LIVE UPDATES
Editorial

Seksizmi si ana e dukshme e paaftësisë dhe papërgjegjshmërisë

Një komunikim fare i shkurtër në WhatsApp mes tre policëve përplot me komente seksiste tregon në fakt një paaftësi dhe papërgjegjshmëri që shpjegon se pse vendi ka një problem të rëndë me trafikimin e qenieve njerëzore dhe me dhunën në familje.

18 Mars 2023, 23:20 Nga Gjergj Erebara
Seksizmi si ana e dukshme e paaftësisë dhe
Gjergj Erebara

Imagjino që je një prind të cilit i ka ikur nga shtëpia vajza minorene. Je mjaftueshëm i shqetësuar sa të shkosh në polici. Ka shumë gjasa që vajza të ketë ikur vetë. Një aventurë pa pasoja. Dhe ka një probabilitet të vogël, por aspak të papërfillshëm që të ketë rënë viktimë e trafikut të qenieve njerëzore. Ose, të ketë ikur me dëshirë por të ketë përfunduar në duart e një njeriu të dhunshëm. Në fund të fundit, vendi ka një histori trafikimi në përmasa të tilla sa, mes trafikantëve, ka nga ata që janë bërë edhe deputetë.

Të vajturit në polici është gjëja më normale dhe shumë e këshilluar. Në fund fare, policët paguhen nga taksat për këtë punë. Dhe sado i vogël të jetë rreziku që vajza të ketë rënë pre e trafikimit të qenieve njerëzore, kujdesi i tepërt për këtë punë nuk është kurrë gabim. Për më shumë, gjatë viteve të fundit, Shqipëria, nën këshillën e vendeve më të zhvilluara, është përpjekur të luftojë dhunën në familje apo trafikun e qenieve njerëzore duke trajnuar policët që të jenë të ndjeshëm ndaj këtyre problemeve dhe gjithashtu, duke punësuar gra police, me qëllim që tendenca e natyrshme e një institucioni mashkullor të thyhet.

Problemi është se punësimi i grave në forcën policore nuk përbën automatikisht garanci se policia ka përfituar ndjesinë e nevojshme. Për më tepër, ka raste kur gratë janë gjithashtu mizogjene dhe të pandjeshme. Gratë, njësoj si edhe burrat, “institucionalizohen”. Ata dhe ato shpesh mësojnë veset e shoqërisë ku gjenden, përshtaten në mënyrë që të ndjehen të pranuar. Dhe një rast i tillë duket se shfaqet në një komunikim në grup WhatsApp ku dy policë dhe një police diskutojnë rastin e zhdukjes së një minoreneje.

Komunikimi, i cili përfundoi te faqja informative popullore Jeta Osh Qef, [Link], fillon normalisht, një shef policie përcjell foton e një vajze dhe thotë se është larguar nga shtëpia. Një police me emrin Inna, tregon institucionalizimin e vet në Policinë e Shtetit duke pyetur: “Çfarë viti prodhimi është shef?” Shefi, Rustem Dervishi, nuk i tërheq vëmendjen polices Inna, për t’i thënë, p.sh., që një vajzë minorene vijon të jetë minorene dhe shqetësim për shkak se është minorene, pavarësisht “vitit të prodhimit”. Dervishi i përgjigjet duke i thënë “model i fundit duket”. Një polic tjetër, me emrin Petrit Hala, ka një sugjerim të mençur; ai i sugjeron polices Inna se çfarë duhet të bëjë për të gjetur përgjigjen për pyetjen mbi “vitin e prodhimit”: “Shikoje Ina nga parakolpi,” thotë ai.

Policia e Shtetit pranoi vërtetësinë e komunikimit të publikuar duke e konsideruar atë “joetik”. Njoftimi [Link], bën me dije se komunikimi ka ndodhur në Tiranë, në komisariatin 1. Sipas njoftimit, personi që sugjeron që vajza e humbur “duhet të jetë model i fundit”, pezullohet nga puna për 30 ditë, ndërsa polici që sugjeron se ajo “duhet të shihet nga parakolpi” dhe që rezulton se është shefi i komisariarit, ai nuk ka marrë masë ndëshkuese. As policja Inna, e cila pyet “për vitin e prodhimit”.

Komentet seksiste janë ana e jashtme e një problemi shumë më të rëndë.

Që të luftosh fenomene të tilla si trafikimi i qenieve njerëzore apo dhuna në familje, ke nevojë për një polici që trajton seriozisht çdo rast, pavarësisht se shumica e rasteve të largimit të vajzave nga familja janë pa dëm. Është pak a shumë si puna e terrorizmit. Me mijëra alarme për bombë njoftohen nëpër botë, shumica dërrmuese e të cilave janë false. E megjithatë, asnjë forcë policore nuk mund t’i lejojë vetes të mos ndjekë protokollin njësoj sikur alarmi të ishte 100% i sigurt për bombë reale. Inteligjenca policore e çfarëdolloj niveli, e një polici apo një policeje, e një shefi apo një vartësi, nuk është në gjendje të dallojë nëse largimi i një vajze nga shtëpia është një reagim me emocionalitet të tepruar nga prindi apo është një rast i trafikimit të qenieve njerëzore. Dhe kuptohet që policja Inna ka nevojë të mësojë se një minorene vijon të mbetet ligjërisht dhe njerëzisht minorene pavarësisht “vitit të prodhimit” ndërsa shefi i saj duhet të dijë se një minorene vijon të mbetet minorene pavarësisht “llojit të parakoplit”.

Kjo tregon shumë se gjithë ato vite trajnimesh për problemet gjinore në Policinë e Shtetit nuk kanë mjaftuar. Dukshëm policja Inna dhe shefat Rustem dhe Petrit kanë nevojë të trajnohen sërish, me grupe të përzjera policë dhe police, për t’i shpjeguar se “parakolpi”, sido që të jetë, nuk e bën një vajzë imune nga trafikimi apo dhuna në familje dhe se fakti që shumë vajza arratisen nga shtëpia me ndonjë shok, kjo nuk i bën më pak të rrezikuara, më pak shtetase dhe më pa nevojë për mbrojtje policore. Dhe për më tepër, lloji i parakolpit nuk përbën indicie për llojin e moralit të vajzës dhe as nuk mund të përbëjë tregues për llojin e shërbimit policor që ka nevojë.

Ndërsa shefi Petrit bën mirë që njerëzisht dhe ligjërisht të mos shohë vajzat minorene nga “parakolpi”, veçanërisht në rastet kur ato janë sjellë në vëmendjen e tij, pikërisht për faktin që janë minorene. Një polici që nuk arrin të trajtojë me seriozitetin e duhur rastin e zhdukjes së një minoreneje është një polici e paaftë për të na mbrojtur nga trafikantët e qenieve njerëzore./BIRN

komentet e shefave te policise

Sondazh

Poll
Editorial 16 Mars 2023, 16:56 Anthony Zurcher

AI: Sa 'të frikësuar' duhet të jemi?

Foto ilustruese Inteligjenca artificiale ka fuqinë e jashtëzakonshme për të ndryshuar mënyrën se si e jetojmë jetën...

Editorial 9 Mars 2023, 12:35 Ditmir Bushati

Mes ideales dhe të mundshmes

Negociatat e 27 Shkurtit ndërmjet Kosovës dhe Serbisë në Bruksel përfunduan me arritjen e një marrëveshjeje të propozu...

Editorial 7 Mars 2023, 09:16 Meri Lika

Diktatura e Absurdit

Meri Lika Do ta nis shkrimin tim me një strofë nga teksti i një kënge për fëmijë, me titull “Mbretëria me kok...

Del VIDEOJA, Elia godet Princ Lekën: Familja ime të ka mbajtur me bukë

Del VIDEOJA, Elia godet Princ Lekën: Familja ime të ka mbajtur me bukë

VIDEO/ Noka i jep Spiropalit pankartën, Ministrja ofrohet ta mbaj para fytyrës

Publikohen pamjet nga brenda bazës ajrore të Kuçovës, Komandanti: E gatshme për stërvitjen e trupave

Tempulli 2/ Me kanabis gati për shitje dhe shuma parash, arrestohen 4 të rinj në Tiranë

Dalin pamjet nga kasollja ku u vra 50-vjeçari në Durrës

Kontrabandonin ilaçe dhe telefona, arrestohen dy persona në Tiranë, sekuestrohen 47 iPhone

I vunë flakën eskavatorit me vlerë 150 mijë euro, arrestohen 2 autorët e ngjarjes

Reshjet e shiut dhe borës në vend, policia: Moderoni shpejtësinë e mos kryeni parakalime të gabuara

Kampioni Alvin Karaqi mes lotësh: Për besë u ndjeva si Gjergj Kastrioti kur mora flamurin

'Dokumentar horror'/ Berisha publikon pamjet: Do ju paraqes terrorin që Bajrajt ushtruan më 14 maj

Krimi në Bulqizë/ Fqinji: Po hante bukë në banesë kur erdhën dy makina!

Dosja "Gjici"/ Zv.kryetari i bashkisë së Kukësit shkon në SPAK

Newsroom 11 |XAMA: LAJMI I FUNDIT FAKE QË PASHË, ISHTE PËR MUA

Newsroom 11 |XAMA: KËSHILLË QYTETARËVE- MOS LEXONI VETËM NJË BURIM

Newsroom 11 | XAMA: GAZETARËT NUK SHKRUAJNË ME EMËR, KJO S'ËSHTË ETIKE

Xama në Newsroom: Lajmet e rreme përhapin panik! Më akuzuan se kisha marrë para për një shkrim

Muka në Newsroom: Në Shqipëri ka portale gjobaxhie, u bëjnë shantazh njerëzve

Xama në Newsroom: Fake News shpërndahet më shumë në Facebook e Tik Tok! Gazetarët të shkruajnë emrin

Newsroom 11 |Kush prodhon lajme të rreme në Shqipëri

Newsroom 10 |SENJA: NE S'REAGOJMË NDAJ GJUHËS SË URREJTJES

Newsroom 10 |HAZIZAJ: 'ÇOHU ENVER', PJESË E GJUHËS SË URREJTJES

Newsroom 10 | HAZIZAJ KEMI MARRËVESHJE PËR TË MBROJTUR 'VIKTIMAT'

Newsroom 10 |HAZIZAJ: GJUHA E URREJTJES KA SHKAKTUAR DHE KRIME

Newsroom 10 |GAZETARI: GJUHA E URREJTJES, PJESË E SHOQËRISË

Newsroom 10 |HAZIZAJ: GJUHA E URREJTJES, E FRIKSHME NË SHQIPËRI

Vidhnin në banesa duke përdorur çelësa të klonuar, vihet në pranga 1 person,nje tjeter në kërkim

Newsroom 10 |GJUHA E URREJTJES PËRDORET NGA POLITIKA, AMA TË KONTROLLOJË GJUHËN E URREJTJES

Newsroom 10 | HAZIZAJ: STEREOTIPET NXISIN GJUHËN E URREJTJES

Newsroom 10 | HAZIZAJ: GJUHA E URREJTJES LUFTOHET ME EDUKIM

Newsroom 10 | Gjuha e urrejtjes në media, si dhe kush e shpërndan?

Ndryshimet në PS/ Gjiknuri: S'është fundi, por fillimi i diçkaje të re.

Inceneratorët/ S’kam dhënë asnjë kontratë pa garë, ato janë publike!

Ndihet 'i shitur' nga Rama? Gjiknuri: Nuk ndjej braktisje, kam komunikim me të prej 20 vitesh

Klosi: Kemi primare reformimin e partisë, PS synon mandatin e katërt

U shkarkua si Sekretar i Përgjithshëm, Gjiknuri: PS edhe kur fiton, refekton!

Digjet shtëpia në Shkodër, në banesë ndodhej një i moshuar, përfundon në spital

Vazhdon përplasja në PD! Basha kërkon mbledhjen e Komisionit të Etikës për të, Bardhi: Shenjë humbje

Vrasja e Jetmirës/ Autori u dënua me 28 vite burg, nëna e viktimës: Duhet dënim përjetë!

Newsroom 9 | Kallanxhi: Threads? S`besoj se do zgjasë shumë

Newsroom 9 | Eksperti i IT: Mos merrni për bazë asgjë thuhet në rrjet

Newsroom 9 | Gazetarja: po ndodhin vrasje nga tik tok

Newsroom 9 | Eksperti i IT: Fake News dallohet vetëm po të jemi kritikë

Newsroom 9 | Kallanxhi: Shqiptarët besojnë gjithçka shohin në rrjet

Newsroom 9 | Eksperti i IT, Tomi Kallanxhi: Tik Tok ka "fake news" sepse s'ka censurë

Newsroom 9 | Gazetarja: Shqipëria do kohë të përshtatet me Tik Tok

Newsroom 9| Eksperti i IT: Çdo rrjet është i përkohshëm, duhet të kujdesemi për vlerat

A mund të mbyllet TikTok për Shqipërinë? Flet për Newsroom eksperi i IT

Fëmija mbyllet brenda në shtëpi, nëna e alarmuar njofton zjarrfikësit, NDËRHYRJA nga ballkoni

Newsroom/ Karabolli: Shqipëria do kohë të përshtatet me TikTok, e provuan edhe gazetarët, s’ia dolën

Newsroom 9 |Tik-Tok Kultura, platformë krijimi apo dizinformimi?