Abuizimi me fondet në Durrës, zbardhen dëshmitë/ Elisabeta Mataj: Jam qytetare e lirë, kush ma ndalon kazinonë...
Falja e pronave publike në Dhërmi e Palasë/ Berisha: PD nuk do i njohë kurrë këto vendime të Ramës 18 K...
Atentati në Sarandë/ Si u organizua sulmi ndaj 50-vjeçarit, dyshimet për arratisjen me skaf 18 Korrik, 10:00 ...
Atentati në Sarandë/ Kush është Thimjo Rubati i plagosuri i cili rezulton me precedent të shumtë kriminal 17...
Nëse do ta quante vend krimi zyrën që përdori Berisha me Komisionin e Rithemelimit, nuk do të ftonte ambasadorët, por prokurorinë. Po meqenëse ambasadorët vrapuan të vizitojnë PD-në, mund edhe të tregojnë arsyen. Në mos ata, Lulzim Basha, duhet të thotë përse ambasadorët e vendeve më të mëdha perëndimore shkuan për herë të parë bashkë në PD.
Cila ishte kjo ngjarje e rëndësishme që i mblodhi, kur nuk e bënë të njëjtën gjë në kohën që PD denonconte krimin zgjedhor, masakrën elektorale? Ata që nuk shkuan te opozita, kur u vodh nga qeveria, për cfarë kanë shkuar sot? Kanë shkuar për ta shpëtuar nga Berisha. Mesazhi është i qartë: Kundër Berishës e ndihmojnë, kundër Ramës jo. Si opozitë e mbështesin, mjafton të mos prekë Edi Ramën. Madje po të ekzekutojë pa gjyq ata që nuk pëlqehen nga ambasadat, PD mund të hajë edhe më shumë se bar. (Fjala bar nuk ka parasyh atë që pihet, se ai është tabu për ambasadorët. Ai mund të mbillet në 2021, pothuajse sa në 2016, por fajin e ka Saliu).
Kështu Lulzim Basha, po ofron “demokracinë e Ambasadorëve”, që kupton një mandat për të shkatërruar procesin demokratik. Po bën atë që bëri Edi Rama në 25 prill, pasi siguroi licencën ndërkombëtare për të masakruar zgjedhjet kombëtare. Do ishte naive të mendohej se mjeshtri i koncesioneve, nuk do ta gjente koncesionin e duhur për të siguruar mbështetjen ndërkombëtare, në masakrimin e demokracisë. Në 25 prill SHBA e para dhe BE më pas, e pranuan shkatërrimin e zgjedhjeve, përshëndetën Ramën ende pa mbaruar procesi i numërimit, lerë pastaj ankimimet dhe rinumërimet që mund të ndryshonin rezultatin. Përpara zgjedhjeve pranuan që Edi Rama të prishte marrëveshjen për të cilën ata u dolën garant jo vetëm partive të opozitës, por gjithë shqiptarëve që duan të votojnë të lirë.
Fajësimi që iu bë nga opozita, media dhe shoqëria për licencimin e regjimit, nuk ka sjellë asnjë reflektim. Në mes të një procesi, kur pritet një referendum dhe një Kuvend në 18 dhjetor, ambasadorët shkojnë për të licencuar një kryetar. A është apo jo Basha kryetari i ligjshëm, do ta vendosë përfundimi i procesit, por për ambasadorët nuk ka rëndësi demorkacia. Ata tashmë e kanë marrë vendimin e mbështetjes së atyre që duan, atyre që u binden dhe u japin stabilitetin që kërkojnë.
Ikja e Berishës duhet të kishte ndodhur në qershor 2013, kur 1 milion shqiptarë votuan kundër tij, kur tentativa e tij për një regjim politiko-ekonomik mori goditje të qartë, kur Drejtësia shpëtoi nga presioni për hetimin e pavarur të Gërdecit dhe 21-janarit, kur ata që bënin grevë urie me slloganin “hap kutitë ose largohu” erdhën në pushtet. Ikja e Berishës, duhet të kishte ndodhur në korrik 2013, kur dy kandidatë të rinj kërkonin ta pasonin, por asnjeri nuk doli kundër qeverisjes së tij, kundër drejtimit që i bëri partisë. Të dy kërkuan vota duke pretenduar se kishin mbështetjen e Berishës.
Berisha duhet të kishte ikur në 25 qershor 2017, në 25 prill 2021, por nuk iku, sepse kryetari i PD-së e mbajti për ta përdorur mbështetjen e tij kundër rivalëve dhe kundërshtarëve në parti. Ai duhet të ikë sot, duhet të kishte ikur në 19 maj. Kur u shpall non grata nga SHBA, duhet të kishte dhënë dorëheqjen për të ndjekur çështjen privatisht.
Nga qershori 2013, çdo orë e Berishës në politikë ka qenë e tepërt, e pajustifikuar, por ai nuk iku. Ai duhej hequr dhe duhet hequr, por jo pa votë, jo me metodën Berishiste të pezullimit apo përjashtimit si vendim personal i kryetarit, apo si një marrëveshje okulte me këdo qeveri të një vendi tjetër. Marrëveshjet okulte dhe aktet antidemorkatike që janë toleruar më parë, kanë sjellë vetëm qeverisje të këqija dhe të korruptuara, pavarësisht se të mbështetura nga ambasadorët apo qeveritë. Nëse kontrolli i shoqërisë ndaj politikanëve dorëzohet pas ndërhyrjes së ambasadorëve apo qeverive të huaja, qeverisja e keqe është e pashmangshme dhe për këtë na shërben historia 30- vjeçare, përveç diktaturës. Ata që justifikojnë mbështetjen për vendimet antidemokratike, me imazhin e Berishës, i shërbejnë, me ose pa dashje, diktaturës së tashme ose të ardhme. Njësoj si ata që kërkojnë ekzekutimin pa gjyq të një të dyshuari, duke e shndërruar Drejtësinë në vetëgjyqësi.
Të mbrosh aksionin demokratik të mbledhjes së Kuvendit nga delegatët, të mos pranosh vendimmarrjen personale të një personi për fatin e një partie dhe më pas të gjithë shoqërisë që kërkon opozitë të fortë, të kërkosh që një shumicë e qartë të mos injorohet me hile proceduriale dhe as me vizita ambasadorësh, nuk është të mbrojtje për Berishën, nuk është mbrojtje për një person, por është mbrojtje e asaj pak demokracie që ende po kërkon hapësirë. Berisha nuk është garant i demokracisë, por halli i tij personal ka krijuar mundësinë që zëri i njerëzve të ketë forcë. Nëse kjo forcë injorohet me procedura dhe asgjësohet me ambasadorë, regjimi do instalohet lehtësisht duke zhdukur çdo hapërsirë demokratike.
Cila mendoni se është alternativa më e mirë:
Nga Enton ABILEKAJKur “revolucioni paqësor” i Sali Berishës po derdhej si lumë i dalë nga shtrati në selinë e Partisë Demokratike, u duk se përplasja ishte e pa...
Nga Arlind QoriSali Berisha nuk vdiska kurrë. Për herë të parë emrin e tij e kam dëgjuar kur isha 9 vjeç, dikur nga janar-shkurti i 1991, kur një fqinj u...
Çdo njeri ndez një dritë të vetën e cila shpalos përpara të tjerëve fuqinë dhe forcën individuale të tij. Mënyra e vetme për ta ndezur atë është nëpërmje...
NGA Enton ABILEKAJPërplasja e Kuvendeve nuk u shmang. Nesër në orën 10.00, Sali Berisha dhe mbështetësit e tij do të mblidhen për të rimarrë Partinë Demokratike...
TIRANË– Në vitin 2020, bota e gjeti veten krejtësisht të transformuar dhe normaliteti i vjetër u zhduk për t’i hapur rrugë një realiteti komplet ndry...
Nga Dosja.al“Presidenti i Republikës, është në krah të qytetarëve shqiptarë, të cilët e dinë më së miri të vërtetën e 30 qershorit 2019; është në krah të marrje...
Nga Stavros Tzimas“Kathimerini”“Me deklaratat e tij të fundit, ku ai e përcakton bashkimin e Shqipërisë me Kosovën në Shqipërinë e Madhe si synimin kryesor të k...
Nga Janelle Clausen &Leon Hartwell“Center for European Policy Analysis”Nuk është asnjëherë një lajm i mirë, kur një parti politike me një histori të gjatë t...
Nga Meri LikaGiovanni Sartori, një studiues italian në fushën e shkencave politike, ka analizuar në librat e tij sjelljet e zakonshme të atyre partive politike,...
Nga Enton ABILEKAJAlbin Kurti veshi një buzëqeshje të sikletshme, kur homologu i tij e prezantoi me pronarin e “Fish City”, vend i njohur tashmë si ...
