Dita e 50-të e revoltës qytetetare/ Shqiptarët vijojnë qëndresën në shesh: Rama në burg, Berisha në burg
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
"Jo 50, as 150, por edhe 1 550 ditë, ne do jemi këtu"/ Protestuesi dekoron qytetarët në shesh: Ju meritoni medalje ...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Në segmentin e jetës, rritja ka ardhur kryesisht nga disa produkte të sigurimit që zakonisht ofrohen nga bizneset në formën e përfitimeve për punonjësit e tyre. Ndërsa në segmentin e sigurimeve të jo-jetës, rritja paraqitet e shpërndarë në shumicën e produkteve të sigurimit.
TIRANË- Tregu i sigurimeve e ka nisur me rritje vitin 2023. Sipas të dhënave nga Autoriteti i Mbikëqyrjes Financiare (AMF), primet e shkruara bruto për muajin janar kishin vlerën e 1.7 miliardë lekëve, në rritje me 20.6% krahasuar me të njëjtën periudhë të vitit të kaluar.
Rritja më e lartë është regjistruar në tregun e sigurimit të jetës, me 53.7%, ndërsa segmenti më i madh i tregut, ai i sigurimit të jo-jetës, është rritur me 20.6%.
Në segmentin e jetës, rritja ka ardhur kryesisht nga disa produkte të sigurimit që zakonisht ofrohen nga bizneset në formën e përfitimeve për punonjësit e tyre. Ndërsa në segmentin e sigurimeve të jo-jetës, rritja paraqitet e shpërndarë në shumicën e produkteve të sigurimit.
Ritme veçanërisht të larta të rritjes ka regjistruar për muajin janar sigurimi i përgjegjësve civile, me 93% më shumë krahasuar me të njëjtën periudhë të vitit të kaluar. Ky produkt është i lidhur kryesisht me bizneset dhe veçanërisht me sigurimin e përgjegjësive në sektorin e ndërtimit.
Rritje të lartë ka shënuar edhe për janarin sigurimi i detyrueshëm i kartonit jeshil, me një rritje të primeve prej 25.6% krahasuar me janarin e vitit të kaluar. Ky produkt lidhet sidomos me turizmin dalës dhe qarkullimit jashtë vendit të automjeteve të regjistruara në Shqipëri.
Produkti kryesor i tregut, sigurimi i detyrueshëm për përgjegjësitë motorike ndaj palëve të treta, për janarin ka vijuar me një tendencë të qëndrueshme rritjeje, prej 9.5% më shumë krahasuar me një vit më parë. Ecuri pozitive për janarin ka shfaqur edhe produkti kryesor i sigurimit vullnetar, sigurimi i pronës nga katastrofat, ku prmet e shkruara bruto u rritën me 23.8%.
Megjithëse viti 2023 ka nisur me ritme të larta të rritjes së tregut të sigurimeve, periudha njëmujore është tepër e shkurtër për të kuptuar nëse bëhet fjalë për tendenca të qëndrueshme, apo shifrat reflektojnë zhvillime sporadike, që do të korrigjohen më tej gjatë vitit në ritme më normale të rritjes.
Në fakt, rritja e tregut, e matur sipas numrit të kontratave, paraqitet në nivele ndjeshëm më të ulëta, me 15.2%. Madje, në tregun e sigurimit të jetës numri i kontratave është në rënie, me 4.5%, fakt që dëshmon se rritja e lartë e primeve të shkruara bruto nuk reflekton zgjerimin e bazës së individëve të siguruar.
Për muajin janar edhe dëmet e paguara bruto nga kompanitë e sigurimeve janë rritur ndjeshëm, me 42.5% më shumë krahasuar me një vit më parë. Rritja ka ardhur kryesisht nga tregu i jo-jetës, me 49.3% më shumë krahasuar me janarin 2022.
Megjithatë, edhe në rastin e dëmeve rritja e lartë duket se ka ardhur si pasojë e ngjarjeve të veçanta të sigurimit. Konkretisht, është vërejtur një rritje shumë e lartë e dëmeve në produktet e sigurimit kundër dëmtimeve të tjera në pronë dhe në sigurimin e garancive.
Këto ngjarje kanë sjellë rritje të fortë dhe me shumë të ngjarë të përkohshme të peshës së këtyre produkteve në strukturën e dëmeve, që, sidoqoftë, vazhdon të dominohet nga produktet e sigurimit të detyrueshëm motorik.
Marrë nga Monitor.al
Foto Ilustruese TIRANË- Biznesi i shërbimeve profesionale, ku përfshihen aktivitete të kontabilitetit, juridike, inxhinierike, kër...
Foto ilustruese Goditja e trefishtë e energjisë, ekonomisë dhe çështjeve gjeopolitike, shkaktuan rënien më të mad...
Foto Ilustruese TIRANË- Janë rreth 554 mijë shtetas shqiptarë të cilët janë larguar në vite nga vendi dhe kanë...
Gent Sejko TIRANË- Banka Botërore, në bashkëpunim me Ministrinë e Bujqësisë dhe Zhvillimit Rural zhvilluan një taki...
Foto Ilustruese TIRANË- Megjithëse emergjenca në tregun e punës po ushtron presion mbi rritjen e investimeve në automatizimin, t&e...
Foto Ilustruese TIRANË- Dënimet administrative që inspektorët e institucioneve qendrore apo vendore aplikojnë në rastet kur k...
Foto Ilustruese TIRANË- Kreditimi nga shoqëritë e kursim-kreditit (SHKK) shënoi ritme të larta të rritjes për vitin e ka...
Foto Ilustruese TIRANË- Shqipëria është pjesë e agjendës së Kombeve të Bashkuara për Zhvillim të qën...
Foto Ilustruese TIRANË- Drafti i ri për tatimin mbi të ardhurat ndryshon afatet për lehtësitë fiskale, duke i shkurtuar ato. ...
Kafe TIRANË- Të rinjtë po ikin, popullsia po bie, numri i bareve po ulet, por sërish në pjesën më të madhe ato jan&...
