"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
TIRANË- Gjithsesi ky besim e çoi atë në foltoren që ka parë e dëgjuar varietete injorance këto vitet e fundit. A ishte ky besim i partisë, i komunitetit apo i kryetarit kjo mbetet për t’u sqaruar, siç mbeten për t’u saktësuar në të ardhmen edhe kriteret përzgjedhëse të këtyre njerëzve.
Ndjeva keqardhje për zonjën e cila është keqdrejtuar në një karrierë të papërshtatshme për të, por mendësia shqiptare “Ça ka ajo tjetra më shumë se unë”, ose “kur u bë dhe filani deputet me diplomë false mos bëhem unë”, e bëri deputeten e Tiranës gazin e botës dhe në të njëjtën kohë fenomenin që futi në rrënjë katrore Rudinën apo Gramoz Ruçin e lashtë kur thotë fjalën “Prekuroria”. Këtyre figurave u erdhi rasti të shpallnin botërisht injorancën e tyre. Ua dhanë kryetarët e partive, disave edhe ngjashmëritë me kërmillin, se ndryshe do kishin humbur kot si talente të oratorisë. Seriozisht tani, në atë sallë ku shumica vuan prej varfërisë intelektuale, kolegët socialistë e demokratë nuk befasohen kur dëgjojnë njëri-tjetrin “të kuvendojnë”, përkundrazi “asinum asinus fricat”.
Por, halli është që Shqipëria ka ngecur në duart e këtyre që përveç injorancës kanë me tepri edhe budallallëkun, ndërsa ca më të përparuar në qeverisje kanë arrogancën e të korruptuarit ose maskën e deleve të urta.
Hall edhe më i madh është që atdheu ynë po çmontohet dita-ditës jo nga forcat e errëta siç shkruanin me përulësi ministret socialiste në letrën drejtuar deputetëve hollandezë, por nga forcat e dukshme e të pandalshme të një qeverie që mbahet në këmbë prej injorancës, babëzisë arrogante dhe krimit. Ky kombinim është forca që nuk e lë vendin të bëjë përpara. Nuk është Makroni as Hollanda. Është qeveria e korruptuar dhe e s’fazuar në udhëheqje dhe parlamenti më komik, absurd, injorant e idiotesk që ka parë ndonjëherë historia.
Prandaj, nuk u bë hataja që deputetja e sforcuar u ngatërrua me fjalët e shkruara e të thëna dhe na tregoi me aq sa mundi nivelin e saj. Fatkeqësi është që një popull me potenciale inteligjence të paguajë e të mbajë në tregun politik e mediatik njerëz që do t’i bënin nder vetes dhe kombit të ndryshonin zanat e të hiqnin dorë.
“Të ndërgjegjësohesh se je injorant, është hapi i parë drejt dijes” ka thënë Benjamin Disraeli, prandaj Majlinda të mos fajësojë sytë, ndoshta të vetmit që nuk kanë faj në këtë mes, por të pranojë kufizimet e njohurive të saj.
Në fakt në gjithë këtë situatë ajo është veç një karrem që rasti e hodhi të peshkojë e të mbajë me gajret gjindjen se ajo është e keqja më e madhe e politikës së ditës.
Ndërkohë nga ana tjetër kryeministri, i cili po bën historinë e injorancës politike, si një peshkatar i lodhur e plakur buzë Bashkimit Europian, hedh grepa huq e ngec krenarisht në tegelat e poturevarura.
Por fajin e ka BE që është rrëmujë për vete nënkupton Ministri i Jashtëm në detyrë, jo Shqipëria, se qeveria ka punuar shkëlqyeshëm por fajin e kanë vendet e BE që s’merren vesh me njëri-tjetrin – është ky mesazhi që duan të injektojnë në publik aq sa të kalojë 3-ditëshi i famshëm i çudisë.
Por nisur nga historia e Majlindës që vazhdoi edhe pas tre ditëve, ndoshta ka shpresë se opinioni publik do ketë ndjeshmëri më të lartë në çështjet më serioze. Më e pakta, rrjetet duhet të vlojnë nga kërkesat për dorëheqje të këtij kryeministri që është shkaku i çdo vonese, regresi e dështimi që po pëson vendi dhe i çdo rrënimi, largimi a bllokimi që po pësojnë qytetarët. E më tej sheshet e rrugët të mbushen me maratonistë që vrapojnë për të kapur ritmin e Evropës duke rrëzuar nga pushteti njerëzit që u ka kaluar mosha mendore e shpirtërore e pensionit e duke luftuar për të ndryshuar sistemin zgjedhor që pjell injorantët dhe marionetat e kryetarëve.
Plus këtyre ka dhe një variant të fundit ose të parë, që është largimi me vullnet të lirë. Heqja dorë nga pushteti në disa raste ka qenë tregues i ndjenjës së dashurisë dhe kujdesit për atdheun. Le ta shohim sa e do Shqipërinë kryeministri aktual, Tiranën e pamë sesa e deshi.
Marrë nga FlasShqip.ca
Tirana është boshatisur për ditët e pushimit. Cilën nga ritet e shenjta po ndiqni:
Pas kazinove të Monte Karlos dhe Muzeut të Luvrit “Elita” e Tiranës viziton kampet e azilit në FrancëFlorenc Beqiraj dhe Klidian Jonuzi janë dy të rinj shqiptar...
Meri Lalaj e pa për herë të parë Lasgushin kur ishte ende fëmijë; kur filloi të shihte njerëzit dhe botën përreth saj. Lasgushi ka lindur në kapërcyell të sheku...
Për të justifikuar votën kundër hapjes së negociatave me Shqipërinë Presidenti francez, Emmanuel Macron u “fsheh” pas qytetarëve të tij kur tha se “Si t’ua sh...
Historia e Alvin Berishës, djalit 11-vjeçar me origjinë shqiptare që humbi gjurmët bashkë me nënën e tij që në 2014 dhe më pas u gjet në Siri nga një gru...
TIRANË- Shqiperia do te ishte ne Bashkimin Evropian qysh ne vitin 1986 kur Gjermania Perendimore erdhi me nje plan zhvillimi, te cilin Ramiz Alia e refuzoi...
TIRANË- Ajo ishte, në fakt, fuqia retrograde që i dha në vitin 1912 Serbisë dhe Greqisë mbi 80 mijë kilometra katrorë territor shqiptar. Asgjë nuk i bën do...
Më 7 prill 2019 u përkujtua 25-vjetori i fillimit të Gjenocidit të Tutsi-ve të Ruandës. Si studiues dhe specialist i Afrikës dhe Mesdheut, kam qenë gjithnjë i j...
TIRANË- Draft-dokumenti final që presidenca finlandeze e Bashkimit Europian ka përgatitur për Samitin e 17-18 tetorit, ka shumë gjasa të miratohet pasditen...
TIRANË– Presidenti i Republikës, Ilir Meta sot ka emëruar si gjyqtar të Gjykatës Kushtetuese, Besnik Muçin, që ka qenë kandidat dhe për SPAK. Në dek...
Ministri i Brendshëm Sandër Lleshaj mori pjesë dje në mbledhjen e Këshillit Kombëtar të Integrimit, ku foli për një rritje të efikasitetit të punës goditëse të ...
