21 Dhjetor 2022, 07:25
Nga DOSJA
Foto Ilustruese
TIRANË- Këshilli Mbikëqyrës i Bankës së Shqipërisë pritet të mbajë të pandryshuar normën bazë të interesit në mbledhjen e ditës së mërkurë, duke ndërprerë kështu një seri agresive prej tre rritjesh radhazi me nga 0.5 pikë përqindje.
Norma bazë e interesit është rritur me 2.25 pikë përqindje gjatë vitit 2022 dhe ka arritur nivelin 2.75%, niveli më i lartë që prej vitit 2014. Por, tendenca ngadalësuese e inflacionit dhe sidomos e komponentit bazë gjatë muajve të fundit duket se kanë bindur bankën qendrore ta ngadalësojë disi ritmin e normalizimit monetar.
Inflacioni në muajin nëntor pësoi rënie për herë të parë këtë vit, duke zbritur në 7.9%, nga 8.3% që kishte qenë në muajin tetor. Paralelisht, inflacioni bazë në muajin nëntor shënoi rënien e parë pas 10 muajsh, duke shtuar shpresat se vala e rritjes së çmimeve në ekonomi mund ta ketë kaluar fazën kulmore. Të dhënat e Bankës së Shqipërisë tregojnë se inflacioni bazë për nëntorin zbriti në 8.3%, nga maksimumi historik prej 8.61% që kishte regjistruar në muajin tetor. Kjo ishte njëkohësisht rënia e parë e këtij treguesi qysh prej janarit të këtij viti.
Inflacioni bazë mat ndryshimin e çmimeve në ekonomi, duke përjashtuar ato produkte që për nga natyra e tyre kanë luhatshmëri të lartë, kryesisht produktet ushqimore dhe ato energjetike
Ai është indikatori me peshën kryesore në vendimmarrjen e politikës monetare të Bankës së Shqipërisë, sepse tenton ta zhveshë inflacionin total nga efektet e goditjeve të ofertës apo nga faktorë të tjerë me ndikim afatshkurtër. Ai përfaqëson pjesën më të qëndrueshme të inflacionit që ndikohet nga faktorë të kërkesës dhe për rrjedhim të politikës monetare.
Mosrritja e normës bazë pritet të ndihmojë disi stabilizimin e interesave në tregun e brendshëm financiar, që në muajt e fundit ishin rritur me ritme të shpejta, të shtyra nga sa nga lëvizjet agresive të Bankës së Shqipërisë, aq edhe nga pritshmëria për vijimin e rritjes së normës bazë.
Që nga muaji mars deri në muajin nëntor, yield-et e bonove 12-mujore të thesarit u rritën me rreth 4.1 pikë ose rreth 233%. Përveçse ka rritur ndjeshëm koston e huamrrjes së qeverisë shqiptare, kërcimi i yield-eve është reflektuar edhe në normat e kredive me interes
të ndryshueshëm në monedhën vendase. Kjo ka rritur në mënyrë drastike këstet e kredisë të bizneseve dhe familjeve. Ndërkohë, politika monetare po përcillet edhe në normat e interesit të depozitave dhe kredive të reja në lekë. Sipas Bankës së Shqipërisë, në periudhën mars-tetor norma mesatare e interesit të depozitave është rritur me 0.7 pikë përqindje, ndërsa norma mesatare e interesit të kredive të reja është rritur me dy pikë përqindje.
Megjithatë, gjatë muajit dhjetor, rritja e yield-eve është ngadalësuar ndjeshëm, madje për disa instrumente yield-et kanë pësuar edhe një rënie të lehtë. Edhe tregu financiar tashmë beson që faza më agresive e normalizimit monetar ka kaluar dhe rritja e normave të interesit pritet të jetë më graduale gjatë vitit 2023.
Marrë nga Monitor.al
banka e shqiperise
Ekonomi
21 Dhjetor 2022, 07:24
Foto Ilustruese
TIRANË- Informaliteti në tregun shqiptar të punës është mjaft i përhapur, por gati 16 për qind e pu...
Ekonomi
21 Dhjetor 2022, 07:21
Foto Ilustruese
TIRANË- Gjermania dhe Franca janë bërë dy shtetet më të preferuara të shqiptarëve që po ikin n...
Ekonomi
20 Dhjetor 2022, 23:00
A.B
Deti
Sezoni turistik po shtrihet përtej muajve tradicionale të verës, duke tërhequr vizitorë edhe me ftohjen e kohës, sidomos...
Ekonomi
20 Dhjetor 2022, 15:04
A.B
Euro
Kursi i këmbimit të Euros me Lekun pësoi sërish rënie ditën e martë, duke prekur një rekord të ri histori...
Ekonomi
20 Dhjetor 2022, 07:34
Foto Ilustruese
TIRANË- Banka Botërore ka vlerësuar se puna për monitorimin e kontratave koncesionare ndikuar nga projekti i financuar ...
Ekonomi
20 Dhjetor 2022, 07:33
Foto Ilustruese
TIRANË- Banka e Shqipërisë organizoi të premten ankandin e fundit të blerjes së valutës për vitin 2...
Ekonomi
20 Dhjetor 2022, 07:32
Foto Ilustruese
TIRANË- Aksidentet rrugore kanë ndjekur tendencën rënëse edhe në muajin nëntor duke u ulur me 13.2 p&eum...
Ekonomi
20 Dhjetor 2022, 07:31
Dritan Fino dhe Ceno Klosi
TIRANË- Bordi i Mbikëqyrjes Publike (BMP) dhe Drejtoria e Përgjithshme e Tatimeve kanë lidhur së fundmi...
Ekonomi
20 Dhjetor 2022, 07:30
Foto Ilustruese
TIRANË- Për më shumë se një vit, çdo shifër e re e inflacionit duket se i ka zënë në be...
Ekonomi
20 Dhjetor 2022, 07:29
Foto Ilustruese
TIRANË- Linja 10 është lidhja e vetme e Kosovës për të ndarë rajonin me hekurudhë, duke e lidhur Ko...