Nga tetori ulen komisionet, në 2024-n u kryen gati 11 milionë transferta bankare ndërkombëtare

8 Shtator 2025, 07:19 Nga r.ll

foto ilustruese

TIRANË- Këshilli Mbikëqyrës i Bankës së Shqipërisë miratoi më datë 3 shtator disa ndryshime në kuadrin e saj rregullator, që parashikojnë uljen e komisioneve për transfertat kombëtare dhe ndërkombëtare në Euro.

Muajin e ardhshëm, pritet që bankat shqiptare të fillojnë kryerjen e transfertave nëpërmjet sistemeve të Zonës Unike të Pagesave në Euro (SEPA). Kjo pritet të sjellë ulje të ndjeshme të komisioneve për transfertat në nisje dhe në mbërritje në monedhën europiane.

Të dhënat e Bankës së Shqipërisë tregojnë se vitin e kaluar numri i transfertave ndërkombëtare hyrëse dhe dalëse të kryera nëpërmjet sektorit bankar shqiptar arriti në pothuajse 11 milionë. Numri i transfertave ndërkombëtare u rrit me 40% krahasuar me një vit më parë, ndërsa në harkun e një dekade numri i këtyre transfertave është rritur më shumë se shtatë herë.

Në vlerë, ato arritën në afërsisht 1.71 trilionë lekë, me një rritje prej 28% krahasuar me vitin 2023.

Struktura e transfertave ndërkombëtare të kryera në sektorin bankar shqiptar dominohet nga transfertat hyrëse, që në 2024 arritën në pothuajse 8.1 milionë, në rritje me 39.5% krahasuar me vitin 2023. Ato përbënin rreth 74% të totalit të transfertave ndërkombëtare.

Numri i transfertave ndërkombëtare hyrëse ka shënuar nivelin më të lartë historik, ndërkohë që është rritur me pesë herë krahasuar me vitin 2019, përpara pandemisë. Edhe për vitin 2024, rritja ishte mjaft e lartë si në segmentin e bizneseve, ashtu edhe në atë të individëve.

Në total, sipas Bankës së Shqipërisë, transfertat hyrëse nga jashtë në llogaritë bankare të bizneseve dhe individëve arritën vlerën e 782.9 miliardë lekëve, në rritje me 42.7% krahasuar me një vit më parë.

Ndryshe nga sa ndodh me transfertat kombëtare, ato ndërkombëtare ngarkohen me komisione edhe në mbërritje. Sipas rregullave të reja miratuara nga Banka e Shqipërisë, pas tetorit, nëse banka aplikon komisione për tarifat e pagesave hyrëse SEPA hyrëse, ato duhet të reflektojnë kostot përkatëse të ofruesit të shërbimeve të pagesave dhe në asnjë rast nuk mund të kalojnë vlerën 3 euro për transaksion.

Transfertat ndërkombëtare dalëse, sipas Bankës së Shqipërisë, vitin e kaluar arritën në 2.91 milionë, në rritje me 43% krahasuar me vitin 2023. Në vlerë, ato arritën shifrën e 924 miliardë lekëve, 17% më shumë krahasuar me një vit më parë.

Aktualisht, transfertat ndërkombëtare kryhen nëpërmjet rrjetit të bankave korrespondente të bankave shqiptare. Kjo zgjidhje rezulton me komisione të larta dhe afate disaditore për kryerjen e transfertave. Pas muajit tetor, edhe komisionet ndërkombëtare që do të kryhen nëpërmjet sistemeve të SEPA do të jenë subjekt i niveleve maksimale të komisioneve, të vendosura nga Banka e Shqipërisë për transfertat kombëtare në Euro.

Sipas ndryshimeve të miratuara në rregulloren, “Për funksionimin e sistemit AIPS EURO për shlyerjen e transfertave vendase për klientë në Euro”, komisioni minimal që bankat mund të aplikojnë për transfertat në sistemin AIPS Euro, do të ulet nga 6 euro në 4 euro.

Ndërkohë, totali i komisioneve për çdo transfertë me vlerë deri në 150 mijë euro nuk mund të jetë më i lartë se 0.02% e vlerës së transferuar. Ashtu siç ndodh me transfertat në Lekë, edhe rregullorja për transfertat në Euro do të stimulojë përdorimin e kanaleve elektronike për kryerjen e transfertave, duke parashikuar komisione të përgjysmuara për veprimet që kryhen nëpërmjet këtyre kanaleve.

Komisioni minimal që bankat mund të aplikojnë për transfertat kombëtare në monedhën europiane, të kryera nëpërmjet e-banking, nuk mund të jetë më i lartë se 2 euro. Ndërsa totali i komisioneve për çdo transfertë me vlerë deri në 150 mijë euro nuk mund të jetë më i lartë se 0.01% e vlerës së transferuar.

Ndërkohë, komisionet maksimale që bankat mund të aplikojnë, pavarësisht shumës së transfertës, propozohen të jenë të njëjta si në rregulloren aktuale, përkatësisht 50 euro për transfertat e kryera në degë dhe 25 euro për ato të nisura nëpërmjet kanaleve elektronike. Këto nivele tavan do të aplikohen edhe për transfertat në nisje në zonën SEPA.

Përveç afërsisht transfertave ndërkombëtare, nivelet e reja të komisioneve prekin edhe transfertat kombëtare në Euro, që vitin e kaluar ishin më shumë se 325 mijë./MONITOR

transferta bankare

Në përputhje me standarded JTI

Ekonomi 7 Shtator 2025, 07:36 E. D

Analiza: Si po përqendrohet ekonomia në Tiranë - Durrës

foto ilustruese TIRANË- Përqendrimi i ekonomisë dhe popullsisë në rajonin Tiranë-Durrës po rrit pabarazinë rajonal...

Ekonomi 6 Shtator 2025, 08:13 I.A

Pagesat me kartë po rriten me ritme të shpejta

TIRANË- Pagesat me kartë bankare regjistruan përsëri një rritje të fortë vitin e kaluar dhe prekën vlerat më t&eu...

Ekonomi 6 Shtator 2025, 08:02 I.A

Të vërtetat rreth komisioneve të ATM-ve

ATM Komisionet për tërheqjen e parave nga ATM-të janë bërë në disa raste objekt ankesash, sidomos nga turistët e hu...

Ekonomi 6 Shtator 2025, 07:56 I.A

Verë zhgënjyese për turizmin; Shqipërinë po e vizitojnë gjithmonë e më shumë “kopracë”

TIRANË- Vera e këtij viti është endur mes zhgënjimit të një sezoni turistik, ku zhvillimet reale nuk u përputhën ...

Ekonomi 5 Shtator 2025, 08:22 I.A

Çmimet e importeve në ulje për të tretin vit radhazi, rënie vjetore 0.7% në prill-qershor

TIRANË- Çmimet e mallrave të importit janë ulur në mënyrë të vazhdueshme që nga tremujori i fundit i vitit 2023...

Ekonomi 5 Shtator 2025, 08:17 I.A

Paradoksi/ Kukësi qarku më i varfër i vendit ka shkallën më të lartë të punësimit

Kukësi KUKËS- Papunësia ka ardhur në ulje vitet e fundit, por brenda treguesve zyrtare shfaqen problematika të mëdha mes fakt...

Ekonomi 5 Shtator 2025, 08:16 I.A

BSH miraton ndryshime në rregulloren për licencimin dhe mbikëqyrjen e zyrave të këmbimit valutor

Foto Ilustruese Këshilli Mbikëqyrës i Bankës së Shqipërisë miratoi këtë javë disa ndryshime në rregu...

Ekonomi 5 Shtator 2025, 08:02 I.A

Administrata “detyrohet” të rrijë më shumë në punë, orë më të zgjatura dhe për turizmin

TIRANË- Në total, numri mesatar i orëve javore të punës për një person të punësuar ka pësuar një rë...

Ekonomi 4 Shtator 2025, 08:19 I.A

Normat e interesit të kredisë konsumatore pësuan përsëri rënie në gjysmën e parë të vitit

TIRANË- Normat mesatare të interesit për kreditë konsumatore në tregun financiar pësuan rënie të mëtejshme në...

Ekonomi 4 Shtator 2025, 08:03 I.A

Korniza e investimeve për Ballkanin, kualifikohen dy projekte 93 mln euro për gazin natyror

Foto Ilustruese TIRANË- Korniza e Investimeve në Ballkanin Perëndimor (wbif) ka kualifikuar dy projekte në sektorin e gazit për fi...

MË SHUMË