Protestë masive kundër projektit në Zvërnec/ Qytetarët para Kryeministrisë thirrje kundër qeverisë: Rama të japë dorëheqjen (PAMJET)
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
Protesta vijon, qytetarët shpalosin flamurin masiv kuq e zi në bulevard: Rama ik 4 Qershor, 21:28 Betejë pa li...
"Rama do organizojnë antimiting në Vlorë", Balla i përgjigjet Berishës: Kemi festën e PS, por ti nuk je i ftuar! ...
Ish-ushtarak dhe njohës i armëve/ Kush është Violand Braçellari, 43-vjeçari që vrau një polic e...
Pas më shumë se tre orësh, mbyllet protesta para Kryeministrisë/ Qytetarët thirrje: Nesër sërish në...
Pak ditë më parë, në numrin e kontaktit të emisionit Fiks Fare, 0693333313 erdhën disa video ku tre fëmijë të moshës 15, 12 dhe 11 vjeç, tregonin gjendjen e mjerueshme të banesës ku jetonin.
Ata qanin, dhe ankoheshin se nëna e tyre i keqtrajtonte, pasi vuante nga probleme të shëndetit mendor. Në njërën nga videot, nëna duket se godet njërën nga vajzat, ndërsa në një tjetër nëna, urdhëron babain të mos e prekë miellin për të bërë petulla për fëmijët, pasi në të kundërt do të thërrasë policinë. Të alarmuar nga kjo gjendje, gazetarët e Fiksit u nisën menjëherë për ta ndjekur si rast.
Në banesën ku jetonin, kishte vetëm dy dhoma, ndërsa energjinë elektrike e merrnin nga komshinjtë. Banjo ishte jashtë banesës pa derë, dhe nuk kishin as ujë të ngrohtë për t’u larë. Ushqimi mungonte dhe fëmijët tregonin që nëna e tyre e cila vuante nga probleme të shëndetit mendor i rrihte, i linte pa ngrënë dhe i nxirrte jashtë nga banesa në shi e në të ftohtë. Në intervistë nëna pranon që ushtron dhunë mbi fëmijët por e bën nga sëmudja “unë nuk jam për vete e jo më për fëmijët” shprehet ajo. Gazetarëve ajo i kërkon ndihmë për veten e saj që të mund të shtrohet në një qender të specializuar dhe të kurohet. Gjendja e saj e rënduar shihet qartë dhe kuptohet kur shprehet se nuk do që fëmijët e saj të hanë kempin që ajo merr prej 100 mijë lekësh të vjetra. Ata ndihmoheshin nga një zonjë e cila jetonte aty pranë, që i jepte për të ngrënë dhe mundohej të kujdesej për ta. Ajo nuk pranoi të bëhej publike, por gjatë gjithë kohës lutej për ndihmë për këta fëmijë që ishin në mëshirë të fatit. Vajza e madhe, 15 vjeçe, tregon se babai nuk punon, ai mundohet të kujdeset për ta, por për shkak të papunësisë dhe të gjendjes në të cilën jetonin ai i është dorëzuar alkoolit.
Vajzës së madhe e cila është në vitin e parë të gjimnazit, i ka rënë edhe pesha më e madhe, ajo duhet të kujdeset për të vegjlit dhe veten e saj. Por mbi të gjitha sipas saj duhet të durojë edhe akuzat, ofendimet që i bën nëna, edhe pse e justifikon se i bën nga sëmundja. Rreth dy vite më parë, ajo tregon se nëna e akuzoi se ishte shtatëzanë dhe policia e hetoi si ngjarje. Vajzës ju bë një vizitë gjinekologjike dhe doli e pa prekur. Kjo ngjarje u raportua edhe tek Shërbimi Social pranë Bashkisë Kuçovë, por në atë kohë nuk u mor asnjë masë, madje në shërbim, nuk ka asnjë dosje të kësaj familje.
Fiksi u interesua në zyrën e Shërbimit Social, që aktualisht janë duke e trajtuar këtë rast, edhe pse një gjë e tillë duhet të ishte bërë që para tre vitesh. Përgjegjësia e Njësisë për Mbrojtjen e Fëmijës tregon se është vënë në dijeni për rastin më datë 31 dhjetor, dhe dosje të mëparshme nuk ka patur. Ajo thotë se është mbledhur menjëherë një grup pune për të shqyrtuar rastin pranë bashkisë dhe është menduar që fillimisht të merren me nënën, duke e shtruar në një qendër të specializuar për persona që vuajnë nga sëmundje të shëndetit mendor. Ndërsa për fëmijët dhe babain është akoma duke u vendosur, duke marrë parasysh interesin më të lartë të fëmijës.
Fiksi kontaktoi edhe me inspektorin e policisë së zonës ku jeton familja, i cili tregon se me rastin është njohur që para tre vitesh, kur nëna akuzoi të shoqin për dhunë në familje. Ai menjëherë nxorri një urdhër mbrojtje. Më pas erdhi akuza për vajzën që sipas tij u hetua dhe pas kontrollit tek mjeku vajza doli e pa prekur. Në atë kohë ai thotë se ka lajmëruar edhe shërbimin social, por nuk di të shpjegojë pse ata nuk kanë vepruar për të ndihmuar këtë familje, që sipas tij jeton në kushte të mjerueshme. Ai thotë se aktualisht është duke udhëtuar me makinë drejt spitalit, ku po dërgon nënën për t’u shtruar që të marrë mjekimet e nevojshme, ndërsa për fëmijët është duke vendosur shërbimi social për t’i ardhur në ndihmë menjëherë.
Marrë nga Top Channel
1 vit nga zgjedhjet e 25 prillit si e shikoni gjendjen e vendit:
Karantina e pranverës, e cila në kulmin e saj përfshiu më shumë se gjysmën e popullsisë së botës, nxiti një rënie të paparë më parë. Në prill prodhimi ekonomik ...
TIRANË– Guvernatori i Bankës së Shqipërisë, Gent Sejko ka deklaruar se ndikimet negative në ekonomi pritet të jenë afatshkurtra dhe kthimi duhet të jetë i ...
TIRANË– Ministrja Anila Denaj është përplasur me eksperten e ekonomisë Zana Guxholli. Te ftuara në “Open”, të dyja debatuan teksa diskutonin për taks...
TIRANË– Normat e shfrytëzimit të kapaciteteve në ekonominë shqiptare ngelën të ulëta edhe në tremujorin e katërt të vitit të kaluar.Sipas vrojtimit t...
Dorian H. është një i ri shqiptar që ka fituar deri më tani 200 mijë dollarë nga puna online për individë dhe kompani jashtë vendit. Profesioni i tij është i li...
Çudirat në vendin tonë nuk kanë të sosur! Tushe Dosti nga Fieri ankohet në emisionin Fiks Fare se edhe pse ka qenë viktimë e dhunës së ushtruar nga bashk...
Sëmundja e Pishave ose e njohur ndryshe si procesionaria po çon drejt tharjes pyjet nga veriu në jug. Eksperti Agron Qerimi shprehet se përhapja e saj ta...
Fenomeni i rritjes së çmimeve në prag të festave të fund vitit ka marrë fund, teksa shihet se niveli i inflacionit gjatë muajit dhjetor ishte vetëm 1.1 p...
Banka Botërore është optimiste për rimëkëmbjen e ekonomisë duke marrë parasysh që në shumë vende të botës ka nisur të bëhet vaksina anti-COVID-19. Në parashikim...
