Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
KOSOVË- Gjykimi i ish-krerëve të UÇK-së, do të nisë në vitin 2022. Lajmin e kanë bërë të ditur mediat kosovare të cilat shkruajnë se këtë vit pritet që të ketë arrestime të tjera nga Specialja. Pas arrestimit të ish-Krteëve të UÇK-së, postin e kryetarit të saj e ushtroi Faton Klinaku. I pyetur nga mediat kosovare ai ka thënë se Specialja ka ftuar mbi 200 persona si dëshmitarë apo të akuzuar në mnyrë që të rëndojnë akuzat e Hysni Gucaitit dhe Nesim Haradinajt.
“Mbi 200 persona të ftuar, qoftë dëshmitarë apo akuzuar, ka pasur thirrje po ashtu të personave që kanë qenë më herët dëshmitarë duke i provokuar apo shantazhuar mos iu kanë ardhur disa dosje, krejt kjo është bërë për të rënduar akuzën ndaj zotit Gucati dhe zotit Nasim Haradinaj. Për skandalet që u kanë ndodhur atyre në Hagë nuk duhet të përgjigjen krerët e organizatës së veteranëve sepse nuk është e paligjshme nëse ti e informon publikun për disa gjëra që ata i kanë bërë në bashkëpunim me Prokurorinë serbe për krime lufte”, thotë Klinaku.
Ndërkohë që në lidhje me çështjen e Hagës ka reaguar edhe Ehat Miftaraj nga Instituti i Kosovës për Drejtësi. Ai ka thënë se prokrorët në Gjjykatën Speciale kanë një strategji veprimi të imponuar nga persona të tjerë. Më tej në fjalën e tij Miftaraj ka thënë se Gjykata Speciale nuk ka dhënë asnjë sqarim se si kanë rrjedhur informacionet e dosjeve të UÇK-së.
“Prokurorët në rastet e Gjykatës Speciale e kanë bërë një strategji e cila u është imponuar nga një varg veprimesh, aktivitetesh që janë ndërmarrë qoftë në raport me personat e akuzuar e më së shumti nga OVL-UCK. Nuk duhet harruar asnjëherë faktin që dosjet që janë publikuar nga OVL-UCK në njëfarë mënyre e kanë ulur integritetin, e kanë ulur besueshmërinë por edhe profesionalizmin e prokurorëve dhe gjyqtarëve në Gjykatën Speciale. Dhe Gjykata Speciale edhe sot nuk ka dhënë asnjë sqarim se si kanë rrjedhur këto informacione që në bazë të ligjit, mandatit të Gjykatës Speciale do të duhej të ishin të garantuara sa i përket sekretit”, thotë Miftaraj.
Ndër të tjera Miftaraj ka thënë se sivjen do të ketë aktakuza të tjera të konfirmuara, ndërkohë që fillimi i procesit gjyqësor nuk do të fillojë para vitit 2022.
“Do të kemi aktakuza të reja të konfirmuara, do të ketë me siguri mund të ketë arrestime të reja, në këtë drejtim jam i bindur që viti 2021 do të kalojë më shumë përmes konferencave statutore e seanca gjyqësore që nënkupton fillimi i procesit gjyqësor nuk mund të ketë para vitit 2022, respektivisht para mesit të vitit 2022”, thotë ai.
Miftaraj gjithashtu ka thënë se propozimi i prokurorit për fillimin e procesit gjyqësor këtë vit është i papranueshëm pasi duhet të paktën 18 muaj hetime në mënyrë që të konsiderohen të vlefshme dhe të sakta.
“Prokurorët, që për ne ka qenë e çuditshme, janë duke kërkuar të fillojnë proceset gjyqësore brenda tre apo gjashtë muaj nga momenti që njëfarë mënyre veç kanë filluar seancat statutore në gjykatë, e që për ne si IKD çdo i pandehur në çfarëdo procedure duhet t’i sigurohet një gjykim i drejtë, i pavarur dhe një gjykim i paanshëm e që në fund e fiton besimin e publikut. Në këtë rast, me vet faktin që prokurorët po insistojnë që gjykimet të fillojnë kaq shpejtë dhe mos t’i jepet mundësi avokatëve mbrojtës kohë e mjaftueshme për të përgatitur mbrojtjen, një farë mënyrë e shohim nga ana e Prokurorisë si një qasje shumë selektive”, tha Ehat Miftaraj.
Gjithashtu në lidhje me këtë çështje ka reaguar edhe avokati Kushtrim Palushi. Ai ka thënë se avokatët duhet që të kenë të njëjtën kohë sa prokuroria për të hetuar rastin dhe të përgatitet për mbrojtjen e të akuzuarve.
“Duhet sa kohë ka pasur prokuroria të hetojë rastin dhe të hetojë mbi aktakuzë, përafërsisht të njëjtën kohë ta ketë në dispozicion edhe mbrojtja për të përgatitur mbrojtjen e saj dhe për të zhvilluar hetime për fakte dhe prova që shkojnë në favor të të akuzuarve”, thotë ai.
Më tej ai ka thënë se Gjykata Speciale nuk ka për të marrë parasysh faktin që t’i lirojë ata ose tu japë ndonjë masë të butë. Ndërkohë që lirimi eventual i të akuzuarve mund të vijë vetëm pas gjysmës së dytë të vitit 2021 nëse do të keët ndonjë ndryshim i rrethanave në lidhje me hetimin.
“Nuk besoj që gjykata do të marr parasysh për t’i liruar ata, pse për t’ju shqiptuar ndonjë masë më të butë të sigurisë. Siç e thash, argumentet kryesore të gjykatës për shqiptimin e paraburgimit, fakti i mundësisë së ndikimit në dëshmitarë, pengimi i procedurës, fuqia politike por edhe fuqia që këta persona kanë, sepse janë figura kryesore jo vetëm të luftës por edhe e politikës kosovare, andaj nuk besoj që të njëjtit mund të lirohen. Nëse mund të flasim për ndonjë lirim eventual kjo mund të vijë tek pas gjysmës së dytë të vitit 2021 kur mund të vijë në shprehje ndonjë ndryshim i rrethanave qoftë në terren apo në lidhje me hetimin apo përgatitjen e palëve për gjykimin”, thotë ai.
Aktualisht si të akuzuar në Hagë gjenden, Hashim Thaçi, Kadri Veseli, Jakup Krasniqi, Rexhep Selimi. Të katër zyrtarët më të lartë të Kosovës, akuzohen për arrestim të paligjshëm, vrasje dhe torturë, të cilat konsiderohen si krime lufte. Në aktakuzën e publikuar shkruhet se nga marsi i vitit 1998 deri në shtator të një viti më vonë, në Kukës dhe Cahan janë kryer krime ndaj qindra civilëve që nuk ishin pjesë e luftës së UÇK-së.
(I.A/dosja.al)
1 vit nga zgjedhjet e 25 prillit si e shikoni gjendjen e vendit:
SIRI- Një ngjarje e rëndë ka ndodhur në Siri, ku një bombë ka shpërthyer në verilindje të Sirisë. Sipas emdiave të huaja, si pasojë e shpërthimit kanë mbetur t...
IZRAEL- Izraeli është bërë vendi i parë në botë që ka vaksinuar më shumë se 1 milion banorë. Lajmin e kanë bërë të ditur mediat e huaja të cilat kanë shkruar se...
VATIKAN- Në qytetin e Vatikanit do të nisë fushata e vaksinimit. Sipas një njoftimi të Drejtorisë së Shëndetit e Higjienës të Guvernatoratit, thuhet se vaskinim...
SERBI- Kryetari i Kuvendit të Serbisë, Ivica Daçiç ka folur për pavarsinë e Kosovës. Në një intervistë për mediat serbe Daçiç ka thë...
KOSOVË- Autoritetet Shëndetësore në Kosovë bëjnë me dije se 24 orët e fundit ka humbur jetën 4 persona nga koronavirusi ndërsa janë infektuar 229 të tjerë....
KOSOVË- Një grua është arrestuar ditën e djeshme në Kosovë për shkak të dhunës në familje. Ngjarja ka ndodhur në qytetin e Gjakovës ku një grua ka ushtruar...
INDI- India ka miratuar ditën e sotme vaksinën anti-Covid të Universitetit të Oksfordit dhe gjigandit farmaceutik AstraZeneca. Lajmin e kanë bërë të ditur media...
JEMEN- Një sulm në Jemen ka ndodhur ditët e para të vitit 2021 në Jemen. Sulmi ka ndodhur në një dasmë në qytetin e Holeidas ku kanë mbetur të vrarë 5 gra dhe s...
JAPONI- Gruaja më e vjetër në botë feston ditën e sotme ditëlindjen e saj të 118. Lajmin e kanë bërë të ditur mediat e huaja të cilat shkruajnë se Kane Tanaka ë...
