Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nuk bëhet fjalë për Humanizëm. Marrëveshja Rama - Meloni nuk ka asgjë humaniste. Këtë e thonë organizatat ndërkombëtare për të drejtat e refugjatëve dhe emigrantëve, por edhe vetë marrëveshja, që parashikon izolimin e tyre për të paktën 28 ditë, në Gjadër, megjithëse periudha e trajtimit të kërkesave të tyre nuk është e përcaktuar në marrëveshje.
Sipas autoriteteve italiane do të jetë 28 ditë, pastaj sipas marrëveshjes Italia do t'i heqë nga territori shqiptar. Ku do shkojnë emigrantët apo refugjatët pasi të largohen? A mund të riatdhesohen nëse nuk ka një marrëveshje të tillë? Me legjislacionin ndërkombëtar të pranuar edhe nga Italia edhe nga Shqipëria, nuk mund të rikthehen pa një marrëveshje riatdhesimi dhe një marrëveshje riatdhesimi për azilkërkuesit nuk mund të bëhet me një vend që nuk klasifikohet si "i sigurtë" nga Bashkimi Europian. Marrëveshja mes Shqipërisë dhe Britanisë së Madhe për riatdhesim, është një shembull për këtë.
Pra, nuk është fjala për humanizëm, përkundrazi është heqja e të gjitha të drejtave humane, nëpërmjet një procesi trans, që nuk garanton as respektimin e ligjeve minimale, as të drejtave minimale. Një marrëveshje të ngjashme Italia e ka me Libinë. Në shkurt të këtij viti, kur marrëveshja u rifreskua, të gjithë institucionet dhe organizatat ndërkombëtare e dënuan. Marrëveshja me Tunizinë dështoi, edhe pse Bashkimi Europian i ofroi shtetit afrikan qindra milionë euro, për të investuar në të gjitha fushat. Ashtu si po dështon marrëveshja mes Britanisë së Madhe dhe Ruandës, për shkak të vendimeve të Gjykatave Europiane dhe të Apelit në Londër.
Nuk bëhet fjalë për të ndihmuar Italinë. Nëse në Gjadër nuk do të tejkalohet kurrë numri i 3 mijë emigrantëve me afat qëndrimi 28 ditë, kjo për Italinë dhe masat anti-emigracion, është e papërfillshme. Janë tashmë rreth 140 mijë emigrantë vetëm për 2023 që kanë mundur të arrijnë në Itali. Ata nuk riatdhesohen, por depozitohen në Lampedusa, që është shndërruar në ishull - burg, ku azilkërkuesit jetojnë në kushte mizerabël, ndërsa trafikantët sillen vërdallë me sukses. Në këto kushte Italia ka kërkuar ndihmën e BE-së. Projektin e Brukselit për shpërndarjen e emigrantëve proporcionalisht në secilin shtet e ndaluan vetot e Polonisë dhe Hungasisë.
Marrëveshja me Shqipërinë trajton rreth 2 për qind të këtij fluksi, në rast se riatdhesimi do të funksionojë. Nëse nuk funksionon, do të trajtojë 0.3 për qind, ose Shëngjini do të mbipopullohet si Lampedusa.
Marrëveshja mbetet të jetë një varkë e dëshpëruar e propagandës së Giorgia Melonit për të shpëtuar anijen e premtimeve ksenofobe që po mbytet. Edi Rama nuk është Kryeministri i majtë, ose të paktën i përgjegjshëm, i një vendi gjysmë normal, që po ndihmon Italinë, po i ofruari për miqësi të bazuar në interesa personale, për të dëmtuar të dyja vendet, vetëm për përfitime elektorale. Sepse ai vetë e tha në 2021 se nuk hyn në politikat e qeverisë së tij, hapja e një kampi për emigrantët apo refugjatët e vendeve të pasura. Pra nuk është politikë, është thjesht pazar mes dy njerëzve për interesa personale.
Marrëveshja nuk ka asnjë lidhje me emigracionin, me empatinë e një vendi emigrantësh që është kundër emigrantëve. Azilkërkuesit afrikanë, nuk vijnë në Shqipëri me vullnetin e tyre, për të kërkuar një jetë më të mirë. Në këtë rast ata nuk janë as duke e përdorur Shqipërinë si tranzit për të shkuar në vendet e BE-së. Detyrohen forcërisht të vijnë dhe të izolohen. Një vend emigrantësh, nuk do ta dëshironte kurrë këtë për shtetasit e tij dhe nuk mund ta pranojë as për emgrantët e tjerë. Aq më pak të bëhet sheshi ku të drejtat e tyre bëhen përshesh.
E vetmja gjë që garanton ky protokoll është që Shqipëria nuk do të jetë anëtare e Bashkimit Europian të paktën për 5 vjet. Deri në 5 vjet pala shqiptare duhet të funksionojë si territor trans, eksra-europian, në administrim Italian. Brenda kësaj periudhe nuk e ka të drejtën ta anulojë kontratën. Pas kësaj periudhe duhet të njoftojë 6 muaj përpara që të mos rifreskohet një tjetër 5-vjeçar. Në 2028 pra, duhet të vendoset, nëse do të vazhdojmë të shërbejmë si burgu ekstra-europian duke qenë vend europian, apo do të hyjmë në BE. Kjo varet vetëm nga Edi Rama. Nuk ka as qeveri, as parlament, as Gjykatë që ta diskutojë vendimin e tij personal.
Fatos Lubonja Ky shkrim i Fatos Lubonjës është botuar në 9 nëntor në gazetën italiane Il Manifesto Nëse në It...
Enton Abilekaj Të shtunën e 28 tetorit, një video e shpërndarë nga vetë Kryeministri do të shndërrohej në meme...
Në fjalimin e tij të shumëpritur nga Bejruti, i transmetuar drejtpërdrejt në televizion (por jo në Izrael), udhëheqësi...
Pritej të vinte një ditë si e shtuna e 21 tetorit. Pritej zhurma e madhe dhe kundër- reagimet. Deri tani duket një skemë e paras...
Foto ilustruese Kriza në Lindjen e Mesme ka zbuluar një realitet të rëndësishëm për botën. Megjithëse ndikimi ...
Shqiptarët luajnë futboll prej gati 100 vitesh, por asnjëherë ata nuk kanë fituar kaq shpesh dhe kaq lehtësisht, si kohët e...
Kur një grup i armatosur rëndë sulmoi policinë në veri të Kosovës më 24 shtator, duke vrarë një polic dhe du...
Sulmi mizor që kreu Hamasi gjatë kësaj jave në Izrael po e n botën tjetër në dy pjesë. Një palë dënojn...
NGA DITMIR BUSHATI Bota u zgjua dje me imazhe të tmerrshme të sulmeve terroriste të Hamasit kundër Izraelit, të cilat me të dre...
Gjëja më absurde që po ndodh tek ne, nga koha kur na qeveris e majta është se, edhe pse mund të jemi shumica kundër qeveris...
