Tronditet Elbasani/ Një person qëllon drejt një lokali, plagosen tre persona. Autori largohet menjëherë nga vendngjarja (EMRAT)
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Plagosja me armë zjarri në Elbasan/ Sherri mes adoleshentëve nisi në një lokal 20 Korrik, 21:14 ...
Dita e 51-të e protestës/ Nis organizimi i protestuesve në sheshin “Skënderbej”: Rama jepe dorëheqjen! 20 ...
"Më shiko në sy Sali"/ Çaushi- Berishës: Dezinformove për reformën dhe për shtëpinë time 20 Korr...
Berisha: Ja tre zyrtarët që kanë qenë në Aruba, SPAK fsheh emrat e tyre sepse është seksion i Partisë So...
TIRANË– Dosja.al sjell dëshmitë e plota të dy efektivëve të Policisë që ishin në shërbim mbrëmjen e 8 dhjetorit, në Laprakë, aty ku u ekzekutua nga njëri prej tyre, 25-vjeçari, Klodian Rasha. Nevaldo Hadëraj, 31 vjeç, akuzohet për vrasje në kapërcim të mbrojtjes së nevojshme, ndërsa prokuroria pret të marrë në dorë 7 kamera sigurie të bizneseve pranë vendngjarjes, me shpresën e zbardhjes së plotë të ngjarjes.
Por çfarë ndodhi më 8 dhjetor 2020, që prej momentit kur dy policët panë Klodian Rashën? Efektivi E.Gj., thotë se asnjëri prej tyre nuk kishte kamera trupi. Ata kanë nisur patrullimin pranë “Al Gusto”(lokal në rrugën Dritan Hoxha), dhe kanë ndaluar një mjet për ta kontrolluar. “Në këtë moment kolegu Nevaldo pa një person të mbështetur në objektin rrethues pranë hotel D. dhe është drejtuar drejt këtij personi normalisht. Në momentin që ka parë lëvizjet e kolegut, personi i veshur me tuta dhe xhup të zi ka lëvizur në trotuar duke u drejtuar për nga Zogu i Zi. Kolegu i bëri thirrje duke i thënë o djali ndalo pak. Kolegu bëri thirrje “armë” dhe unë në këtë moment kam njoftuar sallën operative”.-thotë E.Gj.
Më tej, polici i Shqiponjave, tashmë i kthyer në dëshmitar okular, thotë se Klodian Rasha i ka sharë dhe kërcënuar.
“Duke parë këtë lëvizje kam mbyllur makinën dhe kam vrapuar drejt tij dhe i kam dalë para pranë lokal Oslo. Gjatë ndjekjes kur ndodheshim pranë lokal Virxhiniaky personi më ka folur duke më thënë… largohu se të vrava… do të q. robt’ dhe në këtë moment kam dëgjuar një zhurmë si mbushje arme, por duke qenë errësirë nuk i kam parë sendet në dorën e tij. Në këtë moment kam mbushur armën dhe i kam bërë thirrje “ndal policia, mos bëj asnjë lëvizje ndalo se do qëlloj, por ai nuk i është bindur urdhrit”.-vazhdon ai.
Sipas policit, 25-vjeçari sërish është larguar dhe ka vazhduar vrapin. “Në afërsi të dyqanin Pit Stop pashë kolegun Nevaldon që po vraponte dhe u përplas fizikisht me këtë person. Gjatë përleshjes së tyre unë kam qenë rreth 100 metra larg. Përplasja e tyre ndodhi në pak sekonda dhe në një moment kam parë kolegun të shtrirë për tokë dhe në këtë moment kam dëgjuar dy të shtëna arme. Jam afruar tek kolegu e pyeta a ndjehej mirë, e ndihmova të ngrihej dhe së bashku u afruam tek personi, i cili ishte shtrirë dhe rënkonte. Për shkak të errësirës nuk kishte shenja gjaku dhe dyshuam se mos ishte rrëzuar dhe kishte përplasur kokën. Ambulanca me personin e dëmtuar u nisën drejt spitalit të traumës, ndërsa unë me kolegun me urdhër të eprorëve erdhëm në Drejtorinë Vendore”, rrëfen E.Gj.
Ndërkohë që në dëshminë e Nevaldo Hadërajt, pretendohet se djali kishte armë dhe i ka thënë se do e vriste. “Duke qenë se ai nuk e ndalte vrapin, unë gjatë ndjekjes vura re që ai shtetas diçka nxori nga brezi dhe po e mbante në dorë dhe duke vrapuar më lëshoi kërcënim… mos u afro se do të qëlloj. Ai u kthye dhe me dorën me sendin e dyshuar si armë në drejtimin tim. Në atë çast jam rrëzuar përtokë dhe ashtu i shtrirë bëra qitje në drejtim të këmbëve të këtij shtetasi duke pasur frikën se mos më qëllonte. Pastaj jam ngritur në këmbë dhe ai u tremb dhe u nis drejt një kthese dhe në errësirë, eca pak përpara dhe bëra qitjen e dytë pra ende pa u futur shtetasi në kthesë. Kur iu afrova e dëgjova që rënkonte, dhe e pyeta a kishte marrë ndonjë plumb, por ai nuk mu përgjigj dhe kështu njoftova ambulancën”-thotë ai.
Ngjarja e rëndë ndodhi tri ditë më parë në Laprakë, kur efektivi qëlloi dy herë me armën e shërbimit të riun, pasi nuk pranoi të ndalonte kur i bëri thirrje. Klodian Rasha u qëllua në kokë dhe në shpinë sipas ekspertizës paraprake dhe ka ndërruar jetë në vendngjarje. SHCBA e akuzon atë për vrasje në rrethanat e tejkalimit të mbrojtjes së nevojshme.
Vrasja ka hapur një valë zemërimi dhe inati ndaj qeverisë, ku pas presionit nga protestat masive ministri i Brendshëm Sandër Lleshaj dha dorëheqjen. Qindra të rinj, të palidhur me asnjë parti politike, kërkojnë edhe sot largimin e drejtorit të Përgjithshëm të Policisë, Ardi Veliu ndërsa nuk munguan as përplasjet me efektivët që ishin lënë në terren për të menaxhuar mbarëvajtjen e protestës.
(F.g/dosja.al)
1 vit nga zgjedhjet e 25 prillit si e shikoni gjendjen e vendit:
TIRANË– Policia e Shtetit ka dhënë njoftimin zyrtar lidhur me protestën e djeshme, duke njoftuar se janë arrestuar 59 persona dhe janë nën hetim në gjendje...
TIRANË– Reperi Stresi ishte në një lidhje telefonike me ‘Abcneës’ aty ku u shpreh se i qëndron deklaratës që bëri në rrjetet sociale se Ardi Veliu do duhet...
GREQI– Një protestë është paralajmëruar se do të mbahet jashtë Ambasadës Shqiptare në Athinë për vrasjen e 25-vjeçarit, Klodian Rasha nga efektivi i Poli...
TIRANE- Efektivi E.Gj., i cili ishte bashkë me Nevaldo Hadërajn në momentin e vrasjes së të riut Klodian Rasha, ka rrëfyer në gjykatë, se 25-vjeçari i ka...
TIRANË– KQZ do të mblidhet ditën e sotme në orën 17:30 për të miratuar projektatin për numrin e mandateve për çdo zonë zgjedhore për zgjedhjet e 25 ...
TIRANË– Efektivi i “Shqiponjave”, Nevaldo Hadëraj, i cili qëlloi për vdekje me armë zjarri dhe i mori jetën 25-vjeçarit, Klodian Rasha ka dalë sot ...
TIRANË– Gazetari Xhoi Malësia, i cili u shoqërua mbrëmjen e djeshme në komisariatin numër 2 në Tiranë teksa ishte në protestën që po zhvillohet për vdekjen...
TIRANË– Komisioni i Pavarur i Kualifikimit ka konfirmuar në detyrë gjyqtarin e Vlorës Sokol Ngresi, i cili është edhe kandidat për në Gjykatën e Lart...
TIRANË– Marjo Boja, i riu që u përplas me Forcat e Ndërhyrjes së Shpejtë ka folur për herë të parë pas plagëve të marra në kokë dhe në vesh. Në një prononc...
