Lobimi i fondacionit Shqiptaro-Amerikan, PD: Kontributi financiar është marrë përsipër nga patriotët shqiptarë...
Berisha i drejtohet Ramës: 11 maji po vjen dhe do marrësh përgjigjen që meriton 26 Prill, 20:50 "Rama hyri...
Gratë në politikë/ Ministrja kroate në takimin e PD-së: Ne jemi parti të djathta, luftojmë për familjen,...
FOTO/ Dalin pamjet nga takimi 15-minutësh mes Trump dhe Zelenskyt në Bazilikën e Shën Pjetrit 26 Prill, 12:21 ...
Oferta tjetër, GPT-3, u vu në dispozicion në nëntor. Ndërfaqja Chatbot-GPT e nxjerrë nga ai programim ishte shërbimi që lançoi një mijë artikuj lajmesh dhe postimesh në mediat sociale, ndërsa reporterët dhe ekspertët testuan aftësitë e tij - duke u befasuar shpesh me rezultate mahnitëse.
Inteligjenca artificiale ka fuqinë e jashtëzakonshme për të ndryshuar mënyrën se si e jetojmë jetën tonë, në mënyra të mira dhe të rrezikshme.
Ekspertët kanë pak besim se ata që janë në pushtet janë të përgatitur për atë që do të vijë. Në vitin 2019, një grup kërkimor jofitimprurës i quajtur "OpenAI" krijoi një program softuerësh që mund të gjeneronte paragrafë të një teksti koherent. "OpenAI" fillimisht vendosi të mos e bëjë krijimin e tij, të quajtur fillimisht GPT-2, plotësisht të disponueshëm për publikun nga frika se njerëzit me qëllime dashakeqe mund ta përdorin atë për të gjeneruar sasi masive dezinformacioni.
Në një deklaratë për shtyp duke njoftuar vendimin e tij, grupi e quajti programin që vetë ata e kishin krijuar si "shumë të rrezikshëm".
Oferta tjetër, GPT-3, u vu në dispozicion në nëntor. Ndërfaqja Chatbot-GPT e nxjerrë nga ai programim ishte shërbimi që lançoi një mijë artikuj lajmesh dhe postimesh në mediat sociale, ndërsa reporterët dhe ekspertët testuan aftësitë e tij - duke u befasuar shpesh me rezultate mahnitëse.
Chatbot-GPT krijoi rutina stand-up në stilin e komedianit të ndjerë George Carlin rreth dështimit të Bankës së Silicon Valley.
Filloi të mendonte për teologjinë e krishterë. Shkroi poezi. Shpjegoi fizikën e teorisë kuantike për një fëmije sikur të ishte reperi Snoop Dogg. Modele të tjera të inteligjencës artificiale, si Dall-E, gjeneruan pamje vizuale aq bindëse saqë kanë ndezur polemika.
Të martën, OpenAI debutoi versionin më të fundit të programit të tij, GPT-4, për të cilin thotë se ka kufizime të forta për përdorimet abuzive. Arati Prabhakar, drejtore e Zyrës së Politikës së Shkencës dhe Teknologjisë në Shtëpinë e Bardhë, thotë se është e emocionuar për mundësitë e AI ofron, por ajo gjithashtu ka një paralajmërim.
"Ajo që ne të gjithë po shohim është shfaqja e kësaj teknologjie jashtëzakonisht të fuqishme. Kjo është një pikë kthese, por historia na tregon se kjo fuqi teknologjike mund dhe do të përdoret për të mirë dhe për keq."
Bashkëpanelisti i saj, Austin Carson, ishte pak më i hapur.
“Nëse pas gjashtë muajsh nuk jeni plotësisht të trembur, atëherë unë do t'ju qeras me një darkë”, i tha audiencës themeluesi i SeedAI, një grup këshillues për politikat e inteligjencës artificiale.
"Freaked out" është një mënyrë për ta thënë atë që të gjithë ndjejmë. Amy Webb, drejtuese e Institutit Future Today dhe një profesoreshë biznesi në Universitetin e Nju Jorkut, u përpoq të përcaktojë sasinë e rezultateve të mundshme në prezantimin e saj SXSW.
Në një skenar optimist, zhvillimi i AI fokusohet në të mirën e përbashkët, me transparencë në hartimin e sistemit të AI. Teknologjia shërben si një mjet që e bën jetën më të lehtë dhe më të qetë. Skenari katastrofik i zonjës Webb përfshin më pak privatësi të të dhënave, më shumë centralizim të pushtetit në një pjesë të vogël të kompanive.
Se nga cili drejtim shkon teknologjia, tha zonja Webb për BBC, në fund të fundit varet kryesisht nga përgjegjësia me të cilën kompanitë e zhvillojnë . A e bëjnë këtë në mënyrë transparente, duke zbuluar dhe kontrolluar burimet nga të cilat chatbot-ët - të cilët shkencëtarët i quajnë Modele të Mëdha Gjuhëshe - marrin informacionin e tyre?
Faktori tjetër, tha ajo, është qeveria - rregullatorët federalë dhe Kongresi - që mund të lëvizin shpejt për të vendosur kufizimet ligjore për të udhëhequr zhvillimet teknologjike. Në këtë drejtim, përvoja e qeverisë me kompanitë e mediave sociale - Facebook, Twitter, Google dhe të ngjashme - është thjesht "ilustruese". Dhe përvoja nuk është inkurajuese.
"Ajo që dëgjova në shumë biseda ishte shqetësimi se nuk kishte asnjë kufizim ligjor,"- tha Melanie Subin, drejtore menaxhuese e Institutit Future Today, për kohën e saj në South by Southwest.
"Ekziston një ndjenjë se diçka duhet bërë."
Mbikëqyrja e kompanive të mediave sociale bazohet kryesisht në Aktin e Desencës së Komunikimit, të cilin Kongresi e miratoi në vitin 1996, dhe një dispozitë të shkurtër por të fuqishme që përmbahet në seksionin 230 të ligjit. Politikanët e të djathtës ankohen se ligji ka lejuar Google dhe Facebook të censurojnë ose zvogëlojnë dukshmërinë e opinioneve konservatore. Ata në të majtë i akuzojnë kompanitë se nuk bëjnë sa duhet për të parandaluar përhapjen e gjuhës së urrejtjes dhe kërcënimeve të dhunshme.
"Ne kemi një mundësi dhe përgjegjësi për të pranuar se retorika e urrejtjes çon në veprime urrejtjeje," tha Jocelyn Benson, Sekretarja e Shtetit e Miçiganit. Në dhjetor 2020, shtëpia e saj u vu në shënjestër për të zhvilluar një protestë nga mbështetësit e armatosur të Donald Trump, të organizuar në Facebook, të cilët po sfidonin rezultatet e zgjedhjeve presidenciale të vitit 2020.
Ajo ka mbështetur legjislacionin e praktikave mashtruese në Michigan që do të mbante kompanitë e mediave sociale përgjegjëse për përhapjen e informacionit të dëmshëm me vetëdije. Ka pasur propozime të ngjashme si në nivel federal, ashtu edhe në shtete të tjera, së bashku me legjislacionin që kërkon që faqet e mediave sociale të ofrojnë më shumë mbrojtje për përdoruesit e mitur, për të reduktuar ngacmimet në internet. Opinioni është i përzier, mbi shanset e suksesit të një reforme të tillë. Kompanitë e mëdha të teknologjisë kanë ekipe të tëra lobistësh në Uashington DC dhe kryeqytetet e shteteve, me të cilat mund të ndikojnë politikanët përmes donacioneve që bëjnë gjatë fushatave.
“Pavarësisht provave të shumta të problemeve në Facebook dhe faqet e tjera të mediave sociale, kanë kaluar 25 vjet”, thotë Kara Swisher, një gazetare teknologjike.
Rreziku, thotë Swisher, është se shumë nga kompanitë që kanë qenë lojtarë të mëdhenj në mediat sociale - Facebook, Google, Amazon, Apple dhe Microsoft - tani janë liderë në inteligjencën artificiale. Dhe nëse Kongresi nuk ka qenë në gjendje të rregullojë me sukses mediat sociale, do të jetë një sfidë për ta që të lëvizin shpejt për të adresuar shqetësimet rreth asaj që zonja Swisher e quan "gara e armëve" e inteligjencës artificiale.
Krahasimet midis rregullimit të inteligjencës artificiale dhe mediave sociale nuk janë gjithashtu thjesht akademike.
Edhe nëse qeveria arrin të miratojë rregullore të reja për mediat sociale, ato mund të jenë të kota përballë një vërshimi të përmbajtjeve të dëmshme të krijuara nga AI./BBC
Enton Abilekaj Lejimi i hyrjes së një partie në zgjedhje nuk mund të quhet i keq. Opozitar apo jo, grupimi i Alibeajt nuk duhet të...
Djana Bahçja! Në një akt të padëgjuar deri më sot, drejtësia shqiptare ka vendosur të dërgojë në burg ...
Naimi, burri i dyte i Dianes Diana Bahçja do të duhet të shijonte ditët e para me krijesën që mbajti 9 muaj brenda vetes, p...
Fabrizzio Bucci, ambasador i Italise ne Shqiperi Mjafton një shëtitje në zemër të Romës për të kuptuar se e merito...
Foto ilustruese ITALI- Inxhinieri Siradj Duhan ka lindur në Bosnje, por ka jetuar në Vjenë për më shumë se 30 vjet, ku ai dre...
Presidenti Guillermo Lasso dhe Joe Biden Nga Luis Ortiz*, AL JAZEERA Në thuajse dy vjet që kur Guillermo Lasso, një bankier milioner konser...
Negociatat e 27 Shkurtit ndërmjet Kosovës dhe Serbisë në Bruksel përfunduan me arritjen e një marrëveshjeje të propozu...
Meri Lika Do ta nis shkrimin tim me një strofë nga teksti i një kënge për fëmijë, me titull “Mbretëria me kok...
Enton Abilekaj Për të gjithë ata që mendonin deri sot në orën 19.00 se brenda sistemit personal të Edi Ramës ka sh...
Meri Lika “Pse s’më erdhe kur të prita 100 vjet po m’bahet dita.” Nuk e di ku i kam lexuar këto vargje, t&eum...
