Seancë plenare në Kuvend/ PD anulon bojkotin! Peleshi i heq fjalën Berishës: Mu drejto me etikë
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
Incident para Kuvendit! Policia largon me forcë ish-luftëtarët e UÇK-së, Dritan Goxhaj dhe Meçan Zotaj(VIDEO) ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
SHTYPI TE PROPAGANDOJE INICIATIVAT REVOLUCIONARE NE NDIHME TE ZONAVE TË DEMTUARA NGA TERMETI
Nga biseda në takimin ditor të sekretarëve të K.Q. të P.P.SH. 19 prill 1979
SHOKU ENVER HOXHA: Të gjithë njerëzit te ne janë të shqetësuar për dëmet që shkaktoi tërmeti në rrethet e Veriut, u ka therur në zemër fatkeqësia e vëllezërve të Shkodrës, Lezhës etj. Gjatë këtyre ditëve na kanë ardhur shumë telegrame e letra nga punëtorë, kooperativistë, ushtarakë etj. nga i gjithë vendi, në të cilat shprehen solidariteti i tyre dhe gatishmëria për të ndihmuar vëllezërit e rretheve të dëmtuara. Midis të tjerave, mësova se në një nga ndërmarrjet e Tiranës ishte bërë një mbledhje e posaçme ku punëtorët e kuadrot kishin shprehur gatishmëri revolucionare për të kontribuar me pagën e një dite pune për ndërtimin e banesave. Mua më duket se kjo është një iniciativë e mirë dhe përbën një ndihmë të konsiderueshme për likuidimin e pasojave të tërmetit, se mesatarja e pagës së një dite pune është për çdo punonjës 20 lekë.
SHOKU SIMON STEFANI: Kjo iniciativë e lavdërueshme e punëtorëve, me siguri që do të përqafohet edhe nga punëtorët e nëpunësit e ndërmarrjeve të tjera.
SHOKU ENVER HOXHA: Me siguri që të tërë do ta përkrahin, si punëtorët, edhe nëpunësit.
SHOKU HYSNI KAPO: Kur dëgjova mbrëmë radion, shoku Enver, më bëri përshtypje lajmi për iniciativën e një kooperative bujqësore, e cila ka marrë përsipër të ndërtojë me shpenzimet e saj dy shtëpi në një nga fshatrat e dëmtuara nga tërmeti. Edhe kjo është një iniciativë e vlefshme dhe plotësisht e mundshme për t’u realizuar, sepse në vendin tonë ka sot kooperativa që kanë fonde e mundësi për të përballuar shpenzimet që duhen për një gjë të tillë.
SHOKU ENVER HOXHA: Po, po, ne sot kemi shumë kooperativa të tilla, në gjendje që të japin kontribute të kësaj natyre.
SHOKU SIMON STEFANI: Dje bisedova me shokët drejtues të Komitetit të Partisë të Rrethit të Lushnjës. Shoqja Lenka më tha se kooperativistët e Divjakës kanë shprehur dëshirën t’i japin shtetit një fond prej 100 apo 200 mijë lekësh t’i përdorë për zonat e dëmtuara nga tërmeti.
SHOKU ENVER HOXHA: E si të mos i japin ndihmë shtetit të tyre anëtarët e kooperativave tona bujqësore, kur neve na ofrojnë ndihma për këtë rast edhe të huajt, por që ne në asnjë mënyrë nuk i pranojmë? I gjithë populli ynë patriot, i edukuar nga Partia me ndjenja të larta revolucionare, me frymën e lartë të solidaritetit socialist, është ngritur në këmbë dhe po ndihmon shtetin, ndihmon vëllezërit e tij të dëmtuar nga tërmeti. Këto zotime e iniciativa janë të mira. Shtypi t’i propagandojë si duhet ato. Unë mendoj që letrat, telegramet e punonjësve, sidomos ato në të cilat bëhet fjalë për zotime e iniciativa konkrete, siç është rasti i kësaj ndërmarrjeje të Tiranës, t’i jepen shtypit dhe të propagandohen si iniciativa revolucionare. Kështu i gjithë populli, duke u njohur me to, do t’i përkrahë menjëherë. Kudo po vihet re një mobilizim e entuziazëm i madh revolucionar, jo vetëm për kapërcimin e vështirësive të krijuara nga tërmeti, por, në të njëjtën kohë, edhe për realizimin e detyrave në frontin ditor të punës. Sot kisha një telegram nga Shkodra. «Të tërë jemi në këmbë, — thuhej atje, — i jemi përveshur punës dhe, me të gjitha masat që kemi marrë e do të marrim, do t’i ndërtojmë fshatrat, shtëpitë e objektet e tjera para afatit të caktuar.
Do të realizojmë dhe do të tejkalojmë planin në industri, në bujqësi e në tërë sektorët e tjerë”. Kjo frymë e lartë revolucionare e masave tona punonjëse të pasqyrohet mirë në shtypin tonë qendror e lokal. Gazetat lokale ta pasqyrojnë patjetër gjendjen e rëndë që është krijuar, veçse gabimi u bë qysh në fillim me dhënien e komunikatës për tërmetin. Ditën kur lexova komunikatën u thashë shokëve që pse keni vënë në to vetëm Shkodrën dhe Lezhën, kur tërmeti ka goditur edhe 5 rrethe të tjera, si Mirditën, Matin, Pukën, Tropojën dhe Dibrën.
Një gjë e tillë nuk është reale, për arsye se nuk janë prekur vetëm 2 rrethe, por gjithë Veriu i vendit tonë është dëmtual rëndë. I lexova me radhë gazetat, edhe ato të rretheve. Të gjitha në kryeartikujt e tyre me tituj me germa të mëdha shkruanin për mobilizimin e masave, i bënin thirrje popullit për t’u vajtur në ndihmë të dëmtuarve. Por, t’ju them të drejtën, më bëri shumë përshtypje qëndrimi i shokëve të gazetës «Pararoja» të Gjirokastrës.
Atyre u duhet hequr veshi për qëndrimin indiferent që po tregojnë në këto momente, kur kudo gjendja zien. Ndodhi një tërmet kaq i madh në vendin tonë dhe, kur të gjitha gazetat e rretheve kanë mbushur faqen e parë me njoftime për këtë ngjarje, në gazetën «Pararoja» janë mjaftuar duke vënë në një qoshe vetëm nja 15 radhë. Pse, nuk u bëri atyre përshtypje ky tërmet? Nuk i tundi vendimi i Komitetit Qendror të Partisë dhe i Qeverisë për zhdukjen e pasojave të tërmetit? Tash po tundet e gjithë Shqipëria, kurse në gazetë flitet për gjëra të dorës së fundit.
Sigurisht, edhe ato duhen, se çdo gjë ka rëndësinë e vet, por momenti aktual dikton diçka tjetër më të rëndësishme. Pse, me ato pak radhë që janë vënë në gazetë do të mobilizohet populli i Gjirokastrës? Apo mendohet se, meqë vjen gazeta «Zëri i popullit», nuk ka nevojë të shkruhet? Është gabim po të mendohet kështu, ndryshe Komiteti Qenclror i Partisë nuk do të kishte vendosur për nxjerrjen e gazetave lokale. Pastaj, jo të gjithë ata që abonohen në gazetat lokale marrin edhe «Zërin e popullit». Gazetat kanë një mision e detyrë të rëndësishm, prandaj duhet treguar kujdes që në to aktualisht të pasqyrohen mirë edhe hovi revolucionar e mobilizimi i masave për zhdukjen e pasojave të tërmetit.
(Botohet për herë të parë sipas tekstit të nxjerrë nga biseda e incizuar, që gjendet në A.Q.P.P.SH) Marrë nga Memorie.al
Tirana është boshatisur për ditët e pushimit. Cilën nga ritet e shenjta po ndiqni:
Në vitet ’20, ka pasur debate të shumta për krijimin e bankës kombëtare që do të emetonte monedhën e do t’i jepte një hov të ri zhvillimit ekonomik.Diskutimet k...
TIRANË- Stresi dhe Kejsi të ndarë prej disa muajsh, duket se akoma i lidh diçka e fortë që i mban bashkë edhe pas ndarjes.Ata të dy kanë publikuar h...
TIRANË– Disa ditë më parë bëri bujë lajmi se shefi i kuzhinës, Renato Mekolli u largua nga emisioni “MasterChef”. Lajmin e bëri të ditur vetë producentja e...
TIRANË- Këngëtarja shqiptare me famë botërore, Bebe Rexha së fundmi ishte në Shqipëri pas tërmetit tragjik ku edhe vizitoi nga afër dy familjet në fshati...
SHKODËR– Ditën e djeshme, aktori i njohur i humorit Gëzim Kruja ka festuar ditëlindjen e tij të 80-të, i cili e ka gjetur me probleme shëndetësore.Ditën e ...
DashiKjo ditë do të jetë mjaft pozitive, ndaj përfitoni për të bërë diçka me vlerë. Mund të dilni me shoqërinë dhe të relaksoheni pak. Në dashuri mund të...
TIRANË- Këngëtarja e njohur me famë botërore me origjinë shqiptare Bebe Rexha vizitoi Shqipërinë këtë javë për të dhënë ndihmën e saj për familjet e prekur...
TIRANË- Sopranoja e famshme Inva Mula ka rrëfyer sot në Abc News përjetimin personal për termetin tragjik që goditi vendin. Ajo jeton prej shumë vitesh në ...
TIRANË– Modelja Kejvina Kthella disa javë më parë ka qënë mjaft e përfolur pasi iu bë publike lidhja e saj me stomatologun e akuzuar për vrasje, Redjan Rra...
