Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha-Ballës: Rama urdhëroi pengun e tij Mazniku të veprojë në mënyrë të njëanshme për refor...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Irdi është 12 vjeç e gjysmë. Rreth një vit më parë sjellja e tij filloi të ndryshojë dukshëm. Ai nuk ishte më djaloshi i dashur, i qeshur dhe miqësor me të gjithë. Papritur, Irdi u mbyll në vetvete, ishte thuajse gjithmonë me humor të keq dhe nuk i pëlqente më as të luante futboll me shokët, loja e tij e preferuar.
“Nuk dija si të veproja. Nuk e kuptoja pse dhe si gjithçka ndryshoi kaq shpejt te im bir”, rrëfen B., nëna e djaloshit, e cila pavarësisht se kërkon të mbetet anonime, dëshiron ta ndajë këtë histori, për të ndërgjegjësuar shumë prindër, të cilët mund të përballen me probleme të ngjashme me fëmijët e tyre.
“Irdi filloi të bëhet shumë i ashpër. Nuk ishte më djaloshi që njihja. Filloi të përdorë edhe fjalë të pista, të cilat i shkruante edhe në kapakët e fletoreve apo librave. Mendoja se mbase diçka e tillë ishte një lloj ndryshimi në prag të adoleshencës, por ai ende nuk kishte pësuar ndryshime rrënjësore për sa i përket anës fizike dhe madje, një shoqja ime, mjeke, më tha se nuk besonte si diçka e tillë në rastin konkret të lidhej me ndryshimin e hormoneve”.
Nga ana tjetër, Irdi kishte filluar të shpenzonte shumë kohë para kompjuterit.
“I kishim blerë një laptop, sepse menduam që do ta ndihmonte në lidhje me mësimet. E dija se shpesh shpenzonte më tepër kohë se sa duhej para ekranit të kompjuterit, por mendoja se thjesht luante. Nuk ma merrte mendja se ndryshimi i sjelljes së tij mund të lidhej me diçka si pornografia”, vijon nëna e Irdit.
B. e zbuloi rastësisht situatën ku ndodhej djali i saj, ndërsa një natë u fut në dhomën e tij dhe pavarësisht se ishte orar i vonë, Irdi, i cili kishte hapur kompjuterin mbi shtratin e tij, e mbylli menjëherë si në faj, sapo pa të ëmën.
“Ia mora laptopin nga dora dhe u largova për në kuzhinë. Kur hapa kompjuterin nuk iu besoja syve: Ai po shihte një video, ku një çift po kryenin marrëdhënie seksuale me njëri-tjetrin. Por çfarë ishte më keq, ishte se kjo nuk ishte hera e parë që bënte diçka të tillë. Nga historiku në kompjuter pashë se kishte shumë kohë që shihte të tilla video.”
B. vëren se më pas, ajo dhe bashkëshorti e ndërprenë internetin për njëfarë kohe dhe u përpoqën t’i shpjegonin situatën djali të tyre.
“Nuk ishte e thjeshtë, por mendoj ishte zgjedhja e duhur. Mendoj se çdo prind duhet të tregojë vëmendje dhe të ketë më tepër kujdes për atë se çfarë fëmijët e tyre shohin në faqet e internetit, pasi shumë thjesht mund të bëhen viktima”, përfundon ajo.
Rasti i Irdit është vetëm një ndër qindra rastet kur fëmijët përballen me pornografinë në internet. Sidomos gjatë muajve të fundit, në vend, por edhe në botë, për shkak të izolimit nga koronavirusi, është vërejtur një rritje numri të faqeve pornografike me fëmijë.
Gjatë muajit maj, Qendra për Mbrojtjen e Fëmijëve në Shqipëri CRCA/ECPAT raportoi mbi 1300 faqe, grupe, video apo foto me përmbajtje pornografie me fëmijë, lehtësisht të aksesueshme nga çdo fëmijë dhe i ri në Shqipëri.
Në krahasim me vitin e kaluar ky numër faqesh është rritur 100 herë më tepër, ndërsa raportimet për to kishin ardhur nga vetë fëmijët, adoleshentët dhe të rinjtë që kërkojnë ndihmë për faqe të ndryshme në rrjetet sociale, faqe, të cilat kanë përmbajtje të papërshtatshme, kërcënime, nuditet, pornografi etj.
Ndërkohë, këtë të diel, Policia e Shtetit bëri me dije finalizimin e një operacioni, të quajtur “Zbulimi”, për evidentimin dhe goditjen e veprimtarisë kriminale në fushën e pornografisë me të mitur në rrjetet sociale.
Si rezultat i operacionit të ndërmarrë nga Njësia C – Hetimi i Krimeve Kibernetike në Departamentin e Policisë Kriminale në Drejtorinë e Përgjithshme të Policisë së Shtetit, pas një hetimi dyvjeçar, është identifikuar dhe goditur një rast duke vënë në pranga një 37-vjeçar.
“Pas një hetimi dyvjeçar duke vlerësuar maksimalisht situatën kriminale të krijuar, Njësia për Hetimin e Krimeve Kibernetike ka kryer hetime të plota në lidhje me informacionin e marrë nga partnerët ndërkombëtarë për veprën penale “Pornografia” në rrjet, me të mitur.
Pas kryerjes së hetimeve, Njësia C – Hetimi i Krimeve Kibernetike, në bashkëpunim me Prokurorinë e Rrethit Gjyqësor Tiranë ka ekzekutuar urdhrin e ndalimit të Prokurorisë së Shkallës së Parë të Rrethit Gjyqësor Tiranë për shtetasin: I. K., 37 vjeç, banues në Tiranë, i dyshuar për kryerjen e veprës penale “Pornografia” në rrjet, me të mitur.”,- bëhet me dije përmes një njoftimi
Ky shtetas kishte krijuar një profil në një rrjet social, me të dhëna të rreme, ndërsa gjatë komunikimit me shtetas të huaj, nëpërmjet këtij rrjeti social, ky shtetas ka konsumuar elemente të veprës penale. Në cilësinë e provës materiale, shtetasit iu sekuestrua një aparat celular, ndërkohë që po punohet për zbardhjen e plotë të këtij aktiviteti kriminal.
Materialet hetimore u dërguan në Prokurorinë pranë Gjykatës së Shkallës së Parë Tiranë, për veprimet e mëtejshme hetimore dhe procedurale, për veprën penale “Pornografia” në rrjet, me të mitur.
Nga ana tjetër, Policia e Shtetit apelon për më shumë kontroll të prindërve ndaj fëmijëve gjatë përdorimit të rrjeteve sociale dhe për çdo rast të abuzimit në rrjetet sociale me fëmijët e tyre, qytetarët të denoncojnë pranë Njësisë C për Hetimin e Krimeve Kibernetike në adresën e postës elektronike ç@asp.gov.al.
Marrë nga Gazeta “Si”
1 vit nga zgjedhjet e 25 prillit si e shikoni gjendjen e vendit:
Sektori bankar i zgjeroi më tej fitimet gjatë muajit tetor. Sipas të dhënave nga Banka e Shqipërisë, në fund të 10-mujorit, fitimi neto i sektorit bankar arriti...
TIRANË– Gjatë 10 muajve (janar-tetor) qeveria ka realizuar vetëm 58% të fondeve të planifikuara në buxhetin e vitit 2019, për të financuar investimet...
Megjithë parashikimet e institucioneve financiare ndërkombëtare se kriza e shkaktuar nga COVID-19 do të detyronte emigrantët nga vështirësia të mos dërgonin par...
Pandemia e COVID-19 i ka lëkundur ekonomitë anëmbanë globit. Shumë analistë janë të një mendjeje se kjo pandemi ka shkaktuar krizën më të rëndë ekonomike që nga...
Të thuash që 2020 ka qenë një vit jonormal është pak. Ka ndodhur çdo gjë, kemi qenë në kulmin e trishtimit, kemi parë një dritë në fund të tunelit dhe je...
Emigrantët kanë sjellë më shumë para në shtëpitë e tyre në tremujorin e tretë, pas rënies së ndjeshme në prill-qershor, kur Europa ishte pothuajse në izolim tot...
Të huajt kanë shpenzuar në udhëtimet e tyre në Shqipëri 732 milionë euro për 9-mujorin, nga 1.6 miliardë lekë në të njëjtën periudhë të vitit të kaluar, me një ...
Të rinjtë vijnë të mbeten në vend një plag e hapur përsa i përket punësimit. Kjo situatë nuk është vetëm për shkak të pandemisë, por për shkak të problemit të a...
Projekti i nisur me mbështetjen e Bankës Botërore, i cili parashikon mirëmbajtjen në bazë të performancës, me kontrata 5-vjeçare të 1300 kilometrave rrug...
Bashkia e Tiranës parashikon në projektbuxhetin e vitit 2021 që të mbledhë 14 miliardë lekë (115 milionë euro) nga taksat dhe tarifat që do të paguajnë bizneset...
