyre, ardhja e pranverës...
Industria e tullave është përballur vitin e kaluar me një rritje të vazhdueshme të kostove të prodhimit që, në raport me 2020, ishin 70% më të larta.Përfaqësues...
Intervistë me Ekaterina Solovova, drejtuese e Bankës Europiane për Rindërtim dhe Zhvillim (BERZH) për ShqipërinëPas një rimëkëmbje më të shpejtë sesa pritej në ...
Me gjithë hapat e rëndësishëm që kanë marrë vendet për t’iu përgjigjur pandemisë së COVID-19, të gjitha, pavarësisht nivelit të të ardhurave që kanë, mbeten në ...
Rreziku i pastrimit të parave. Pse paratë e veprimtarive kriminale nuk duhet të futen në rrjedhën e biznesit të ligjshëm? Veprimet dhe masat e anëtarëve të prof...
TIRANË– Çmimet CCIT vlerësojnë çdo vit sipërmarrjet më të mira shqiptare për arritjet e tyre në treg në të gjitha fushat e biznesit. Ce...
SHQIPËRI – Bankat raportuan lehtësim të standardeve të kreditimit për bizneset në tremujorin e katërt të vitit 2021.Sipas Vrojtimit të Aktivitetit Kr...
SHQIPËRI – Në muajin dhjetor 2021, rritja mesatare e çmimeve ishte 3.8% sipas matjeve që u zhvilluan me metodologjinë e Eurostat. Nga metodolo...
