BotaPolitike

RAPORTI! KE ‘pozitive’ për integrimin e Shqipërisë dhe të Maqedonisë së Veriut, Borrell: Koha t’i ofrojmë rajonit perspektivë. Zaev: Gati për dialog me Bullgarinë

  • KE shtron faktorët që ndikojnë në integrimin e Shqipërisë dhe të Maqedonisë së Veriut në BE
  • Ishte Përfaqësuesi i Lartë i BE-së për Politikën e Jashtme dhe Sigurinë dhe Nënkryetari i Komisionit Evropian, Josep Borrell, i cili ka deklaruar i pari se situata në Ballkanin Perëndimor është një nga temat më të rëndësishme që do të diskutohej.Këshilli i Bashkimit Europian ka dalë me një document të plotë pas mbledhjes dhe ka sugjeruar vijimin sa më shpejt të procesit të pranimit të Shqipërisë dhe Maqedonisë së Veriut në Bashkimin Europian. Raportuesja për Kosovën në Parlamentin Evropian, Viola von Cramon është shprehur se hijet e nacionalizmit vazhdojnë që të pengojnë bashkëpunimin mes BE-së dhe Ballkanit Perëndimor.
    Featured image of article: RAPORTI! KE ‘pozitive’ për integrimin e Shqipërisë dhe të Maqedonisë së Veriut, Borrell: Koha t’i ofrojmë rajonit perspektivë. Zaev: Gati për dialog me Bullgarinë Komisioneri Oliver Varhelyi gjatë takimit me ministrat e Jashtëm dhe Viola von Cameron
    Përditësuar:

    BRUKSEL– Ministrat e jashtëm të vendeve anëtare të Bashkimit Evropian janë mbledhur sot në Bruksel për të diskutuar në lidhje me integrimin e vendeve të Ballkanit Perëndimor në BE. Ishte Përfaqësuesi i Lartë i BE-së për Politikën e Jashtme dhe Sigurinë dhe Nënkryetari i Komisionit Evropian, Josep Borrell, i cili ka deklaruar i pari se situata në Ballkanin Perëndimor është një nga temat më të rëndësishme që do të diskutohej.

    “Duam të kemi një pasqyrë të re të situatës në Ballkanin Perëndimor dhe të shohim se si mund të përfshihemi më shumë në rajon,”– tha Borrell.

    Borrel theksoi gjithashtu rëndësinë e Ballkanit Perëndimor për BE-në, duke shtuar se gjatë takimit do të diskutohen mënyrat “për t’i ofruar rajonit një perspektivë më të mirë dhe më të fortë evropiane”. Borrell njoftoi se do të diskutojë ndryshimet klimatike dhe bashkëpunimin me SHBA-së në këtë fushë, si dhe marrëdhëniet me Rusinë, situatën në Liban dhe shtyrjen e zgjedhjeve palestineze të planifikuara për 22 maj.

    Gjithashtu në këto mbledhje e takime pritej që të merrej një vendim për ndarjen e Shqipërisë nga Maqedonia e Veriut përsa i përket procedurave për integrimin në Bashkimin Europian. Maqedonia e Veriut vijon të ketë mosmarrëveshje me Bullgarinë për çështjet historike, dhe mund të cënojë Shqipërinë, por gjithsesi vendimi përfundimtar për negociatat i takon Këshillit Europian.

    Për më shumë bëhu pjesë e grupit më viral në Facebook, Dosja.al

    Pas takimit, kanë ardhur edhe reagimet nga të gjitha palët, përfshirë dhe komisionerët që kanë marrë pjesë në takim. Këshilli i Bashkimit Europian ka dalë me një document të plotë pas mbledhjes dhe ka sugjeruar vijimin sa më shpejt të procesit të pranimit të Shqipërisë dhe Maqedonisë së Veriut në Bashkimin Europian. Në raport theksohet se është thelbësore që negociatat e pranimit të fillojnë sa më shpejt të jetë e mundur dhe të shkojnë përpara, së bashku me ruajtjen e vrullit të reformave në të dy vendet. Komisioneri për Zgjerimin e Europës Oliver Varhelyi ka publikuar një foto pas takimit me ministrat e jashtëm të vendeve të BE-së. Në një status në rrjetet sociale, Varhelyi shkruan se në takim u konfirmua se perspektiva e rajonit në BE është e padiskutueshme dhe angazhimi për të rritur më tej angazhimin.

    Ndërsa raportuesja për Kosovën në Parlamentin Evropian, Viola von Cramon është shprehur se hijet e nacionalizmit vazhdojnë që të pengojnë bashkëpunimin mes BE-së dhe Ballkanit Perëndimor. Ajo ka shkruar se i kanë dërguar një letër kancelares gjermane në mënyrë që të përfshihen në përparimin për vendet e Ballkanit Perëndimor. Maqedonia e Veriut nuk do të diskutojë me Bullgarinë mbi gjuhën dhe identitetin maqedonas. Këtë e ka bërë të ditur, Kryeministri maqedonas, Zoran Zaev gjatë konferencës së përbashkët që mbajti me Presidenten e KE-së, Ursula von der Leyen, dhe komisionerin e BE-së për fqinjësi, Oliver Varhelyi, pas takimit në Bruksel. Ministri i Jashtëm kroat, Gordan Grlić Radman i bëri thirrje Bashkimit Evropian që të angazhohet më shumë politikisht dhe strategjikisht në Ballkanin Perëndimor.

    Ministrat e jashtëm të BE-së do të takohen përsëri të martën në formatin “Çështje të Përgjithshme”, kurse krerët e shteteve ose qeverive do të diskutojnë në qershor se si të integrojnë marrëdhëniet me Ballkanin Perëndimor në prioritetet strategjike të BE-së.

    (f.m/Dosja.al)

    • 17:41

      Ministri i Jashtëm kroat, Gordan Grlić Radman i bën thirrje BE-së të liberalizojë vizat më Kosovën

      Gordan Grlić Radman

      Ministri i Jashtëm kroat, Gordan Grlić Radman i bëri thirrje Bashkimit Evropian që të angazhohet më shumë politikisht dhe strategjikisht në Ballkanin Perëndimor. Sipas mediave të rajonit, para debatit të Këshillit të BE-së mbi Ballkanin Perëndimor, ai vuri në dukje se investimi në rajonin që është “më i afërti me BE-në” është në të njëjtën kohë investim në stabilitetin dhe sigurinë e Evropës. “Partnerët tanë në rajon duhet të punojnë në transformimin demokratik, të drejtat e njeriut dhe sundimin e ligjit. Ky është çelësi për rrugën e tyre në BE”,- tha Radman. Ai bëri thirrje për hapjen e bisedimeve të pranimit me Maqedoninë Veriore dhe Shqipërinë, si dhe liberalizimin e vizave për Kosovën. “Mali i Zi duhet të mbetet i përkushtuar në rrugën e BE-së dhe Serbia duhet të përqendrohet në reformat dhe kapërcimin e trashëgimisë së të kaluarës”,-  tha Grlić Radman.

    • 17:25

      Ursula von del Leyen pas takimit me Zaev: Maqedonia e Veriut ka mbështetjen tonë për hapjen e negociatave

      Zoran Zaev dhe Ursula von del Leyen

      Kryeministri maqedonas, Zoran Zaev ndodhet në Bruksel ku pas takimit me Presidenten e KE-së, Ursula von der Leyen, dhe komisionerin e BE-së për fqinjësi, Oliver Varhelyi kanë mbajtur një konferencë për shtyp. Pas konferencës së mbajtur, von der Leyen ka konfirmuar dhe njëherë se Maqedonia e Veriut ka bërë përparim të qëndrueshëm dhe BE-ja shpreson të ndihmojë me mbështetjen e projekteve kryesore në fushën e energjisë së gjelbër dhe transportit, përmes Planit Ekonomik dhe të Investimeve për Ballkanin Perëndimor. Në një postim në Twitter ajo konfirmoi gjithashtu mbështetjen e saj për hapjen e negociatave të pranimit me Maqedoninë e Veriut.

    • 17:22

      Zaev në Bruksel: Jemi të gatshëm me për dialog me Bullgarinë, por indetiteti jonë nuk është pjesë e negociatave

      Maqedonia e Veriut nuk do të diskutojë me Bullgarinë mbi gjuhën dhe identitetin maqedonas. Këtë e ka bërë të ditur, Kryeministri maqedonas, Zoran Zaev gjatë konferencës së përbashkët që mbajti me Presidenten e KE-së, Ursula von der Leyen, dhe komisionerin e BE-së për fqinjësi, Oliver Varhelyi.

      “Jemi të gatshëm për negociata, besojmë se na duhet edhe një përpjekje në periudhën që vjen, por duhet të dinë edhe kolegët në Bullgari dhe të gjithë në BE se identitetin tonë as nuk do ta bisedojmë e as negociojmë dhe se të gjitha përpjekjet që ai të vendoset në kornizën negociose do të refuzohen nga pala e Maqedonisë së Veriut”, tha Zoran Zaev

      Varhelyi nga ana tjetër u shpreh se KE-ja mirëpret çdo ide për zhbllokimin e negociatave mes dy vendeve, si dhe për anëtarësimin e Maqedonisë së Veriut në BE.

      “BE është e përkushtuar në Ballkanin Perëndimor. Sot, pas 2 vjet e gjysmë në Këshillin e Ministrave të Jashtëm të shteteve anëtare të BE-së zhvillohet debat strategjik për Ballkanin Perëndimor dhe zhbllokimi i rrugës evropiane të Maqedonisë së Veriut është prioritet numër 1. Brukseli po bën përpjekje maksimale dhe mbështet çdo ide për zgjidhje, me qëllim zhbllokimin e këtij procesi”, u shpreh Varhelyi, Komisioner i BE-së për Zgjerim.

      Ndërsa Von der Leyen u shpreh se KE-ja do të angazhohet shumë për të bërë të mundur fillimin e negociatave si për Shqipërinë dhe për Maqedoninë e Veriut në të njëjtën kohë.

      “KE-ja do të thellojë edhe më shumë angazhimin dhe përkushtimin thelbësor, sepse ky është proces shumë i rëndësishëm që nuk guxon ta shtyjë fillimin e negociatave për anëtarësim me Maqedoninë e Veriut. Angazhohem që dy shtetet, Maqedonia e Veriut dhe Shqipëria bashkërisht t’i fillojnë negociatat, pa shtyrje të mëtejshme,” theksoi Von der Leyen.

    • 17:14

      Mbledhja e ministrave të jashtëm, Varhelyi: Konfirmuar se perspektiva e rajonit në BE është e padiskutueshme, koha të nisim bisedimet e pranimit për Shqipërinë dhe Maqedoninë e Veriut

      Komisioneri Oliver Varhelyi gjatë takimit me ministrat e Jashtëm

      Komisioneri për Zgjerimin e Europës Oliver Varhelyi ka publikuar një foto pas takimit me ministrat e jashtëm të vendeve të BE-së. Në një status në rrjetet sociale, Varhelyi shkruan se në takim u konfimua se perspektiva e rajonit në BE është e padiskutueshme dhe angazhimi për të rritur më tej angazhimin. “Në Këshillin e Punëve të Jashtme për Komisionin Evropian sot ishte një diskutim i mirë për Ballkanin Perëndimor, duke konfirmuar se perspektiva e rajonit në BE është e padiskutueshme dhe angazhimi për të rritur më tej angazhimin. Nevoja për të filluar bisedimet e pranimit me Shqipërinë dhe Maqedoninë e Veriut dhe vazhdimin e dialogut  Beograd-Prishtinë,”- shkruan Varhelyi krah fotos.

    • 17:08

      Këshilli i BE: Është thelbësore të nisim sa më shpejt negociatat e pranimit për Shqipërinë dhe Maqedoninë e Veriut

       Këshilli i Bashkimit Europian ka sugjeruar vijimin sa më shpejt të procesit të pranimit të Shqipërisë dhe Maqedonisë së Veriut në Bashkimin Europian. Në një dokument pas takimit të ministrave të jashtëm të vendeve anëtarë të BE-së, thekson se është thelbësore që negociatat e pranimit të fillojnë sa më shpejt të jetë e mundur dhe të shkojnë përpara, së bashku me ruajtjen e vrullit të reformave në të dy vendet. “Për Shqipërinë dhe Maqedoninë e Veriut, vetë procesi i pranimit në BE ka dhënë nxitjen më të fortë për reformat dhe si të tilla, më shumë demokraci, stabilitet dhe prosperitet për popullatat përkatëse. Tani është thelbësore që negociatat e pranimit të fillojnë sa më shpejt të jetë e mundur dhe të shkojnë përpara, së bashku me ruajtjen e vrullit të reformave në të dy vendet,”- thuhet ndër të tjera në dokument. 

    • 16:48

      Cramon: Hijet e nacionalizmit po pengojnë bashkëpunimin me Ballkanin Perëndimor

      Raportuesja për Kosovën në Parlamentin Evropian, Viola von Cramon është shprehur se hijet e nacionalizmit vazhdojnë që të pengojnë bashkëpunimin mes BE-së dhe Ballkanit Perëndimor. Ajo ka shkruar se i kanë dërguar një letër kancelarës gjermane në mënyrë që të përfshihen në përparimin për vendet e Ballkanit Perëndimor.

      “Sot Këshilli i Punëve të Jashtme i BE-së diskuton për Ballkanin Perëndimor. Hijet e nacionalizimit vazhdojnë ta pengojnë bashkëpunimin, nuk mund të ecim përpara pa pajtim, drejtësi dhe respekt të ndërsjellë. Ne i kemi dërguar letër kancelares gjermane Angela Merkel nga Parlamenti Evropian dhe Bundestagu për t’u siguruar që Procesi i Berlinit të përfshijë pajtimin dhe synim të ketë përparimin e vërtetë,” shkroi Von Cameron.

    Shto Koment