Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
E kështu o moj e dashur Nancy, kur të na thuash se opozita që duhet të zgjedhim duhet të jetë pikërisht ajo që do ti, mos harro se vetëm nga dashuria e asaj para teje, e Yurit domethënë, opozita jonë gati u shua.
TIRANË- Lajmërim, lajmërim Ambasada Amerikane më në fund u bë e gjallë. Epo në ditët e fundit të saj, administrata e Yurit, më fal e Nancyt, nuk mund të rrinte pa na dhënë lamtumirën dhe sigurisht që do ta japë ashtu si i takon standardit të saj, jo dosido.
Njoftimi i ambasadës se kë opozitë duhet të zgjedhim, më kujtoi këngën e kënduar nga Nek “Laura non c'è”. Për çudinë time, tek emri nuk më shkonte Laura, por Nancy (po po dhe ja tamam kështu me gërmat “a” dhe me “y”) dhe këtë këngë, të modifikuar automatikisht nga truri im, e pata motiv gjatë gjithë ditës.
Nancy non c'è, è andata via. Nancy non è più cosa mia.
Për atë pakicën që nuk di italisht, nuk flas për shëngjinasit se ata tashmë janë italianë, por flas për zonat e tjera që nuk e kanë këtë fat, këto vargje përkthehen kështu (me pak përshtatje nga ana ime sigurisht):
Nensi s’është më, ajo ka shkuar. Nancy tani është diçka e harruar.
E dashur Nancy, duke qenë se në këto muaj ti je vetëm e ngarkuar me punëra të mëdha, që të përcaktosh qeverisjet dhe politikat e vendit “më të fuqishëm” në botë, e kam fjalën për Shqipërinë, prano nga unë, me modestinë që më karakterizon, disa trokitje të vogla në kujtesën tënde.
Po ja o Nancy, kur të na thuash se kë të zgjedhim për të na qeverisur, mos harro se ne tani kemi ngelur aq pak brenda kufijëve, sa shteti jot ka punonjës në FBI. E dije ti këtë? Po moj, e lexova një ditë, FBI kishte 1 milion e gjysmë punonjës, dhe fiks aq kemi ngelur edhe ne.
Nancy e dashur, kur të hedhësh lart e poshtë barin që të ka lënë Yuri, o Zot Yuri ishte një dashuri më vete, kur erdhi jo dhe aq ama kur iku..., yll moj yll u bë, nuk janë gjë aktoret e Hollywood-it tuaj, e pra se e humba fillin nga çoroditja që pësoj sa herë më kujtohet Yuri, e kisha fjalën atje tek bari, kur të na hedhësh ne “bagëtisë” mos harro se ne nuk kemi më portin më shumë se dy mijë vjeçar, se me shumë bujari ia dhamë Ha-labarit.
Që nga koha kur Yuri provoi “dashurinë” e madhe që kryeministri ynë ka për shtetin tënd aq sa vetëm e vetëm që të takonte presidentin tuaj u bë prindi 1 (i shkreti i nënës sa lufton e sa përpiqet moj Nancy), e pra që nga ajo kohë ne nuk kemi më as portin e Vlorës.
Mospasja po i vjen rrotull edhe Sazanit e dije?
O Nancy po duhen qoka moj grua, kemi detyrime, se kemi një postulat ne “më ka ardhur kur kisha hall jam e detyruar t’i shkoj”, edhe kjo punë kështu është. Kur kishte hall kryeministri ynë, shteti jot ia hapi dyert, e priti dhe e përcolli Yuri mu si zotëri e priti, ia bëri të gjitha temenatë, deri tek shefin e zbulimit i dha që ta sajdiste personalisht.
Kur të flasësh o Nancy, dua që të kesh parasysh se kjo që ne vazhdon të na qeverisë, është qeveria që vodhi gjithë ç’i doli përpara, e VODHI Nancy, pa iu dridhur dora fare dhe as qerpiku moj. Nuk është se ka faj qeveria moj e dashur, e kemi vetë fajin se po flinim mbi dafina të sigurt që nuk kishte hajdut dy metra.
E kështu o moj e dashur Nancy, kur të na thuash se opozita që duhet të zgjedhim duhet të jetë pikërisht ajo që do ti, mos harro se vetëm nga dashuria e asaj para teje, e Yurit domethënë, opozita jonë gati u shua.
Ne e dashur Nancy nga kjo qeveri që ti dhe të ngjashmit e tu mbështetët, paguajmë për inçenerator imagjinarë, paguajmë për shëndetësi imagjinare, paguajmë për rrugë imagjinare, pastrim imagjinar, madje madje paguajmë edhe për satelitë imagjinar.
Jemi duke paguar edhe për fëmijë imagjinar, moj ti, kupton apo jooooooooo, po na i vrasin fëmijët dhe ne nuk kemi fuqi të qetësojmë sadopak shpirtin me ngushëllimin se pati drejtësi.
Nga ajo drejtësia e re që na shitët ju, o Nancy, ne nuk po marrim vesh se përse hajdutët dhe kriminelët nuk dënohen, afërmendsh që kjo vjen vetëm falë paaftësisë sonë për të kuptuar se sa i vështirë është krimi intelektual.
Nancy e dashur, unë e di që ky vendi ynë i vocëkl i vockël, vocërrak, nuk ekziston fare për ju, por që ta dish ti moj xhane, ekziston për ne, dhe na duket aq i madh, po aq i madh sa ty të dërgojmë atje ku nuk thuhet dhe nuk trembemi fare.
Se që ta dish ti o Nancy me ngarkesa (tek ne gomari ngarkohet sa për dijeni), ne mund të jemi të vegjël (se na zvogëluan shtete dhe pushtete si yti), mund të jemi të varfër (se na varfëroi qeveria që ju e keni për zemër), ne mund të jemi pak (se na përgjysmoi ky ekstravangati që dashuronte Yuri), ne mund të mos kemi forcë (se na dobësoi ky vëllai i Vuqiqit), por ne moj Nancy nuk na bëhet vonë për ty dhe as për ngarkesat e tua dhe të themi ty:
O moj Nancy me ngarkesa këtë radhë hiç s’të pret presa.
edi rama TIRANË- Marrëdhëniet e Bashkimit Evropian me Shqipërinë shpesh shihen si jashtëzakonisht pozitive. Kjo ësht&eum...
Dorian Sadiku - President i Unionit të Biznesit Farmaceutik; President i Bordit të Menaxhimit në Delta Pharma TIRANA- PharmaHorizon 2025 &eu...
endri xhafo TIRANË- Holta Zaçaj është kryetare e Gjykatës Kushtetuese, Sokol Sadushi është kryetar i Gjykatës s&e...
Meri Lika TIRANA- Ka shumë entuziastë në lidhje me veprimtarinë e SPAK-ut, do kisha dashur shumë që edhe unë të ish...
Sokol Sadushi TIRANA- Kryetari i Gjykatës së Lartë, Sokol Sadushi, ka shpallur këtë të Mërkurë procedurën p&eu...
Meri Lika TIRANË- Trokitja e agjentëve të BKH në derën e shëtpisë së Erjon Veliajt, nuk e di pse më kujtoi p&e...
Foto ilustruese EUROPA- Pas vitesh diskutimesh jo të frytshme dhe planeve të dështuara në Bashkimin Europian, një vend, Itali...
Ndonëse teknikisht i mundur, ndryshimi i kahut të lumit Ibër nga Serbia në dëm të Kosovës do të shkaktonte shkelje t&e...
Hans Henri P. Kluge (Drejtor Rajonal i OBSH-së për Europën) dhe Robb Butler (Drejtor i Divizionit të Sëmundjeve Transmetuese,...
Protesta Situata politike dhe sociale në Gjeorgji mbetet e tensionuar. Forcat opozitare, të cilat nuk duan të njohin legjitimitetin e parlam...
