Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Jep dorëhqjen, nuk ka dialog!
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Dita e 49-të e protestës/ Qytetarët zbresin sërish në shesh, kërkohet dorëheqja e kryeministrit Rama: Ju erdh...
Shetet e Gjirit Persik dënojnë sulmet iraniane ndaj infrastrukturës civile: Janë krime lufte 18 Korrik, 17:37 ...
Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Nga Elton Qyno
Kur po mbushen 48 orë, nga ekzekutimi me metoda të epokës neandertale i Mateos, 8-vjeçarit ëngjëll në një fshat të Fierit, shikoj një bombardim raportimesh mediatike, të pakufizuara. Ky bombardim do vijojë të jetë me intesitet të lartë edhe ditën e sotëm, ku padyshim dashur ose pa dashur, për shkak të profesionit edhe mua më duhet të bëj një gjë të tillë. Gati dy ditë kam qëndruar si i dyzuar për të raportuar dhe shkruar disa rreshta për Mateon, yllin e vogël që u shua, teksa mostra përdori si karem një biçikletë. Jo se nuk kam pasur informacion për ngjarjen, por sapo mbrëmjen e të martës jam informuar për një situatë të tillë, ndjeva një çregullim të tensionit të gjakut në trupin tim.
Siç thotë populli:”…mu prish gjaku…”. Ndjeva një neveri, humbje shije, humbje nuhatje, një “Covid-19” të menjëhershëm dhe një ndalesë kohe e oksigjeni, duke u futur në një meditim të thellë e thënë herë pas herë: “Po sikur… larg qoftë të ishte fëmija im…”
Them i dyzuar, pasi në fakt disa herë që u ula të shkruaj, me vinte rreth kompjuterit të shtëpisë, djali im Erlisi, 8-vjeçar edhe ky sa Mateo, dhe më kërkonte llogari duke më thënë: ”…hë o ba, edhe sa punë ke, për çfarë po shkruan tani…”.
Dhe teksa në mëndje kisha shkrimin për Mateon, dhe dosjen e policisë në kompjuter, ngjitur kisha dhe Erlisin, i cili është një masë e butë dhe e ngrotë mishi, që unë e lëpij, njësoj siç lëpin lopa viçin. Ai është viçi im, këlyshi im, është drita ime. Tashmë që Erlisi po fle, unë tani në mes të natës po hedh disa rradhë për Mateon. Mateon e gjorë, që mostra Çalamani, e masakroi dhe përdhosi kufomën.
E mashtroi me biçikletë, e rrëmbeu, i lidhi duart me lidhëset e këpucëve, abuzoi me të seksualisht, i mbylli gojën Mateos që mos kërkonte ndihmë, e vrau me dy goditje kazme në kokë, i hapi gropën pranë nevojtores, i shtroi në gropë një thes najloni, e shkelmoi trupin e pajetë të një ëngjëlli drejt e në gropë dhe në fund e mbuloi. E më pas shkoi e piu raki.
E mandej kaloi disa herë gjatë ditës, përmbi trupin e një ëngjëlli të groposur, për të shkuar, e përmierë në nevojtoren e tij. Nuk ka gjë më fyese, poshtëruese për një fëmijë të pambrojtur dhe familjen e tij. Epo nuk e di se në çfarë vendi të botës, këto veprime kriminale dhe kaq gjakftohta, nuk do të dënoheshin nga shteti me varje apo vrasje. Nuk besoj se në Amerikë apo ndonjë vend të Azizë, apo çdo vend tjetër ky mostër, Çalaman, do të shpëtonte pa kaluar në gijotinën e shtetit. E kujt i hyn në punë më Çalamani? Për çfarë i duhet jetës së burgut ky njeri, që pas 20 vitesh të dali si i riedukuar dhe qytetar model e të na bëjë ndonjë gjëmë tjetër? E ne të mos na ngelet gjë tjetër, veç të meremi pastaj, me prokurorin dhe qjyqtarin që e liroi.
Ndaj që përpara se të na lirohet ky mostër, brenda këtyre tre muajve gjejani vendin Çalamanit, dhe jepjani komunales së Fierit, ti bëjë ceremoninë. I kam dëgjuar këto dy ditë, katedralët, se dënimi me vdekje nuk është zgjidhje. Po se kështu, e po se ashtu, e se nuk na lejon Europa. Por i thonë një shprehje: “…bjeri pragut, që të dëgjojë dera…”. Dhe ky rast është tipik për ti rënë ballit, që mostra si punë e këtij dhe njerës të tjerë të këtij soji, mos i bëjnë karshillik fëmijëve, me hanxhar në dorë.
A ju kujtohet Ardian Prrenjasi? A ju kujtohet Shaban Norja i famshëm? A ju kujtohet ai i Selenicës, që vrau 8 vetë edhe foshnjën madje s’e kurseu, për ca pula? A ju kujtohet Sajmir Meçani, që përdhunoi 90-vjeçaren në Lushnjë? Dhe a do ju kujtohet Çalamani i Fierit? Ai tjetri i Dhërmiut, e kështu me rradhë? A ju kujtohen Shkretat e Fushë-Krujës, që vranë me kallash fëmijën 9 vjeç në makinë? O njerëz a ju kujtohet Jetmir Llanaj, që për vrasjen e djalit 9 vjeç të pafajshëm, u kthye në bishë dhe sa vrasje bëri tek Shkretat?
Prej 24 orësh kam në kompjuter dosjen e policisë së Fierit, ku flitet mënyrën e ndodhjes së krimit dhe zbulimit të autorit të kësaj vrasje. Në dosje thuhet se:”…nga veprimet e kryera nga policia giyqesore ka rezultuar se, në datë 16 nëntor 2021 ora 14:39 është njoftuar me telefon salla operative e DVP Fier, nga shtetësja Florinda Vasiu banuese në fshatin Grecalli Fier, se fëmija i saj, Mateo Vasiu i lindur me 24 gusht 2013, është larguar nga banesa dhe nuk është kthyer më…”.
Menjëherë pas këtij njoftimi, është ftuar kjo shtetase të paraqitet në Komisariatin e Policisë Fier, për të bërë kallzim penal si dhe të japë të dhëna më të plota rreth fëmijës së saj të mitur.
“…në orën 14:58 babai i Mateo Vasiu, shtetësi Ligor Vasiu, banues në fshatin Grecalli Fier, ka bërë kallzim penal se rreth orës 13:00 është njoftuar në telefon nga bashkëshortja e tij, se djali Mateo Vasiu, nuk ka ardhur në banesë dhe nuk dihet vendodhja e tij, duke dhënë dhe karakteristikat e fëmijës dhe veshjen e tij…”.
Menjëhere pasi është marrë kallëzimi penal, shërbimet e Komisariatit të Policisë Fier, kanë shkuar në fshatin Grecalli, ku kanë kryer verifikime dhe kontroll territori. Nga kqyerja e një kamere sigurie disa metra pranë banesës së të miturit, është konstatuar se, Mateo Vasiu, është parë të dalë nga banesa e gjyshes së tij në orën 10:33 dhe në orën 10:37 éshtë parë të lëvizë me një biçikletë në lagje. Në fakt Mateo, ka marë biçikletën dhe më urdhër të Çalamanit dhe me lekët që i dha ai, ka shkuar në dyqanin e fshatit, ka blerë një bukë dhe më pas, ja ka çuar Çalamanit për ta ngrënë. Pikërisht shkuarja e tij në banesën e maniakut, ka qënë fatale për të.
Është bërë idenfitikimi i biçikletës nga ana e policisë, dhe ka rezultuar se një të tillë e dispononte shtetasi, Klodian Çalamani banor i këtij fshati, i cili e kishte banesën rreth 100 m larg, Mateos. Eshtë shkuar menjëherë për kontroll tek banesa e shtetasit Klodian Çalamani, i cili u gjend në banesë. Policia ka arritur të gjejë biçikletën, brenda në oborrin e shtëpisë. Por asnjë gjurmë të Mateos. Sipas dosjes, në një distancë 22 metra nga hyrja e banesës, pranë një avllie, është dalluar nje pjesë toke e punuar e freskët. Në anën perëndimore të oborrit, në cepin veri-perëndimor, ndodhet një banjo e ndërtuar me blloqe dhe e mbuluar me llamarinë. Në largësinë 13.1 metra nga banjo dhe 2 metra nga muri perëndimor i rrethimit të oborrit të banesës, në tokë gjendet një pjesë e punuar në formë të ç’rregullt. Te kjo pjesë tokë punuar, mbi sipërfaqe dallohet një dorë njeriu dhe konkretisht dora e majtë, ku krahu i majtë, ka të veshur sipër një bluzë me ngjyrë si në të kuqe. Ku në gishtin tregues dhe në atë të madh të dorës vërehen njolla me ngjyrë të kuqe, si ato të gjakut.Dora e ëngjëllit, kishte mbetur jashtë, e pagroposur. Si një shenjë rezistence ndaj Çalamanit barbar, që e përdhunoi, vrau dhe më pas groposi fëmijën e mitur.
“…në kyçin e kësaj dore vërehet e lidhur një lidhëse me ngjyrë blu. Pasi hiqet dheu, vërehet se në brendësi të gropës gjendet kufoma e një fëmije të seksit mashkull, ku në pjesën e sipërme, mban veshur një bluzë me ngjyrë të kuqe. Pasi hiqet trupi i fëmijës, vërehet se të dyja këmbët janë të përthyera prapa. Pak më larg gropës, policia gjeti një kazëm guri me bisht druri e shtrirë në tokë, me drejtim jug-veri. Pas pastrimit të dheut, u gjend e shtruar në pjesën e poshtme të gropës, thes plastik me ngjyrë të bardhë, i grisur, me mbishkrimijn “Diamond Fosfat”, i ndotur me njolla gjaku…”.
Efektivë policie që kanë punuar me këtë ngjarje, janë shprehur se nuk janë ndeshur ndonjëherë në karrierën e tyre me një krim kaq të rëndë dhe kaq të shëmtuar. Aq më tepër që nga kçyrja e trupit në morg, policët kanë krijuar bindjen se ndaj ëngjëllit 8-vjeçar, Çalamani ka ushtruar dhunë seksuale. Për të shpjeguar çfarë ka ndodhur, Çalamani, është marë në pyetje nga Drejtori i Policisë së Fierit dhe një prokuror i këtij qyteti, duke shtuar se vrasjen e kishte kryer pasi fëmija e kishte sharë, duke e akuzuar, më pas se i kishte ngacmuar nënën e tij.
Dëshminë Çalamani e ka dhënë në prani të një avokati mbrojtës duke treguar se:
”…banoj në fshatin Greçalli të Fierit, në lagjen “Trifon Tanka”. Kam një shtepi private, një katëshe me llamarina, me oborr rreth shtëpisë dhe në pjesën e përparme, e kam të thurur me gardh me kallëma. Nga ana e gardhit me kallëma kam edhe portën kryesore që futem në oborrin e shtëpisë. Në oborr, unë kam të mbjella disa qepe të njoma dhe kam edhe një rrënjë hardhie. Sot më datë 16 nëntor 2021, rreth orëve të mëngjesit ora 8 apo 9, nuk e di unë ndodhesha në shtëpinë time dhe më vjen djali i vogël i Florës, të cilit nuk ja di emrin, por e njof që është djali i Florës, i cili filloi të më shante. Unë në këtë kohë isha duke punuar me kazëm tek oborri i shtëpisë time dhe ai erdhi afër te porta, në një distancë një metër larg nga unë dhe me thoshte: ”…pse ma ngacmon mamin dhe vazhdonte të shante…”. Ndërsa unë i them:“…ik se e di unë çfar bej… dhe djali vijonte të më shante. Në këtë kohë, unë e kam qëlluar me kazëm qylyke, me pjesën e prapme të kazmës e cila është me kunjë hekuri në kokë, i cili menjëherë u rrëzua dhe mbasi u rrëzua në tokë unë e qëllova përsëri me kazëm në kokë, dhe fëmija nuk u ngrit më. Më pas i kam lidhur duart nga mbrapa, me një lidhje këpucësh. Mbasi e pash që fëmija kishte vdekur e kam kapur prej këmbë, e kam tërhequr zvarrë dhe e kam hedhur te një gropë, e cila ndodhet rreth 5-6 metra larg vendit ku e vrava. Brenda në oborrin e banesës time, pasi e afrova te gropa e cila mundet të ishte rreth 1 metër e thellë, e kam shtyrë fëmijën e vdekur me këmbë, duke e rrëzuar brenda saj. Më pas e kam mbuluar me dhe, duke gërrmuar me lopatë afër gropës dhe dheun që nxirja prej saj, ja hidhja fëmijës që ta mbuloja, të cilin e mbulova plotësisht. Mbasi mbarova, duke e mbuluar fëmijën qëndrova në shtëpi, në oborrin e shtëpisë time dhe nuk kam lëvizur fare prej saj. Kur kam vrarë djalin e Florës dhe e kam groposur brenda në oborrin e shtëpisë time, nuk më ka parë asnjë person dhe nuk i kam treguar asnjë personi për fëmijën që vrava dhe groposa në oborrin e banesës time…”.
Çalamani në dëshminë e tij ka treguar se kur e kishin pyetur prindërit e Mateos nëse e kishte parë djalin e tyre, ai i kishte gënjyer, madje në një rast kishte shfaqur interes vetë, duke pyetur të ëmën e Maetos, nëse e kishte gjetur djalin. Nisur nga e gjithë kjo situatë, policia dhe prokuroria e Fierit, kanë arrestuar menjëherë, Klodian Çalamanin, për akuzën e “Vrasjes në rrethana të tjera cilësuese ndaj të miturit”. Ndërsa sot paradite Çalamani,do dalë përpara gjykatës së Fierit, ku do njihet me masën e sigurisë “arrest në burg”, që ka kërkuar përfaqësuesi i prokurorisë.
*Shënim: Shkrimi i marrë nga profili i autorit në Facebook
Cila mendoni se është alternativa më e mirë:
Nga Luljeta Progni“Angje! Në t’u mbushtë mendja me u martu, e ke lejen teme, por mos me më harrue. Por amanet fëmijët. Të kam dasht me shpirt deri tash në...
TIRANË– Ndarja e Kosovës, e hedhur si zgjidhje 3 vjet më parë, nuk ka qenë një ide diplomatike por një lobim serb! Një debat që tronditi Europën, raj...
Nga Nikoll LesiDeri dje isha pro lëvizjes së Doktorit, pra Saliut, sepse pavarësisht nga se u nis ai, për demokratët apo për vete, “Foltorja” ishte një gjallëri...
TIRANË– Kryetari i Bashkisë Tiranë Erion Veliaj ka vendosur që të stampojë inicialet e tij në targat e makinës me të cilën lëviz. Bold News ka publik...
Nga ARTAN FUGAShihja me interes këto libraritë e rrugës në Tiranë. Quajini si të doni por mua më duken më të pasurat, ata që i mbajnë janë heronj vërtetë të kul...
Nga Muhamed Veliu Me një zë që i dridhej fort, përmes fjalëve që mezi i dilnin nga goja Rudolf Marku u shfaq në Opinion për të treguar dosjen e tij hapur nga is...
Axhenda anti-familje si kërcënim për të gjithëSulmi frontal që liberalët e majtë dhe përfaqësuesit e minoriteteve seksuale kanë ndërmarrë ndaj institucionit të ...
Erion Veliaj nuk lodhet duke gënjyer. Madje edhe për gjëra krejt të dukshme që janë në sytë e të gjithëve. Lapsi.al ka fotografuar këtë të dielë një nga “...
VORË- Pas shumë kohësh, Erjon Veliaj është shfaqur në pozicionin e liderit të PS, atë që, e lakmoi aq shumë përpara zgjedhjeve, sa i ra shumë në sy kryteta...
Sali Berisha e ka fshi perpara Partine Demokratike, s’ka qe e ndale. Nuk e di a eshte kjo nje gje e mire per kete parti dhe per demokracine shqiptare ne p...
