Protesta për Zvërnecin/ Protestuesit çajnë kordonin metalik, policia i sulmon me ujë. Tubimi shpërndahet në gjithë Tiranën
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Tragjedia me dy viktima në Shëngjin, policia jep detaje: Të gjithë shtetas nga Kosova, tre persona në spital 3 Qersho...
“Ka forca në Shqipëri dhe jashtë që janë kundër”/ Rama: Të rreshtohesh me PS, do të thot&eum...
"Shqipëria është e shqiptarëve"/ Qytetarët mbushin rrugët e Tiranës, kërkojnë anulimin e pr...
TIRANË– Debatet nuk munguan në mbledhjen maratonë të Kryesisë së Partisë Demokratike, e cila nisi dje në orën 18:00 dhe përfundoi në orën e para të mëngjesit të sotëm. Deputetët demokratë, me në krye kryetarin e Partisë Demokratike, Lulzim Bashën vendosën unanimisht për shkarkimet dhe pezullimet ndaj grupit të Berishës, pjesmarrës në protestën e zhvilluar më 8 Janar në oborrin e selisë blu. Ishte deputetja Grida Duma ajo kërkoi që Partia Demokratike të mendojë për demokratët, të flasë me ata që janë zhgënjyer dhe të gjejë zgjidhje.
Nga ana tjetër, Ervin Salianji deklaroi gjatë mbledhjes së djeshme se nxitja që u bë për dhunë duhet të jetë kriter ndarës për përjashtimin ose bashkëjetesën. Ai tha se nëse ka kolegë të tij që pranojnë të rrezikojnë jetën atëherë janë përjashtuar vetë nga ata nga partia. Deputetet e Partisë Demokratike Greda Bardelli dhe Arta Sakja u shprehën kundër Berishës dhe Komisionit të Rithemelimit. Bardelli i quan kriminelë dhe kërkon që të mos i shikojë më, ndërsa Sakja pyeti në mbledhje e habitur se përse nuk është shkarkuar deri më tani Berisha. Endri Hasa tha në mbledhje se grupi i Berishës erdhi në selinë blu për të vrarë, duke kundërshtuar qëndrimin e tyre brenda PD-së.
DEBATET E PLOTA:
Grida Duma: Marrja e vendimeve në kohë është më e rëndësishme se vetë vendimi. S’mund të na mbajë peng me këto komplekse askush! Pas asaj që ndodhi duhet të shkojmë në terren para demokratëve me urgjencë dhe me një ofertë të re. Duhen ndryshime të tjera në parti. artia s’mund të jetë më me gjuhë monokolor, duhet t’i flasë të zhgënjyerve, duhet të bëjë kritike reale me veten dhe t’i japë vendin më të sakrifikuarve e t’i njohë meritën atyre që i duhen partisë. (E PLOTË NË LAJM)
Ervin Salianji: Ky diferencim duhet te jetë edhe për të mos perjashtuar në bllok, duhet të japim mundësinë e reflektimit dhe distancimit nga dhuna pjesëmarrësve që mund të jenë aty dhe jam i bindur që janë aty për shkak te zhgenjimit dhe dëshpërimit të mosfitores në 25 Prill. Nxitja për dhune dhe perkrahja e dhunës duhet të jetë kriteri ndarës për përjashtimin ose bashkëjetesën, nëse ka kolegë që pranojnë rrezikimin e jetës dhe eleminimin fizik të drejtuesve të degëve, të Këshillit Kombëtar, deputetëve kjo është vijë ndarëse dhe këtu nuk i kemi përjashtuar në por ata. (E PLOTË NË LAJM)
Kreshnik Çollaku: Unë jam infromuar që aty ka qarkulluar një listë me disa emra të vëcantë deputetesh që do të lincoheshin fizikisht pas futjes në godinë të grupit të dhunuesve. Disa agresorë kishin emrat e katër deputetëve për t’i keqtrajtuar. Ashtu sic ka ndodhur në Mal të Zi ku Rusia krijon destabilitet, po ndodh edhe në Shqiperi. Këtu ka ndërhyrë inteligjenca tani NATO që në vende të ndryshme me shkaqe te ndryshme, kanë synim për të destabilizuar Ballkanin.
Endri Hasa: Pas 8 Janarit, s’mund të fshihemi pas gishtit. Ne nuk mund të jemi përbashkues me ata që të fusin shkopinj nën rrota. Ata kanë sot për qellim vetëm që të pengojnë agjendën tonë politikë kunder qeverise dhe rikthimin e PD ne pushtet. Pjesa me e madhe e anetareve te kryesise ishin deshmimtare okulare te asaj qe ndodhi ne 8 Janar. Ata erdhen për të na vrarë, dhe ne vazhdojme të diskutojmë për t’u ulur me të njëjten tryeze dhe për të ndareëvendimarrje te perbashket? Ata nuk mund dhe nuk duhet të jenë këtu.
Greda Bardelli: Kriminelë kam për t’i quajtur nëse më dalin përpara.
Arta Sakja: Akoma nuk e kemi shkarkuar ne këtë?
Në fund të mbledhjes së Kryesisë së Partisë Demokratike, të gjithë anëtarët kanë vendosur unanimisht që pas përplasjes në oborrin e PD-së, më 8 janar të përjashtohen përgjithmonë nga PD: Bujar Nishani, Flamur Noka, Albana Vokshi, Edmond Spaho, Arben Ristani, Klevis Balliu dhe Keltis Kruja. Ndërkohë që 20 anëtarët e Partisë Demokratike që janë pezulluar me vendim të Kryesisë janë: Agron Shehaj, Aldo Bumçi, Belind Kelliçi, Blendi Himci, Çlirim Gjata, Edit Harxhi, Edi Paloka, Eno Bozdo, Ervin Minarolli, Gent Deromemaj, Genc Pollo, Genti Strazimiri, Rigels Mucollari, Ivi Kaso Ledina Mandia, Luan Baci, Lorenc Luka, Mimoza Hajdarmataj, Oerd Bylykbashi, Tritan Shehu.
Çfarë ka ndodhur në Partinë Demokratike? Si ka arritur deri në këtë pikë e djathta shqiptare? Çfarë ndodhi mes palëve më 8 Janar?
Historia fillon në 9 shtator kur Lulzim Basha pezulloi Sali Berishën, tashmë “non grata” nga Amerika nga grupi parlamentar. Pas vendimit të Bashës, Berisha iu rikthye aktivitetit të tij politik, duke nisur takimet me bazën që i quajti “Foltore”. Më 11 dhjetor, Kuvendi i thirrur nga ish-kryeministri Sali Berisha votoi me 4446 fleta pro shkarkimit të Bashës. Basha nuk e njeh vendimin, pasi në Kuvendin e 18 dhjetorit, Berisha u përjashtua nga të gjitha institucionet drejtuese të partisë që ai vetë themeloi.
Më 8 Janar në selinë e PD, ndodhi një situatë e paprecedentë me dhunë e të lënduar, ku për më shumë se 3 orë pati përplasje mes mbështetësve të Berishës me ata të Bashës që ishin brenda godinës. Megjithatë protestuesit u larguan me mbërritjen e rreshtimin e Policisë së Shtetit në oborrin e PD-së, ku edhe nisën menjëherë veprimet për hetim. Për disa orë, selia e PD ishte e mbushur me efektivë policie dhe hetues, ndërkohë që Basha akuzoi ish-kryeministrin Berisha për të gjitha sulmet dhe trazirat e shkaktuara. 34 persona u vunë në pranga, 18 të tjerë janë nën hetim në gjendje të lirë për ngjarjet e ndodhura në Selinë e Partisë Demokratike. Mes tyre është edhe sekretari i Përgjithshëm, Gazment Bardhi e deputeti Flamur Noka. Vetë Basha e ish-kryeministri Berisha do të merren në pyetje nga prokuroria në lidhje me ngjarjen në fjalë.
ZHVILLIMET ORË PAS ORE:
“8 janari si 1997”, anëtari i Kryesisë së PD Koduzi: Berisha, ‘kufomë e pakallur’
Protesta e 8 janarit, Gjunkshi: Jo bashkëjetesë me persona që donin të na vrisnin
Gjekmarkaj: S’jam stërvitur për boks, ata që drejtuan turmën s’më llogaritën si mik
Kryesia e PD, Çollaku: Rusia po krijon destabilitet në Shqipëri, si në Mal të Zi
Ervin Salianji: Ato që ndodhën në 8 janar akte parapolitike, isha kundër hekurave
Mbledhja e Kryesisë së PD, Duma: Të dalim në terren, shqiptarët duan ofertë të re
Debatet në Kryesinë e PD/ Deputetja: Kriminelë kam për t’i quajtur nëse i shikoj
Këshilli i PD/DETAJET brenda mbledhjes, deputetja:Akoma s’e kemi shkarkuar Berishën?
(A.B)/Dosja.ald
Ndihmës-Sekretarja e Shtetit takoi Alibeajn, ndërsa Paloka deklaroi se ka firmosur peticionin kundër ambasadores Kim. Çfarë do të thotë kjo për PD?
EKUADOR– Dritan Rexhepi, i cili mban disa identitete dhe njihet si ‘mjeshtri i arratisjeve nga burgu’ ka dalë sërish nga qelia. Por këtë herë, në mënyrë l...
TIRANË– Partia Demokratike do të mbledhë nesër Kolegjin e Kryetarëve të PD-së. Në një njoftim të shpërndarë nga Sekretari i Partisë Demokratike Gazme...
Nga Artur MeçollariKur heronjtë je i detyruar ti urosh “Paçi fatin e të korruptuarve”. Po nuk je i korruptuar, shteti nuk është më i j...
SHQIPËRI – Moti i keq i shoqëruar me reshje shiu, dëbore dhe me temparatura të ulëta ka sjellë probleme në disa qarqe në verilindje dhe julindje të Shqipër...
TIRANË– Ish-kryeministri Sali Berisha ka folur për herë të parë pas përjashtimit nga Partia Demokratike. I ftuar në studion e ‘AbcNeës”, ...
TIRANË – Ish-kryetari i Partisë Demokratike Sali Berisha zbuloi në “ABC News” se kreu i PD Lulzim Basha i ka dërguar Zv/ndihmës sekretari...
Sali Berisha: Tani në rrafshin politik kjo është njëlloj sikur të ngrihen të vdekurit politikë dhje të thonë se këta të tjerë nuk janë gjallë. Ai është një pers...
TIRANË– Partia Demokratike i është përgjigjur zyrtarisht Presidentit Ilir Meta, i cili një natë më parë e cilësoi kryedemokratin Lulzim Basha si shka...
TIRANË – Autoriteti Rrugor Shqiptar bëri me dije së fundmi se sapo është bërë trajtimi me kripë i disa akseve rrugore në Tropojë, Kukës dhe Kor&ccedi...
ITALI- Një 28-vjeçar shqiptar, i parregullt në territorin italian dhe me precedentë të mëparshëm, është arrestuar në Rimini. Altarimini shkruan se pak di...
