"Komisioni Europian na refuzoi 3 herë sepse s’ka qenë dëshira!" Rama në Lezhë: I kemi hequr prangat drejtësisë nga pushteti politik
"Thajeni kënetën duke votuar PS-në!" Rama: Mund të na mundin vetëm me AI, as me "bufin" dhe as me atë që ul&e...
"Thajeni kënetën duke votuar PS-në!" Rama: Mund të na mundin vetëm me AI, as me "bufin" dhe as me atë që ul&e...
Rrjedhja e planit të sulmeve në Jemen, Hillary Clinton: Duhet të jeni duke bërë shaka me mua 25 Mars, 12:32 ...
"Primaret ishin proces hipokrit", Rama: Disa politikanë të djathtë kanë ardhur me ne! Nuk janë socialistë por Shqi...
VIDEO/ Nuk ndalet Manaj në Air Albania, shënon golin e dytë për kombëtaren 24 Mars, 21:06 VIDEO/ Mung...
Mos ndoshta në intervistën tënde duhet të kishe dalë më hapur dhe të thoje që të votonim kandidatën e Ramës?
Partitë politike kanë filluar fushatën, por sigurisht nuk mund të rrinte jashtë saj edhe ajo, “prima donna” e diplomacisë, “kulinaristja” dhe vegjetarianistja me famë botërore, Yuri Kim.
E si mund të ndodhte ndryshe!
Ajo foli e foli, e foli e foli duke thënë se qeveria duhet të na garantonte lirinë e votës, votime të drejta, se kishte patur edhe disa problemka të vogla në votimet e fundit, por më gjatë foli për atë që ajo ka më shumë për zemër, për mbrojtjen e planetit duke i drejtuar opozitarët drejt vegjetarianizmit.
Çuditërisht nuk tha asgjë për kanakarin e saj dhe historinë e tij McGonigaliste, ama ne opozitarëve nuk na harroi, nuk na kujtoi vetëm barin, por na e pasuroi menunë, na ofroi shkrepsen që të mos e hamë barin të pa gatuar. Ne në Tiranë e kemi të zgjidhur o Kim, se “opozita e vërtetë”, në orët e vona të natës na e gjeti kandidat Rolandin pas një gare të fortë me Godolen që e propozoi vetë Rolandi që ta konkurronte, pra nëse ndjekim këshillën yurikimiste e kemi alternativën, por problemin e kam me mamane time.
Po si nuk na the më qartë moj Kim, se kë duhet të votojë mamaja ime në Vlorë, duke qenë se kryetari i komanduar, me autorizim, nga ai që ka bërë vetëm një hap pas, i kësaj opozitës që ti na sygjeron nuk ka vendosur kandidat?! Po si mamaja ime, në dilemë janë votuesit në 45 bashki të tjera, të cilët kanë shumë qejf të ta plotësojnë dëshirën por e kanë të pamundur të bëjnë këtë.
Më dhimbsen shumë edhe votuesit e Korçës, por edhe të Krujës, të Lezhës, të Librazhdit, të Vorës, të Kurbinit, se deri para pak ditësh ishin të lumtur dhe të sigurt se do ta plotësonin dëshirën, por për fatin e tyre të keq kandidatët e Alibejat u tërhoqën nga gara.
Aman o Kim, mos na merr me sy të keq, se nuk është se nuk duam të ta plotësojmë dëshirën, por nuk mundemi moj zemër, thjesht nuk mundemi. Nuk mundemi se na la jetim Luli që bëri atë gjëmën e madhe me atë hapin prapa, na la jetim Alibeaj që luftoi bashkë me pushtetin për atë të shkretë vulë dhe nuk pati kohë të gjente kandidatë, e tani kemi ngelur si çifutët nëpër shkretëtirë që do ta kërkojmë kandiatin por nuk do ta gjejmë o admirale.
E në këto kushte vlonjatët e si ata edhe 51 bashkitë e tjera (mos kujto se nuk di të numëroj, moj, se jam ekonomiste, në fillim ishin 45 bashki pa kandidatë po tani kemi 51) e kanë të pamundur të ta plotësojnë dëshirën.
Mos ndoshta në intervistën tënde duhet të kishe dalë më hapur dhe të thoje që të votonim kandidatën e Ramës?
Se jo për gjë, po këta të rretheve ngelën sërish të hanë bar. Na e tha edhe Rolandi këtë gjë, na e tha moj na e tha, me zë edhe figurë na e tha se kush voton Foltoren do përfundojë duke ngrënë bar.
Po do ti moj që ne ka filluar të na pëlqejë vegjetarianizmi?! Jo për gjë po është edhe i mirë për organzimin.
Rrofsh ti o Kim, e bashkë më ty edhe Rolandi që na theksuat sërish rrugën e duhur, se tani e tutje nuk do kemi më as kolesterol, as mbi peshë (sidomos mua më shpëtove me këtë të fundit).
Do ta lë pak ironinë dhe tani do të drejtohem seriozisht.
Ditën që do të bëhen llogaritë se sa na ka kushtuar ne shqiptarëve epoka 'ramiste' si dhe sa na keni kushtuar të gjithë ju patericat e tij, do të kuptojmë se pse vendin e ka mbërthyer varfëria, se përse investimet e huaja marrin arratinë, se përse po zhdukemi si popull, se përse po mbytemi nga krahu i punës bangladeshase, do të kuptojmë se përse kemi hyrë në një spirale vdekjeprurëse nga e cila nuk do mundemi të dalim nëse nuk zgjedhim DREJT sot, sepse tashmë korrupsioni dhe presioni qeveritar ka fituar një fuqi centrifugale nëpërmjet së cilës po e fut vendin brenda kësaj spiraleje të pa shpresë, prandaj për këto që të thashë e për shumë më shumë se kaq ne sërish edhe në këto zgjedhje, zgjedhim të hamë bar.
Fatos Lubonja Kam qenë një ish i barazlarguar antisistem që, në vitin 2015, ka votuar për grupimin rreth Gjergj Bojaxhiut dhe n&e...
Në murin tim në Facebook dje publikova një status të Agron Gjekmarkajt në të cilin ai iu kërkonte 200 petritave pengëm...
Enton Abilekaj, KQZ Sot në 15.00, Komisioni Rregullator i KQZ, bëri një mbledhje të pakërkuar. Njësoj si propozimet e pak&eum...
Gjergj Erebara Imagjino që je një prind të cilit i ka ikur nga shtëpia vajza minorene. Je mjaftueshëm i shqetësuar sa të...
Meri Lika Të të dhurojnë vulën e partisë më të madhe opozitare kur e di se nuk ke antarësinë e asaj partie dhe...
Foto ilustruese Inteligjenca artificiale ka fuqinë e jashtëzakonshme për të ndryshuar mënyrën se si e jetojmë jetën...
Enton Abilekaj Lejimi i hyrjes së një partie në zgjedhje nuk mund të quhet i keq. Opozitar apo jo, grupimi i Alibeajt nuk duhet të...
Djana Bahçja! Në një akt të padëgjuar deri më sot, drejtësia shqiptare ka vendosur të dërgojë në burg ...
Naimi, burri i dyte i Dianes Diana Bahçja do të duhet të shijonte ditët e para me krijesën që mbajti 9 muaj brenda vetes, p...
Fabrizzio Bucci, ambasador i Italise ne Shqiperi Mjafton një shëtitje në zemër të Romës për të kuptuar se e merito...
