Rajoni

Cikloni mesdhetar godet Greqinë/ Grekët përjetojnë një natë tmerri, deri më tani dy viktima, mes tyre 63-vjeçari shqiptar

VIDEO
Grekët përjetojnë një natë tmerri. Erërat e forta dhe shirat e furishëm kanë pushtuar tokën helene. Deri më tani dy persona kanë humbur jetën, ndërkohë dy të tjerë janë të zhdukur. Mes viktimave është edhe një 63-vjeçar shqiptar.
Featured image of article: Cikloni mesdhetar godet Greqinë/ Grekët përjetojnë një natë tmerri, deri më tani dy viktima, mes tyre 63-vjeçari shqiptar Foto nga përmbytjet

GREQI- Mijëra banorë të Greqisë kanë kaluar një natë tmerri, pasi cikloni “Cassilda”  ka goditur vendin e tyre. Sipas medieve greke, cikloni ka goditur ishujt në detit Jon, Peloponezin Perëndimor, Thesalia-n dhe Karditsa-n dhe ka shkaktuar edhe 2 viktimat e para.

Viktima e parë është një i  moshuar në fshatin Farsala, afër Larisës, ndërsa viktima e dytë është një 63-vjeçar shqiptar në Karditsa. Ndërkohë 2 persona të tjerë janë zhdukur në këtë zonë.  Këta të fundit janë një burrë dhe një grua, të janë rrëmbyer nga shirat e furishëm. Po kështu, 3 punëtorë qëndruan 10 orë mbi pemë në Almiro, pasi makina u rrëmbye nga ujërat e furishme. Sakaq, mijëra banesa dhe biznese janë nën ujë dhe dëmet materiale nuk janë të pakta.

Për më shumë bëhu pjesë e grupit më viral në Facebook, Dosja.al
Sakaq, sot parashikohet që stuhia e fortë do të godasë me të njëjtën fuqi Jugun e Gadishullit të Peloponezit, në Greqinë Qendrore (Sterea) dhe në Kretën perëndimore. Gjatë orëve në vijim, parashihet që të ketë reshje të furishme dhe erëra të fuqishme në zonat lindore dhe jugore të Greqisë tokësore, në jug të detit Jon, në veri të ishullit Evia, ishujt verior dhe perëndimor të kompleksit Cyklades, Chania në Kretë dhe ishujt e Egjeut.

J.V/Dosja.al

  • 12:29

     Foto dhe video tronditëse/ Qyteti Mouzaki, një nga më të goditurit nga cikloni “ Cassilda”, një grua është ende e zhdukur

    GREQI-Karditsa është një nga zonat më të goditura nga cikloni mesdhetar “Cassilda”. Dëmet që ka sjellë stuhia janë katastrofike, ku kanë humbur jetën dhe dy persona, njëri prej tyre ishte një fermer shqiptar, 43 vjeç.

    Ndërkohë vazhdojnë hetimet për gruan 40-vjeçare, e cila u tërhoq nga stuhia bashkë me makinën e saj në lumin Pamisos, në qytetin Mouzaki.
    Në videon e publikuar nga mediat greke, tregohen pamjet tronditëse të qytet të Mouzaki, i cili është një nga qytet më të goditur nga stuhia.

    Në qytetin e Mouzaki, një pjesë e madhe e unazës përgjatë lumit Pamisos është shembur, duke shkatërruar një pjesë të Qendrës Shëndetësore në Mouzaki. Situata, vazhdon të mbetet kritike, ndërsa frika rritet me vërshimin e lumenjve dhe përrenjve.

    Për më shumë ndiqni pamjet.

  • 10:37

    E mori me vete rrjedha e ujit, humb jetën 63-vjeçari shqiptar në Greqi

    Foto ilustruese

    Një 63-vjeçar shqiptar ka humbur jetën në Greqi, pasi u “rrëmbye” nga ujërat e furishme që ka shkaktuar cikloni. Mësohet se ngjarja e rëndë ka ndodhur në Karditsa të Greqisë. 63-vjeçari punonte si fermer në këtë zonë.

    Deri më tani numri total i viktimave në këtë shtet ka shkuar në 2, ndërkohë janë zhdukur edhe 2 persona të tjerë.

  • 9:07

    Pamje apokaliptike/ Qytete nën ujë dhe ura të shkatërruara, ja çfarë po ndodh në Greqi

    Pamje apokaliptike na vijnë nga Greqia, pasi ky shtet është goditur nga cikloni mesdhetar “Cassilda”. Qytete në ujë, banesa të shkatërruara, ura të prishura, këto janë pamjet që na vijnë nga shteti fqinj.

    Siç shihet edhe në pamjet e mëposhtme, mijëra qytetarë janë izoluar në banesat e tyre, ndërkohë që vijojnë erërat e forta dhe shirat e furishëm. Në shumë zona nuk ka as energji elektrike.

Shto Koment